Morgunblaðið - 02.12.1995, Blaðsíða 72

MORGUNBLADID, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÖSTHÖIF 3040, NETFANC MBL@CENTRUM.IS / AKUREYRI: HAFNARSTRÆTl 85
LAUGARDAQUR 2. DESEMBER 1995
VERÐ í LAUSASÖLU 125 KR. MEÐ VSK
Sjúkrahúslæknar segja upp kjarasamningum
Telja forsendur brostnar
Strútseldi
í athugun
Dýrasta
kjöt
á heims-
markaði
NOKKRIR bændur frá Vest-
íjörðum, Eyjafirði og Homafirði
eru nú að kanna möguleika á
strútseldi hérlendis og hafa
m.a. fengið Elsu Guðmunds-
dóttur, atvinnuráðgjafa Vest-
fjarða, til liðs við sig. Þetta
kemur fram í grein eftir Axel
Axelsson dagskrárgerðarmann
í blaðinu í dag. Nokkrar fyrir-
spumir um þetta hafa borist
landbúnaðarráðuneytinu að
undanfömu, að sögn Sigurðar
Arnar Hanssonar aðstoðaryfir-
dýralæknis.
Agnar Guðnason, ráðunaut-
ur hjá Bændasamtökunum,
segir að bændur séu töluvert
forvitnir um þessa atvinnu-
grein.
2-12 þúsund krónur
Þrír ungir strútar kosta sam-
tals um tvær milljónir króna,
en strútskjöt er dýrasta kjötið
á heimsmarkaði í dag. Kílóverð-
ið getur verið allt frá tvö þús-
und krónum og upp í tólf þús-
und krónur. Agnar segir þó lík-
legt að verðið falli um ieið og
fleiri verða um hituna. Hann
telur að kílóverðið verði, er fram
líða stundir, svipað og á mjög
góðu nautakjöti.
■ Bændur kanna/42
I Jóla-
sveinalandi
JÓLAÆVINTÝRIÐ hófst
formlega í Jólasveinabænum
Hveragerði í gær. Flugeldum
var skotið á loft og fóru
margir í kyndlagöngu. Mikill
mannfjöldi kom í Jóla-
sveinabæ til að fylgjast með
upphafi jólaævintýrsins. Þar
á meðal var þessi íitla hnáta,
sem horfir hugfangin á sjálf-
an jólasveininn. Hann hefur
aðsetur í Jólahöllinni og tek-
ur á móti börnum í arinstofu
sinni, þar sem hann segir
þeim skrýtnar en skemmti-
legar sögur.
LÆKNAFÉLAG íslands og
Læknafélag Reykjavíkur hafa sagt
upp samningum sjúkrahúslækna
og tekur uppsögnin gildi um ára-
mótin. Páll Þórðarson, fram-
kvæmdastjóri LI, segir að ástæða
uppsagnar sé ákveðin bókun í
samningnum um að tilteknar for-
sendur skuli halda en læknar telji
að þær hafi brugðist og segi samn-
ingnum því upp af þeim sökum.
Páll kveðst ekki vilja skýra frá
því hveijar þessar forsendur eru,
að svo stöddu, þar sem upp kunni
að koma ágreiningur um hvort
þetta sé rétt mat eða ekki.
„Þegar tilteknar forsendur, sem
gengið er út frá við gerð samn-
ings, halda ekki er komið tilefni
til uppsagnar og sjálfsagt að nota
þann rétt,“ segir hann. Samningur-
inn, sem var undirritaður fyrir rétt
rúmum sjö mánuðum, eða 15. apríl
sl., nær til um 530 sjúkrahúslækna
á landinu öllu, eða nær allra spít-
alalækna hérlendis fyrir utan
nokkra yfírlækna sem starfa sam-
kvæmt eldra launakerfi.
Ólögmætt að mati ráðherra
Páll kveðst gera ráð fyrir að
samninganefndir ríkisins og
lækna muni funda um málið eftir
helgi. „Samningurinn verður laus
um áramót og 3% hækkun sem
átti að koma til framkvæmda 1.
janúar gerir það ekki. Menn verða
síðan að takast á um hvort túlkun
okkar sé rétt eða ekki og ef ekki
næst saman, getur verið að deil-
unni verði vísað til Félagsdóms,
en fjármálaráðherra hefur nefnt
þann möguleika nú þegar," segir
Páll.
Fjármálaráðherra hefur lýst því
yfir að hann telji uppsögnina ólög-
mæta og að fjallað verði um málið
á fundi ríkisstjórnar á þriðjudag.
Meiri kaupmáttur með febrúar samningnnum en búist var við
Kaupmáttur eykst um
5,5% á samningstíma
GYLFI Arnbjömsson, hagfræð-
ingur ASI, segir að útlit sé fyrir
að febrúarsamningamir leiði til
þess að kaupmáttur meðallauna
ASÍ-félaga hækki um 5,5% á
samningstímanum. Þetta er tals-
vert meiri aukning en reiknað var
með þegar samningarnir voru und-
irritaðir. Ástæðan er minni verð-
bólga og hækkun desemberupp-
bótar.
Þegar samningarnir vom undir-
ritaðir í febrúar var reiknað með
að kaupmáttur á samningstímabil-
inu ykist um 3,5%, þar af 1,5%
vegna hækkunar skattleysis-
marka. Þá var gengið út frá að
verðbólga yrði tæplega 3% á þessu
ári. Nú er útlit fyrir að verðbólgan
verði innan við 2% á árinu. Hækk-
un á desemberuppbót leiðir til 1,1%
hækkunar launa. Niðurstaðan er
þess vegna að kaupmáttur meðal-
launa á samningstímanum verði
um 5,5%, sem er um 2% meiri
kaupmáttur en reiknað var með
þegar samningarnir voru undirrit-
aðir.
Gylfí sagði að ASÍ spáði 2,4%
verðbólgu á næsta ári. Miðað væri
við að þær breytingar sem gerðar
yrðu á verði grænmetis og afurð-
um svína og alifugla vægju upp
þau verðlagsáhrif sem yrðu af
hækkun desemberuppbótar og
0,5% hækkun á tryggingargjaldi.
Desemberuppbótin myndi þess
vegna að öllu leyti fara í vasa laun-
þega og leiða til raunhækkunar á
kaupmætti.
GRÝLA
SH hættir í tún-
fiskútgerð
TUNFISKBATUR fyrirtækisins
Goodman Shipping, sem að hálfu
er í eigu Sölumiðstöðvar hrað-
frystihúsanna (SH), var seldur
fyrir skömmu og verður fyrirtæk-
ið lagt niður. Jón Ingvarsson,
stjórnarformaður SH, sagði í gær-
kvöldi að Goodman Shipping
myndi skila einhverjum hagnaði
og sömuleiðis hefði fyrirtækið
hagnast á sölu tveggja skipa, sem
félagið átti.
Goodman Shipping hóf útgerð
frá borginni Abidjan á Fílabeins-
ströndinni snemma árs 1994. Fyr-
ir ári var annað skipið, Jacques
Cartier, selt og nú hefur verið
gengið frá sölu hins skipsins, Via
Simone, til Venezúela.
„Reynslunni ríkari“
„Við erum reynslunni ríkari, en
nú teljum við rétt að slíta þessu,"
sagði Jón. „Dæmið gekk ágætlega
upp og reynsluna af því er hægt
að nýta aftur hvenær sem er.“
Jón sagði að félagið Goodman
Shipping hefði verið stofnað með
indverskum fjárfesti og ætlunin
hefði verið að fara með túnfisk-
skipin tvö til Indlands.
„Við höfðum um það. ákveðin
áform og góð loforð frá indversk-
um stjórnvöldum að félagið fengi
50 þúsund tonna túnfískkvóta á
ári innar, 200 mílna efnahagslög-
sögu Indlands," sagði Jón. „En við
sáum ekki ástæðu til að halda
rekstri áfram með þessum aðila
vegna þess að fyrirheit indverskra
stjórnvalda um umræddan kvóta
og ýmsa aðra fyrirgreiðslu stóðust
ekki, sjálfsagt vegna þess að
skammt er í kosningar og mótbár-
um var hreyft vegna erlendrar fjár-
festingar á Indlandi."