Morgunblaðið - 21.10.1995, Blaðsíða 6

6 LAUGARDAGUR 21. OKTÓBER 1995
FRETTIR
MORGUNBLAÐIÐ
Stöðvarstjóri Flugleiða um hugsanlega hækkun gjalda í Flugstöðinni
Nóg um skattlagn-
ingu nú þegar
GUNNAR Olsen, stöðvarstjóri
Flugleiða á Keflavíkurflugvelli segir
ekki hafa borist í tal við Flugleiðir
að til standi að hækka húsaleigu
eða innritunargjöld í Flugstöð Leifs
Eiríkssonar.
Eins og greint var frá í Morgun-
blaðinu í gær er rætt um að hækka
húsaleiguna og innritunargjöld til
að auka tekjur Flugstöðvarinnar,
en 150 milljón króna tekjur vantar
á ári til að hægt verði að greiða
skuldir Flugstöðvarinnar á 25
árum.
Gunnar sagði í samtali við Morg-
unblaðið að þeir sem væru með
rekstur í Flugstöðinni teldu leigu
þar mjög háa nú þegar, en mismun-
andi leiga er greidd eftir því hvort
um er að ræða skrifstofuhúsnæði,
verslunarhúsnæði eða geymslur.
Hvað innritunargjöldin varðar sagði
Gunnar að menn teldu álögurnar í
fluginu almennt vera nógar þó ekki
væri verið að bæta við þær.
„Það eru svo mörg gjöld sem
eru, og til dæmis er tiltölulega stutt
síðan svokallað vopnaleitargjald
kom, sem er 90 krónur á hvern
einstakling. Innritunargjaldið er 5
dollarar og síðan allir þessir bless-
uðu brottfararskattar, há húsaleiga
og hár .rekstur. Mönnum finnst því
nóg um skattlagninguna nú þegar
á þessa atvinnugrein og ekki á það
bætandi," sagði hann.
Flugstöðin sem slík stendur vel
Varðandi skuldir Flugstöðvarinn-
ar sagði Gunnar það vera spumingu
hvernig farið væri með þær tekjur
sem mynduðust í henni, en þær
væru meiri en nógar til að standa
straum af kostnaði.
„Tekjurnar af Fríhöfninni, sem
eru verulegar, og margfalt þetta
150 milljóna króna gat sem verið
er að tala um, fara beint í ríkiskass-
ann og ekkert til stuðnings við
rekstur flugstöðvarinnar. Sama
skilst mér eiga við um lendingar-
gjöld, sem fara í allt annað en að
halda uppi rekstrinum hérna á
Keflavíkurflugvelli. Ef Flugstöðin
sem slík fengi að njóta þeirra tekna
sem þar myndast þá væri þetta gat
ekki til staðar, en Flugstöðin sem
eining stendur nokkuð vel án tillits
til þess hvert aurarnir fara,“ sagði
Gunnar.
Kjararannsóknarnefnd
Greitt tíma-
kaup hækk-
aði um 3,5%
GREITT tímakaup í dagvinnu hjá
landverkafólki innan ASI hækkaði
um 3,5% frá 2. ársfjórðungi 1994 til
2. ársfjórðungs 1995. Á sama tíma-
bili hækkaði vísitala neysluverðs um
1,3%. Kaupmáttur greidds tíma-
kaups í dagvinnu jókst því um 2,2%.
Þetta er meðal helstu niðurstaðna í
kjarakönnun Kjararannsóknarnefnd-
ar.
Samkvæmt úrtaki nefndarinnar
hækkaði tímakaup lægst launuðu
hópanna mest á tímabilinu. Greitt
tímakaup verkafólks og afgreiðslu-
kvenna hækkaði að meðaltali um
5,0-5,8%. Greitt tímakaup skrifstofu-
kvenna, afgreiðslukarla og iðnaðar-
manna hækkaði að meðaltali um
1,4-2,3% en tímakaup skrifstofu-
karla að meðaltali um 0,2%.
Mánaðartekjur landverkafólks
innan ASÍ í fullu starfi hækkuðu um
4,7% frá 2. ársfjórðungi 1994 og
kaupmáttur mánaðartekna ^m 3,4%.
Mánaðarlaun hækkuðu í öllum hóp-
um, þó mest hjá verkafólki og af-
greiðslukonum.
Vinnuvikan lengdist lítillega á
tímabilinu. Mestar breytingar urðu á
vinnutíma verkakarla sem lengist um
0,8 stundir, fór úr 49,9 stundum í
50,7, og afgreiðslukvenna sem leng-
ist um 0,4 stundir, fór úr 46,6 stund-
um í 47 stundir. Vinnutími annarra
stétta breyttist lítið.
Lífrænt ræktað
lambakjöt til sölu
Morgunblaðið/Ásdls
HAGKAUILhóf sölu á lífrænt ræktuðu lambakjöti
á þvi að Guðmundur Bjarnason landbúnaðarráð-
herra tók við fyrst bitanum af kjötinu í versluninni
í Kringlunni í gær. Kjötið kemur frá Þórisholti
og Eystri Pétursey í Mýrdal og er slátrað hjá
Sláturfélagi Suðurlands. Verðið er um 10% hærra
en á hefðbundnu lambakjöti. Aðeins sláturhús Slát-
urfélags Suðurlands á Selfossi hefur verið vottað
til slátrunar á lífrænum búfénaði.
Á stærri myndinni virða Guðni Einarsson, bóndi
í Þórisholti, Eyjólfur Sigurjónsson, bóndi í Péturs-
ey, og Gunnar Asmundsson, stöðvarstjóri Sláturfé-
lags Suðurlands á Selfossi, fyrir sér kjötskrokkana
í sláturhúsi Sláturfélags Suðurlands í vikunni. Á
innfelldu myndinni tekur Guðmundur Bjarnason
landbúnaðarráðherra við fyrsta lífrænt ræktaða
lambakjötinu í Kringlunni.
Bíll í taumi olli slysi
á Reykjanesbraut
Fjarðarkaup hf.
vilja niðurfellingu
fasteignagjalda
HARÐUR árekstur varð nálægt
Vogaafleggjara á Reykjanes-
braut um kl. 20.30 á fimmtudags-
kvöld. Þar lentu saman fólksbíll,
sem verið var að draga, og fólks-
bíll, sem kom úr gagnstæðri átt.
Kalla þurfti til tækjabíl til að
losa ökumann úr öðru flakinu.
Ökumennirnir sluppu báðir lítið
meiddir.
Bíllinn, sem var dreginn, fór
skyndilega yfir á rangan vegar-
helming og nær út af veginum
hinum megin. Lögreglan í Kefla-
vík segir það hafa verið lán í
óláni að hann fór þó svo langt,
því hægra horn hans og hægra
horn bílsins, sem kom á móti,
skullu saman. í hvorugum bílnum
var farþegi og ökumenn sluppu
nokkuð vel. Kona, sem ók á suð-
urleið, fékk skurð á vinstri fót
og aðra augabrún, en bíll hennar
var svo illa farinn að nota þurfti
járnklippur til að ná henni úr
flakinu. Karlmaður, ökumaður
bílsins sem slysinu olli, skarst í
munni.
Karlmaðurinn var fluttur á
Sjúkrahús Suðurnesja til skoðun-
ar, en ástand hans þótti annar-
legt. Samkvæmt upplýsingum
lögreglunnar var maðurinn mjög
sljór. Ekki var af honum vínþefur
og sagði lögreglan að ástand
hans mætti hugsanlega rekja til
veikinda eða lyfjatöku vegna
þeirra. Það kæmi í ljós eftir að
blóðprufa hefði verið rannsökuð.
Ef taug er á milli bíla ber sá
sem ekur dráttarbílnum alla
ábyrgð á óhappi sem verður,
enda er þá litið á bílana tvo sem
eitt ökutæki, samkvæmt umferð-
arlögum.
Ingvar Sveinbjörnsson, lög-
maður Vátryggingafélags Is-
lands, segir að stundum láti
menn sem þeir dragi bíl sem þó
sé ekið fyrir eigin vélarafli, þar
sem hann sé e.t.v. númerslaus.
„Þegar menn gera þetta, þá
ber sá aftari að sjálfsögðu alla
ábyrgð sjálfur. Ef sá bíll er ekki
vátryggður getur það leitt til
eftirmála, en sameiginlegur sjóð-
ur tryggingafélaganna bætir öll
slys af völdum óvátryggðra öku-
tækja. Ef stungið er af frá vett-
vangi fá menn ekki munatjón
bætt, en slysatjón er bætt undir
öllum kringumstæðum.“
FJARÐARKAUP hf. hafa óskað eft-
ir viðræðum við bæjaryfirvöld í Hafn-
arfirði um að fyrirtækinu verði end-
urgreitt gatnagerðargjald vegna
bílastæða og að fasteignagjöld ár-
anna 1995 og 1996 verði felld niður.
Kostnaður niðurgreiddur
í erindi til formanns bæjarráðs
segir að af fréttum verði ekki annað
séð en að Hafnarfjarðarbær ætli að
greiða niður hluta byggingarkostn-
aðar Miðbæjar hf. vegna verslunar-
húss, þar sem samkeppnisaðili hafi
aðsetur. Meginmarkmið Fjarðar-
kaupa hf. hafi alltaf verið að halda
niðri vöruverði og hafa eigendur því
viljað halda í heiðri hugmyndum um
jafna aðstöðu fyrirtækja, enda hafi
verið keppt við mun stærri fyrirtæki
sem hafi meðal annars notið fyrir-
greiðslu Reykjavíkurborgar. Þrátt
fyrir aðstöðumun hafi þeim tekist
að halda velli.
Samkeppni niðurgreidd
Þá segir: „Nú sýnist okkur af frétt-
um að bæjarsjóður Hafnarfjarðar,
sá sjóður sem þegið hefur aðstöðu-
gjald rekstrar okkar, hlutdeild af
almennum sköttum, og sá sjóður sem
við höfum og fjölskyldur okkar og
starfsfólk greitt skatta og skyldur
til um árabil, ætli að niðurgreiða
samkeppni við verslun okkar, með
því að endurgreiða opinber gjöld
vegna Miðbæjar hf.“
Vegna þessa er farið fram á við-
ræður við bæjaryfirvöld þar sem
rætt yrði um hvaða fyrirgreiðslu
Hafnarfjarðarbær sé tilbúinn að veita
Fjarðarkaupum hf. í framhaldi af
aðgerðum vegna Miðbæjar hf.
Jafna aðstöðu
í bókun Magnúsar Gunnarssonar
bæjarfulltrúa Sjálfstæðisflokksins í
bæjarráði, kemur fram að hlutverk
bæjarfulltrúa sé að sjá til þess að
bæjarbúar hafi jafna aðstöðu til at-
vinnurekstrar á öllum sviðum. Bréf
forráðamanna Fjarðarkaupa lýsi
eflaust þeim áhyggjum, sem fiöldi
hafnfirskra atvinnurekenda hafi
vegna afskipta meirihluta bæjar-
stjómar af málefnum Miðbæjar Hafn-
arfjarðar hf.
Bæjarritari
Hafnarfjarðar
Læturaf
störfum í
góðum
friði
GUNNAR Rafn Sigurbjörns-
son, segir það ekki rétt að sér
hafi verið vikið úr starfi bæjar-
ritara Hafnarfjarðar. „Það er
samkomulag um að ég láti í
góðum friði af starfi sem bæj-
arritari til að taka að mér önn-
ur verkefni fyrir bæinn," sagði
hann en Gunnar hefur gegnt
starfi bæjarritara í rúm níu ár.
Sérverkefni
Gunnar sagði að næsta hálfa
árið, hugsanlega skemur,
myndi hann sinna sérstökum
verkefnum fyrir bæinn. Um
væri að ræða verkefni, sem
þyrfti að sinna en enginn hefði
haft með höndum, auk annarra
verkefna sem hann hefði haft
með höndum.
„Þetta eru verkefni sem lúta
að starfsmannamálum hér í
Hafnarfirði," sagði hann. „Ann-
að sérstakt verkefni er að und-
irbúa það að Hafnarfjörður
verður reynsiusveitarfélag. Þá
verð ég að vinna við yfírtöku
sveitarfélagsins á grunnskól-
unum á næsta ári. Þannig að
þetta eru veigamikil verkefni
sem þarf að sinna og ég er
sáttur."
Nýtt starf eftir breytingar
Gunnar sagði að gert væri
ráð fyrir að hann tæki við nýju
starfí í kjölfar stjórnsýslubreyt-
inga, sem unnið væri að hjá
Hafnarfjarðarbæ. Hvaða starf
það yrði nákvæmlega vissi eng-
inn en í samkomulagi sem gert
hefði verið milli hans og meiri-
hluta bæjarstjórnar komi fram
að nýja starfið yrði í efstu stig-
um stjórnsýslunnar.
Hafnarfjarðarbær
Ráðinn til
sérstakra
sijórn-
sýslustarfa
GUÐBJÖRN Ólafsson hefur
verið ráðinn til sérstakra
stjórnsýslustarfa og til annarra
starfa hjá Hafnarfjarðarbæ.
Guðbjörn er 52 ára. Hann
útskrifaðist frá Samvinnuskól-
anum á Bifröst árið 1962 og
vann eftir það ýmis skrifstofu-
störf fram til ársins 1969 er
hann tók við starfí bæjarritara
í Hafnarfirði og gegndi því
starfi til ársins 1984. Það ár
tók hann við starfi fjártnála-
stjóra Hagvirkis hf. til ársins
1988 er hann tók við starfi
skrifstofustjóra Slysavarnafé-
lags íslands. Því starfi gegndi
hann fram á mitt þetta ár.
Kunnur starfinu
Guðbjörn sagði að starfið
legðist vel í sig. Hann væri
nokkuð kunnugur þessu starfi
þó eitthvað kunni að _ hafa
breyst í tímans rás. „Ég er
varla kominn til starfsins enn-
þá,“ sagði hann. „Ég mun
vinna að skipulagsmálum á
næstunni en það á eftir að af-
marka starfssviðið nákvæm-
lega. Ég mun annast ritara-
starf fyrir bæjarstjórn og bæj-
arráð, starfsmannamál, fjármál
og skoða nýtt skipurit fyrir
bæinn."