Morgunblaðið - 14.07.1995, Page 22

22 FÖSTUDAGUR 14. JÚLÍ 1995
MORGUNBLAÐIÐ
LISTIR
Botngróður
- sýning á höggmyndum
í Hallormsstaðaskógi
Eg’ilsstöðurn. Morgunblaðið.
SAUTJÁN íslenskir listamenn sýna
höggmyndir unnar í tré, í Tijásafni
Skógræktar ríkisins í Hallorms-
staðaskógi nú í sumar. Flest verkin
á sýningunni eru unnin úr lerki úr
skóginum en önnur tengjast skógi
á einn eða annan hátt. Markmið
sýningarinnar er að gefa listamönn-
um tækifæri að vinna út frá íslensk-
um efnivið, ennfremur er vakin at-
hygli á skóginum, þeirri starfsemi
sem þar fer fram og jafnframt er
fólki gefinn kostur á að kynnast
list í óvenjulegu umhverfi. Hug-
mynd að þessu verkefni varð til hjá
Skógræktinni á Hallormsstað sl.
vetur og þá var fljótlega leitað til
listamanna sem tóku hugmyndinni
vel. Allir fengu þeir tveggja metra
lerkibol sem grunn að listaverki og
hafa þeir flestir útfært sínar hug-
myndir í kringum hann en þó ekki
allir. Verkin hafa ýmist verið unnin
á vinnustofum listamannanna eða
í skóginum sjálfum nú þessa daga
rétt fyrir opnun. Listamennimir
Helgi Þorgils Friðjónsson og Hann-
es Lárusson hafa setið í undirbún-
ingsnefnd ásamt Þóri Þorfinnssyni
skógarverði á Hallormsstað og Jóni
Guðmundssyni, Hallormsstað. Aðrir
listamenn sem eiga verk á sýning-
unni eru: Kristján Guðmundsson,
Magnús Pálsson, Halldór Ásgeirs-
son^ Þorvaldur Þorsteinsson, Gunn-
ar Árnason, Kristinn G. Harðarson,
Sólveig Aðalsteinsdóttir, Valborg
Ingólfsdóttir, Finna B. Steinsson,
Erling Klingenberg, Ólafur Gísla-
son, Jóhann Eýfells, Inga Svala
Þórsdóttir, Inga Jónsdóttir og Ingi-
leif Thorlacius. Sýningin verður
opnuð 14. júlí og stendur út septem-
ber.
VERK eftir Gunnar Árnason.
KRISTINN G. Harðarson við verk sitt.
Nýjar bækur
• ÚT ER komin bók með sögum af
Sæmundi fróða á ensku og þýsku.
Njörður P. Njarðvík endursagði
sögurnar sem áður hafa komið út á
íslensku undir heitinu Púkablístran
og fleiri sögur af Sæmundi fróða.
Hann hefur jafn-
framt skrifað for-
mála í ensku og
þýsku útgáfuna.
Margar sögur
hafa verið sagðar
af Sæmundi fróða
og flestar eru þær
um samskipti hans
við kölska og alla
hans púka. I þessa
þók hafa tólf hinna
þekktustu frásagna verið valdar og
endursagðar. Sæmundur, sem varð
prestur í Odda á seinni hluta elleftu
aldar, hafði stundað nám í Svarta-
skóla í París. Sagt var að hann hefði
komið þaðan svo fróður og fjölkunn-
ugur að sjálfur kölski hlyti að hafa
verið lærifaðir hans. En þeir kump-
ánar elduðu löngum grátt silfur sam-
an. Þeim viðskiptum lyktaði þó jafn-
an á sama veg.
Iceland Reviewgefur út. Bókin
er ríkulega myndskreytt með teikn-
ingum eftir Gunnar Karlsson. Ensk-
ur titill bókarinnar er The Demon
Whistle - Sæmundur the Wise and
his dealings with the devil. John
Porter þýddi. En þýskur titill hennar
er Das Teufelspfeifchen - Sæmundur
der Gelehrte und seine Gescháfte
mit dem Teufel. Gudrun M. K. Kloes
þýddi. Báðar útgáfurnar eru kiljur,
64 bls. Bókin kostar 747krónur.
• FRÆKORNIÐ, bókaforlag að-
ventista, hefur nýlega gefið út sex
nýjar bamabækur í bókaflokknum
Matti og vinirhans. í þessum bók-
um er sagt frá drengnum Matta og
vinum hans sem ásamt Daníel lækni
ferðast til Heilsulands og fleiri staða
þar sem þeir læra margt gagnlegt.
Þessar bækur eru skrifaðar af
frönskum lækni, Jacques Breuil, sem
lauk læknanámi við háskólann í
Lyon áríð 1975. Að loknu námi lagði
hann stund á hnykklækningar og
ýmsar greinar náttúrulækninga.
Hann starfar sem læknir í Alpes-de-
Haute-Provence.
Öðru hverju heldur hann fyrir-
lestra um heilbrigt líferni og hjálpar
fólki að hætta að reykja og misnota
áfengi.
Myndskreytingu á bókunum ann-
aðist Jean Breúil, en hann er bróðir
Jaques. Myndskreytingar hans komu
fyrst úr árið 1963. Hann hefur starf-
að sem teiknari á auglýsingastofu í
París, fyrir franska menntamála-
ráðuneytið og er nú útlitshönnuður
blaðsins „Vie er Santé“.
Þessar bækur er eingöngu til sölu
hjá Frækorninu, bókaforlagi aðvent-
ista og hjá erlendu bóksölunum sem
ferðast um landið á þeirra vegum. “
Njörður P.
Njarðvík
Morgunblaðið/Anna Ingólfsdóttir
LISTAVERK eftir Helga Þorgils Friðjónsson.
Sumartónleikar Hallgrímskirkju
Orgelleikari frá Lyon
FRANSKI orgelleikarinn Thierry
Mechler frá Lyon leikur á sunnu-
dagskvöld 16. júlí í tónleikaröðinni
„Sumarkvöld við orgelið" í Hall-
grímskirkju. Tónleikar heijast kl.
20.30.
Efnisskráin er þrískipt. Fyrsti
hlutinn er þýskt barokk þar sem
Thierry leikur tvö verk eftir Bach.
Þá koma verk eftir þtjú frönsk tón-
skáld frá síðari hluta 19. aldar og
fyrri hluta 20 aldar, Charles-Marie
Widor, Louis Vierne og Charles
Arnould Tournemire. Að lokum
leikur hann verk eftir Edouard
Andres, en það var samið sérstak-
lega fyrir Thierry Mechler auk þess
sem hann leikur af fingrum fram
spuna yfir fyrstu hendingar sálma
séra Hallgríms: Upp, upp mín sál
og Gefðu að móðurmálið mitt.
Thierry Mechler fæddist árið
1962 í Mulhouse í Frakklandi.
Hann hóf tónlistarnám í heimabæ
sínum, en hélt síðan til Strasborgar
þar sem hann stundaði píanónám
hjá Helene Boschl og nám í orgel-
leik hjá Daniel Roth.
Árið 1981 vann hann fyrstu
verðlaun í Alþjóðlegu tónlistar-
keppni Parísar og eftir það stund-
aði hann nám í París hjá Marie-CIa-
ire Alain og síðar einnig spuna hjá
Jagues Taddei, Thierry Mechler
hefur hlotið margar viðurkenningar
fyrir leik sinn á orgel og fyrir tón-
smíðar.
Frá árinu 1991 hefur hann verið
organisti og tónlistarstjóri í dóm-
kirkju Jóhannesar skírara í Lyon
og árið 1993 var hann skipaður
umsjónarmaður Cavaillé-Coll org-
elsins stóra í Maurice Ravel-tón-
leikasalnum í Lyon.
Kiljuklúbburinn vinsæll
KIUUKLÚBBURINN hefur verið
starfræktur frá árinu 1986 og hef-
ur hlotið góðar undirtektir. Að sögn
Sigrúnar Þorbergsdóttur, starfs-
manns klúbbsins, eru nú á milli
3500 og 3800 meðlimir í klúbbnum
og þar af eru fjölmargir íslending-
ar búsettir erlendis.
Kiljuklúbburinn sendir frá sér
íjórar bækur annan hvern mánuð.
Iðulega er eitt íslenskt verk í hveij-
um pakka, auk einnar þýddrar
skáldsögu og einnar þýddrar
spennusögu. Fjórða bókin er síðan
svokölluð skiptibók sem er allajafna
íslensk einnig.
íslensku verkin sem gefin eru
út eru misgömul, að sögn Sigrún-
ar, en stundum líða ekki nema fá-
einir mánuðir á milli frumútgáfu
bókar og útgáfu í kilju. Verðmunur
er hins vegar mikill. Þannig kostar
verðlaunaskáldsaga Einars Más
Guðmundssonar, Englar Alheims-
ins, 2980 kr. innbundin en 440 kr.
í útgáfu Kiljuklúbbsins. Skýring-
anna á þessum mikla verðmun er
einkum að leita i framleiðslu- og
efniskostnaði, segir Sigrún.
í næsta pakka Kiljuklúbbsins
verða fjórar erlendar bækur.
Hundrað góðir réttir frá Miðjarð-
arhafslöndunum eftir Dianne
Seed, skáldsögurnar Sub Rosa eft-
ir Kim Smáge og Hafrún og sagna-
hafið eftir Salman Rushdie og
skiptibókin verður Óþelló eftir
Shakespeare.
Sönglög eftir íslensk tónskáld
Á NÆSTU þriðjudagstónleikum í
Listasafni Sigurjóns Ólafssonar
þriðjudaginn 18. júlí kl. 20.30 syng-
ur Ingveldur Ýr Jónsdóttir mezzó-
sópran sönglög eftir íslensk tónskáld
við undirleik Jónasar Ingimundar-
sonar píanóleikara.
Á tónleikunum verða frumflutt
lög eftir Oliver Kentish og Tryggva
M. Baldvinsson. Á efnisskránni eru
einnig sönglög eftir Jón Þórarinsson,
Jórunni Viðar, Jón Ásgeirsson, Hildi-
gunni Rúnarsdóttur, John Speight,
Jónas Tómasson, Hjálmar H. Ragn-
arsson og Atla Heimi Sveinsson.
Ingveldur Ýr Jónsdóttir stundaði
nám við Söngskólann í Reykjavík
og framhaldsnám við Tónlistarskól-
ann í Vínarborg og Manhattan
School of Music í New York. Kenn-
arar hennar voru Guðmunda Elías-
dóttir, Svanhvít Egilsdóttir og
Cynthia Hoffmann. Einnig sótti hún
námskeið hjá m.a. Charles Spencer
og Martin Katz. Ingveldur Ýr hefur
haldið ljóðatónlieka bæði hérlendis
og erlendis og tekið þátt í mörgum
óperuuppfærslum í Mið-Evrópu.
Fyrsta óperuhlutverk hennar á ís-
lensku óperusviði var hlutverk Olgu
í Évgení Ónegin í íslensku óperunni
veturinn 1993. Eftir það tóku við
hlutverk Fljóthildar og Valþrúðar í
Niflungahringnum á Listahátíð í
Reykjavík 1994 og hlutverk Prezi-
osillu í óperu Verdis Valdi örlag-
anna, sem sýnd var í Þjóðleikhúsinu
síðastliðinn vetur.
Ingveldur Ýr hlaut starfslaun úr
Listasjóði vorið 1995 og eru þessir
tónleikar meðal annars afrakstur
þeirra. Ingveldur Ýr er fastráðin við
Óperuna í Lyon næsta vetur.
Jónas Ingimundarson stundaði
tónlistarnám í Tónlistarskólanum í
Reykjavík og framhaldsnám í Tón-
listarskólanum í Vínarborg hjá pró-
fessor dr. Josef Dichler. Frá árinu
1970 hefur Jónas starfað sem píanó-
leikari, tónlistarkennari og kórstjóri.
Hann hefur haldið fjölda tónleika á
íslandi og komið fram á öllum Norð-
urlöndum, í Sovétríkjunum og
Kanada, sem píanóleikari ýmist einn
eða með öðrum, einkum söngvurum
og á árum áður einnig kórstjóri.
Jónas hefur oft leikið með Sinfóníu-
hljómsveit íslands í verkum eftir
Bach, Mozart, Beethoven, Liszt,
Grieg, Saint-Saens og Brahms.
Hann hefur margoft leikið í útvarpi
og sjónvarpi og stjórnað tónlistar-
þáttum þar. Hann hefur komið fram
á alþjóðlegum listahátíðum og leikið
inn á hljómplötur (CD).
Árið 1994 sæmdi forseti íslands
Jónas riddarakrossi hinnar íslensku
fálkaorðu fyrir tónlistarstörf.