Morgunblaðið - 08.10.1995, Blaðsíða 29

MORGUNBLAÐIÐ
SUNNUDAGUR 8. OKTÓBER 1995 29
FANNEY
SIG URJÓNSDÓTTIR
+ Fanney Siguijóns-
dóttir var fædd á
Akureyri 25. júní
1907. Hún andaðist á
Fjórðungssjúkrahús-
inu á Akureyri hinn
3. september síðast-
liðinn. Foreldrar
hennar voru Sigurjón
Jóhannesson frá Þor-
steinsstöðum í Grýtu-
bakkahreppi, f. 22.
apríl 1880, d. 2. jan-
úar 1967, og Hólm-
fríður Gísladóttir frá
Hafursá á Fljótsdals-
héraði, f. 13. febrúar
1873, d. 10. september 1935.
Bróðir Fanneyjar var Gísli, bíl-
stjóri á Akureyri, f. 1904, d.
1987. Fanney bjó og starfaði
nær alla sína ævi á Akureyri.
Hún var ógift og barnlaus.
Jarðarför Fanneyjar fór
fram í kyrrþey samkvæmt ósk
hennar.
FANNEY, föðursystir mín, fæddist
á Akureyri og bjó sem bam í
Strandgötu 45. Hún lék sér í fjör-
unni með Gránusystkinunum sem
svo voru kölluð, þar sem þau ólust
upp í húsi Gránuverslunarinnar
gömlu í Strandgötu 49. Hún talaði
oft um leiki þeirra og uppátæki og
fegurðina við Pollinn. I seinni tíð
bætti hún við hrygg í huga: „Þau
eru nú öll dáin — en alltaf lifir
Fanney"! Þannig fer fyrir þeim sem
aldnir verða, þeir missa félaga, vini
og ættingja á undan sér.
Fanney frænka var fötluð á fæti,
sennilega frá fæðingu, og háði það
henni þó nokkuð. Hún gat ekki
hlaupið eða hjólað, verið á skíðum
eða skautum en hún var ótrúlega
dugleg við að ganga. Gísli bróðir
hennar var óþreytandi að styðja
hana og hjálpa í hvívetna í æsku
og vom þau afar góð systkin.
Þegar hún eltist gekk hún til
allrar vinnu sem ófötluð væri. Hún
vaskaði fisk, breiddi og stakkaði,
vann mörg sumur í síld á Siglufirði
en lengst af var hún saumakona
og saumaði karlmannajakka hjá
Ólafí Ásgeirssyni og svo hjá Jóni
M. Jónssyni, þar sem hún lauk sín-
um starfsferli utan heimilis.
Árið 1930 flutti fjölskyldan í eig-
ið hús í Geislagötu 35 sem þau
hjálpuðust öll að við að kaupa. Þar
bjuggu þau sér notalegt og fallegt
heimili. Þar var oft gestkvæmt
þegar ættingjar
komu til bæjarins.
Húsfreyjan fagnaði
sérstaklega gestum
úr heimahögum sín-
um að austan sem
ekki voru nú oft á
ferðinni en komu til
lækninga, náms eða
vinnu og bjuggu þá
stundum um lengri
eða skemmri tíma á
heimilinu. Eftir að
Hólmfríður lést hélt
Fanney heimili með
Siguijóni föður sín-
um í 32 ár eða þar
til hann andaðist í janúar 1967.
Hún annaðist hann af einstakri
alúð síðustu æviárin þegar hann
var veikur orðinn.
Mér er minnisstætt að einu sinni
fékk ég að gista hjá Fanneyju
frænku í Geislagötunni. Það var
ævintýralegt og hlakkaði ég mikið
til. Þetta var í mars 1943 og ég á
fímmta ári. Það væsti nú ekki al-
deilis um mig, fékk kökur og ýmis-
legt góðgæti um kvöldið og þegar
ég kom heim að morgni og ætlaði
að segja M tíðindunum kom í ljós
að einmitt þetta eina kvöld sem ég
var að heiman hafði ljósmóðirin
komið með lítinn bróður sem grenj-
aði eins og óður og fékk alla at-
hygli fullorðna fólksins!
Fanney eignaðist ekki börn sjálf
en lét sér annt um okkur Baldvin,
bróður minn, og síðan börn okkar.
Þegar móðir okkar, Sigríður Bald-
vinsdóttir, dó vorum við systkinin
7 og 12 ára. Þá var hún boðin og
búin að aðstoða okkur við það sem
þurfti.
Fanney fluttist í Munkaþverár-
stræti 24 til Gísla bróður síns árið
1969 en þá voru þau bæði að ná
sér eftir slys sem þau höfðu orðið'
fyrir með stuttu millibili. Þau hjálp-
uðust að við að leysa heimilisstörf-
in með dyggri aðstoð frá starfs-
fólki Félagsmálastofnunar Akur-
eyrar. Þegar Gísli dó bjó Fanney
ein í eitt og hálft ár en þá sótti
Crfisdrykkjur
*Uciti ngchú/id
lÍMGAPt-mn
Sími 555-4477
t
Móðir okkar, tengdamóöir, amma og langamma,
MARGRÉT GÍSLADÓTTIR
Ijósmóðir
frá Fagurhóli,
v Grundarfirði,
andaðist á Hrafnistu Hafnarfirði aðfaranótt 6. október.
Börn, tengdabörn, barnabörn
og barnabarnabörn.
t
Ástkær sonur minn, faðir okkar,
tengdafaðir og afi,
ÁRNI JAKOBSSON
rafvirkjameistari,
er látinn.
Jarðarförin auglýst síðar.
Þóra Guðmundsdóttir,
Þóra Bryndís Árnadóttir, Jónas Þ. Guðmundsson,
Sverrir Árnason,
Birgir Rafn Árnason, Sigurdís Jónsdóttir,
Haukur Árnason, Sigrún Sigurðardóttir,
Hafdís Erla Árnadóttir, Mikael J. Jónsson
og barnabörn.
MINIMINGAR
ellin að. Meðan beðið.var eftir her-
bergi á Dvalarheimilinu Hlíð dvaldi
hún hjá mér í Reykjavík í hálft
fímmta ár. Gekk það ótrúlega vel
þótt erfítt væri fyrir frænku að
komast upp og niður stigana í ris-
íbúðina en hún sótti ýmsa þjónustu
út í bæ. Hún var þakklát fyrir hvað
eina sem fyrir hana var gert..
Þegar ég lít um öxl fínnst mér
að Fanney frænka hafí verið ein
af þeim hógværu í lífinu. Hún gerði
ekki miklar kröfur fyrir sjálfa sig
en sinnti sínum störfum af dugnaði
og samviskusemi. Hún var alltaf
tilbúin að aðstoða aðra. Hún fór
lítið á mannamót og hafði sig ekki
í frammi við að kynnast fólki, var
kannski fremur áhorfandi að lífinu
en þátttakandi. En þegar aðstæður
urðu þannig að hún hitti fólk og
var með því um tíma, t.d. þegar
hún lá lærbrotin á sjúkrahúsi mán-
uðum saman, eignaðist hún margar
góðar vinkonur og hélt sambandi
við þær allt til dauðadags eða um
það bil tuttugu ár. Hún var því
trygg vinum sínum.
Fanney frænka var orðin þreytt
og slitin. Hún missti meðvitund
þann 25. ágúst sl., umkringd fjöl-
skyldu bróður míns, glöð og kát,
þar sem þau keyrðu hana um ná-
grenni Hlíðar í hjólastól. Hún
komst ekki til meðvitundar aftur.
í huga okkar er þakklæti fyrir að
hún fékk að kveðja á þennan hátt
og þakklæti fyrir allt sem hún var
okkur og börnum okkar. Hún sagði
oft að þegar hún væri komin „hin-
um megin“ ætlaði hún að dansa,
hlaupa og hoppa hjalla af hjalla
og stall af stalli, því þar yrði fótur-
inn henni ekki til trafala. Ég er
viss um að hún hefur átt góða
heimkomu og svífur nú um í eilífð-
arlendunum.
Hólmfríður Gísladóttir.
+ Ingólfur Mar-
geirsson var
fæddur 8. febrúar á
Valstrýtu í Fjjóts-
hlíð. Hann lést á Víf-
ilsstaðaspítala 1.
október síðastliðinn.
Foreldrar hans voru
Markús Gíslason og
Sigríður Aradóttir.
Ingólfur átti sjö
systkini, Ara,
Bjarna, Sigríði,
Gísla, Þórarin, Guð-
björgu og Mörtu.
Ingólfur var alla
sína starfsævi bóndi
á Valstrýtu í Fljótshlíð.
Utför hans verður gerð frá
kapellu Hafnarfjarðarkirkju-
garðs mánudaginn 9. október og
hefst athöfnin klukkan 11.30.
Á MORGUN, mánudaginn 9. októ-
ber, verður gerð útför frænda míns,
Ingólfs Markússonar, frá kapellu
Hafnarfjarðarkirkjugarðs. Ingi, eins
og hann var kallaður, fæddist'8. febr-
úar 1916 í Valstrýtu í Fljótshlíð. Á
sunnudagsmorgun var ég vakinn upp
við þær slæmu fréttir að hann Ingi
væri dáinn. Það fékk mikið á mig
að vita til þess að maðurinn sem
mér þótti svo vænt um, og kenndi
mér svo margt, þar sem ég dvaldi
hjá honum nokkur sumur í sveit,
væri búinn að kveðja á þessu jarðvist-
arskeiði.
Söknuðurinn er mikill og sár, en
orðin eru fá. Á þessari stundu er
þakklætið efst í huga, þakklæti fyrir
þann tíma sem ég fékk að deila með
honum og Guðbjörgu heitinni systur
hans. Það sem hann kenndi mér hef-
ur haft mikil áhrif á líf
mitt og mun fylgja mér
í framtíðinni. Álltaf var
stutt í brosið hjá Inga
og margar stundir átt-
um við saman, eins og
í ijósinu. Það verður
mér sem ljóslifandi at-
vik sem átti sér stað
þar, þegar kvíga ein
gerði sér lítið fyrir og
skallaði í Inga aftan
frá, þar sem hann stóð
í dyrunum. Ingi flaug
út í hauginn en stóð upp
og brosti bara að öllu
saman. Ég minnist hans
sem dugmikils bónda sem alltaf var
tilbúinn að hjálpa náunganum ef eitt-
hvað bjátaði á. Síðustu æviárin dvaldi
hann á elliheimilinu á Hvolsvelli, í
veikindum sínum dvaldi hann svo á
Vífilsstöðum, þar sem hann svo lést
1. október sl. Þó svo veikindin þjáðu
hann, leit hann ávallt á björtu hlið-
arnar og brosti. Ég kveð hann með
söknuði, og hugga mig við að ég
veit að honum líður vel og að nú er
hann í faðmi systkina sinna hinum
megin við móðuna miklu.
Aðstandendum öllum, sem eiga
um sárt að binda í sorg sinni, votta
ég mína dýpstu samúð. Guð styrki
ykkur á þessari stundu.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Blessuð sé minning hans.
Gunnar Ingi Guðmundsson.
INGÓLFUR
MARKÚSSON
„ Sumarleikur Silfurbuðarinnar “
Þrenn heppin brúðhjón voru dregin út 7. október 1995
og unnu þau flugferð til einhvers áfangastaðar Flugleiða í Evrópu.
Farseðillinn gildir í 1 ár.
Það er okkur ánœgja að kynna brúðhjónin heppnu:
En óskalisti brúðhjónanna mun halda áfram.
1. Þorbjörg Jónsdóttir og Ingi Rúnar Eðvarðsson
2. Guðlaug Hrönn Jóhannsdóttir og Oddur Valur Þórarinsson
3. Sigrún Edvald og Sigurður Egill Guttormsson
Við óskum öllum þeim brúðhjónum sem voru á lista
Silfurbúðarinnar til hamingju með sinn brúðkaupsdag,
sérstaklega viljum viðþakka þeim jyrir að velja sér hluti
frá Silfurbúðinni.