Morgunblaðið - 21.10.1995, Blaðsíða 44
44 LAUGARDAGUR 21. OKTÓBER 1995
MORGUNBLAÐIÐ
Dýraglens
5\/ONA,5\/ONA;íWe>
IClAPP L EK EMGIU 'ASXæ&A
KL4pPv\ A&VAXA -SN'ÖWA
Tommi og Jenni
Menn hafa siðferðiskennd sem dýr hafa Og veistu hver sagði Hvaða Carl?
ekki, og við getum séð fyrir afleiðingar það? Carl Sagan!
gerða okkar.
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
Starfsemi í Frí-
kirkjunni í
Hafnarfirði
Frá Einari Eyjólfssyni:
í FRÍKIRKJUSÖFNUÐINUM í
Hafnarfirði eru nú nærri 2.700
manns og hefur safnaðarfólki fjölg-
að verulega síðustu árin. Lætur
nærri að fjölgað hafi um 1000
manns á 12 árum en það er meiri
fjölgun en í flestum öðrum kirkjufé-
lögum á landinu. Fríkirkjusöfnuður-
inn er lútherskur söfnuður og starf-
ar því við hlið Þjóðkirkjunnar og á
sama grundvelli. Söfnuðurinn er
hins vegar sjálfstæður í öllu því sem
lýtur að stjórn og starfs-
háttum en fer þá um
leið á mis við þann
stuðning sem ríkisvaldið
lætur Þjóðkirkjunni í té.
Þeir sem eru í söfnuðin-
um greiða hins vegar
sömu sóknargjöld og
fólk í Þjóðkirkjunni og
eru þetta einu tekjurnar
sem kirkjan hefur, fyrir
utan gjafir. Engu að síð-
ur hefur kirkjan alla tíð
leitast við að halda uppi
öflugu safnaðarstarfi og
verður hér sagt frá því
helsta sem í boði er nú
í vetur.
Barnaguðsþj ónustur
Barnaguðsþjónustur
eru í kirkjunni alla
sunnudaga kl. 11. Þær
eru ætíð vel sóttar enda
er mikið sungið og sagð-
ar sögur, auk þess sem
bömin læra bænir og
biblíusögur. Það er eink-
ar gleðilegt hve vel for-
eldrar hafa mætt í þess-
ar stundir.
Opið hús fyrir 8-10 ára börn
Á þriðjudögum kl. 17 er opið hús
í safnaðarheimili kirkjunnar að
Austurgötu 24, fyrir 8-10 ára börn.
í þessum samverustundum er mikið
föndrað, sagðar sögur, sungið og
farið í leiki. Hverri samverustund
lýkur svo með helgistund.
Opið hús fyrir 10-12 ára
Á fímmtudögum kl. 17 er opið
hús í safnaðarheimilinu fyrir böm
á aldrinum 10-12 ára. I þessum
samvemstundum er einnig fjöl-
breytt dagskrá við hæfi þessa ald-
urshóps.
Barnakór kirkjunnar
Bamakór kirkjunnar æfir tvisvar
í viku, á mánudögum og miðviku-
dögum kl. 16.10. Þetta starf er sér-
staklega fyrir 10 ára börn og eldri.
í vetur verður svo starfandi yngri
deild (7-9 ára) og verða þeirra æf-
ingar á mánudögum kl. 17.15-18.00.
Kirkjulcór
Kór kirkjunnar æfir öll miðviku-
dagskvöld kl. 19.30. Kórinn er nú
að hefja úndirbúning fyrir helgihald
aðventu og jóla og verður vandað
vel til þeirrar dagskrár. Kórinn er
skipaður áhugasömu fólki en hins
vegar vantar fleiri karlaraddir og
eru þeir sem áhuga kunna að hafa
beðnir að hafa samband við organ-
ista kirkjunnar.
Fermingarstarf
í vetur taka um 80 unglingar
þátt í fermingarundirbúningi kirkj-
unnar og er það langstærsti hópur
sem hefur skráð sig til þátttöku og
býsna stór hluti allra ungmenna á
fermingaraldri í Hafnarfírði. Hóp-
urinn tók þátt í fermingarnámskeiði
í Vatnaskógi nú í september og er
áætlað að fara aðra slíka ferð í vor.
Unglingastarf
Það er opið hús fyrir unglinga
öll sunnudagskvöld kl. 20. Þetta
starf er í safnaðarheimilinu og er
leitast við að bjóða upp á fjöl-
breytta dagskrá.
Heimsóknarþjónusta
Safnaðarprestur og djákni kirkj-
unnar vitja sjúkra og aldraðra. Þeir
sem óska eftir heimsókn eða vilja
láta vita af einhverjum em vinsam-
legast beðnir að hafa samband við
safnaðarprest.
Kirkjudagur nk. sunnudag
Á sunnudaginn kemur, 22. októ-
ber, er kirkjudagur safnaðarins. Við
guðsþjónustu kl. 14 mun Sigríður
Valdimarsdóttir, djákni kirkjunnar,
prédika og barnakórinn syngur
ásamt kór kirkjunnar en stjórnandi
beggja kóra er Kristjana Ásgeirs-
dóttir. Að lokinni guðsþjónustu
verður svo hin veglega kaffisala
Kvenfélagsins.
EINAR EYJÓLFSSON,
prestur, Arnarhrauni 34,
Hafnarfirði.
Fríkirlgan í Hafnarfirði.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.