Morgunblaðið - 25.11.1995, Qupperneq 1

80 SIÐUR B/LESROK/D
270. TBL. 83. ÁRG. LAUGARDAGUR 25. NÓVEMBER1995 PRENTSMIÐJA MORGUNBLAÐSINS
Berlusconi sætir
nýrri rannsókn
Fyrirtæki hans sökuð um að hafa
mútað Bettino Craxi
Róm. Reuter.
SILVIO Berlusconi, fyrrverandi
forsætisráðherra Ítalíu, sagði í gær
að hann sætti rannsókn vegna
meintra brota á lögum um fjár-
mögnun flokka. Daginn áður höfðu
fyrirtæki Berlusconis verið sökuð
um að hafa mútað Bettino Craxi,
fyrrverandi forsætisráðherra og
leiðtoga Sósíalistaflokksins.
Berlusconi sagði að rannsóknar-
dómarar hefðu boðað hann á sinn
fund til að yfirheyra hann. „Ég
held að ég mæti ekki þar sem ég
sé enga þörf á að hitta menn sem
vilja aðeins skaða mig,“ sagði for-
sætisráðherrann fyrrverandi.
Berlusconi verður sóttur til saka
í janúar vegna annars máls,
meintra mútugreiðslna fjölmiðla-
veldis hans, Fininvest, til skatt-
ránnsóknamanna. Hann hefur þó
ávallt vísað sakargiftunum á bug
og sakað rannsóknardómara í
Mílanó um pólitíska herferð gegn
sér.
Berlusconi varð fyrir enn einu
áfallinu í fyrradag þegar dómari í
Mílanó gaf út handtökuheimild á
hendur Giorgio Vanoni, fjármála-
stjóra erlendra dótturfyrirtækja
Fininvest. Vanoni er grunaður um
að hafa séð um að koma mútum
til Craxi. Dómarinn gaf einnig út
fyrirmæli um handtöku Craxi, sem
er í útlegð í Túnis, og tveggja að-
stoðarmanna hans.
„Síðasta stórorrustan milli rann-
sóknardómaranna og Silvios Ber-
lusconis er hafin,“ sagði dagblaðið
La Stampa i forystugrein á forsíðu.
Víki fyrir Fini
Berlusconi kvaðst í gær ekki
ætla að draga sig í hlé sem leið-
togi hægriflokkanna. Ásakanirnar
gætu þó valdið honum miklum
álitshnekki og skaðað hægriflokk-
ana í næstu þingkosningum, sem
búist er við að verði á næsta ári.
Hægrimaðurinn Mirko Tre-
maglia, þingmaður Þjóðarbanda-
lagsins, samstarfsflokks Berlusc-
onis, hvatti hann til að draga sig
í hlé og víkja fyrir Gianfranco Fini,
leiðtoga Þjóðarbandalagsins, sem
forsætisráðherraefni hægriflokk-
anna.
Berlusconi sagði það ekkert
leyndarmál að hann hefði verið
náinn vinur Craxi. Fyrirtæki hans
hefðu þó aðeins stutt Sósíalista-
flokkinn með löglegum hætti,
t.a.m. með því að veita honum
afslætti af verði auglýsinga.
„ 1111
*"»in Niv,
' M>\
( OTlsÉg
V!MTívt
Reuter
Ríkis-
starfs-
menn
mótmæla
FRANSKIR ríkisstarfsmenn
efndu til sólarhrings verkfalls
í gær til að mótmæla fyrir-
huguðum breytingum á vel-
ferðarkerfinu. Varð mikil
röskun á samgöngum í lofti og
á láði og starfsemi lagðist nið-
ur í skólum, sjúkrahúsum,
pósthúsum og fleiri opinberum
stofnunum. Samkvæmt skoð-
anakönnunum er töluverður
meirihluti Frakka samþykkur
umbótum á velferðarkerfinu,
sem rekið er með gífurlegum
lialla, en tvö stærstu verkalýðs-
félögin í Frakklandi hafa boð-
að til annars verkfalls á þriðju-
dag. Jacques Barrot félags-
málaráðherra sagði í gær, að
ríkisstjórnin myndi í engu
hopa enda væri ekki annarra
kosta völ en (h’aga úr halla-
rekstrinum. Á myndinni er
verkfallsmaður búinn sem
gömul kona og á spjaldinu
stendur, að hann krefjist þess
að geta lifað sómasamlega í
ellinni gegn því að leggja fram
2% af launum sínum árlega.
Bosnískir o g króatískir hermenn bornir þungum sökum
Stöð SÞ rænd og
hús Serba brennd
Pólsku kosningarnar
650.000
mótmæli
berast
Varsjá. Reuter.
RÚMLEGA 650.000 kjósendur hafa
sent hæstarétti Póllands mótmæli
og krafist þess að forsetakosning-
arnar sl. sunnudag verði dæmdar
ógildar vegna meintra kosninga-
svika. Þeir segja einnig sigurvegar-
ann, Aleksander Kwasniewski, hafa
villt um fyrir kjósendum með ósann-
sögli um menntun sína.
Kwasniewski sagðist hafa há-
skólapróf í hagfræði en háskólinn
í Gdansk skýrði hins vegar frá því
viku fyrir kosningarnar að hann
hefði ekki verið brottskráður.
Stuðningsmenn Kwasniewskis
höfðu lagt áherslu á að hann væri
menntaðri og hæfari til að gegna
forsetaembættinu en Walesa.
„Þetta kann að virðast lítilfjör-
legt mál en staðreyndin er sú að í
skoðanakönnunum sögðu 36% kjós-
enda að menntun vægi einna þyngst
þegar valið væri á milli frambjóð-
endanna," sagði Boguslaw Kow-
alski, talsmaður Walesa. Hann
sagði aðstoðarmenn Walesa einnig
hafa bent á 56 skráð dæmi um
misferli eða tilraunir til kosninga-
svika.
Hæstiréttur hefur frest til 9.
desember til að úrskurða í málinu
og lögfræðingar telja að kosning-
arnar verði ekki dæmdar ógildar.
Hjónum leyft
að skilja?
ÍRAR gengu í gær til atkvæða um
hvort breyta ætti stjórnarskránni
og binda enda á 70 ára bann við
hjónaskilnuðum. Skoðanakannan-
ir fyrir atkvæðagreiðslu þjóðar-
innar bentu til þess að mjótt yrði
á munum, en úrslitin eiga að
liggja fyrir á hádegi í dag.
Ríkisstjórnin og margir stjórn-
arandstæðingar hvöttu kjósendur
til að greiða atkvæði með sljórn-
arskrárbreytingunni en kaþólska
kirkjan beitti sér mjög gegn
henni. I samskonar þjóðar-
atkvæðagreiðslu árið 1986 voru
tveir þriðju kjósenda andvígir því
að hjónaskilnaðir yrðu leyfðir. Á
myndinni mæta írskar nunnur á
kjörstað.
BOSNÍSKIR stjórnarhermenn létu
greipar sópa um eina bækistöð
Sameinuðu þjóðanna í gær og frétt-
ir eru um, að króatískir hermenn
hafi rænt og brennt hús á svæði,
sem afhenda á Serbum. Forseti
þings Bosníu-Serba neitar enn að
fallast á friðarsamningana og kallar
þá svik.
Chris Vernon, undirofursti og
talsmaður friðargæsluliðsins, sagði,
í samtali við fréttaritara Reuters,
að bosnísku stjórnarhermennimir,
200 að tölu, hefðu ráðist inn í bæki-
stöð 80 friðargæsluliða frá Bangla-
desh í Velika Kladusa og stolið þar
öllu steini léttara. Skutu þeir af
byssum upp í loftið og höfðu meðal
annars á brott með sér níu bryn-
varða bíla, bensín og matvæli. Hef-
ur þessum atburði verið harðlega
mótmælt við stjórnina í Sarajevo.
Króatar óánægðir
Maríanna Csillag, hjúkrunar-
fræðingur, sem starfar á vegum
Rauða krossins í gömlu Júgóslavíu,
segir mikla óánægju með friðar-
samninginn meðal Króata. Þeir séu
einkum óánægðir með að þurfa að
gefa eftir landsvæði sem þeir náðu
í Mið-Bosníu.
Mjiríanna segir menn sammála
um að samkomulagið feli ekki í sér
neina lausn á málefnum flótta-
mannanna. „Menn hafa ekki trú á
því að flóttamenn geti snúið aftur.
Þess eru dæmi að króatískir flótta-
menn frá Bosníu hafi verið sendir
aftur til „öruggra svæða“ í Bosníu
frá Króatíu áður en samkomulagið
náðist. Nú verður hluti þessa fólks
að halda hrakningunum áfram því
svæðin, sem það var sent til, féllu
Bosníu-Serbum í skaut.“ v
Króatar kveikja í húsum
Reuter hafði eftir talsmanni SÞ,
Alexander Ivanko, að króatískir
hermenn hefðu rænt verðmætum
úr húsum í Mrkonjic Grad og Sipovo
í Norðvestur-Bosníu og brennt þau.
Þessi svæði féllu í hendur Króötum
og múslimum í haust en verða
serbneskt svæði samkvæmt friðar-
samningunum.
William Perry, varnarmálaráð-
herra Bandaríkjanna, sagði í Vín í
gær, að NATO-herliðið myndi halda
uppi gæslu jafnt á svæði Serba sem
múslima og Króata og yrði komið
þangað fáum dögum eftir lokaund-
irritunina í París. Sagði hann, að
hún yrði snemma i desember.
Momcilo Krajisnik, forseti þings
Bosníu-Serba, neitar enn að fallast
á friðarsamningana þótt svo virðist
sem allir aðrir leiðtogar þeirra hafi
heitið að framfylgja þeim. Hefur
Krajisnik viðurnefnið „herra nei“
vegna afstöðu sinnar í fyrri friðar-
viðræðum. Radovan Karadzic, leið-
togi Bosníu-Serba, kvaðst í gær-
kvöldi styðja samningana.
Reuter