Morgunblaðið - 16.02.1996, Síða 22
22 FÖSTUDAGUR 16. FEBRÚAR 1996
AÐSEIMDAR GREINAR
MORGUNBLAÐIÐ
Á að eyðileggja árangurs-
ríkt skólastarf í Fjölbrauta-
skólanum í Breiðholti?
MENNTAMÁLARÁÐHERRA,
Björn Bjarnason, hefur lagt fram
tillögur um mjög róttækar breyt-
ingar á námsframboði Fjölbrauta-
skólans í Breiðholti. Þetta eru til-
lögur á umræðustigi en engu að
síður valda þær áhyggjum. í ha-
græðingarskyni og til að leysa
húsnæðisvandræði FB er lagt til
að nemendum skólans fækki um
allt að þriðjung og verði um eitt
þúsund.
Kennslu í málmiðna-, rafiðna-,
og tréiðnagreinum verði hætt og
e.t.v. einnig matvælagreinum. Við
í FB höfum ýmislegt við þessar
tillögur að athuga.
Þarna er lagt til að umtalsverð
fækkun verði á nemendaíjölda
skólans og að starfsnámsbrautir,
sem hafa verið við FB alveg frá
fyrstu starfsárum hans og skilað
góðum árangri, verði fluttar burt.
FB hefur starfað í tuttugu ár. Á
þessum tíma hafa stöðugt verið
þróaðar nýjar námsbrautir sem
orðið hafa fyrirmynd annarra
skóla, jafnt innan lands sem utan.
FB stofnaður til að auka vægi
starfsnáms
FB er fyrsti fjölbrautaskólinn
hér á landi og námsframboðið í
dag er mjög fjölbreytilegt. Náms-
sviðin eru sjö, þ.e. bóknámssvið
(menntaskólasvið), félagsgreina-
svið, heilbrigðissvið,
listasvið, matvælasvið,
tæknisvið (iðnmennta-
svið) og viðskiptasvið.
Sum þessara sviða
veita réttindi eftir t.d.
eins eða tveggja vetra
nám, en stúdentsprófi
má ljúka á öllum
námssviðum skólans.
Frá upphafi hefur ver-
ið lögð áhersla á að
bjóða bæði upp á
verknám og bóknám í
skólanum enda var
hann m.a. stofnaður
til að auka vægi
verknáms, sem hefur
löngum staðið höllum fæti í ís-
lenska skólakerfinu.
Töluvert er um að nemendur
FB ljúki starfsnámi og síðan með
auknu námi stúdentsprófi á við-
komandi braut. Einnig er algengt
að nemendur, sem hefja bóklegt
nám, skipti yfir í verklegt án telj-
andi tafa.
Styrkur skólans, sveigjanleiki
og fjölbreytni
Styrkur skólans felst í þessum
sveigjanleika og fjölbreyttu náms-
framboði og því miklar líkur á að
nemandi geti stundað hér nám eft-
ir áhuga og hæfileikum.
FB'er hverfisskóli og hefur þró-
ast með hverfinu frá
upphafi. í Breiðholti
búa nú um 23 þúsund
manns og er íbúafjöld-
inn mun hærri en í
fjölmennustu kaup-
stöðum utan Reykja-
víkur. Fleiri íbúar þar
eru að jafnaði á fram-
haldsskólaaldri en í
öðrum hverfum borg-
arinnar. Því má búast
við nokkuð jafnri að-
sókn úr hverfinu á
næstu árum í FB og
nemendafjöldinn ætti
að leyfa áfram fjöl-
breytt nám.
2.300 nemendur
á hverju skólaári
Á undanfömum árum hafa að
jafnaði verið um 1.500 nemendur
í dagskóla og um 800 nemendur í
Mikið glæfraspil væri,
segir Kristín Arnalds,
að flytja starfsnámið
fráFB.
kvöldskóla, eða um 2.300 nemendur
á hveiju skólaári. Vaxandi aðsókn
hefur verið að skólanum og árlega
hefur því miður þurft að vísa frá
hundruðum nemenda sem sótt hafa
um skólavist. Starfsnám hefur átt
undir högg að sækja á framhalds-
skólastiginu og aukin sókn í bók-
nám hefur verið staðreynd. Hætt
er við að 16 ára nemandi úr Breið-
holti sækist fremur eftir bóknámi
í hverfinu en iðnnámi utan þess ef
t.d. tæknisviðið verður lagt niður í
FB. Því valda samgöngumál, og
miklu auðveldara er að stunda nám
innan hverfis en utan.
Rosenthal -p^púvch,n,oí
Glæsilegar gjafavörur -t.
Matar- og kaffistell OO \ó'/\ C\
í sérflokki
\oúeri/Xk
Vci'ð við nllrci hæfi Laugavegi 52, sími 562 4244.
Kristín Amalds
ÚTSALA
í Hólf & gólf
24.febrúar
lísar, parket, þiljur, eldhúsinnréttingar, Ijósa
urðir, baðvörur, baðinnréttingar, blöndunartæki
alerni., baðkör, sturtuklefar, fataskápar, Aristc
eimilistæki, gólfdúkar og margt, margt fleir;
H Ó L F & G Ó L F BYKO B R E I D D I N N I
----------------------------------
Skólinn ekki fullbyggður
Þótt FB hafi starfað í tuttugu
ár er skólinn ekki fullbyggður.
Upphaflega var gert ráð fyrir að
smiðjur fyrir skólann yrðu þijár,
enn hefur aðeins ein risið. Hús-
næði skólans hefur því árum sam-
an verið allt of lítið miðað við nem-
endafjölda og 'íjölþætta starfsemi
skólans.
Ljóst er að umtalsverðar og
kostnaðarsamar breytingar þarf
að gera á húsnæði tæknisviðs ef
það verður flutt burt og önnur
starfsemi sett þar í staðinn. Skv.
viðmiðunartölum frá bygginga-
deild menntamálaráðuneytisins má
gera ráð fyrir að ný smiðja, sem
mun leysa húsnæðisvandræði FB,
kosti um 80 milljónir á meðan
breytingar á núverandi smiðju fyr-
ir aðra starfsemi skólans muni lík-
lega kosta um 25-30 milljónir.
Verkaskipting skóla
í tillögum menntamálaráðuneyt-
is er sagt að fýrst og fremst sé
haft að leiðarljósi það markmið að
tryggja öllum nemendum sem
besta menntun og sem mestri hag-
kvæifini verði komið á í starfi
skóla. í Morgunblaðinu 30. janúar
sl. birtist grein eftir menntamála-
ráðherra er ber heitið „Verkaskipt-
ing milli framhaldsskóla". Þar er
Iögð áhersla á ágæti kjarnaskólans
sem verði miðstöð alls þróunar-
starfs og búinn fullkomnum tækja-
kosti.
í greininni segir m.a.: „Hafi
menn hagsmuni nemenda að
leiðarljósi, geta þeir ekki verið tals-
menn þess að fjárfesting í dýrum
tækjum dreifist milli skóla, því að
þá yrði aldrei bolmagn til annars
en meðalmennsku. Kröfurnar til
skólakerfisins eru svo miklar að
aðeins hið besta kemur til móts við
þær.“
Ekki miðstýring, heldur
samvinna
Engar efasemdir eru um mikil-
vægi hagræðingar og árangurs í
skólastarfi. En miðstýrð ákvörðun
um að einn skóli skuli settur yfir
allt þróunarstarf í ákveðinni grein
eflir ekki faglegan metnað eða
tryggir farsælt skólastarf, en getur
hins vegar hamlað eðlilegri fram-
för og þróun. Frumkvæði til um-
bóta þarf að koma fram sem víð-
ast og þrífst best í samkeppni. I
staðinn fyrir dýran tækjabúnað,
sem þyrfti alls ekki að vera í öllum
skólum, ætti að stuðla að aukinni
samvinnu milli skóla um nýtingu
tækjanna. Þeir gætu ýmist fengið
tímabundinn aðgang að búnaðin-
um eða nemendur sótt einstök
námskeið milli skóla.
Vandséð er að það sé ávinningur
fyrir skóla að verða kjarnaskóli
yfir öðrum skóla þegar ekki er
byggt á faglegum þáttum og
reynslu eins og fyrirhugað er t.d.
í tillögum um heilbrigðissvið.
Glæfraspil að flytja
starfsnámið
Mikið glæfraspil væri að flytja
starfsnámið frá FB og steypa um
koll farsælu samspili bóknáms og
verknáms. Ekki er unnt að sjá fjár-
hagsleg rök fyrir þessum flutningi
sem mun hins vegar hafa mikið
óhagræði í för með sér eins og hér
hefur komið fram.
Margir nemendur í Breiðholti
yrðu á rangri hillu, sjálfum sér til
ama og þjóðfélaginu til tjóns. Þá
yrði höggvið á 20 ára árangursríkt
skólastarf í FB og engin tiygging
er fyrir því að sú reynsla, þekking
og kunnátta, sem hér er til staðar,
fylgdi með í flutningunum.
Höfundur er skólameistari Fjöl-
brautaskólans í Breiðhoiti.
Sjöfn sem
formann
NÚ standa fyrir
dyrum kosningar til
formanns í STRV. Þrír
einstaklingar hafa
gefið kost á sér til
starfa og er Sjöfn Ing-
ólfsdóttir einn þeirra.
Á undanförnum árum
hefur Sjöfn gegnt
formannsembættinu í
félaginu og höfum við
stuðningsmenn henn-
ar fullan hug á að svo
verði áfram.
Á síðustu árum hef-
ur hart verið sótt að
STRV eins og öðrum
samtökum launafólks.
Sú launastefna, sem
fylgt hefur verið í landinu, hefur
bitnað illilega á okkar félagsmönn-
um eins og öðrum láglaunahópum
í þjóðfélaginu.
Nokkuð hefur þó áunnist, í síð-
asta kjarasamningi var t.d. lögð
áhersla á þrjá meginþætti; hækkun
lægstu launa, starfsmenntun og
undirbúning starfsmats. Að þessu
er unnið á samningstímanum.
Þá hefur kjörum og réttindum
okkar félagsmanna einnig verið
ógnað með margvíslegum öðrum
hætti, t.d. hækkunum á þjónustu-
gjöldum og áformum um einkavæð-
ingu. Er þar skemmst að minnast
deilunnar um einkavæðingu SVR.
Þar tókst með samstilltu átaki
starfsfólks SVR, STRV og BSRB
að vinna sigur.
Þannig hefur félagið þurft að
beijast á mörgum vígstöðvum og
eru þó ótalin öll þau mál sem aldr-
ei ná eyrum fjölmiðlamannanna. í
þessum slag hefur Sjöfn jafnan
verið föst fyrir, bæði í vörn og sókn
fyrir okkur félagsmennina.
Meginverkefnið í næstu samn-
ingum er að bijótast út úr lág-
launastefnu stjórn-
valda og vinnuveit-
enda. Því styðjum við
þá hugmynd hennar að
almennum félags-
mönnum, fulltrúaráði
og stjórn verði boðið
til opinnar hugmynda-
smiðju, þar sem kröfur
fyrir næstu samninga
verða ræddar, en þó
ekki síður hvaða leiðir
höfum við til þess að
ná þeim fram.
Það er mikilvægt í
jafnstóru og misleitu
starfsmannafélagi eins
og STRV er, veljist í
formannsembættið
manneskja sem þekkir vel allt
innra starf félagsins, á auðvelt með
Sjöfn hefur jafnan verið
föst fyrir, segir Jakob
Frímann Þorsteins-
son, bæði í vörn og
sókn.
að starfa með öðrum, býr yfir for-
ystuhæfileikum og er óþreytandi í
baráttunni fyrir bættum kjörum
félagsmanna. Okkar mat er að
Sjöfn uppfylli þessar kröfur best af
formannsframbjóðendunum.
Um leið og við leitum eftir stuðn-
ingi þínum við að kjósa Sjöfn í for-
mannsembættið vonumst við til, að
eftir kosningarnar stöndum við öll
saman, hér eftir sem hingað til.
Höfundur er starfsmaður íþrótta-
og tómstundaráðs.
Jakob Frímann
Þorsteinsson