Morgunblaðið - 16.02.1996, Qupperneq 15
MORGUNBLAÐIÐ
FÖSTUDAGUR 16. FEBRÚAR 1996 15
URVERINU
FFSI gefur út leiðbeinandi lágmarksverð á loðnu
„Fullgóð loðna í bræðslu
verðfelld um allt að 50%“
GEFIÐ hefur verið út leið-
beinandi verð, sem jafn-
framt er lágmarksverð, á
loðnu upp úr sjó af Far-
manna- og fiskimanna-
sambandinu. Þar er höfð
hliðsjón af áætlun um
mjöl- og lýsisnýtingu í sjö-
undu viku þessa árs, af-
urðaverði og gengi ís-
lensku krónunnar gagn-
vart erlendri mynt, að því
er segir í fréttatilkynningu
frá FFSÍ.
„Þetta eru þær forsend-
ur sem liggja til grundvall-
ar,“ segir Benedikt Vals-
son, framkvæmdastjóri
Farmanna- og fiskimanna-
sambandsins. „Þær leiða
til þess að leiðbeinandi lág-
marksverð á loðnu til
bræðslu, miðað við fram-
leiðslu á standard-mjöli,
yrði 5.300 krónur á tonn.
Sé hins vegar framleitt
hágæðamjöl úr loðnunni
er leiðbeinandi lágmarks-
verð krónur 6.745 á tonnið.
Morgunblaðið/Sverrir
JÓN Einar Marteinsson, framkvæmdastjóri Netagerðar
Friðriks Villijálmssonar hf.
Ný bryggja bót
fyrir netagerðina
Sjálfsögð þjónusta
Benedikt segir að það sé sjálf-
sögð þjónusta við félagsmenn FFSÍ
áð gefa þeim nýjustu upplýsingar
um þær forsendur sem legið geti
til grundvallar varðandi verðlagn-
ingu á loðnu upp úr sjó.
„Það sem við höfum fregnað um
verðlagninu á loðnu upp úr sjó er
ekki langt frá þessu leiðbeinandi
verði,“ segir hann. „Til marks um
það er að hjá SR-mjöli hafa menn
tekið undir þá viðmiðunartölu að
verðleggja hráefni til bræðslu sem
54% af FOB-verði bræðsluafurða.“
Benedikt segir að vandræða-
gangur sé einna síst þegar allur
farmurinn sé seldur í bræðslu. Hins
vegar sé mikil óánægja meðal sjó-
manna varðandi verðlagningu á
loðnu til frystingar og þeirri loðnu
sem flokkast frá í framleiðsluferlinu
og fer í bræðslu.
Verð til frystingar of lágt
„Okkur sýnist af þeim tölum sem
við höfum aflað okkur, sérstaklega
í viðskiptum milli skyldra aðila í
veiðum og vinnslu, að verið sé að
greiða 20 til 30 krónur á hvert kíló
af loðnu til frystingar," segir Bene-
dikt. „Við teljum þó eðlilegt að þetta
verð liggi á bilinu 37 til 40 krónur
hvert kíló.“
Hann segir að fráflokkuð loðna
hafi verið verðfelld allt niður í þijú
þúsund krónur tonnið. „Við teljum
það ekki forsvaranlegt vegna þess
að gæði þeirrar loðnu eru ekki það
mikið lakari en á loðnu sem fer
beint til bræðslu," segir hann og
vísar því til staðfestingar í athugan-
ir sem gerðar hafa verið af Rann-
sóknastofnun fiskiðnaðarins.
„Þannig að menn eru að verðfella
fullgóða loðnu í bræðslu um allt að
helming," segir hann.
Einhliða verð-
ákvörðun kaupenda
„Þessi vandræðagangur varðandi
verðlagningu á ekki einungis við
um loðnugeirann heldur kemur
þetta víða fyrir annars staðar í sjáv-
arútveginum. Ég minni sérstaklega
á það, að verð á rækju upp úr sjó
er óeðlilega lágt um þessar mundir.
Ástæðan fyrir því er einfaldlega
einhliða verðákvörðun kaupenda."
BÆJARSTJÓRN Neskaupstaðar
hefur ákveðið að byggja á þessu
ári bryggju framan við Netagerð
Friðriks Vilhjálmssonar hf. Jón Ein-
ar Marteinsson, framkvæmdastjóri,
segir að það hjálpi fyrirtækinu að
bæta mjög þjónustu sína við flot-
ann.
Skipin geti lagst þar að og næt-
urnar verði hífðar beint inn í hús.
Bindur hann vonir við að þessi
framkvæmd verði lyftistöng fyrir
netagerðina og viðskiptin aukist.
Jón Einar og Síldarvinnslan hf.
keyptu í haust um 85% hlutafjár í
netagerðinni af stofnandanum,
Friðriki Vilhjálmssyni, og á Jón
Einar liðlega helming fyrirtækisins.
Jón Einar er Norðfirðingur. Hann
lærði netagerð hjá fýrirtækinu, nam
sjávarútvegsfræði í Noregi í fímm
ár og vann síðan hjá netagerð í
Noregi, meðal annars við að þróa
Sort-X smáfiskaskiljumar.
Netagerð Friðriks Vilhjálmsson-
ar er langstærsta netagerð Austur-
lands og þjónar öllum fjörðunum.
„Þetta leggst vel í mig. Fynrtækið
stendur á traustum grunni. Ég mun
reyna að veita sömu góðu þjón-
ustuna og það er þekkt fyrir og
reyna síðan að grípa þau tækifæri
sem gefast," segir Jón Einar.
í 'fyrirtækinu eru nú framleiddar
seiðaskiljur fyrir rækjutroll og Jón
Einar hefur umboð fýrir Sort-X
smáfiskaskiljur fyrir fískitroll.
Hann segir að íslensk skip muni
taka smáfiskaskiljumar í notkun,
það væri bara spurning. um tíma.
Þegar af því yrði myndi hann fram-
leiða þær í fyrirtækinu.
Utsölulok
laugardagur
Utsölulok
föstudagur
ALLT FRAM Á GANG • ALLT Á AÐ SCUAST
Gefðu þér tíma og Ifttu Inn • Gerðu góð kaup HÚlÍlH
10 fyrstu viðskiptavinir hverrar verslunar á útsölunni í dag, föstudag
fá auka 15% afsl. við kassa af heildarupphæð.
Opið virka daga 10.00-18.30 - Laugardaga 10.00-16.00 - Matvöruverslun 10.00-23.00
BORGARKRI
30 til allt að
í Borgarkrínglunni