Morgunblaðið - 16.09.1994, Blaðsíða 15
MORGUNBLAÐIÐ
FÖSTUDAGUR 16. SEPTEMBER 1994 15
ERLENT
Brotlending Boeing 737-300 þotu USAir í Pittsburgh
Bilun í knývendi ekki
lengur talin orsök
Pittsburgh. Reuter.
SÉRFRÆÐINGAR öryggisstofn-
unar bandarískra samgöngumála
(NTSB) eru orðnir fráhverfir fyrri
kenningu sinni um að bilun í kný-
vendi hafi valdið því að Boeing
737-300 þota bandaríska flugfé-
lagsins USAir fórst í aðflugi að
alþjóðaflugvellinum í Pittsburgh
fyrir viku.
„Við höfum fundið nýjar vís-
bendingar í braki þotunnar sem
styðja ekki lengur þessa kenn-
ingu,“ sagði Michael Benson, tals-
maður NTSB. Hann sagði að rann-
sókn slyssins væri flókin vegna
aðstæðna. Brakið hefði að mestu
verið flutt í flugskýli og vonast
væri til að raunverulegar orsakir
kæmu í ljós þegar því hefði verið
raðað saman til frekari rannsókn-
ar.
Benson sagði að hlutar úr brak-
inu, sem fundist hefðu á þriðjudag,
bentu til þess að knývendar hægri
hreyfíls þotunnar hefðu ekki farið
í gang á flugi eins og í fyrstu var
talið. Sömuleiðis þætti nú fullvíst
að festingar, sem halda hreyflinum
undir vængnum, hefðu ekki brost-
ið. Um tíma var álitið að vendik-
nýr, öfug verkan hægri hreyfíls,
hefði valdið því að þotan varð
stjómlaus í 6.000 feta hæð og
steyptst í jörðina.
„Við höfum í sjálfu sér ekki úti-
lokað neina hugsanlega orsaka-
þætti ennþá. Það eru þó stöðugt
settar fram nýjar tilgátur og leitað
að vísbendingum til að kanna gildi
þeirra," sagði Benson.
Stjórnendur USAir hafa ákveðið
að reyna kaupa skóglendið þar sem
þotan hrapaði til þess að reisa þar
minnisvarða um fórnarlömb slyss-
ins.
Reuter
Bílabann í Aþenu
ÖLL umferð einkabíla um miðborg Aþenu var bönnuð í
gær vegna gífurlegrar mengunar, sem var langt yfir hættu-
mörkum. Liggur mengunarskýið eins og teppi yfir borg-
inni og miklir hitar gera ástandið enn alvarlegra. Hér
hefur lögreglan stöðvað ungan mann, sem sinnti ekki bann-
inu, og er að skrifa sektarmiðann.
Danskir íhaldsmenn freista kjósenda jafnaðarmanna
Vara við rauðri framtíð
fyrir áhrif sósíalista
Kaupmannahöfn. Morgunblaðid.
Uffe ved «fu» hvordu har...
KOSNINGABARÁTTAN í Danmörku birtist í ýmsum myndum.
Hér getur að líta póstkort sem Venstre, flokkur Uffe Ellemanns
Jensens gefur út. Þar stendur: Þú veist hvar þú hefur Uffe.
YSTU flokkamir í danska flokks-
skalanum era notaðir á báða bóga
til að hræða kjósendur fyrir þing-
kosningarnar í næstu viku. Jafnað-
armenn hafa um hríð hrætt kjósend-
ur í miðjunni til að veita sér stuðn-
ing til að hindra að Framfaraflokk-
urinn komist til valda í gegnum
stjórnarsamstarf með íhalds- og
Vinstriflokknum. Nú hafa báðir síð-
astnefndu flokkamir svarið af sér
slíkar áætlanir og Hans Engell for-
maður íhaldsflokksins auk þess var-
að kjósendur við að Jafnaðarflokkur-
inn muni leita eftir stuðningi Sósíal-
íska þjóðarflokksins við stjórnar-
myndun.
Jafnaðarmenn með Poul Nyrap
Rasmussen forsætisráðherra í far-
arbroddi hafa verið óþreytandi við
að vara við áhrifum Framfaraflokks-
ins í samstarfi við borgaraflokkana
tvo, íhalds- og Vinstriflokkinn, þar
sem miðjuflokkamir, Kristilegi þjóð-
arflokkurinn, mið-demókratar og
Róttæki vinstriflokkurinn muni
áfram kjósa stjómarsamstarf við
jafnaðarmenn. Þar með geti borg-
araflokkarnir ekki leitað til mið-
flokkanna þriggja um stjórnarsam-
starf eins og áður í tíu ára borgar-
legri stjórn, en verði að leita til
Framfaraflokksins. Róttæki vinstri-
flokkurinn hefur svarið af sér allar
hugleiðingar um samstarf við borg-
araflokkana, meðan kristilegir og
mið-demókratar eru ekki alveg eins
afdráttarlausir.
Hafnar Framfaraflokki
Hans Engell hefur nú svarað þess-
um bollaleggingum hreint út og seg-
ir að Framfaraflokkurinn muni ekki
komast til neinna áhrifa í borgara-
legri stjóm. í þeim málaflokkum,
þar sem flokkarnir þrír séu sam-
mála, svo sem í skatta- og atvinnu-
málum, geti íhalds- og Vinstriflokk-
urinn leitað stuðnings Framfara-
flokksins, en ekki komi til greina
að mynda stjórn þessara þriggja
flokka. Efst á blaði sé stjórnarmynd-
un borgaraflokkanna tveggja.
Poul Nyrap Rasmussen hefur alla
tíð vísað samstarfí við sósíalista á
bug, en Engell hrósar honum fyrir
að hafa náð undir sig öllum flokkum,
allt frá sósíalistum til mið-demó-
krata. Jafnframt bendir hann kjós-
endum á að vegna þess að kristilegi
flokkurinn og mið-demókratar eigi
á hættu að detta út af þingi, muni
jafnaðarmenn neyðast til að leita til
Sósíalíska þjóðarflokksins. Þar sem
Nyrup hefur sniðgengið þá hingað
til, séu sósíalistar orðnir langeygðir
í stjórnmálaáhrif og muni ekki láta
sér nægja að veita stjórn jafnaðar-
manna stuðning, án verulegra
áhrifa. Framundan sé því rauða
hættan í dönskum stjórnmálum, með
ófyrirsjáanlegum áhrifum á danskt
efnahagslíf.
Harður endasprettur
Með þessum orðum er Engell tví-
mælalaust að höfða til mögulegra
kjósenda jafnaðarmanna, þar sem
þeir spanna mjög breytt bil í Dan-
mörku. Þar sem bilið milli stjórnar-
flokkanna og borgaraflokkanna hef-
ur farið minnkandi má búast við
hörðum endaspretti á báða bóga.
Einangra arfbera brjósta-
og eggjastokkskrabbameina
Washington. Thc Daily Telegraph, Rcuter.
BANDARÍSKIR vísindamenn segj-
ast hafa einangrað einn af arfber-
unum, sem valda ákveðnum tegund-
um krabbameins í bijóstum og
eggjastokkum. Er vonast til, að það
geti leitt til betri meðferðar og
stundum komið í veg fyrir sjúkdóm-
inn, sem oft er banvænn.
„Þessi árangur mun veralega
auka skilning okkar á þessum flókna
sjúkdómi," sagði Carl Barrett, einn
vísindamannanna, en hann og aðrir
lögðu áherslu á, að enn ætti eftir
að þróa aðferðir til að fínna hvort
t.iltekin kona sé með arfberann.
Dr. Harold Varmus, forstöðumað-
ur bandarísku heilsufræðistofnunar-
innar, sagði á blaðamannafundi, að
krabbamein í brjóstum og eggja-
stokkum væri ákaflega flókinn sjúk-
dómur, sem líklega mætti rekja til
nokkurra ólíkra umhverfís- cg
erfðafræðilegra þátta.
Ein af hveijum 20 konum fær
bijóstakrabbamein. Á milli fimm og
tíu prósenta tilfellanna era af erfða-
fræðilegum ástæðum. Vonast er til,
að brátt finnist aðferðir til að greina
hættulegu arfberana og í framhaldi
af því hvað konur, sem þá hafa,
eigi að forðast sérstaklega, til dæm-
is reykingar. Seinna gæti komið til
svokölluð arfberameðferð en þá yrði
komið fyrir arfberum til að leiðrétta
gallaða arfberann.
Arfberinn, sem nú um ræðir,
BRCAl, var raunar uppgötvaður
1990 en það er fyrst nú, sem tekist
hefur að staðsetja hann á ákveðnum
litningi. Honum og öðram arfbera,
BRCA2, virðast hætt við stökk-
breytingu og þá aukast um leið lík-
umar á þeir valdi krabbameini.
Þjóðargjaldþrot
vofði yfir Finnum
Helsinki. MorgunblaOiö.
FYRIR tæpum tveimur áram, síðla
hausts 1992, stóðu Finnar á barmi
þjóðargjaldþrots. Þessar upplýsingar
birtast í fyrri hluta endurminninga
Maunos Koivistos, fyrram Finnlands-
forseta. Iiro Viinanen fjármálaráð-
herra viðurkenndi í viðtali við fínnska
ríkisútvarpið á þriðjudag, að æðstu
embættismenn fj ármálaráðuneytis-
ins og Finnlandsbanka hefðu verið
farnir að undirbúa neyðarráðstafanir
undir forystu forseta.
Ef til þessa hefði komið, hefði lík-
lega verið sett á laggimar utanþings-
stjórn þar sem ráðherrar hefðu verið
valdir úr hópi æðstu manna Finn-
iandsbanka. Efnahagsmálunum, ut-
anríkisviðskiptum og fleiru hefði þá
verið stjómað með harðri hendi. Árið
áður, eða 1991, hafði erlend skulda-
söfnun ríkisins farið algerlega úr
böndunum og á sama tíma var gengi
finnska marksins fellt um þriðjung
miðað við erlenda gjaldmiðla.
Haustið 1992 hófu forsetinn, fjár-
málaráðherra og æðstu menn Finn-
landsbanka og fjármálaráðuneytisins
að undirbúa aðgerðir þar sem hætta
þótti á, að erlendir lánardrottnar lok-
uðu fyrir peningastreymi til lands-
ins.
Ráðstafanirnar fyrirhuguðu líkt-
ust einna helst stjórnarháttum á
stríðstímum. Róttækur niðurskurður
ríkisútgjalda hefði verið meðal fyrstu
aðgerða. Þar að auki hefði komið
aðhald í innflutningi og frysting allra
launa. Að sögn Tiros Viinanens fjár-
málaráðherra hefði þetta valdið dæ-
malausum afturkippi í fínnsku efna-
hagslífi enda væru allir fegnir því
að til aðgerðanna var aldrei gripið.
IMEDEEN
Fró örófi aida hefur
maðurinn leitað ieiða
til að sporna við
öldrun húðarinnar
IMEDEEN
húðarinnar innan frá.
IMEDEEN er bætiefni sem
byggir upp og endurnýjar
húðina auk þess að sporna
við hrukkumyndun.
IMEDEEN inniheldur nátt-
úrulegt prótein úr sjávar-
ríkinu og önnur mikilvæg
uppbyggingarefni sem eru
undirstaða endurnýjunar og
rakamyndunar húðarinnar.
j úð okkar er eitt
mikilvægasta líf-
færi líkamans.
Eftir því sem við eldumst
verður húð okkar þynnri og
þurrari.
Nú hafa vísindamenn
þróað náttúrulegt bætiefni
sem vinnur gegn öldrun
iGÍIsuhúsiö
Skólavörðustíg 4, simi 22966, Kringlan.'sími 689266