Morgunblaðið - 29.06.1995, Blaðsíða 44

44 FIMMTUDAGUR 29. JÚNÍ 1995
MORGUNBLAÐIÐ
( BS ERAE>AOÐ<m) ^ANDA /VUNH J / ÞÚ/eTTIRAPÖERA jvþAÐ EINHVERN Tí AðA/^A^AÐj) C HVA£> SET ÉS NÚStRTTIL ^ S AÐAUPSA ANPAGÖNSP J
»vjV\ \ \ nl n \ ^ \ _ j_\| \w^ 'mrnt.
o PAVfb 2 Z * 11 w
Tommi og Jenni
Ferdinand
BREF
TIL BLAÐSINS
Kringlunni 1103 Reylqavík • Sími 569 1100 • Símbréf 569 1329
ibrian
Afreksmaðurmn Jón
Amar Maguússon
Frá Emi Eiðssyni:
VIÐ Íslendingar höfum átt marga
snjalla íþróttamenn í íjölmörgum
íþróttagreinum. Nú á þessum vor-
dögum rættist von og draumur
margra, sem fylgst hafa með afreks-
manninum Jóni Arnari Magnússyni
þegar segja má, að hann hafi stokk-
ið inn í heimsklassann í tugþraut.
Hann hlaut 8.237 stig á móti í Aust-
urríki í lok maí, sem að sjálfsögðu
er íslandsmet. Þetta mun vera 10.
besti árangur í greininni það sem
af er keppnistímabilsins.
Tugþraut er ótrúlega erfið íþrótt
sem reynir á hraða, kraft og mýkt.
Jón Arnar hefur þessa hæfileika í
ríkum mæli. Hann er sprettharður
(100 m: 10,59 sek.), fjaðurmagnað-
ur (langstökk 8 m) og sterkur, varp-
ar kúlu 15,31 m.
Evrópukeppni í fjölþraut
Um næstu helgi fer fram á Laug-
ardalsvellinum einn af riðlum Evr-
ópubikarkeppninnar í fjölþraut. Þar
gefst einstakt tækifæri til að fylgjast
með þessum frábæra íþróttamanni
og öðru íslensku landsliðsfólki í
keppni við snjalla tugþrautarmenn
frá Danmörku, Lettlandi, Slóveníu
og írlandi. Þeir sem helst koma til
með að veita Jóni Arnari keppni er
danski methafinn Warming, met
hans er 7.996 stig. Lettar tefla fram
manni, sem náð hefur um 7.900 stig-
um og öðrum sem á um 7.500 stig.
Keppni milli þjóðanna getur einnig
orðið skemmtileg.
Þegar horft er til þessarar tug-
þrautarveislu um helgina rifjast
ósjálfrátt upp tugþrautareinvígi
Frakkans Ignaces Heinrich þáver-
andi Evrópumeistara í greininni og
Arnar Clausen, en þúsundir áhorf-
enda fylgdust með þeim í lok júlímán-
aðar 1951 á Melavellinum góða.
Báðir settu þeir landsmet og Örn auk
þess Norðurlandamet. Ekki er að
efa, að keppnin nú um helgina verð-
ur spennandi og skemmtileg, sér-
staklega ef veður verður bærilegt.
íþróttaunnendur eru hvattir til að
líta við á Laugardalsvellinum og
fylgjast með frábærum íþróttamönn-
um í drengilegri keppni. Ekki má
gleyma því að einnig er keppt í sjö-
þraut kvenna.
ÖRN EIÐSSON
Skattheimtan endur-
greiöi skattlagninguna
Frá Þorleifi Kr. Guðlaugssyni:
GUÐMUNDUR J. Guðmundsson for-
maður Dagsbrúnar segir í Dagsbrún-
arbréfi sem mér barst nú á dögunum
að búið sé að afnema skattgreiðslu
af lífeyrisinngreiðslu í lífeyrissjóðina
og hafí því verið breytt í síðustu kja-
rasamningum. Það kann vel að vera
en samkvæmt minni vitneskju frá
þingstörfum í vetur var þessi leiðrétt-
ing á bið eftir fullri leiðréttingu.
Varðandi þetta mál var ekki nema
um hálfkák að ræða. Það sem Guð-
mundur J. Guðmundsson er að tala
um og ég nefndi, var hætt að draga
frá inngreiðslum að hálfu leyti í sam-
þykkt þingsins í vetur og að mínum
dómi gert tii að þagga niður þær
kröfur að hætta að skattleggja inn-
greiðslurnar og menn haldi nú að
allt sé í stakasta lagi og svik lífeyris-
sjóðanna séu þar með leyst gagnvart
sjóðsfélögum. Málið er ekki leyst
vegna þess að lífeyrisþegar, eldri
borgara eru tvískattaðir ennþá og
mín krafa er sú að skattheimtan
endurgreiði skattlagninguna þeim
sem orðnir eru 70 ára og eldri.
Ég skal segja ykkur það að ef við
hefðum svikið undan skatti um nokk-
urra ára skeið 40% ríflega, af tekjum
okkar þá væru lögtaksaðgerðir
komnar í fullan gang þó ekki væri
á öðru sviði en í lífeyrissjóðagreiðsl-
um til aldraðra. Nú ættu allir sem
þetta varða að kæra skattheimtuna
fyrir brot á réttindum lífeyrisþega.
Stjórnendur lífeyrissjóðanna hafa
líka algjörlega brugðist vinnandi
fólki. Mörg ár eru síðan ég byijaði
að benda á þessi svik við launafólk
og nokkur ár síðan formaður versl-
unarmannafélagsins fór að bera
þetta svínarí í fjölmiðla og nú loks
er aðeins að byija hreyfing á þessu
lögbroti, það getur ekki verið annað
en lögbrot að margskattleggja þjóð-
ina.
ÞORLEIFUR KR. GUÐLAUGSSON,
Nökkvavogi 33, Reykjavfk.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.