Morgunblaðið - 16.09.1994, Blaðsíða 20
20 FÖSTUDAGUR 16. SEPTEMBER 1994
MORGUNBLAÐIÐ
FJÖLMENNI í TUNGNARÉTTUM
Mo'rgunblaðið/Sigurður Sigmundsson
VEL gekk að reka safnið til réttar. Sumar ærnar voru reyndar orðnar þreyttar eftir langa göngu. Þreytan sást hins vegar ekki á leitarmönnum.
Sauðfé
kemur vænt
affjalli
RÉTTIR vekja alltaf jafnmikla forvitni þó að sauðfénu fækki ár
frá ári. í þessari og næstu viku er réttað í öllum stærstu réttum
landsins. Fé virðist almennt koma vænt af fjalli eða svipað og í
fyrra en þá sló vænleiki sauðfjár öll fyrri met. I fyrradag var réttað
í Tungnarétt, í gær var réttað í Skaftholtsrétt og í dag er réttað
í Skeiðarétt. Fjölmenni sótti Tungnarétt að vanda.
RÚSSNESKUR stúlknakór söng í Tungnaréttum. Hér er það hins vegar Einar Þorsteinsson frá
Vatnleysu, sem stjórnar kór réttargesta.
„Leitir gengu vonum framar að
þessu sinni. Við fengum gott veð-
ur, þurftum t.d. aldrei að fara í
galla. Ég held því að óhætt sé að
fullyrða að það hafi leitast vel,“
sagði Guðmundur Sigurðsson,
bóndi á Vatnleysu og fjallkóngur
Tungnamanna.
Guðmundur hefur verið fjall-
kóngur Tungnamanna í átta ár þó
að hann sé ekki nema 32 ára gam-
all. Blaðamaður hafði á orði við
hann að Tungnamenn þyrftu vart
að skipta um fjallkóng næstu
30-40 árin, en Guðmundur sagðist
ekki ætla halda titlinum lengi. Hann
myndi að öllum líkindum hætta inn-
an fárra ára. Þess eru þó dæmi um
að menn hafi verið fjallkóngar sam-
fellt í nær 40 ár.
Erfið leit að fáum kindum
Það eru 24 leitarmenn sem fara
í leit á afrétti Tungnamanna. Leitað
er í sjö daga og farið er allt inn
að Hveravöllum. Guðmundur sagði
að það væri mikil og erfið vinna
að leita afréttinn, en þetta væru
allt ákaflega duglegir leitarmenn
þannig að leitin gengi vel fyrir sig.
Sauðfé hefur fækkað mikið á
Suðurlandi eins og víðar á landinu.
Guðmundur sagði að 2.000-3.000
fjár kæmi nú til réttar í Tungna-
rétt í Biskupstungum, en fyrir
15-18 árum hefði fjöldinn verið
14.000-15.000. „Þetta er gríðar-
leg fækkun á fáum árum. Margir
bændur hafa hætt búskap og aðrir
hafa orðið að draga saman fram-
leiðslu. Svo hefur ^ukist að menn
hafi sauðfé í heimahögum yfir
sumarið. Vinnan við að leita
minnkar hins vegar ekkert. Við
SVEINN Skúlason bóndi
Bræðratungu.
ÞINGMENNIRNIR Guðni Ágústsson og Þorsteinn Pálsson létu
að sjálfsögðu sjá sig í réttunum.
ERLINGUR Gíslason bóndi
í Dalsmynni.
S AUÐFÉÐ rekið í réttina og börnin fylgjast spennt með.
þurfum alltaf að fara yfir sama
svæðið,“ sagði Guðmundur.
Dilkar komu almennt mjög vænir
af fjalli í fyrra og mældist vænleik-
ur þeirra um heilu kílói meiri en í
meðalári. Guðmundur sagðist telja
að vænleikinn væri ekki minni í ár
en í fyrra.
Mjög margt fólk kemur að jafn-
aði í réttir og er það þannig sum-
staðar að fólkið er litlu færra en
sauðféð. Margt fólk sem flust hefur
burt úr sveitunum kemur í réttir
til að endurnýja kynni við menn og
skepnur. í Tungnarétt mátti m.a.
sjá allflesta þingmenn Suðurlands
og búnaðarmálastjóra. í réttina
komu einnig góðir gestir frá Rúss-
landi. Stúlknakór frá Moskvu söng
nokkur lög fyrir bændur og aðra
réttargesti við góðar undirtektir.
Ná verður til allra
hrúta fyrir 10. okt.
Þó að Tungnaréttum sé lokið fá
bændur í Biskupstungum ekki tíma
til að slappa af því að smala þarf
heimalönd og færa dilka til slátrun-
ar. Ný reglugerð frá landbúnaðar-
ráðuneytinu hvetur bændur til að
smala betur en áður. Reglugerðin
kveður á um að færa verður alla
lambhrúta til slátrunar fyrir 10.
október. Þetta er til að forða því
að hrútabragð verði af kjötinu.
Guðmundur sagði að þetta væri
eðlileg ráðstöfun. Neytendur ættu
rétt á að fá fyrsta flokks kjöt, án
alls hrútabragðs. Hann sagði að
reglugerðin leiði hins vegar til þess
að bændur þurfi að smala oftar en
ella.
I
c
í,
li
€
C
c
I
€
í
I
i
I
(