Morgunblaðið - 31.12.1995, Síða 17

MORGUNBLAÐIÐ
Sænskir hjúkrunarfræðingar
herða aðgerðir sínar
Nær fjórðung-
ur í verkfall
Kaupmannahöfn. Morgnnblaðið.
ÞRÁTT fyrir að sænskir hjúkrun-
arfræðingar hafí lækkað kaupkröf-
ur úr 35 prósentum niður í sautján
prósent hefur slitnað upp úr samn-
ingaviðræðum. Viðsemjendur
þeirra bjóða ellefu prósent, sem
er það sama og aðrir hópar hafa
áður fengið. Verkfallið hefur stað-
ið í fjórar vikur og aðgerðimar
verið hertar smátt og smátt.
Meðallaun sænskra hjúkrunar-
fræðinga eru um 145 þúsund ís-
lenskar krónur og upphaflega
krafa þeirra var 195 þúsunda með-
allaun. Af 85 þúsund hjúkrunar-
fræðingum eru nú um tuttugu
þúsund í verkfalli. Sjúkraþjálfarar
eru einnig í verkfalli til að fylgja
launakröfum sínum eftir.
Mikill hiti í mönnum
Þegar slitnaði upp úr viðræðum
hjúkrunarfræðinga í byrjun vik-
unnar höfðu þeir slegið mikið af
kröfum sínum, en viðsemjendur
þeirra hagga ekki tilboði sínu. Um
leið var svo rætt um ráðstafanir
aðrar en grunnprósentuna. Mikill
hiti er í verkfallsmönnum ef marka
má viðtöl í sænskum fjölmiðlum
undanfarið.
Hjúkrunarfræðingar hafa skipu-
lagt verkfallið þannig að vikulega
hefur verið ijölgað hjúkrunarfræð-
ingum í verkfalli. Verkfallið hefur
haft mikil áhrif á framkvæmd
ýmiss konar aðgerða, sem ekki eru
bráðaaðgerðir. Langir biðlistar eru
í margar tegundir aðgerða og verk-
fallið hefur enn lengt þá. Búist er
við að taka muni marga mánuði
að vinda ofan af biðlistum, sem
myndast vegna verkfallsins.
Vilja aukinn
launamun
Tilboð til hjúkrunarfræðinganna
var að þær fengju um 15 þúsund
króna hækkun eða um ellefu pró-
sent, sem gæti teygst upp í 17-18
prósent með staðbundnum viðbót-
um. Ellefu prósentin eru sambæri-
leg því sem aðrir opinberir starfs-
menn hafa fengið á árinu eftir
mikinn barning. Boðið var miðað
við þriggja ára samningstíma.
Hjúkrunarfræðingar gera hins
vegar harðar kröfur til að vega
upp þá kjararýrnun, sem þeir álíta
að stéttin hafi mátt þola undanfar-
in ár og eins til að auka launamis-
mun innan stéttarinnar.
Eins og er blasir við langt og
strangt verkfall. Síðasta verkfall
sænskra hjúkrunarfræðinga var
1986 og stóð í sex vikur. Verkfall-
ið í þetta sinn stefnir í sömu átt,
ef ekki semst fyrir hátíðar.
100.000 myrtir
í Búrúndí
MEIRA en 1.000 manns falla í
mánuði hveijum fyrir sveitum
stjórnarhersins eða vopnuðum hóp-
um uppreisnarmanna í Afríkuríkinu
Búrúndí. Þetta kemur fram í nýrri
skýrslu mannréttindasamtakanna
Amnesty International sem spyija
aukinheldur hvað til þurfi að koma
til að heimsbyggðin sýni þessu blóð-
baði einhvem áhuga.
„Rúmlega 100.000 manns hefur
verið slátrað í Búrúndí frá því að
borgarastyijöld braust þar út í októ-
bermánuði 1993 en þjóðir heims
hafa brugðist fórnarlömbunum með
þögn sinni og aðgerðarleysi," segir
í skýrslunni.
Fram kemur að rúmlega 1.300
manns hafi verið myrtir frá því í
nóvember á þessu ári. Bardagar
uppreisnarmanna og stjórnarhers-
ins hafi frekar farið harðnandi í
tilteknum héruðum og þar kunni
að hafa verið framin fjöldamorð
sem ekki hafi enn verið skýrt frá.
Samtökin fullyrða að fórnarlömbin
séu einkum börn, konur og aldrað
fólk.
Tollkvótar vegna
innflutnings á blómum
Með vísan til 53. gr. laga nr. 99/1993 um framleiðslu, verðlagningu og
sölu á búvörum, sbr. breytingu með lögum nr. 87/1995 og með vísan til
reglugerðar frá 28. desember 1995, er hér með auglýst eftir umsóknum
um tollkvóta fyrir eftirfarandi innflutning:
Vara Tímabil Vörumagn VerOtollur Magntollur
Tollnúmer: kg % kr./kg
0601.2002 Blómstrandi pottapl. undir 1 m. 1.1.-30.4. 500 30 0
0601.2003 Grænar pottapl. undir 1 m. 1.1.-30.4. 2.000 30 0
0603.1009 Annars (Afskorin blóm). 1.1.-31.4. 4.000 30 0
Skriflegar umsóknir skulu sendar bréfleiðis eða með símbréfi til landbún-
aðarráðuneytisins, Sölvhólsgötu 7, 150 Reykjavík, og skulu hafa borist
fyrir kl. 16.00 föstudaginn 5. janúar 1996.
Landbúnaðarráðuneytið,
29. desember 1995.
- kjarni málsins!
SUNNUDAGUR 31. DESEMBER 1995
----------------------------------
Gleðilegt
nýtt ár!
/
Miklar breytingar hafa orðið á stöðu Islands í
samfélagi þjóðanna á síðustu árum. Samvinna og
samskipti þjóða jafnt í Evrópu sem á alþjóða-
vettvangi hafa aukist og við íslendingar höfum tekið
markvissan þátt í þeirri þróun. Mikil samræming
hefur farið fram á lögum, reglum og stöðlum
til þess að greiða fyrir viðskiptum á milli landa.
Sem dæmi um þátttöku okkar í þessu samstarfi
má nefna EES og GATT.
Þessir breyttu tímar hafa kallað á ný viðhorf. Meðal
annars hefur verið gripið til aðgerða hér heima til að
jafna aðstöðumun íslenskra fyrirtækja og bæta
samkeppnisstöðu þeirra. En það þarf að hyggja að
fleiri þáttum. Þegar íslenskt atvinnulíf er borið saman
við atvinnustarfsemi í öðrum löndum má ekki
gleymast að jafna þarf bæði aðstöðu íslenskra
fyrirtækja og launafólks.
Sú staðreynd blasir við að laun í nágrannalöndum
s
okkar eru mun hærri en hér á landi. I ljósi nýrra
aðstæðna er enn brýnna en áður að laun hér á
landi taki mið af þeim löndum sem við viljum
bera okkur saman við. Á næstu árum verður það
því ein meginkrafa íslensks launafólks og
s
samtaka þeirra að laun á Islandi verði
sambærileg við þau laun sem greidd eru
í helstu nágrannalöndum okkar.
Um leið og ASÍ sendir launafólki og landsmönnum
öllum nýárskveðjur með ósk um ánægjulegt
gamlárskvöld minnum við fólk á að
sýna aðgát við meðferð blysa og flugelda
ALPÝÐUSAMBAND ÍSLANDS
Samstaðan er afl
17