Morgunblaðið - 09.07.1995, Qupperneq 8
8 SUNNUDAGUR 9. JÚLÍ 1995
MORGUNBLAÐIÐ
FRÉTTIR
LEYFIÐ börnunum að koma til mín...
Eignast sogufrægt hús sem langafi hans byggði í Hafnarfirði
Viðamiklar endur-
bætur áformaður
l
Morgunblaðið/Júlíus
ÞAU Berta G. Guðmundsdóttir og Þorgils Ottar Mathiesen hafa
fest kaup á Strandgötu 49 í Hafnarfirði og hyggjast færa húsið
í það horf sem þessari sögulegu byggingu sæmir.
EIGENDASKIPTI urðu fyrir
skömmu á húsinu við Strandgötu 49
í Hafnarfirði, er þau Þorgils Óttar
Mathiesen og unnusta hans, Berta
G. Guðmundsdóttir, keyptu húsið af
Einari Þorgilsson og Co. hf. Hús
þetta var byggt 1907 og hefur því
lengi sett svip á miðbæ Hafnarfjarð-
ar. Það var byggt af Einari Þorgils-
syni, útgerðarmanni og kaupmanni,
langafa Þorgils Óttars.
Upphaflega verslun og
fiskgeymsla
Húsið er járnklætt timburbjálka-
hús, er síðar var forskalað utan á
jámklæðinguna. Það var í upphafí
byggt sem verslun og fískgeymsla
og geymsla fyrir útgerðarvörur. I
bókinni Hafnarfjarðarjarlinn,_ Ein-
ars saga Þorgilssonar eftir Asgeir
Jakobsson segir að Einar hafí feng-
ið stórt fiskverkunarsvæði framaf
fískverkunarhúsi því sem fylgdi með
í kaupum Einars, og þáverandi fé-
laga hans Bergs Jónssonar, á eign-
um Útgerðarfélagsins við Hafnar-
fjörð. Við lækinn á svokallaðri Móa-
flöt reisti Einar húsið sem síðar
varð Strandgata 49.
Árið 1934 var gerð viðamikil
breyting á húsinu. Ami Mathiesen
tengdasonur Einars hafði nokkru
áður tekið við verslunarstjórastarfí
í verslun Einars og fært hana í
nýtískulegra form en áður þekktist.
í kjölfarið var búðarplássið stórlega
stækkað þegar fískverkunarhúsið
var innréttað sem verslun. Upphaf-
lega verslunarhúsnæðið er nú afþilj-
að frá því húsnæði sem síðar var
notað undir verslun. Þar er enn að
finna eina elstu upprunalegu versl-
unarinnréttingu landsins; búðardisk
með skúffum fyrir matvöra, skrif-
púlt, gamla vigt og peningakassa.
Kaupendumir, þau Þorgils Óttar
og Berta Guðmundsdóttur, hyggjast
gera endurbætur á húsinu en halda
upprunalegu útliti þess. Þau stefna
á að búa á efri hæðinni og leigja
jarðhæðina til atvinnustarfssemi,
líklegast til verslunarreksturs, eins
og verið hefur frá því húsið var
byggt. Á jarðhæð er nú rekin ein
elsta verslun landsins í einkaeign,
verslun Einars Þorgilssonar en hún
er nú rekin af hhitafélagi í eigu fjöl-
skyldu Þorgils Óttars.
Húsið þarfnast endurnýjunar við
og stefnt er á framkvæmdir utan á
húsinu næsta vor. „Þetta era dýrar
framkvæmdir og því gerum við að-
eins einn hlut í einu. Við þurfum
að selja eigið húsnæði til að geta
keypt húsið og því ætlum við að að
flytja inn sem fyrst í það sem nú
er 60 fermetra skrifstofuhúsnæði
og gera það íbúðarhæft, segja þau
Þorgils og Berta.
Ætla að halda
möguleikunum opnum
Stór hluti efri hæðarinnar er nú
nýttur undir geymslur og hyggjast
þau Þorgils og Berta jafnvel nýta
þann hluta undir íbúðarhúsnæði í
framtíðinni og þar með stækka við
skrifstofuhúsnæðið sem þau era í
þann mund að gera íbúðarhæft.
Einnig kemur til greina að breyta
geymsluhúsnæðinu í skrifstofuhús-
næði. Tíminn mun leiða það í ljós
en unga parið ætlar að halda mögu-
leikunum opnum.
„Þetta er viðamikið og spennandi
verkefni og áhuginn fyrir gömlum
húsum og sögulegu gildi þeirra er
sífellt að aukast,“ segir Þorgils Ótt-
ar.
Hið íslenska Biblíufélag 180 ára
Ný þýðing Gamla
testamentisins
stærsta verkefnið
Sigurður Pálsson
Elsta starfandi félag
á íslandi, Hið ís-
lenska Biblíu-
félag, fagnar 180 ára af-
mæli í dag. Félagið er
þverkirkjulegt; samtök
kirkjunnar manna úr öll-
um kirkjudeildum. Biskup
íslands er sjálfkjörinn
forseti en stjórn félagsins
er 'skipuð mönnum úr
Þjóðkirkjunni og öðrum
trúfélögum, bæði lærðum
og leikum. Sr. Sigurður
Pálsson, framkvæmda-
stjóri félagsins, sagði
blaðamanni frá tilurð
þess og starfsemi nú.
- Hvetjir stóðu að
stofnun félagsins hér?
„Félagið var stofnað
10. júlí 1815 í kjölfar
heimsóknar Skotans
Ebenezers Hendersons, sem ferð-
aðist um landið sumrin 1814 og
1815 og hafði með sér til dreif-
ingar Biblíur og Nýja testamenti
á íslensku sem þá hafði verið
mikill skortur á í landinu. Það
var meira að segja svo að ekki
áttu allir prestar Biblíur til að
lesá úr.
Þetta var í biskupstíð Geirs
Vídalíns en Árni Helgason, sókn-
arprestur í ReykjaVík, sem síðar
varð prófastur að Görðum á Álfta-
nesi, var frammámaður og drif-
íjöður í starfínu fyrstu árin og
predikaði við guðsþjónustu í Dóm-
kirkjunni daginn sem félagið var
stofnað. Afmælisins verður ein-
mitt minnst með guðsjónustu í
Dómkirkjunni í dag þar sem Sig-
urbjöm Einarsson biskup predikar
og menntamálaráðherra, Bjöm
Bjamason, flytur ávarp.“
- Hver eru helstu verkefni fé-
lagsins um þessar mundir?
„Stærsta verkefnið er ný þýð-
ing á Gamla testamentinu, úr
frammálinu, hebresku, sem unnið
hefur verið að undanfarin sjö ár.
Til að almenningur og aðrir, sem
láta sig málið varða, geti komið
athugasemdum sínum á framfæri
hefur þýðingamefndin gefið út tvö
rit til kynningar á þýðingunni og
hið þriðja er væntanlegt á næst-
unni. Vonir standa til að einnig
verði hægt að hefja þýðingu á
Nýja testamentinu innan skamms.
Onnur viðfangsefni eru hvunn-
dagslegri eins og útgáfa Bibl-
íunnar og að sjá til þess að hún
sé sífellt til á markaði í margs-
konar búningi, á verði sem öllum
hentar við öll tækifæri.
Jafnframt hefur félagið gefið
Biblíuna út í tölvutæku formi
ásamt leitarforritum,
svo það er verið að
mjaka sér inn á tölvu-
öldina. Útgáfa fyrir
PC-tölvur kom út um
síðustu áramót og út-
gáfa fyrir Macintosh-
tölvur er væntanleg síðari hluta
sumars."
- Hver eru tengsl félagsins út
á við?
„Við eram aðili að því sem
heitir Sameinuðu Biblíufélögin,
sem eru gríðarlega öflug samtök
Biblíufélaga um allan heim. Þau
beita sér í sameiningu fyrir þýð-
ingu Biblíunnar á fjölmörg ný
tungumál á hveiju ári. Oftar en
ekki eru þýðendur jafnframt að
búa til ritmál viðkomandi þjóða
því Biblían er gjarnan fyrsta bók-
in sem þýdd er. Sömuleiðis hafa
Sameinuðu Biblíufélögin leitast
við að stuðla að útgáfu og dreif-
►Sigurður Pálsson fæddist í
Reykjavík 1936 og hefur alið
þar allan sinn aldur. Hann tók
kennarapróf árið 1957 og
kenndi í grunnskóla í 12 ár.
Starfaði sem skrifstofustjóri
hjá Ríkisútgáfu námsbóka, var
námsstjóri í kristnum fræðum
í menntamálaráðuneytinu og
forstöðumaður útgáfusviðs
Námsgagnastofnunar í nokkur
ár. Sigurður lauk BA-prófi í
guðfræði og uppeldisfræði
1978 og kandídatsprófi í guð-
fræði 1986. Hann vígðist sem
prestur 1988 og leysti af í
Hallgrímskirkju um eins árs
skeið. Hann réðst svo sem
framkvæmdasljóri Hins ís-
lenska Biblíufélags haustið
1990. Síðastliðin 12 ár hefur
hann kennt trúaruppeldisfræði
og kennslufræði kristinna
fræða við Kennaraháskólann.
Sigurður er kvæntur Jóhönnu
G. Möller söngkonu. Þau eign-
uðust tvær dætur og eiga þrjú
barnabörn.
ingu Biblíunnar í löndum sem era
aðkreppt eins og austantjalds-
löndin og sum Afríkuríki.
Biblíunni og biblíuritum var
dreift í rúmlega 600 milljón ein-
tökum á síðasta ári á vegum fé-
laga í Sameinuðu Biblíufélögun-
um. Biblían og einstök Biblíurit
eru núna tiltæk á 2.092 tungu-
málum og sennilega eru eitthvað
um 600 þýðingarverkefni í gangi.
Hér á landi fer Biblían í heild
sinni í rúmum 2.000 eintökum
árlega og Nýja testamentið í um
6.000 eintökum á ári.
Á þessu ári er Hið íslenska
Biblíufélag að safna fé til þess
að hjálpa til við prentun
Biblíunnar í Kína. Bibl-
íuprentsmiðja hefur
verið sett upp í Nanjing
og hafa samtökin séð
henni fyrir pappír en
hann er ekki fáanlegur
þar. Prentsmiðjan annar ekki
eftirspurn eftir Biblíum.
Ástæðan fyrir því að við lögð-
um sérstaka áherslu á þetta verk-
efni á þessu ári er sú að Ólafur
Ólafsson kristniboði, sem var öt-
ull Biblíufélagsmaður á sjötta og
sjöunda áratugnum, hefði orðið
hundrað ára á þessu ári. Hann
var kristniboði í Kína á sínum
yngri árum, mikill áhugamaður
um starf Biblíufélagsins og
reyndar starfsmaður þess um
skeið. Við ákváðum að tengja
þetta saman með því að heiðra
minningu hans og líta með honum
til Kína með þessum hætti.“
Biblíuritum
dreift í 600
milijónum ein-
taka á ári