Morgunblaðið - 07.11.1995, Blaðsíða 4

4 ÞRIÐJUDAGUR 7. NÓVEMBER 1995
FRETTIR
MORGUNBLAÐIÐ
Morgunblaðið/Kristján
BENSÍNSTÖÐ Orkunnar hf., sem opnuð var fyrir utan Hagkaup á Akureyri á laugardag, mun
ekki siija lengi ein að markaðnum fyrir mannlausar^sjálfsafgreiðslustöðvar í höfuðstað Norður-
lands því að á næstunni verður opnuð svipuð stöð við stórmarkaðinn Nettó.
Fyrirhuguð sjálfsafgreiðslustöð Nettó á Akureyri
Olíufélögin bíða
viðbragða almennings
EKKI virðist mega búast við verð-
lækkunum hjá olíufélögunum þremur
beint í kjölfar opnunar þriggja nýrra
sj álf safgreiðslustöðva fyrirtækisins
Orkunnar á laugardag. Hjá olíufélög-
unum fengust þær upplýsingar að
beðið yrði átekta eftir viðbrögðum
almennings við bensínstöðvum Ork-
unnar. Kristinn Bjömsson, forstjóri
Skeljungs, sagði í gær að hjá olíufé-
lögnnum væru nú „allir að horfa
hver á annan“. Á Akureyri er hins
vegar að vænta viðbragða á næst-
unni og hefur þegar fengist sam-
þykki fyrir breytingu á bæjarskipu-
lagi til að opna bensínstöð með sjálfs-
afgreiðslu við verslunina Nettó.
Engir afgreiðslumenn eru á bens-
ínstöðvum Orkunnar á Akureyri í
Kópavogi og Reykjavík. Orkan selur
bensín á lægra verði en gengur og
gerist á hefðbundnum bensínstöðv-
um og er munurinn allt frá tæplega
þremur krónum til fimm króna eftir
því um hvemig bensín er að ræða
og hvaða þjónustu hin olíufélögin
bjóða upp á.
Samkeppni svarað
á Akureyri
Bensínstöð Orkunnar á Akureyri
er við verslun Hagkaupa þar í bæ,
aðeins sex hundruð metra frá stór-
markaðnum Nettó. Nettó er í beinni
samkeppni við Hagkaup og hyggst
bregðast við með opnun sams konar
„VIÐ ERUM mjög ánægðir með
þær viðtökur sem Orkan hefur
fengið. Það má segja að það séu
búnar að vera stanslausar biðrað-
ir á öllum stöðvunum frá því að
við opnuðum. Þetta hefur tekist
mjög vel og greinilegt er að þetta
er eitthvað sem þörf var fyrir á
markaðnum," sagði Hörður
Helgason, framkvæmdastjóri
Orkunnar hf..
Hörður vildi ekki gefa upplýs-
bensínstöðvar og Orkan rekur.
„Við ætlum að bæta við ákveðinni
þjónustu til að standast samkeppn-
ina,“ sagði Hannes Karlsson, deild-
arstjóri matvörudeildar Nettó. Hann
sagði að sú breyting, sem gera þyrfti
til að reisa bensínstöð við verslun
Nettó, væri komin inn í skipulag
Akureyrarbæjar, en bæjarbúar hefðu
nú frest til athugasemda. Ætlunin
er að bensínstöðin verði hluti af versl-
un Nettó og ekki verði stofnað sér-
stakt fyrirtæki um hana.
Þótt olíufélögin þijú, Olíufélagið
hf., Olíuverzlun íslands hf. (OLIS)
og Skeljungur hf. hyggist ekki blása
til verðstríðs eftir þessa innrás Ork-
unnar, sem er að V, hlutum 1 eigu
fjárfestingafélagsins Þors hf., dótt-
urfélags eignarhaldsfélags Jóhann-
esar Jónssonar í Bónus og fjölskyldu
hans, inn á bensínmarkaðinn eru
innanbúðarmenn þar í viðbragðs-
stöðu.
Að bera saman epli
og appelsínur
„Við ætlum að fylgjast með þró-
uninni," sagði Thomas Möller, fram-
kvæmdastjóri markaðssviðs OLÍS.
„Við munum kanna óskir viðskipta-
vina og fara eftir þeim.“
Thomas hélt því fram að ekki
væri verið að selja sömu vöru á bens-
ínstöðvum Orkunnar og gerðist ann-
ars staðar og rétt eins mætti „bera
ingar um hve salan hjá Orkunni
hefði verið mikil um helgina.
Hann sagði einungis að forráða-
menn fyrirtækisins væru mjög
ánægðir með viðtökurnar.
Hörður sagði að stjórnendur
Orkunnar hefðu ekki uppi nein
áform um að hækka verð á bens-
ininu. Þetta verð væri komið til
að vera svo fremi sem verðbreyt-
ingar yrðu ekki á heimsmarkaðs-
verði á bensíni.
saman epli og appelsínur". „Orka
selur ekki bensín með hreinsiefnum
eins og yfirleitt tíðkast í Evrópu,"
sagði Thomas og sagði að þessi
gæðamunur hefði ekki komið fram
í málflutningi Orkunnar.
Þórólfur Amason, framkvæmda-
stjóri markaðssviðs Olíufélagsins hf.
(ESSO), sagði að vitað hefði verið
lengi að þetta stæði til og hjá Olíufé-
laginu yrði brugðist við með því að
leggja áherslu á að á þess vegum
væri boðið upp á mein þjónustu.
„Við skulum sjá hvað þeir hanga
lengi á þessu,“ sagði Þórólfur. „Við
munum að minnsta kosti ekki bregð-
ast við með því að minnka þjón-
ustuna.“
„... bjóða betri kjör en eigin
umboðsmönnum“
Þórólfur kvaðst þess fullviss að
Skeljungur borgaði með olíunni, sem
fyrirtáákið seldi Orkunni í heildsölu.
„Þeir bjóða [Orkunni] betri kjör en
eigin umboðsmönnum," sagði hann
og bætti við að til þess að Orkan
gæti selt bensín á umræddu verði
yrði heildsöluverðið að vera tveimur
krónum lægra en gengur og gerist,
þar sem sölulaun á bensínstöð væru
yfirleitt þijár krónur á hvern lítra.
'„Við munum bregðast við ótt og
títt,“ sagði Kristinn Björnsson fyrir
hádegi í gær, en síðdegis hafði hann
snúið við blaðinu og sagði að við-
brögð olíufélagsins Skeljungs yrdu
„að sjá hvað setur“. Kristinn kvaðst
vilja láta nýjabrumið fara af sjálfsaf-
greiðslustöðvunum og bætti við að
sér sýndist „ísland sæmilega sett
með bensínstöðvar".
Hann benti á að bensínsala hefði
dregist saman á íslandi í fyrsta skipti
í fjölda ára og væri nú um tveimur
milljónum lítra minni nú en á sama
tíma í fyrra. Að meðaltali seljast 175
til 180 miiljónir lftra af bensíni á
íslandi á ári og sagði Kristinn að
sennilega mætti meðal annars rekja
samdráttinn til sparneytnari bifreiða.
Hann sagði kyndugt að samkeppni
væri að aukast og erlendir aðiljar
horfðu girndaraugum til íslands á
sama tíma og bensínneysla væri að
dragast saman.
Þörfin var fyrir hendi
á markaðnum
Eggjaframleiðsla verði
felld undir samkeppnislög
FRAMKVÆMDASTJÓRN Vinnu-
veitendasambandsins krefst þess að
bundinn verði endir á óeðlilega við-
skiptahætti á eggjamarkaði og að
framleiðsla og sala eggja lúti sömu
reglum og hver önnur iðnaðarfram-
leiðsla. Til þess að svo megi verða
leggur VSÍ áherslu á að eggjafram-
leiðsla verði felld undir samkeppnislög
og opinberri verðlagningu verði tafar-
laust hætt ásamt því að tollar á eggj-
um verði lækkaðir svo að innflutning-
ur veiti dnnlendri" framleiðslu aðhald.
Verðið geti lækkað
um þriðjung
Þetta kemur fram í samþykkt
framkvæmdastjórnar VSÍ um fram-
leiðslu og sölu á eggjum. Einnig
krefst VSÍ þess að innheimtu gjalda
af innfluttu kjarnfóðri verði viðhald-
ið, þá verði öllum framleiðendum
endurgreiddur fóðurtollurinn og end-
urgreiðslurnar gangi undanbragða-
laust beint til hvers framleiðenda.
VSÍ telur að engin rök standi til
þess að eggjaframleiðsla búi við ann-
að starfsumhverfi en gildir um aðra
iðnaðarframleiðslu og engin sýnileg
rök séu fyrir því að verðlag á eggjum
víki meira frá því sem gerist meðal
nágrannaþjóðanna en almennt gerist
með iðnaðarvörur. Af því leiði að
verð á eggjum eigi að geta lækkað
um allt að þriðjung með 0,1% áhrif-
um á vísitölu neysluverðs. Jafnframt
telur VSÍ að með eðlilegum við-
skiptaháttum megi ná fram umtals-
verðri lækkun eggjaverðs.
Mamma
kenndi
mér mann-
ganginn
BRAGI Þorfinnsson, 14 ára gam-
all nemandi í Æfingaskóla Kenn-
araháskólans, varð unglinga-
meistari 20 ára og yngri á Ungl-
ingameistaramótinu í skák sem
lauk sl. sunnudag. Bragi hlaut sex
vinninga af sjö mögulegum. I öðru
sæti varð Arnar Erwin Gunnars-
son með fimm og hálfan vinning
og í þriðja sæti hafnaði Davið
Kjartansson með 5 vinninga.
Bragi lærði að tefla sex ára gam-
all og tefldi hann við bróður sinn,
Björn, á Unglingameistaramótinu.
Skákinni lauk með bróðurlegu
jafntefli.
„Það er mjög gaman hve vel
þetta gekk. Eg byijaði að tefla á
æfingum hjá Taflfélagi Reykja-
víkur sex ára gamall og hef hald-
ið því við síðan. Eg tefK þrisvar
til fjórum sinnum í viku að jafnaði
og oftar þegar mót eru,“ sagði
Bragi.
Hann er í Æfingaskóla Kenn-
araháskólans og tefldi á fyrsta
borði skáksveitar skólans sem
varð Norðurlandameistari skóla-
skáksveita í Danmörku fyrir
stuttu. „Það var eiginlega mamma
sem kenndi mér mannganginn og
pabbi tók síðan við af henni. Það
kunna allir mannganginn í fjöl-
skyldunni og bróðir minn er
reyndar mjög góður skákmaður,"
sagði Bragi.
I sigurlaun fær Bragi að tefla
á alþjóðlegu móti erlendis og hall-
aðist hann helst að því að fara til
Bandaríkjanna.
Endurnýjun
Sogsvirkj-
ana kostar
1,1 milljarð
SAMKVÆMT áætlun sem Lands-
virkjun hefur gert um endurbætur
á Sogsvirkjunum kostar viðgerð á
þeim 1.140 milljónir króna. Mark-
miðið með þessum endurbótum er
að tryggja öruggan rekstur þeirra
til næstu 30-40 ára.
Þessar upplýsingar komu fram á
Alþingi í svari iðnaðarráðherra við
fyrirspum frá Össurri Skarphéðins-
syni alþingismanni. í svarinu segir
að Sogsvirkjanirnar séu komnar vel
til ára sinna og víða gæti einkenni
öldrunar sem ekki sé hægt að bæta
lengur með venjubundnu varnarvið-
haldi, Bilanir hafi farið vaxandi á
undanfömum árum og því sé nauð-
synlegt að gera víðtækar endurbæt-
ur á búnaði og mannvirkjum.
„Með tilliti til þessa hefur Lands-
virkjun gert áætlanir um víðtækar
endurbætur á stöðvunum á kom-
andi ámm í þeim tilgangi að lengja
líftíma þeirra og tryggja öruggan
rekstur þeirra til næstu 30-40 ára.
Meðal helstu framkvæmda sem ráð-
ast þarf í er að lagfæra stíflur og
styrkja stöðvarhús ásamt því að
endurnýja eða endurbæta lokur,
rofabúnað, aflspenna og ýmsan
hjálparbúnað. Undirbúningur og
hönnun er þegar hafín en gert er
ráð fyrir að ljúka verkinu fyrir árið
2000,“ segir í svari iðnaðarráð-
herra.
í svarinu segir að áætlaður fram-
kvæmdakostnaður við endumýjun
Ljósafossstöðvar sé 530 milljónir,
írafossstöðvar um 390 milljónir og
Steingrímsstöðvar um 220 milljónir.
Morgunblaðið/Ásdís
BRAGI Þorfinnsson, nýbakaður unglingameistari í skák, við
taflborðið heima hjá sér.
Athugasemd við leiðara
Morgunblaðsins
MORGUNBLAÐINU hefur borist
eftirfarandi athugasemd við leið-
ara blaðsins sunnudaginn 5. nóv-
ember sl:
„í leiðara í Morgunblaðinu í dag
er gefið til kynna að trygginga-
kerfið taki ekki þátt í að greiða
þann mikla kostnað sem hlýst af
hjartaaðgerð sem sex mánaða
gömul stúlka með sjaldgæfan
hjartagalla þarf að fara í erlendis.
Undirritaður óskar eftir að koma
á framfæri leiðréttingu vegná
þessa. Hið rétta er að í svona til-
vikum greiðir Tryggingastofnun
ríkisins allan kostnað á sjúkrahús-
inu erlendis (rannsóknir, skurðað-
gerð og aðra meðferð). Auk þess
greiðir Tryggingastofnun ferða-
kostnað sjúklings og eins aðstand-
anda, ef um barn er að ræða eða
fullorðinn einstakling sem þarfn-
ast mikillar aðstoðar eða stuðn-
ings. Jafnframt er greiddur kostn-
aður vegna fylgdar fagfólks,
læknis og/eða hjúkrunarfræðings,
ef talin _er þörf á slíkri fylgd á
leiðinni. Á vegum Tryggingastofn-
unar starfar nefnd fimm yfir-
lækna, sem eiga að hafa góða
yfirsýn yfír hvaða meðferð er • .
hægt að veita hérlendis og hvenær
þörf er á að senda fólk í meðferð 1
á sjúkrahúsum erlendis. Þessi
nefnd afgreiðir allar umsóknir um
að senda íslendinga í meðferð er-
Iendis. Eðlilegt hefði verið að leið-
arahöfundur hefði leitað upplýs-
inga hjá Tryggingastofnun rík-
isins um gang slíkra mála áður
en leiðari þessi var skrifaður.
Sigurður Thorlacius
tryggingayfirlæknir."
Aths. ritstj.:
Morgunblaðið hefur bersýnilega
farið með rangt mál í forystugrein
sl. sunnudag og er hér með beðist
afsökunar á því. Hið jákvæða er
hins vegar, að Tryggingastofnun
tekur svo mikinn þátt í umræddum
kostnaði. Á næstu dögum mun
Morgunblaðið birta rækilega út-
tekt á því, hvaða kostnaður er
greiddur af Tryggingastofnun og 1
hvaða kostnaður lendir á aðstand- j
endum í tilvikum sem þessum.