Morgunblaðið - 26.03.1995, Blaðsíða 36
36 SUNNUDAGUR 26. MARZ 1995
MORGUNBLAÐIÐ
Dýraglens
/eÍHJÖ/dÐ/NN/
MrAö/Hþ/fyp/iBmi]
^þEÚZMLLÁ Þ/6T
FL06N/HCÓN6/NN! <*
L~ ^ *
Grettir
Tommi og Jenni
BREF
TTL BLAÐSINS
Kringlan 1103 Reykjavik • Sími 691100 • Símbréf 691329
Beiðni um myndir
ísögu
Dómkirkjunnar
Frá sr. Þóri Stephensen:
UNDANFARIN ár hef ég unnið
að því í tómstundum mínum að
skrifa sögu Dómkirkjunnar. Ég
geri þetta að frumkvæði sóknar-
nefndar, sem hefur skipað sér-
staka sögunefnd til þess að standa
að baki mér í þessu starfí. Sú
nefnd hefur nú ráðið sérstakan
myndaritstjóra, Björn Jónsson
fyrrverandi skólastjóra í Haga-
skóla. Heimilisfang hans er á Val-
húsabraut 13, Seltjarnarnesi, sími
5612136. Það verður hlutverk
Björns að kemba hin ýmsu ljós-
myndasöfn og fletta bókum í leit
að myndum bæði af mönnum og
atburðum, er tengjast þessari
sögu. En myndir leynast vafalaust
miklu víðar, og hugsa ég þá eink-
um til fjölskyldualbúma og mynda-
kassa heimilanna. Þar mun örugg-
lega víða leynast sitthvað, sem
dýrmætt væri að fá í bókina. Því
er það bón mín, að þeir sem slíkar
myndir eiga, vita um þær hjá öðr-
um eða í sjaldséðum bókum, þeir
geri Bimi viðvart.
Bókinni er ætlað að gefa, eftir
því sem unnt er, heildarmynd af
kirkjusögu Reykjavíkur allt frá
upphafí og þar til Dómkirkjusöfn-
uðinum var skipt 1940, en síðan
sögu Dómkirkjusafnaðarins sem
slíks. Þar kemur til saga for-
mæðra Dómkirkjunnar, kirknanna
sem stóðu við Aðalstræti og voru
lengst af kenndar við sinn kaþ-
ólska nafndýrling, Jóhannes
postula. Síðan verður rakin löng
og á köflum skrautleg byggingar-
saga núverandi kirkju. Jafnframt
verður sögð saga safnaðarlífsins,
sem mjög hefur breyst, fyrst úr
guðsþjónustusamfélagi bænda á
sex jörðum hér við Sundin í þorps-
söfnuð, en loks í borgarsöfnuð með
mikilvægt þjónustuhlutverk . á
herðum. En Dómkirkjan hefur líka
verið skjólshús menningar. Hún
hefur komið við sögu sjálfstæðis-
baráttunnar, og hún hefur haft
áhrif á aðrar kirkjur í landinu og
þjónustuna þar. Allt þetta og
margt fleira verður reynt að tíunda
í sögu hennar. Prestar hennar
hafa ýmsir verið litríkir persónu-
leikar, sem ekki sátu ætíð á friðar-
stóli. Þjóðkunnir menn hafa verið
í safnaðarforystu. Einnig þetta
hlýtur að koma fram í svona bók.
Söfnuðurinn vill vanda til þessa
verks. Því er mikilvægt, að fá sem
flestar og bestar myndir. Mér
þætti einnig vænt um, að þeir sem
kunna að vita um gripi, er á sínum
tíma hafa verið seldir eða látnir
með öðrum hætti frá Dómkirkj-
unni, létu mig vita um það, svo
hægt væri að taka myndir af þeim
og segja frá þeim, eftir því sem
ástæður eru til.
Myndin sem hér fylgir er úr
hinni dönsku útgáfu kirkjusögu
Jóns Helgasonar biskups. Hún
sýnir hann við prestsvígslu í Dóm-
kirkjunni. Vænt þætti mér, að
þeir sem þekkja vígsluþegana létu
frá sér heyra.
SR. ÞÓRIR STEPHENSEN.
Allt efni sem birtist ( Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.