Morgunblaðið - 09.08.1995, Blaðsíða 4

4 MIÐVIKUDAGUR 9. ÁGÚST 1995
MORGUNBLAÐIÐ
FRÉTTIR
Morgunoiaoio/jonas Hiriendsson
EINS og sjá má sér ekkert á þaki fólksbílsins þrátt fyrir að jeppinn hafi farið yfir hann. Jeppinn stöðvaðist vel skorðaður þversum á brúnni.
ÞAÐ þykir með ólíkindum að
enginn skyldi meiðast alvarlega
þegar tveir bílar rákust saman
á brúnni yfir Kerlingardalsá
skammt frá Vík sl. mánudag.
Annar bíllinn fór yfir hinn við
áreksturinn og festist þversum
á brúnni.
Brúin yfir Kerlingadalsá er
einbreið og keyrðu báðir bílarn-
ir, jeppi og fólksbíll, inn á brúna
í stað þess að víkja. Þegar bíl-
arnir rákust á fór jeppinn upp
á fólksbílinn og yfir hann án
þess að snerta þak hans. Þegar
jeppinn kom niður staðnæmdist
hann þversum á brúnni, vel
skorðaður milli brúarhandrið-
anna.
Reynir Ragnarsson, lögreglu-
maður í Vík, sagðist ekki vita
til þess að bílar hefðu mæst á
brú með þessum hætti áður.
Hann sagði með ólíkindum að
enginn skyldi slasast alvarlega
i þessu umferðaróhappi. Hann
sagði furðulegt að jeppinn
skyldi fara yfir bílinn og ekki
síður að hann skyldi tolla á
brúnni.
Rúman hálftíma tók að losa
bílana af brúnni. Talsverðar
bílaraðir mynduðust beggja
vegna brúarinnar meðan verið
var að losa bílana af henni.
Fimm ungmenni voru í fólks-
bílnum og voru þijú þeirra flutt
á Sjúkrahúsið á Selfossi. Ekkert
þeirra reyndist alvarlega slasað,
en þau kvörtuðu undan eymslum
í hálsi. Einn var í jeppanum, en
hann slasaðist ekki heldur.
Báðir bílarnir eru stór-
skemmdir. Hjólabúnaður jepp-
ans að framan fór t.d. næstum
þvíundan bílnum við stökkið.
Á föstudaginn varð árekstur
á brúnni yfir Hvammsá fyrir
vestan Vík. Þar lentu þrír bílar
í árekstri á brúnni og skemmd-
ust mikið. Slysið varð með þeim
hætti að bílalest fór yfir brúna
til austurs og lenti á bíl sem kom
á móti. Bíllinn sem var aftan við
bílinn sem kom úr vestri náði
ekki að stöðva og lenti aftan á
bílnum. Samkvæmt upplýsing-
um lögreglu er talið að ekki
hafi orðið alvarleg meiðsl á fólki
í óhappinu.
Akranesi
Lést í um-
ferðarslysi
48 ÁRA gömul kona, Droplaug
Róbertsdóttir, lést í umferðar-
slysi á Akranesi á sunnudags-
morgun.
Hún var farþegi á bifhjóli
sem ekið var eftir Garðagrund.
Ökumaðurinn missti stjórn á
hjólinu sem þeyttist á ljósa-
staur. Ökumaður og farþegi
köstuðust af hjólinu og er talið
að farþeginn hafi látist sam-
stundis, að sögn lögreglu.
Droplaug Róbertsdóttir var
fædd 17. október 1946. Hún
var til heimilis að Einigrund
2, Akranesi og lætur eftir sig
fimm uppkomin börn.
5 ára telpa lést
LITLA telp-
an sem lést
í umferðar-
slysi við
Meðalfell í
Kjós á
föstudag
hét Elsa
María Guðbjörnsdóttir. Hún
var fimm ára gömul, fædd 3.
mars 1990, og var til heimilis
í Hlíðarhjalla 73 í Kópavogi.
Morgunblaðið/Jónas Erlendsson
Bíll valt í
Eldhrauni
FÓLKSBÍLL fór út af veginum við
Eldhraun fyrir vestan Kirkjubæjar-
klaustur á sunnudaginn. Bíllinn fór
margar veltur áður en hann stöðv-
aðist í gjótu út í hrauni. Tvær konur
voru í bifreiðinni og sluppu þær lítið
meiddar. Talið er að bílbelti hafi
bjargað því að ekki fór verr. Litlu
munaði að bfllinn lenti á bílum sem
komu úr gagnstæðri átt. Eins og sjá
má á myndinni er bfllinn gerónýtur.
Hluti Vesturlands-
vegar steyptur
UM SÍÐUSTU helgi var um 600
metra kafli á Vesturlandsvegi steypt-
ur. Um er að ræða tilraunaverkefni,
en ætlunin er að bera saman kostnað
og endingu á steyptum þjóðvegi og
vegi lögðum hefðbundnu malbiki.
Búist er við endanlegum niðurstöðum
úr tilrauninni. eftir 3-4 ár.
Steypan var lögð niður með sér-
stakri útlagnarvél sem flutt var til
landsins vegna þessa verkefnis. Með
henni komu fimm danskir verkamenn
og aðstoðuðu við lagningu steypunn-
ar. Vélin leggur steypuna með svip-
uðum hætti og malbikunarvél. Hún
þjappar steypuna mjög mikið og þarf
ekki að valta hana.
Rögnvaldur Jónsson, verkfræðing-
ur hjá Vegagerðinni, sagði að steypti
kaflinn væri mjög sléttur og vel lagð-
ur. Þessi kafli, sem er á nyrðri akrein-
inni austan við nýju Höfðabakka-
brúna, yrði borinn saman við malbik-
aðan kafla á syðri akreininni. Tekið
yrði tillit til kostnaðar við lagningu
og endingu slitlagsins.
Þjóðvegir hafa ekki verið slitlagðir
með steypu á íslandi síðan árið 1973
þegar hluti Vesturlandsvegar var
steyptur. Steypa hefur þó sums stað-
ar verið notuð sem slitlag á innan-
bæjarvegi hér á landi. T.d. eru flest-
ir vegir á Akranesi steyptir. í Evrópu
eru steypa víða notuð sem slitlag á
vegi. Um helmingur af hraðbrautum
í Þýskalandi er t.d. steyptur.
, .. Morgunblaðið/Jón Svavarsson
SERSTOK vél var flutt inn til landsins frá Danmörku til að
leggja steypuna niður. Tvo daga tók að steypa 600 metra.
Barnaslysafulltrúi Slysavarnafélagsins um banaslys í Laugardalslauginni
Þrjá sundlaugarverði
þarf í Laugardalslaug
ÞRIGGJA ára dönsk telpa drukknaði
í sundlauginni í Laugardal á mánu-
dag, eftir að hún varð viðskila við
móður sína og bróður. Nýjar reglur
um öryggi á sundstöðum og við
kennslulaugar gera ráð fyrir að
a.m.k. tveir laugarverðir gæti 50x20
m (1.000 fm) sundlauga eða stærri.
Herdís Storgaard, bamaslysafulltrúi
Slysavarnafélagsins og sem sæti
átti í nefnd um gerð reglnanna, tel-
ur að þrjá menn þurfi til að gæta
sundlaugargesta í Laugardalnum
svo viðunandi sé. Henni þykja fregn-
ir af því að aðeins einn sundlaugar-
vörður hafi verið við störf þegar
telpan drukknaði afar alvarlegar.
Steinunn V. Óskarsdóttir, formaður
íþrótta- og tómstundaráðs Reykja-
víkurborgar, segir að þessi hörmu-
legi atburður og öryggismál við
laugina verði rannsökuð.
Fannst látin **
í barnalauginni
Litla telpan var með móður sinni
og 12 ára bróður í vaðlauginni, eða
disknum sem kallaður er. Móðirin
tók ljósmynd af telpunni og brá sér
frá örskamma stund, til að leggja
frá sér myndavélina. Þegar hún kom
aftur að vaðlauginni var telpan horf-
in. í þann mund sem móðir hennar
og bróðir voru að hefjá leit fundu
sundlaugargestir telpuna á grúfu í
barnalauginni, samkvæmt upplýs-
ingum Rannsóknarlögreglu ríkisins.
í hópi sundlaugargesta voru m.a.
læknir og hjúkrunarfræðingur, en
lífgunartilraunir þeirra á telpunni
báru ekki árangur. Samkvæmt upp-
lýsingum Rannsóknarlögreglunnar
mun telpan ekki hafa verið með kút.
Herdís Storgaard sagði að sér
kæmi á óvart að ekki væri tæki til
lífgunartilrauna í sundíaugunum í
Laugardal eins og komið hefði fram
í fjölmiðlum. Sundlaugarnar í
Reykjavík hefðu verið fyrstu sund-
laugarnar til að gera nýju reglurnar
að sínum. Reglumar gerðu m.a. ráð
fyrir lífgunartækjum við sundlaug-
amar og hefði hjúkrunarfræðingur
kennt öllu starfsmönnum sundlaug-
anna á tækjabúnaðinn á 16 tíma
námskeiðum í vor.
Herdís tók fram að reglurnar
gerðu ráð fyrir því að sundlaugar-
verðir hefðu yfirsýn yfir alla laug-
ina. „Yfirmönnum á hverjum stað
er falið að tryggja að farið sé að
reglunum. Oft er sundlaugarvörður
með yfirsýn yfir laugina úr tumi og
annar sundlaugarvörður er á bakk-
anum. Myndavélar ná yfir einhvern
hluta og neðanvatnsmyndavélar
sýna ef börnin em að blautdrukkna,
þ.e. falla niður á botninn. Þurr-
dmkknun merkir að barnið flýtur á
vatnsyfirborðinu og laugarverðir og
laugargestir em fljótari að koma
auga á það,“ segir Herdís.
Henni þykja fregnir af því að
aðeins hafi verið einn laugarvörður
á verði þegar slysið varð afar alvar-
legar og tók fram að eðlilegt væri
að þrír menn gættu sundlaugarinn-
ar, a.m.k. væri hægt að kalla til
staðgengil þegar annar tveggja
þyrfti að bregða sér frá.
Krefst fullrar
athygli
Um laugargæslu segir m.a. í regl-
unjim að við almenningslaugar allt
að 25x12 'h metri að stærð skuli
að minnsta kosti vera einn laugar-
vörður. Við laugar með stærra
vatnsyfirborði eða flóknari uppbygg-
ingu sé æskilegt að hafa tvo verj.
Um laugar sem em 50x20 m
(1.000 fm) eða stærri segir að þær
skuli hafa a.m.k. tvo laugarverði. í
slíkum laugum skuli koma fyrir
myndavélum (sjónvarpsskjám) og
/eða varðturni þaðan sem góð yfir-
sýn sé yfír laugarsvæðið. Sérstak-
lega skuli fylgst með svæðum sem
séu ekki í sjónlínu á sjónvarpsskjá.
Sérstaklega er tekið fram að I jug-
arvarsla kreíjist fullrar athygli.
Laugarverðir skuli reglulega ganga
meðfram laug, fylgjast með mynda-
vélum og/eða'staðsetja sig þar sem
góð yfirsýn er yfir alla laugina. Þurfi
laugarvörður að víkja frá skuli hann
fá til laugargæslu hæfan einstakling
sem lokið hafi skyndihjálparnám-
skeiði. Ef enginn með tilskilin rétt-
indi er tiltækur til afleysinga skal
laugarvörður kalla alla úr laug og
loka henni. Nýju reglurnar tóku gildi
í júní 1994 og verða endurskoðaðar
fyrir árslok 1997.
Margt bregst
Herdís tók fram að slys yrðu þeg-
ar margir þættir brygðust og minnti
á að aldrei mætti líta af litlum börn-
um í sundlaugum. Ef þau væru
ósynd þyrftu þau að vera með viðeig-
andi öryggisbúnað. Hringlaga kútar
væru stórhættulegir. Barnið gæti
runnið úr kútnum við að rétta úr
handleggjunum og væru buxur í
kútnum gæti barnið einfaldlega
hvolft honum. Ákjósanlegasta ör-
yggisbúnaðinn sagði Herdís vera
svokalláða öryggisjakka. Vestunum
svipar til björgunarvesta en eru
minni um sig og hefta bamið ekki
í- hreyfingum.
Herdís sagðist hafa miklar
áhyggjur af því hve mörg börn
drukknuðu í sundlaugum, ám og
vötnum á íslandi. Hún nefndi því til
staðfestingar að könnun sín og
tveggja barnalækna hefði leitt í ljós
að 49 börn hefðu nærdrukknað, þ.e.
bjargast frá drukknun, og 13
drukknað á árabilinu 1983 til 1994.
Hlutfallið væri svipað og í fylkjum
í Bandaríkjunum þar sem sundlaug
væri við hvert hús. Af nærdrukkn-
unum og drukknunum á íslandi
höfðu 42% orðið í almenningssund-
laugum.
Við vinnslu könnunarinnar kom
fram að dauðaslysum á börnum í
umferðinni fækkaði umtalsvert eftir
1990. Drukknanafjöldi hélt hins veg-
ar áfram að verá sá sami og taka
drukknanir flest barnslíf.
Herdís sagðist- hafa lýst yfír
ábyggjum í samtali við umboðsmann
barna í vor. Umboðsmaðurinn hefði
sent öllum sveitarfélögum bréf til
að minna á nýju reglurnar.
Málið rannsakað
Steinunn V. Óskarsdóttir, formað-
ur íþrótta- og tómstundaráðs
Reykjavíkurborgar, sagði í samtali
við Morgunblaðið í gærkvöldi að hún
vildi ekki að svo stöddu tjá sig um
þennan harmleik í Laugardalslaug-
inni og þá gagnrýni sem fram hefði
komið á öryggismál þar. Hún gæti
sagt það eitt á þessari stundu að
málið yrði rannsakað.