Morgunblaðið - 09.08.1995, Blaðsíða 15

MORGUNBLAÐIÐ
MIÐVIKUDAGUR 9. ÁGÚST 1995 15
VIÐSKIPTI
Könnun á þjónustugjöldum
kreditkorta í Evrópuríkjum
Gjöld óvenju
lág hérlendis
ÞJÓNUSTUGJÖLD fyrirtækja
vegna kreditkortanotkunar hér á
landi eru mun lægri en í mörgum
Evrópuríkjum, samkvæmt könnun
breska ráðgjafarfyrirtækisins Pay-
ment Systems Europe. Þannig eru
þjónustugjöldin hér að meðaltali
1,5% meðan sænsk fyrirtæki þurfa
að greiða 3-3,5% af kreditkorta-
veltunni í slík gjöld. Austurrísk
fyrirtæki greiða svipað hlutfall í
þessi gjöld eða 3,4%, en norsk fyrir-
tæki 1,9-2,6%, svo dæmi séu nefnd.
Gjöld ekki fyllilega
sambærileg
Almennt leiddi könnunin í ljós
að þjónustugjöld vegna kreditkorta
eru hærri í smærri ríkjum, að ís-
landi undanskildu.
Hér er þó ekki um fyllilega sam-
bærileg gjöld að ræða þar sem ís-
lensku greiðslukortafyrirtækin
greiða úttektir til fyrirtækja einu
sinni í mánuði meðan fyrirtæki í
öðrum Evrópuríkjum fá greitt einu
sinni í viku eða oftar.
Að sögn Einars S. Einarssonar,
forstjóra Visa íslands, hefur þessi
háttur verið á viðskiptunum hér á
landi allt frá því greiðslukort voru
innleidd hér árið 1983.
„Menn vildu ekki innifela vexti
í þjónustugjaldinu á sínum tíma til
að geta haft það lægra. Annars-
staðar eru allt að eins mánaðar
vextir innifaldir í þjónustugjaldinu
en við töldum eðlilegt að að kaup-
menn sem þyrftu að hraðari út-
borgunum að halda fengju fyrir-
greiðslu hjá sínum banka eða spari-
sjóði. Ef peningarnir yrðu greiddir
út vikulega þyrfti að taka vexti af
kaupmönnum til að íjármagna við-
skiptin. Mér skilst að margir kaup-
menn séu ánægðir með þetta fyrir-
komulag því greiðslur frá okkur
koma á sama tíma og virðisauka-
skattur fellur í gjalddaga."
Lækkandi gjöld
Einar sagði að þjónustugjöldin
hefðu farið lækkandi á undanförn-
um árum vegna aukinnnar hag-
kvæmni, en einnig hefðu þau verið
verið lækkuð í kjölfar samninga
kaupmanna og banka um debet-
kort.
Bandarísk keðja
mátti beygja sig
Sænska verkalýðshreyfingin hafði betur
gegnToysRUS
Kaupmannahöfn. Morgunbladið.
EFTIR þriggja mánaða verkföll
og útilokunaraðgerðir hefur
bandaríska leikfangaverslunar-
keðjan Toys R Us gengið til samn-
inga við sænsk verkalýðsfélög.
Báðir aðilar telja sig hafa fengið
sitt fram í samningnum, sem
sænski ríkissáttasemjarinn kom
aðilunum saman um. Málið hefur
vakið mikla athygli, þar sem það
sýnir að erlend fyrirtæki geta ekki
búist við að komast upp með að
fara framhjá sænsku verkalýðs-
hreyfingunni.
Keðjan á búðir í Stokkhólmi,
Gautaborg og Málmey, en rekur
annars um þúsund búðir víðs veg-
ar um heiminn. I sænsku búðirnar
var ráðið bæði félagsbundið og
ófélagsbundið starfsfólk. Keðjan
ætlaði síðan að semja beint jafnt
við félagsbundna og ófélags-
bundna starfsmenn um laun og
vinnufyrirkomulag. Því neituðu
viðkomandi verkalýðsfélög og
kröfðust þess að um allt slíkt yrði
samið við félögin, rétt eins og tíðk-
ast í Svíþjóð. Félagsbundna starfs-
fólkið fór í verkfall í maí og um
leið lýstu átján sænsk verkalýðsfé-
lög og einnig erlend félög yfir
stuðningi við aðgerðirnar. Félags-
menn voru hvattir til að skipta
ekki við keðjuna og við búðirnar
var stöðugt fólk með skilti með
áletrunum um að kaupa ekki þar.
Málið varð einnig pólitískt átaka-
mál um valdsvið verkalýðsfélag-
anna og meðal annars hvöttu ung-
ir hægrimenn fólk til að versla við
keðjuna og styðja þannig sjónar-
mið hennar. Höfuðatriði samn-
ingsins, sem gerður var með milli-
göngu ríkissáttasemjara, er að
keðjan fellst á að semja við verka-
lýðsfélögin, en fær að semja um
nokkur afmörkuð atriði beint við
starfsmenn. Einnig fær keðjan
rétt til að bæði félagsbundir og
ófélagsbundir starfsmenn sitji í
starfsmannafélaginu, en ekki að-
eins þeir félagsbundnu, eins og
verkalýðsfélögin fóru fram á.
Keðjan verður hins vegar að
hverfa frá fjölmörgum öðrum
kröfum.
Samningurinn tekur ekki gildi
fyrr en hann hefur verið sam-
þykktur af stjórn keðjunnar og
þangað til verður verkfallsaðgerð-
unum haldið áfram. Samningurinn
sýnir að erlendum fyrirtækjum
Iíðst ekki að fara framhjá sænsku
verkalýðshreyfingunni, sem á
sterk ítök á vinnumarkaðnum. Um
80 prósent þeirra er vinna í iðnaði
og verslun eru félagsbundin og til
þess þurfa erlend fyrirtæki að taka
tillit, einnig þau 300 bandarísku
fyrirtæki, sem reka útibú í Svíþjóð.
Encsson selur til Japans
Stokkhólmi. Reuter.
SÆNSKA fjarskiptafyrirtækið
LM Ericsson hefur fengið pöntun
upp á 655 milljónir sænskra króna
frá japönsku farsímafyrirtæki.
Ericsson tekur að sér að koma
upp nýju farsímakerfi fyrir jap-
anska fyrirtækið Central Japan
Digital Phone (CDP) í Nagoya.
Kerfi CDP er byggt á japönsk-
um PDC staðli og var tekið í notk-
un í júlí 1994. Kerfið hefur vaxið
ört og notendur þess eru rúmlega
10.000.
NÝHERJI
kt. 530292-2079
Skaftahlíð 24, 105 Reykjavík
Hlutafjárútboð
Hlutabréf Nýherja verða á Opna tilboðsmarkaðnum.
Útboðsfjárhæð: 40.000.000 kr.
Utboðsu'mabil: 26. júlí - 26. nóvember 1995.
Gengi fyrsta söludag 1,95.
Umsjón og sölu annast Verðbréfamarkaður íslandsbanka hf.
Skráningarlýsing hlutabréfanna, ársreikningur og samþykktir Nýherja
liggja fyrir hjá Verðbréfamarkaði fslandsbanka hf., Armúla 13a.
VÍB
VERÐBRÉFAMARKAÐUR ÍSLANDSBANKA HF.
• Aðiii að Verðbréfaþingi íslands •
Ármúla 13a, 155 Reykjavík. Sími: 560-8900. Myndsendir: 560-8910.
Norræna
sendiráðsverkefnið
íBerlín-Tiergarten
Byggingarsvæðið
Klingelhöfer Dreieck-Nord
Utanríkisráðuneyti Danmerkur og
Finnlands, Statsbygg í Noregi, Statens
Fastighetsverk í Svíþjóö og Fram-
kvæmdasýsla ríkisins f.h. utanríkis-
ráðuneytisins bjóða til opinnar
arkitektasamkeppni um sameiginlega
byggingarsamstæðu fyrir sendiráð
Norðurlanda í Berlín, höfuðborg
Þýskalands.
Um er að ræða fyrri áfanga í tveggja
áfanga keppni. Verkefni fyrri áfangans
er að gera tillögu að heildaruppbygg-
ingu svæðisins, þar sem byggingarlist
er látin endúrspegla norrænt samstarf,
auk þess sem keppendum er ætlað að
gera tillögu að aðalbyggingu (Felles-
huset) fyrir sameiginlega starfsemi
sendiráðanna.
Tillagan, sem hlýturfyrstu verðlaun,
verður notuð sem grunnur í forsögn
samkeppnislýsingar fyrir sendiráðs-
byggingu hvers lands fyrir sig, en sú
keppni er seinni áfangi þessarar sam-
keppni og verður haldin í viðkomandi
landi. Vinningstillagan mun ráða
innbyrðis afstöðu sendiráðsbygging-
anna og móta heildaryfirbragð á
húsagerðarlist svæðisins.
Höfundur að vinningstillögu fyrri áfanga
keppninnar fær það verkefni að sjá um
heildarskipulag svæðisins og um
staðsetningu einstakra sendiráðsbygg-
inga, auk þess að sjá um hönnun á
aðalbyggingunni (Felleshuset).
Rétt til þátttöku í samkeppninni hafa
ríkisborgarar Norðurlandanna og
aðildarríkja EES-samningsins.
Tillögurnar skuiu berast til
Hans-Otto Claussnitzer, c/o BSM,
Katharinenstrasse 19-20, 10711 Berlin,
Wilmersdorf, Deutschland,
í síðasta lagi 8. nóvember 1995.
Samkeppnislýsing fæst afhent hjá
norrænu arkitektafélögunum
DAL, NAL, SAFA og SAR,
Statens Fastighetsverk og hjá
Framkvæmdasýslu ríkisins,
Borgartúni 7, 150 Reykjavík,
sími: 562 3666, bréfasími: 562 3747
frá og með miðvikudeginum 9. ágúst nk.
Samkeppnisgögn eru til sölu á Skr. 600,-
hjá starfsmanni dómnefndar Hans-Otto
Claussnitzer, Statens Fastighetsverk,
sími: 0046 8 696 7000,
bréfasími: 0046 8 696 7001,
sjá nánar í samkeppnislýsingu.
s?
UTANRÍKISRÁÐUNEYTIÐ
FRAMKVÆMDASYSLA
RÍKISINS
ARKITEKTAFELAG
ÍSLANDS