Morgunblaðið - 08.03.1996, Blaðsíða 22

22 FÖSTUDAGUR 8. MARZ 1996
MORGUNBLAÐIÐ
LISTIR
FJÖLMIÐLUN
„Hugvekja“
MYNBLIST
Sólon íslandus
LJÓSMYNDIR
Anna Maria Sigurjónsdóttir. Opið á
tima veitingahússins til 17. mars.
Aðgangur ókeypis.
SÝNINGARSALURINN á efri
hæðinni á Sólon íslandus er nak-
inn, opinn og hrár, en þó virðast
mjög fáir sem sýna þar leitast við
að bæta þar úr og skapa mynd-
verkum sínum meiri nálgun.
Það gerir Anna María Sigur-
jónsdóttir ei heldur, og þó eru ljós-
myndir hennar einnig hráar og
grófkornaðar og kæmust helst til
skila í sérstöku og mjög lífrænu
umhverfí. Hrátt og náttúrulegt
umhverfí getur einnig verið líf-
rænt, en það er salurinn ekki,
heldur sem hálfköruð eða yfírgefín
bygging þar sem mosi og litir veðr-
unar hafa ekki enn náð að skapa
tímalega fyllingu.
„Kjamann í verkunum er að
finna í hugrenningum mínum um
efnishyggju nútímans; stöðuga
sókn eftir efnislegum gæðum sem
við höldum að við þörfnumst til
þess að öðlast hamingju en einung-
is grafa undan líkamlegri og and-
legri tilveru okkar“.
Þetta eru orð að sönnu hjá lista-
konunni og sértækar gerviþarfir
nútímans eru listamönnum áleitið
viðfangsefni, sem nálgast það á
margan hátt. Með beinni krufn-
ingu, og leit að háleitum sannleika
með því að vísa til dulda og heim-
speki fornaldar bak við hversdags-
legustu hluti, eða halda á vit laun-
sagna miðalda.
Til áréttingar vísar Anna María
til hugvekju Frederick Sommers;
„ótti, þrá, ringulreið, græðgi, ást,
stríð, lífið, dauði, peningar, al-
næmi, skeytingarleysi, hatur, vin-
átta. Helförin, spilling, skuggar,
hamingja, mannfyrirlitning, auð-
MYND eftir Önnu Maríu
legð, tómleiki, heilsa, vitleysa,
hugsunarleysi . . . Orð túlka
myndir hugans; ekkert verður
sagt um það sem enga mynd hef-
ur“.
Óræði og umkomuleysi ein-
kennir svo myndaröð listakonunn-
ar, sem hangir skipulega á lang-
veggnum, og hún sýnist í fýrstu
vera brotabrot af fomri og moln-
aðri myndastyttu, en reynist svo
við nánari skoðun vera einingar
lifandi manneskju, sem eru teknar
úr rökréttu samhengi og myndað-
ar sér, eða ofan í hver aðra: búk-
ur, eyra fótur . . . Þetta gert svo
grófkornað og fjarrænt að yfír-
bragðið öðlast þá tímalegu fyllingu
og nálgun sem sjálft umhverfí
myndanna skortir.
Það virðist mikil einlægni og
djúp hugsun á bak við myndferlið
auk dijúgrar verkkunnáttu, en ein-
hvem veginn komast skilaboðin
ekki nægilega til skila til skoðand-
ans þótt það grípi hann, haldi hon-
um föstum og verði til áleitinna
hugleiðinga um fallvaltleik og til-
gangsleysi Iífsins.
En skyldi það ekki vera inntak-
ið, meginveigur gjörningsins?
Bragi Ásgeirsson
Benny Andersen
og Povl Dissing í
Þjóðleikhúsinu
DÖNSKU hljómlistar-
mennimir Benny Anders-
en og Povl Dissing halda
tónleika í Þjóðleikhúsinu
ásamt Jens Jefsen, þriðju-
daginn 12. mars næst-
. komandi. Aðeins verða
þessir einu tónleikar í
Reykjavík en þeir félagar
spila einnig á Akureyri og
í Vestmannaeyjum.
„Andersen og Dissing
eru eru líklega þekktastir
hér á landi fyrir vísnabálk-
inn Svantes viser og þeir
hafa um árabil verið eitt
vinsælasta tvíeykið í
danskri vísnatónlist. Sam-
starf þeirra hefur staðið
allt frá því í byijun 8. ára-
tugarins þegar sá fyrr-
nefndi benti á Dissing sem
vænlegásta guðföður
Svantes. Benny Andersen
hefur þann sjaldgæfa
hæfíleika að skapa per-
sónur í kvæðum sínum og
ljóðum sem áheyrandinn
samstundis úr sínu eigin
dagsumhverfí og aðstæðum. Gald-
urinn þar að baki er ekki síst hrein-
skilni og heiðarleiki höfundarins
og þessum sömu eiginleikum nær
Povl Dissing í hljómlist sinni,“
segir í frétt Þjóðleikhússins.
Svantes viser var fyrsta sam-
starfsverkefni þeirra félaga og síð-
an hafa hátt í 10 hljómplötur litið
POVL Dissing, Benny Andersen og
Jens Jefsen halda tónleika í Þjóðleik-
húsinu á þriðjudag.
þekkir
hvers-
dagsins ljós, hver annarri skýrari
staðfesting á nánu samstarfi
þeirra og í hugum danskra aðdá-
enda eru Dissing og Andersen
óaðskiljanlegir.
Hljómleikarnir í Þjóðleikhúsinu
eru á vegum danska sendiráðsins
og Þjóðleikhússins og er miðasala
hafín.
Tónleikarnir eru á Stóra sviðinu
og heijast kl. 21.00.
Dómara
skjátlaðist
í máli Busi-
ness Week
mrmmnm ■ nrmnmn
ivtliaeaair 28. fetiru’ÍrisSB • g.m. • ilárp.
Ofanfíóðaejóáur veltlr styrk fíl uppkaupa á húsum á hættusvæðum
Stsftað 14. uíiBiB&ír 1SBS • Stni <56 45SD •tiMSSlSH • ttitljig; bBFsatr'iisaerpa fs • ferð kr. Uð a/*sk
Rúmar570 milljúnir til uppkaupa
í Súðavik og HnHsdal
*««^* »&%»>*»** tm, n**
---- # *jé»
S&WfciTtNw - -........ ....................,
>**><*** *mrM. « m oaifmM **í<í»í ..
*.
r 'o / SðfiS
<&■ ..•*&*£*. ■ . . ‘ -.i •»—i- ***** wntHMOonWÚI Atf «1 (MlirtláwM
BB í heilu lagi á alnetið
Cincinnati. Reuter.
PRENTFRELSI hefur fengið mik-
ilvægan stuðning frá áfrýjunar-
dómstóli í Ohio, sem hefur úr-
skurðað að óæðri dómara hafi
skjátlazt þegar hann neyddi tíma-
ritið Business Week til að birta
ekki grein, þar sem hún byggðist
á innsigluðu dómsskjali.
Lögbannið andstætt
slj ór narskránni
Dómstóllinn segir að lögbann
dómarans sé í andstöðu við stjórn-
arskrána og að aldrei hafí átt til
þess að koma.
„Dómstóllinn hefur ítrekað með
áhrifamiklum hætti þá rótgrónu
lagareglu að hömlur á birtingu
frétta séu nánast óhugsandi,“
sagði Floyd Abrams, sérfræðingur
í lögum á þessu sviði.
Abrams sagði að svo fast væri
kveðið að orði í úrskurði áfrýjunar-
dómstólsins að það gæti haft áhrif
á ríkis- og alríkisdómara í gervöll-
um Bandaríkjunum.
Sex mánaða þref
Málið hófst í september þegar
John Feikens umdæmisdómari
skipaði Business Week að birta
ekki grein, sem hafði að geyma
upplýsingar úr innsigluðum dóm-
skjölum í máli fyrirtækisins Proct-
er & Gamble Co. gegn Bankers
Trust New York Corp.
Procter & Gamble hafði höfðað
mál gegn Bankers Trust, sem var
gefið að sök að hafa selt afleiðslu
skuldabréf án þess að útskýra
áhættuna. Fréttamaður Business
Week hafði fengið skjölin frá
heimildarmanni.
BÆJARINS besta sem er héraðs-
fréttablað á ísafirði hefur sett
blaðið á alnetið. Hægt er að skoða
síðurnar í heilu lagi eins og frá
þeim er gengið í prentaðri útgáfu
blaðsins, með myndum og auglýs-
ingum, og í lit þar sem það á við.
BB er væntanlega fyrsta íslenska
blaðið sem fer á alnetið í þessu
formi.
í síðustu viku setti BB blaðið
inn á netið í tilraunaskyni og ósk-
aði eftir viðbrögðum frá lesend-
um. Siguijón J. Sigurðsson rit-
stjóri BB segir að miklu fleiri
hafi lesið blaðið en hann hefði
átt von á, eða um 400 manns,
flestir erlendis. Og margir hefðu
lýst yfir ánægju með að geta
fengið blaðið í þessu formi.
Sigurjón segist hafa verið að
íhuga það að koma blaðinu á
netið um hríð. Nýlega hafi blað-
ið tekið í notkun nýja útgáfu af
umbrotsforriti sem gæfi mögu-
leika á að ganga frá siðunum
fyrir notkun á alnetinu og því
hefði verið ákveðið að gera
þessa tilraun. Efnið væri sent á
netinu til Tölvuþjónustunnar
Skerplu á Isafirði sem síðan
gengi frá því til notkunar á al-
netinu. Viðbrögðin hefðu verið
það góð að eigendur blaðsins
hefðu ákveðið að halda þessu
áfram.
Kynningá blaðinu
BB kemur út á miðvikudögum
en er sett inn á alnetið á föstu-
dagsmorgnum. Ekki er tekið gjald
fyrir notkun þess. „Mér finnst
sjálfsagt að gefa fólki í öðrum
landshlutum og erlendis tækifæri
til að skoða blaðið, eftir að við
erum búnir að selja það. Við lítum
fyrst og fremst á þetta sem kynn-
ingu fyrir blaðið og svo fá þeir
sem auglýsa hjá okkur meiri aug-
lýsingu," segir Siguijón.
Til þess að lesa blaðið þurfa
lesendur sérstakt lestrarforrit og
er veittur aðgangur að því á síð-
um BB á alnetinu. Einnig er vísað
á önnur íslensk blöð, bæði héraðs-
fréttablöð og dagblöð, og ýmsa
erlenda fjölmiðla sem eru með
þjónustu á alnetinu.
Útgefendur Bæjarins besta
reka prentsmiðju og segir Sigur-
jón að þeir séu að koma þjónustu
sinni á því sviði einnig inn á alnet-
ið. Prentsmiðjan hefur einkum
unnið fyrir Vestfirðinga en einnig
sveitarfélag á Grænlandi. Hægt
verður að panta prentverk á net-
inu og vonast Siguijón til að fá
aukin verkefni með þeim hætti.
Níu sjónvarpsrásir
o g allar eins
HÉR eru níu egypskar sjón-
varpsrásir og þær eru allar undir
opinberri stjórn. Mér skilst að
einkastöð væri óhugsandi. Margir
hafa tök á að ná öllum mögulegum
alþjóðlegum stöðvum með tilheyr-
andi útbúnaði og kostnaði og CNN
er mjög vinsælt hjá þeim sem ná
því.
Allur þorri manna lætur
egypsku rásirnar níu duga og þær
sjónvarpa flestar frá því snemma
á morgnana og langt fram á kvöld.
Efni margra þessara rása er í fljótu
bragði séð afar keimlíkt. Það er
mikið um fræðsluefni, trúarlegar
dagskrár, umræðuþætti og
eygpska framhaldsþætti og
egypskar kvikmyndir.
Fræðsluefni er m.a. kennsla í
tungumálum, einkum ensku og
stærðfræði, umræðuþættir eru um
listviðburði, alþjóðamál og þess
háttar. Svo eru spumingaþættir,
bílaþættir, ferðaþættir og þar fram
eftir götunum.
Langvinsælasta efnið eru sýn-
ingar frá fótboltaleikjum og öðrum
íþróttaviðburðum, svo sem veggja-
tennis - enda er haft fyrir satt
að Múbarak spili veggjatennis á
hveijum morgni áður en hann fer
í vinnuna.
Síðan eru svo ábyggilega næstar
á vinsældalistanum egypsku
myndirnar og myndaflokkarnir.
Kvikmyndagerð er með miklum
blóma og egypskar kvikmyndir
fara um allan arabaheiminn og
einnig nokkuð til Indlands og
kannski víðar.
Á dögunum gerði Jó-
hanna Kristjónsdóttir
dálitla grein fyrir dag-
blaðaflórunni í Egypta-
landi. Nú sest hún fyrir
framan sjónvarpsskjá-
inn og skoðar það sem
þar er að finna.
Furðulegar fréttir
Fréttir eru alveg einstaklega
furðulegar hér. Hver fréttatími
hefst undantekningarlítið á því að
skýra frá hvað Múbarak forseti
hefur aðhafst þennan og þennan
daginn, hveija hann hefur hitt og
hvað hann hefur sagt hvar.
Síðan kemur röðin að því að
segja frá hvað forsætisráðherrann
hefur verið að gera og svo koll af
kolli. Það eru undantekningar frá
þessu en þær eru sjaldgæfar. Sem
dæmi um hvemig sjónvarpið sagði
frá jarðskjálfttunum hér sl. haust
var birt fyrst mynd af forsetanum
og sagt að hann fylgdist grannt
með björgunarstarfi og hefði óskað
eftir því að fá sem gleggstar frétt-
ir af jarðskjálfta sem hefði orðið
þá um morguninn. Og þegar Yitzak
Rabin, forsætisráðherra Israels,
var myrtur, var byijað að lesa upp
yfirlýsingu Múbaraks um að hann
harmaði að Rabin, forsætisráð-
herra hefði skömmu áður fallið
fyrir hendi morðingja o.s.frv.
Á einni eða tveimur rásanna eru
sýndir enskir eða bandarískir
framhaldsmyndaflokkar, en það
virðist ekki fylgja neinum lögmál-
um hvenær þeir eru sýndir og
stundum er hætt að sýna þátt án
þess að skýringar séu gefnar. Er-
lendar kvikmyndir eru líka annað
kastið en þær sem ég hef séð eru
yfirleitt ekki merkilegar.
Stuttir fréttatímar á ensku og
frönsku eru daglega á einni rá-
sinni. Þar er einnig gefin glögg
mynd af því sem Múbarak hefur
verið að fást við. Einnig hafa frétt-
ir af málefnum Bosníu verið fyrir-
ferðarmiklar. Iðulega sagt frá
Clinton Bandaríkjaforseta eða
Chirac. Málefnum þessara heims-
hluta hér gerð nokkur skil. Evr-
ópufréttir eru almennt ekki fyrir-
ferðamiklar, hvorki á innlendu né
erlendu rásunum. Þó kemur það
fyrir. Og ég heyrði fyrst fréttir
af snjóflóðunum á Flateyri í
eypsku fréttunum hér og síðan
voru frásagnir af þeim ásamt
myndum bæði í ensku og frönsku
fréttunum.
En þó maður fylgist með fréttum
að staðaldri hér í sjónvarpi og
færi sig á milli rása eftir fréttatím-
um fær maður ekki samfellu í frétt-
ir annars staðar en hér - og þær
eru þó með þessum annmörkum
sem ég lýsti - því þeim er ekki
fylgt eftir nema í stöku tilvikum.
JK