Morgunblaðið - 01.07.1995, Blaðsíða 33

MORGUNBLAÐIÐ
LAU GARDAGUR 1. JÚLÍ 1995 33
AÐSENDAR GREINAR
Kvörtun Félags garð-
plöntuframleiðenda
Hólmfríður Björn
Finnbogadóttir Arnason
Athugasemd frá
Skógræktarfélagi
Hafnarfjarðar
NÝGERÐUR samningur Skóg-
ræktarfélagsins við bæjarstjóm
Hafnarfjarðar hefur farið ■ illilega
fyrir brjóstið á Félagi garðplöntu-
framleiðenda. Kemur þetta fram
í sjónvarpsviðtali föstudaginn 16.
júní s.l. og í viðtali í Morgunblað-
inu 20. júní við sama stjórnarmann
í Félagi garðplöntuframleiðenda,
Gunnar Hilmarsson, sem er í for-
svari fyrir gróðarstöð í Hafnar-
firði.
Skógræktarfélagið harmar að
sjálfsögðu þessi neikvæðu við-
brögð Gunnars Hilmarssonar og
félags hans og vonar að þótt hon-
um hafi þarna orðið það á að
„skjóta fyrst og spyija svo“ eða
öllu heldur að „skjóta strax og
spyija einskis“, þá muni öldurnar
lægja og áfram ríkja sá hugsjóna-
eldur um skógrækt sem fjölskylda
Gunnars er þekkt fyrir hér í bæ.
Skógræktarfélagið verður 50
ára á næsta ári og hefur alla tíð
starfað á hugsjónagrundvelli. Hef-
ur það fengið býsna miklu áorkað,
ekki síst fyrir störf heiðursfélaga
síns, Jóns Magnússonar í Skuld,
sem reyndar er stofnandi og til
skamms tíma einkaeigandi þeirrar
gróðrarstöðvar, sem Gunnar Hilm-
arsson, dóttursonur hans rekur nú.
Hér verður ekki fjölyrt umfram
þörf, en aðeins upplýst nokkur
atriði, sem betur hefðu verið
gaumgæfð og hugsuð, áður en
gripið var til vopna.
• Verið er að koma á útivistar:
og ræktunarskipulagi bæjarins. í
mótun þess og framkvæmd vill
Skógræktarfélagið eiga hlut að
máli, bæði til að ýta á eftir ræktun
útlands bæjarins og auðvelda al-
menningi að njóta lands og gróð-
urs.
• í félaginu eru nú yfir 500 fé-
lagar og á vegum þess eru yfir
130 aðilar, félög, skólar og ein-
staklingar með lönd í fóstri. Ekki
er vitað gjörla um vinnumagn við
þau fósturstörf, en
líklegt er að þarna séu
unnar minnst 10.000
vinnustundir árlega. í
plöntun fara v.æntan-
lega tugir þúsunda
plantna á ári sem fólk
kaupir, framleiðir
sjálft eða fær hjá fé-
laginu. Elstu spildurn-
ar eru nú orðnar
fimmtán ára og um-
hirðustörf því víða að
taka við af plöntun.
• Skógræktarfélagið,
starfsmenn þess og
unglingar úr vinnu-
skólanum vinna að
landbótum, plöntun og
umhirðu svo nemur árlega enn
fleiri vinnustundum en áður grein-
ir um fósturforeldra spildanna.
Þess ber að geta, að í drögum
félagsins að hinum umdeilda
samningi, var beinlínis ráð fyrir
því gert, að allar girðingar sem
verið hafa um svæði félagsins
verði fjarlægðar og svæðin opnuð
almenningi. Jafnframt var ráð fyr-
ir því gert, að í staðinn yrði gróðr-
arstöð félagsins girt með vandaðri
girðingu og rekstur hennar aðskil-
inn enn greinilegar en nú er frá
öðrum rekstri félagsins.
• Öll þessi starfsemi er svo mik-
ils metin af bæjarstjórn, að hún
er styrkt með beinu fjárframlagi,
sem í ár mun nema 2,5 m.kr.
Skógræktarfélag Hafn-
arfjarðar hefur starfað
í tæp 50 ár á hugsjóna-
grundvelli. Hólmfríður
Finnbogadóttir og
Björn Arnason svara
Félagi garðplöntufram-
leiðenda.
Verður félagið að líta svo á, að
hér sé bæjarstjórn að leggja fé til
ræktunar lands og lýðs og að þetta
framlag beri að skoða í sama eða
svipuðu ljósi og rekstrarframlög
til íþróttafélaga og annarra sem
starfa að hugsjónamálum, þ.e. að
bæta landið og mannlífið.
• í gróðrarstöð félagsins eru
ræktaðar plöntur við harla erfíð
skilyrði. Plöntur sem þaðan koma
eru í góðu áliti, enda þegar hertar
í uppvexti við heldur óhagstæð
veðurskilyrði. Sala úr stöðinni hef-
ur undanfarið verið þessi:
Árið 1992: kr. 1.794.466
Árið 1993: kr. 1.879.059
Árið 1994: kr. 1.178.563
Hefur félagið því augljóslega
fengið að fínna fyrir samdrætti í
þjóðfélaginu og þó sérstaklega
harðnandi samkeppni, sem leiðir
ekki síst af fjölgun aðila sem rækta
og selja.
Félagið gætir þess vandlega, að
tíunda alla sölu rétt og vísar um-
mælum um meint skattfríðindi
harðlega á bug.
Af framanskráðu má ljóst vera,
að leita verður betur, ef fínna á
sökudólg til að skýra slaka afkomu
gamalgróinna gróðrarstöðva.
Heildarvelta félagsins er um 5
m.kr. á ári. Aðrar tekjur en frá
plöntusölu koma frá félagsgjöldum
og styrlqum. Hafa reyndar kunn-
ugir oftsinnis undrast allt það sem
tekist hefur að gera með ekki meiri
fjármunum. Félagið telur sig hins
vegar hafa sannað tilverurétt sinn
rækilega með farsælum störfum
sínum og að tími sé til kominn að
félagar þess megi fínna kröftum
sínum viðnám í enn meiri mæli en
verið hefur. Bæjarstjórn var greini-
lega sömu skoðunar, þegar hún
gerði samninginn góða, sem báðir
aðilar telja eindregið gæfuspor.
Vilji bæjarstjórn breyta einstök-
um atriðum samningsins til bóta,
er það laust í hendi af hálfu félags-
ins, ef hið háleita markmið hans
um enn betri og meiri ræktunar-
og landbótastörf verður áfram á
sínum stað.
Við garðplöntuframleiðendur er
það eitt að segja, að ræktunarhug-
sjón Skógræktarfélagsins og ann-.
arra slíkra, að ekki sé talað um
þá sem hafa ræktunarstörf einnig
að lifíbrauði, er alltof góð og há-
leit til að hún megi koðna niður í
karpi um meint hagsmunamál.
Félagið hyggst hér eftir sem
hingað til virða leikreglurnar.
Samningur sá, sem hér um ræðir,
er til þess gerður að festa í sessi
farsæl störf, okkur öllum til hags-
bóta og hamingjuauka.
Hólmfríður er formaður og Bjöm
varaformaður Skógræktarfélags
Hafnarfjarðar.
i
«
Iðnnemasetur
+ *
Odýrt og gott húsnæði fyrir félagsmenn Iðnnemasambands Islands
FÉLAGSMENN Iðnnemasam-
bands íslands (INSÍ) eiga rétt á
dvöl á iðnnemasetri á meðan þeir
stunda nám. Iðnnemasetur eru
leiguhúsnæði í eigu Félagsíbúða
iðnnema (FIN). Iðnnemasetrin eru
bæði einstaklingssetur og ijöl-
skyldusetur.
Einstaklings- og paraherbergi
Einstaklingssetrin eru gisti-
heimili með frá 8 einstaklings- og
paraherbergjum upp í 15 einstakl-
ings- og paraherbergi. Á einstakl-
ingssetrunum er öll aðstaða eins
og á venjulegu heimili og er hún
sameiginleg öllum sem búa á setr-
inu. Þannig er t.d. sameiginleg eld-
unaraðstaða, setustofa með sjón-
varpi og þvottaaðstaða. Herbergin
eru leigð út með húsgögnum; rúmi,
náttborði, skrifborði, stólum, fata-
skáp og litlum ísskáp.
Leiguverð herbergja
Leiguverð á einstaklingsher-
bergjum er frá um 14 þúsund krón-
um á mann upp í um 17 þúsund
og er þá hiti og rafmagn innifalið.
Leiguverð á paraherbergjum er frá
18 þúsund til 22 þúsund á mán-
uði, hiti og rafmagn innifalið.
Forgangsröðun í herbergi
Umsækjendum um einstaklings-
og paraherbergi er raðað í ákveðna
forgangsröð. Þannig koma fyrst
umsækjendur sem búa á iðnnema-
setrum og uppfylla skilyrði um
námsframvindu og hafa ekki lokið
námi. Síðan koma umsækjendur
með lögheimili utan höfuðborgar-
svæðisins. Þar næst er raðað eftir
því hvort umsækjandi er að hefja
nám eða ekki. Þannig koma þeir
á undan sem hafa lok-
ið 6 mánaða námi eða
meira. Að lokum er
síðan raðað eftir tekj-
um umsækjenda. Fatl-
aðir hafa síðan for-
gang að herbergjum
sem eru sérsniðin með
þeirra þarfír í huga.
Hvar eru
herbergin?
Frá og með haust-
inu 1995 verða í eigu
FIN 3 iðnnemasetur
með samtals 33 ein-
staklings- og paraher-
bergjum. Þessi setur
eru á Njálsgötu 65 en
þar eru 15 herbergi og þar af 4
sem eru sérútbúin með þarfir fatl-
aðra í huga, á Ránargötu 12 eru
10 herbergi og á Vesturgötu 17
eru 8 herbergi.
íbúðir
Fjölskyldusetur FIN eru í dag
þijú með samtals 26 íbúðum. Á
Bergþórugötu 23 eru 8 íbúðir.
Þijár 3ja herbergja og fimm 2ja
herbergja. í húsinu er einnig sam-
eiginlegt_ þvottahús, lesstofa og
garður. í Bjarnaborg við Hverfís-
götu 83 eru fimmtán 2ja herbergja
íbúðir. I Bjarnaborg er sameiginleg
þvottaaðstaða, sameiginleg les-
stofa, leikherbergi fyrir börn og
garður með leiktækjum. Á Lauga-
vegi 5 eru 3 stúdíóíbúðir, hugsaðar
fyrir barnlaus pör. Á Laugavegi
er sameiginleg þvottaaðstaða.
Leiguverð á íbúðum
Leiguverð 2ja herbergja- og
stúdíóíbúðunum er frá um 24 þús-
und krónur upp í um
26 þúsund krónur á
mánuði. Á 3ja her-
bergja íbúðunum er
leiguverðið 31 þúsund
krónur til 32 þúsund á
mánuði. Við leiguverð-
ið bætist síðan hús-
gjald sem er frá um
2.200 til 3.600 krónur
á mánuði.
Forgangsröðun
í íbúðir
Forgangsröðun um-
sækjenda um íbúðir er
með eftirfarandi
hætti:
a) íbúðar iðnnema-
setra sem uppfylla skilyrði um
námsframvindu og hafa ekki
lokið námi.
Félagsíbúðir iðnnema
leigja út einstaklings-
og paraherbergi og
íbúðir. Kristínn H. Ein-
arsson gerir hér grein
fyrir starfseminni.
b) Sambýlisfólk þar sem báðir
aðilar eru í INSÍ með tvö börn
eða fleiri.
6) Sambýlisfólk þar sem annar
umsækjandi er í INSÍ, hinn í
öðru námi eða heimavinnandi,
með tvö börn eða fleiri og ein-
stæðir foreldrar í INSÍ með tvö
börn eða fleiri. d) Sambýlisfólk
sem bæði eru í INSÍ með eitt
Kristinn H.
Einarsson
barn og einstæðir foreldrar f
INSÍ með eitt bam.
e) Sambýlisfólk þar sem annað
er í INSÍ en hitt í öðru námi
eða heimavinnandi, með eitt
barn.
f) Sambýlisfólk þar sem annað
er í INSÍ og hitt er útivinn-
andi, með tvö böm eða fleiri.
g) Sambýlisfólk sem bæði eru
í INSÍ en barnalaus.
h) Sambýlisfólk þar sem annað
er í INSÍ en hitt er útivinn-
andi, með eitt barn, sambýlis:
fólk þar sem annað er í INSÍ
hitt í öðru námi en iðnnámi* *
I) Sambýlisfólk þar sem annað
er í INSÍ en hitt er útivinn-
andi, barnlaus.
Þegar þessari röðun er lokið er
síðan raðað eftir því hvort umsækj-
andi í INSÍ er að hefja nám eða
ekki. Þannig koma þeir á undan
sem hafa lokið 6 mánaða námi eða
meira. Að lokum er síðan raðað
eftir tekjum umsækjenda.
Umsóknarfrestur
og leigutimi
Umsóknarfrestur um vist á iðn-
nemasetrum er til 1. júlí ár hvert.
íbúðir eru að jafnaði leigðar út frá
1. september til 20. ágúst. Her-
bergi eru ýmist leigð út frá 1. sept-
ember til 31. desember eða frá 1.
september til 31. maí, eða þá frá
1. janúar til 31. maí. Umsóknar-
frestur um herbergi sem leigð eru
út á vorönn er til 1. desember.
Umsóknum ber að skila á sérstök-
um umsóknareyðublöðum sem
skrifstofa FIN lætur í té. Með
umsóknum þurfa að fylgja ýmis
fylgigögn, s.s. námssamningur,
skattaskýrsla og staðfesting á
skólavist. Öllum umsóknum er
svarað og fá umsækjendur sem
sækja um fyrir 1. júlí svar í kring-
um miðjan júlí.
Hverjir eiga rétt á seturvist?
Rétt til úthlutunar seturvistar
hjá FIN eiga allir samningsbundn-
ir iðnnemar sem greitt hafa tilskil-
in félagsgjöld til INSÍ og nemend-
ur sem koma úr eftirtöldum skólum
og eru í, eða að hefja iðnnám.
(Ath. nemendur sem eru að koma
úr einhveijum þessara skóla teljast
í öllum tilvikum hafa lokið 6 mán-
aða iðnnámi.)
Fjölbrautaskólinn í Breiðholti,
Fjölbrautaskóli Norðurlands
vestra, Sauðárkróki, Fjölbrauta-
skóli Suðurlands, Selfossi, Fjöl-
brautaskóli Suðurnesja, Fram-
haldsskóli Vestfjarðar, ísafirði,'
Fjölbrautaskóli Vesturlands, Akra-
nesi, Framhaldsskóli Vestmanna-
eyja, Framhaldsskólinn á Húsavík,
Hótel- og veitingaskóli íslands,
Iðnskólinn í Hafnarfírði, Iðnskól-
inn í Reykjavík, Tannsmíðaskóli
íslands, Verkmenntaskóli Austur-
lands, Neskaupstað og Vélskóli
íslands (félagar í Iðnnemafélagi
skólans).
Hverjir fá úthlutað
í fyrra tókst Félagsíbúðum iðn-
nema að leysa úr húsnæðisþörf
alls barnafólks sem sótti um íbúð-
ir á vegum FIN og fjölda barn-
lausra para. Fjöldinn allur af ein-,,
staklingum fékk einnig úthlutað
húsnæði á vegum FIN. Ohætt er
að fullyrða að flestallir sem búið
hafa á iðnnemasetrum hafa kunn-
að því vel og sækjast eftir að
halda áfram. Þó er alltaf mikið
um endurnýjun á íbúðum iðn-
nemasetra og því lítið af íbúðum
og herbergjum sem eru upptekin
af þeim sem eru að endurnýja
leigusamninga. Varðandi það
hvetjir fá úthlutað húsnæði á veg-
um FIN eru mörg dæmi um að
umsækjendur sem hafa verið
neðarlega í forgangsröð sam-
kvæmt úthlutunarreglum hafi
fengið úthlutað húsnæði. Það eina
sem er alveg öruggt varðandi út-
hlutun í iðnnemasetrum er að þeir
sem ekki sækja um fá örugglega
ekki úthlutað.
Höfundur er framkvæmdastjóri '
Félagsíbúða iðnnema.