Morgunblaðið - 02.12.1995, Blaðsíða 4
4 LAUGARDAGUR 2. DESEMBER 1995
MORGUNBLAÐIÐ
FRÉTTIR
Stöð 3 setur upp endurvarpsbúnað tll að eyða „skuggasvæðum“
María Ellingsen
sem Katrín mikla
Stúdentar fagná fullveldi
STÚDENTAR við Háskóla íslands héldu full-
veldisfagnað í gær, líkt og þeir hafa gert frá
1922. Að þessu sinni var fagnaðurinn jafn-
framt stofnfundur Hollvinasamtaka Háskóla
íslands og þjóðarátaki háskólastúdenta fyrir
bættum bókakosti Þjóðarbókhlöðu var form-
lega slitið. Markmið Hollvinasamtakanna er
að auka tengsl Háskólans við útskrifaða nem-
endur sína og aðra þá, sem bera hag skólans
fyrir brjósti, auk þess að vera stuðningssamtök
Háskólans.
Dagskrá fullveldishátíðar stúdenta hófst
með messu í kapellu Háskólans kl. 11 og buðu
guðfræðinemar til kaffisamsætis að henni lok-
inni.
Kl. 12.30 lagði Kamilla Rún Jóhannsdóttir,
framkvæmdastjóri Stúdentaráðs, blómsveig að
leiði Jóns Sigurðssonar í kirkjugarðinum við
Suðurgötu og Illugi Jökulsson rithöfundur
mælti fyrir minni Jóns.
Þjóðarátaki fyrir þjóðbókasafni var formlega
slitið í Þjóðarbókhlöðunni kl. 13. Þar fluttu
ávörp Skúli Helgason, fyurrverandi fram-
kvæmdastjóri átaksins, Einar Sigurðsson
landsbókavörður og Dagur Eggertsson, fyrr-
verandi formaður Stúdentaráðs. Háskólastúd-
ent framtíðarinnar, Davíð Stefánsson, 7 ára,
afhjúpaði þakkarskjöld með nöfnum 25 stórra
gefenda.
Hátíð í Háskólabíói hófst kl. 14 og setti
hana Guðmundur Steingrímsson, formaður
Stúdentaráðs. Ólafía Hrönn Jónsdóttir og tríó
Tómasar R. Einarssonar flutti gestum jasstónl-
ist og því næst mælti Guðrún Erlendsdóttir
hæstaréttardómari fyrir stofnun Hollvinasam-
taka Háskóla íslands. Gestir á stofnfundinum,
þar á meðal forseti íslands, skráðu sigí sérstak-
ar bækur sem lágu frammi í anddyri Háskóla-
bíós og urðu þar með stofnfélagar í Hollvina-
samtökunum.
Stúdentar ekki aðeins þiggjendur
Forseti íslands, frú Vigdís Finnbogadóttir,
varð fyrsti félagi og jafnframt heiðursfélagi
Hollvinasamtakanna. Hún sendi stúdentum
kveðju á fullveldisdaginn og vék þar að þjóðará-
taki til eflingar Þjóðarbókhlöðu á síðasta ári.
Þá segir: „Nú ári síðar blása stúdentar til nýrr-
ar sóknar með því að koma á fót Hollvinasam-
tökum Háskóla íslands 1. desember 1995 þar
sem safnað verður fé með árgjöldum sem renna
skulu til þeirra góðu verka að efla lærdóm og
rannsóknir við Háskóla íslands. Þannig sýna
stúdentar í verki að þeir vilja ekki aðeins vera
þiggjendur heldur einnig veitendur til heilla
háskóla sínum og íslenskri þjóð.
Ég óska stúdentum árangurs í hinu nýja
átaki sem efla á Háskóla íslands og íslenskt
menntasamfélag og megi gifta fylgja æsku
landsins um alla framtíð."
Arfleifð sem vegarnesti
Matthías Johannessen, skáld og ritstjóri,
flutti hátíðarræðu fullveldisfagnaðar og talaði
um arfleifð íslendinga sem vegarnesti inn í
framtíðina.
FLEST bendir til þess að
María Ellingsen leikkona leiki
eitt aðalhlutverkið í kvik-
mynd um Katrínu miklu. Auk
hennar leikur m.a. í myndinni
Faye Dunaway. Kvikmyndin
verður tekin í Pétursborg í
Rússlandi og Búdapest í Ung-
veijalandi. Framleiðandi og
leikstjóri verður Bob Gucci-
one, ritstjóri tímaritsins Play-
boy. Kvikmyndin á að kosta
30-40 milljónir dollara í
framleiðslu.
Guccione gerði kvikmynd-
ina um Kaligúia Rómarkeis-
ara árið 1979 sem vakti mikla
athygli og umtal á sínum tíma.
Höfundur handrits er Nichol-
as Roeg, sem m.a. gerði kvik-
myndirnar The Man Who Fell
to Earth og Don’t Look Now.
Fréttir um þetta birtust í
fréttaskeytum Reuter-frétta-
stofunnar í gær en María
kveðst sjálf ekki hafa fengið '
staðfestingu á þessu.
„Roeg skrifaði handritið að
þessari mynd þar sem meiri
áhersla er lögð á hana sem
konu en pólitískt afl. Ég fór
í viðtal í New York við Gucci-
one í júlí. Ég hafði áhyggjur
af nektarsenum og vildi fá að
vita nákvæmlega hvernig þær
yrðu áður en ég samþykkti
að vera með. Það kom í ljós
að hann ætlar ekki að endur-
gera Kaligúla og mér létti nú
við það,“ sagði María.
Faye María
Dunavay EUingsen
María sagði að notaðir yrðu
staðgengiar í nektaratriðum
myndarinnar. „Vinna við
myndina átti að hefjast í haust
en ég hef ekki heyrt eitt orð
um þetta fyrr en nú. Ég var
því búin að afskrifa myndina."
Kvikmyndin fjallar eins og
fyrr segir um ævi Katrínar
miklu, og hana leika, sam-
kvæmt fréttum Reuters, fjór-
ar leikkonur sem túlka per-
sónu hennar á mismunandi
æviskeiðum. Faye Dunaway
leikur hana frá fertugu og
upp úr. María segir að hún
myndi leika í tveimur þriðju
hlutum myndarinnar.
„Þetta er mynd um djarfa
konu og hún verður mjög
umdeild, ef hún verður þá
einhvern tíma gerð. Meira
veit ég ekki,“ sagði María.
María hefur umboðsmenn í
New York og Los Angeles en
hlutverkið í Katrínu miklu
kom í gegnum umboðsmann
hennar í London sem hún hef-
ur nýlega gengið til Iiðs við.
HÁSKÓLAKÓRINN flutti stúdentum og gestum þeirra Íslandsvísur eftir Gylfa Þ. Gísla-
son, fyrrverandi menntamálaráðherra, og hátiðardagskránni lauk með ávarpi Svein-
björns Björnssonar, háskólarektors.
Morgunblaðið/Sverrir
FINNBOGI Guðmundsson, fyrrverandi
landsbókavörður, var á meðal þeirra sem
gerðust stofnfélagar Hollvinasamtakanna.
Skuggalaust fyrir 1. mars
STÖÐ 3 hefur ákveðið að setja upp
endurvarpsbúnað fyrir öll þekkt
skuggasvæði á Stór-Reykjavíkur-
svæðinu. Að sögn Úlfars Steindórs-
sonar, framkvæmdastjóra Stöðvar
3, er gert ráð fyrir þvi að búnaðurinn
verði settur upp í nokkrum áföngum
og að allir íbúar á þessum svæðum
geti náð útsendingum stöðvarinnar
fyrir 1. mars 1996.
Hann segir að gert sé ráð fyrir
því að fyrsta áfanga verði lokið þann
21. desember og mun hann spanna
stóran hluta þeirra skuggasvæða
sem nú eru á útsendingarsvæði
Stöðvar 3. Á meðfylgjandi korti má
sjá hvaða svæði eru í fyrsta áfanga.
Stöð 3 í kapal
í Hafnarfirði
Þá hefur Stöð 3 gengið frá samn-
ingum við Rafveitu Hafnarfjarðar
um afnot stöðvarinnar af kapalkerfi
því sem rafveitan rekur. Að sögn
Úlfars er hér um rúmlega 1.500
heimili að ræða sem framvegis geta
náð útsendingu stöðvarinnar með
þessum hætti. Hann segir að dag-
skrárrásin verði komin inn á kapal-
kerfið fyrir 15. desember nk. og
reiknað sé með því að gervihnatta-
rásimar verði komnar inn fyrir ára-
mót.
í ljós hefur komið að eldri sjón-
varpstæki geta í sumum tilfellum
ekki tekið á móti útsendingu Stöðvar
3. Úlfar segir að hér sé um und-
antekningartilfelli að ræða og vanda-
málið sé að auki svæðisbundið.
„Þetta á alls ekki við um öll eldri
sjónvarpstæki en við bendum fólki á
að það geti leitað upplýsinga hjá
okkur um hvort að þeirra sjónvarps-
tæki nái útsendingunum stöðvarinn-
ar eða ekki.“
Uppsetning endurvarpsbúnaðar
fyrir skuggasvæði Stöðvar 3
í
Senðir Stöðvar 3 er
á Húsi verslunarinnar
Garðabær: Bæjargil og
Vífilsstaðir
Kópavogur: SuOurhlíðar
Reykjavík: Efra-BreiOholt,
Fossvogur-Blesugróf og
Foldahverfi í Grafarvogi
Mosfellsbær: Austurhluti
Akranes: Norðurhluti
# Önnur skuggasvæði
-DVkannar fylgi
lista í Reykjavík
Sjálfstæð-
isflokkur
fengi
meiri-
hluta á ný
FYLGI meirihluta Reykjavík-
urlistans í Reykjavík hefur
minnkað mikið og myndi list-
inn missa völd í höfuðborg-
inni til Sjálfstæðisflokks yrði
gengið til kosninga nú, sam-
kvæmt skoðanakönnun, sem
birtist í Dagblaðinu Vísi í
gær.
51,2% aðspurðra í könnun
DV kváðust myndu greiða
Sjálfstæðisflokki atkvæði ef
kosið yrði nú, en flokkurinn
fékk 47% atkvæða í borgar-
stjómarkosningunum í maí í
fyrra. 33,2% aðspurðra kváð-
ust myndu veita Reykjavíkur-
listanum fylgi, en listinn fékk
53% fylgi í kosningunum.
Fylgi Sjálfstæðis-
flokksins 60,7%
12,4% aðspurðra í könnun-
inni sögðust vera óákveðin
og 3,2% gáfu ekki upp af-
stöðu sína. Þegar aðeins er
tekið mið af þeim, sem tóku
afstöðu, er fylgi D-lista Sjálf-
stæðisflokks 60,7%, en R-
lista Reykjavíkurlista 39,3%,
ef marka má könnun DV.
Úrtakið í könnun blaðsins
var 434 kjósendur í Reykjavík
og sagði að skekkjumörk í
slíkri könnun væru um fjögur
prósentustig.