Morgunblaðið - 07.11.1995, Blaðsíða 14
14 ÞRIÐJUDAGUR 7. NÓVEMBER 1995
MORGUNBLAÐIÐ
AKUREYRI
*
Agóðaleikur í handbolta í KA-heimilinu
Veláfjórða
hundrað þúsund
söfnuðust
ÚRVALSLIÐ Jóhanns Inga Gunn-
arssonar í handbolta, lagði lið KA
að velli í ágóðaleik sem háður var
til styrktar landssöfnuninni Sam-
hugur í verki. Leikurinn fór fram
í KA-heimilinu á laugardag og
söfnuðust 363.000.- krónur. Alls
greiddu 685 manns aðgangseyri
og borguðu margir hærri upphæð
en uppsett verð.
í liði gestanna voru margir af
snjöllustu leikmönnum landsins,
menn eins og Sigurður Valur
Sveinsson, þjálfari og leikmaður
HK, Guðmundur Guðmundsson,
þjálfari og leikmaður Fram, Jakob
Jónsson, þjálfari og leikmaður BÍ,
Petr Bamruk, Haukum, Sigurður
Sveinsson, FH, Aron Kristjánsson,
Haukum, Sigfús Sigurðsson, Val,
Róbert Sighvatsson, Aftureldingu,
Alexi Trufan, Aftureldingu, Sig-
urður Bjamason, Stjömunni, Júrí
Sadovskí,_Gróttu og markverðirnir
Magnús Árnason, FH og Sigmar
Þröstur Óskarsson, ÍBV.
KA-menn voru með alla sína
bestu menn, að Patreki Jóhannes-
syni undanskildum, sem var að
leika með íslenska landsliðinu í
Rússland á laugardag. Það virtist
há KA-liðinu nokkuð, sem tapaði
leiknum 25:40. Bæði lið léku með
sorgarbönd.
Nokkur fyrirtæki aðstoðu KA
við framkvæmd' leiksins, m.a.
Flugleiðir sem flaug með gestina
til Akureyrar og aftur heim, þeim
að kostnaðarlausu.
Morgunblaðið/Kristján
SVIPMYNDIR frá ágóðaleik til styrktar landssöfnuninni.
Útgerðarfélag Akureyringa hf.
Hrímbakur E A til ísafjarðar
Morgunblaðið/Kristján
EKKI kemur til þess að Hrímbaki EA verði lagt alveg á næst-
unni eins til stóá, því togarinn hefur verið leigður til ísafjarð-
ar, þaðan sem hann verður gerður út á rækjuveiðar næstu tvo
mánuði í það minnsta.
FYRIRTÆKIÐ Básafell hf. á
ísafirði, hefur tekið Hrímbak EA,
ísfisktogara Útgerðarfélags Akur-
eyringa hf., á leigu. Togarinn er
leigður án aflaheimilda og er leigu-
tíminn tveir mánuðir til að byija
með en með möguleika á framleng-
ingu. Hrímbakur verður gerður út
á rækjuveiðar og fer togarinn vest-
ur á fímmtudag eða föstudag.
Hrímbakur EA kom fyrir helgina
úr sínum síðasta túr fyrir ÚA en
áður hafði allri áhöfn verið sagt upp
störfum. Magnús Magnússon, út-
gerðarstjóri ÚA, segir að leigjandi
Hrímbaks hafi boðið áhöfninni
áframhaldandi skipspláss og hafí
menn sýnt því _áhuga að fara með
togaranum til ísafjarðar.
Ekkert gerst í sölu ÚA-togara
Tveir togarar ÚA, Hrímbakur og
gamli Svalbakur, eru til sölu en
Magnús segir að ekkert sé fast í
hendi varðandi sölu þeirra. Svalbak-
ur liggur við Torfunefsbryggju og
til stóð að Hrímbakur legðist við
hlið hans eftir síðasta túr en nú er
Ijóst að einhver bið verður á því.
Básafell hf. rekur rækjuvinnslu
á ísafirði og á auk þess tvo báta,
Guðmund Péturs og Hafrafell. Þá
hefur fyrirtækið verið með nótabáta
á leigu, nú síðast Berg VE en hann
er farinn á loðnuveiðar. Þá hafa
báðir bátar fyrirtækisins verið við
veiðar á Flæmska hattinum en eru
nýkomnir heim.
Amar Kristinsson, framkvæmda-
stjóri Básafells, segist ánægður með
að hafa náð samningi við ÚA, því
hann reiknar ekki með að fá nóta-
báta í viðskipti á næstunni, alla vega
ekki á meðan loðna veiðist.
„Það eru líka erfiðir tímar fram-
undan við rækjuveiðarnar fyrir
minni bátana og því mikilvægt að
vera með öflug skip á þessum árs-
tíma. Skipveijum Hrímbaks hefur
verið boðið áframhaldandi skips-
pláss en þó komast ekki allir að því
það eru helmingi færri um borð á
rækjuveiðum en hefðbundnum físk-
veiðum.“
Aðspurður um áhuga fyrirtækis-
ins á að kaupa Hrímbak, sagði
Arnar að oft væri nú áhuginn fyrir
slíku meiri en getan og þá væri
ekki vitað hvað héngi á spýtunni
varðandi haffærniskírteini togar-
ans. Ekki þarf að fara í miklar til-
færingar úm borð í Hrímbaki vegna
rækjuveiðanna og vonast Arnar til
að togarinn stoppi stutt við á
ísafirði og helst að hann haldi sam-
dægurs til veiða. Hnmbakur mun
svo landa vikulega á ísafirði á leigu-
tímanum.
Hjá rækjuvinnslu Básafells
starfa um 50 manns og er unnið á
tveimur sex tíma vöktum. Að auki
starfa um 20 sjómenn á bátum fyr-
irtækisins og enn aðrir á þeim skip-
um sem fyrirtækið hefur í viðskipt-
um eða leigir. Afurðir fyrirtækisins
eru seldar í gegnum ÍS og fer
stærstur hluti þeirra á Bretlands-
markað.
Staða leik-
hússljóra
auglýst aftur
LEIKHÚSRÁÐ Leikféiags Ak-
ureyrar ákvað á fundi í gær
að auglýsa að nýju stöðu leik-
hússtjóra. Ástæða þess er sú
að Sunna Borg formaður Leik-
félags Akureyrar og leikhús-
ráðs var í hópi sex umsækjenda
um stöðuna.
Þeir sem sóttu um auk
Sunnu voru Halldór E. Lax-
ness, Jakob S. Jónsson, Jón
Júlíusson, Skúli Gautason og
Trausti Ólafsson.
Ekki lá fyrir fýrr en umsókn-
arfrestur var útrunninn að
Sunna var meðal umsækjenda
og ákvað leikhúsráð því að aug-
lýsa stöðuna að nýju, en það
er gert til að tryggja að jafn-
ræði ríki meðal umsækjenda.
Viðar Eggertsson leikhús-
stjóri lætur af því starfí um
næstu áramót, en hann hefur
sem kunnugt er verið ráðinn
leikhússtjóri Borgarleikhússins.
Um 800 hafa
séð Drakúla
UM 800 manns hafa séð sýn-
ingu Leikfélags Akureyrar á
gömlu hryllingssögunni um
Drakúla en verkið hefur verið
sýnt 6 sinnum.
„Auðvitað eru það viss von-
brigði að verkið skuli ekki
ganga betur,“ sagði Sunna
Borg, formaður Leikfélags Ak-
ureyrar. Kvað hún mikla vinnu
liggja að baki uppsetningu
verksins og kostnað mikinn.
„En svona er leikhúsið, það
skiptast á skin og skúrir."
Ragna Garðarsdóttir miða-
sölustjóri sagði að þó nokkur
hópur ungs fólks hefði séð sýn-
inguna á Drakúla og virtist
verkið falla því vel í geð. Þá
hefur fólk úr nágrannabyggð-
um einnig sótt leikhúsið að
venju.
Leikritið er sýnt einu sinni í
viku í Samkomuhúsinu, á laug-
ardagskvöldum.
Ráðist á
stúlku
TVÆR stúlkur réðust að 16
ára stúlku á Ráðhústorgi í
miðbæ Akureyrar aðfaranótt
laugardags. Þær spörkuðu í
hana og marðist hún nokkuð
á fótum. Árásin var tilkynnt
til lögreglu. Þá kom tii átaka
'milli tveggja karlmanna í Sjall-
anum um helgina og var lög-
regla kvödd á vettvang.
• Á bifreiöaverkstæöum þar sem félagsmenn okkar starfa eru
þeir klæddir sérstökum vinnufatnaöi með merki Bíliðnafélagsins.
• Merkið tryggir þér traustan fagmann sem kann vel til verka
og hefur aðgang aö endurmenntun á sínu sérsviöi.
• Láttu ekki bílinn þinn i hendurnar
á hverjum sem er. Það gseti orðið þér dýrt.