Morgunblaðið - 15.05.1996, Blaðsíða 6

6 MIÐVIKUDAGUR 15. MAÍ 1996
MORGUNBLAÐIÐ
FRÉTTIR
Morgunblaðið/Kristinn
ÆRIN karar lambið eftir að Sveinn bóndi hefur aðstoðað við fæðinguna.
Eðlislægt að varð-
veita líf á vorin
SAUÐBURÐURINN, mesti anna-
tíminn hjá sauðfjárbændum,
nálgast nú hámark. Sveinn
Skúlason stórbóndi í Bræðra-
tungu í Biskupstungum var við
fæðingarhjálp í fjárhúsunum
þegar blaðamenn bar að garði
og einnig var verið að brenni-
merkja gemlingana.
„Þetta fer vel af stað og lítur
ágætlega út,“ segir Sveinn bóndi
um sauðburðinn. „Tíðin hefur
verið sérstaklega góð og vel lítur
út með gróður, það er mikils
virði. Vont er að hafa lambfé
lengi inni, það getur orðið svo
kvillasamt,“ segir hann.
Sveinn og Kjartan sonur hans
búa félagsbúi með kýr og kindur
í Bræðratungu. Eru þeir með
stærsta sauðfjárbúið á þessum
slóðum, eiga von á því að um 600
ær beri og að lömbin verði sam-
kvæmt því á annað þúsund tals-
ins. Það eru því mörg handtök
við sauðburðinn. „Það veltur
mikið á þvi að maður geti sinnt
sauðburðinum vel. Stundum eru
vökur enda reynum við að fylgj-
ast með mest allan sólarhringinn.
En þetta stendur bara yfir í 20
daga,“ segir hann. Þá segist hann
hafa duglega kaupamenn til að
hjálpa sér.
Þegar blaðamenn ber að garði
er Sveinn að ljúka við að bjarga
lífi. Lambið var með annan fram-
fótinn afturmeð og segir Sveinn
að slíkt gangi illa eða ekki. En
allt fór vel að þessu sinni. „Mað-
ur reynir að halda lífinu í þeim.
Það er manni eðlislægt að varð-
veita líf á vorin,“ segir Sveinn
þegar hann er spurður að því
hvort starf sauðfjárbóndans
hefði ekki breyst við niðurskurð
kvótans, þegar bóndinn hefði
ekki fjárhagslegan hag af því að
fá of mörg lömb. „Það er alltaf
sárt ef það misferst hjá manni,
ég tala nú ekki um ef það er
fyrir handvömm," segir Sveinn.
í hinum enda fjárhússins er
Kjartan Sveinsson að brenni-
merkja gemlingana og nýtur við
það aðstoðar vetrar- og kaupa-
manna. Sveinn segir að vont sé
að standa í þessu á sauðburði en
verkið hafi dregist vegna þess
að ekki hafi verið nægur mann-
skapur á bænum fyrr en nú.
Brennimark Sveins bónda er 1A6
sem á mannamáli þýðir „Fjár-
bóndi númer 1 í Biskupstungum
í Árnessýslu“.
SAUÐBURÐURINN er erfiður tími hjá sauð-
fjárbændum en ánægjan er líka mikil
þegar árangurinn er góður.
KJARTAN Sveinsson brennimerkir horn á gemlingi með
aðstoð Valgeirs Þorsteinssonar sem hitar járnin og
Atla Björns Björnssonar.
Pierre Cardin kemur til íslands
FRANSKI tískukóngurinn Pierre
Cardin kemur til íslands á fimmtu-
dagskvöld. Hann kemur m.a. sem
sendiherra menningarstofnunar-
innar UNESCO og mun á laugar-
dag færa íslenskum stjórnvöldum
svonefnda fána umburðarlyndis við
hátíðiega athöfn í miðbæ Reykja-
víkur.
Fánarnir voru fyrst dregnir að
húni í tilefni af 50 ára afmæli
Sameinuðu þjóðanna 16. nóvember
í fyrra og eru í kjölfarið dregnir
upp í öllum 185 meðlimaþjóðum
UNESCO, svo að þeir megi blakta
þar árið 1996 sem tákn um hugar-
far umburðarlyndis í veröldinni.
En ailar meðlimaþjóðir Sameinuðu
þjóðanna skrifuðu í fyrra undir
sérstakan sáttmála
umburðalyndis.
Það var UNESCO,
sem hafði frumkvæð-
ið að því að heims-
frægir listamenn
hönnuðu sex fána
undir forustu Pierres
Cardins, sem ber titil-
inn ambassador
UNESCOs og hefur
sem slíkur ferðast um
allan heim til að
stuðla að vináttu
þjóða í milli. Hingað
kemur hann í tvenn-
um erindum, annars
vegar til að afhenda
fánana og hins vegar
í einkaerindum og
ætlar sem slíkur að
hafa hér einhverja
viðdvöl.
Pierre Cardin þarf
ekki að kynna. I 40
ár hefur hann verið
einn af fremstu tísku-
hönnuðum heims. Um
víða veröld þekkir
fólk tískufatnað hans,
ilmvötn, gleraugu og
annað, jafnt á sviði
kventísku sem karl-
mannatísku. Tísku-
hús hans og verslanir
eru í fjölmörgum
löndum.
Þegar vikið var að
Pierre
Cardin.
frægð hans í sambandi við gríðar-
lega tískusýningu í Sauðaustur-
Asíu nýlega, svaraði þessi 71 árs
gamli tískuhönnuður: „Einhvern
tíma sló ég því fram að ég væri
eins frægur og De Gaulle, nú mundi
ég segja Madonna11. í raun er hann
stórveldi í viðskiptaheiminum og
rekur fyrirtæki af ýmsu tagi í öllum
heimsálfum. Merkið Pierre Cardin
er eitt öflugasta vörumerki heims,
á hveiju sem það er. En það var
Pierre Cardin sem á sínum tíma
skipulagði slfkt einkaleyfiskerfi og
ýtti þannig af stað bylgju merkja-
vörutísku 20. aldarinnar. Veltan hjá
Pierre Cardin er yfir 134 milljarðar
króna á ári, sem eru rúmlega ís-
lensku fjárlögin.
Framboð og
kjör forseta
Samstill-
ingá
lögum
RÍKISSTJÓRNIN hefur sam-
þykkt að leggja fyrir þingflokk-
ana tillögu um að breyta lögum
um framboð og kjör forseta
íslands á þann veg að skilyrði
sem tilskilinn fjöldi meðmæl-
enda forsetaframbjóðenda þarf
að uppfylla sé að vera í hópi
kosningabærra manna en ekki
af kjörskrá eins og kveðið er á
um í núgildandi lögum.
Friðrik Sophusson, starfandi
forsætisráðherra, sagði að um
samstillingu á lögum væri að
ræða. Samkvæmt lagabreyt-
ingu frá árinu 1991 þurfi kjör-
skrá ekki að liggja fyrir fyrr
en tíu dögum fyrir kjördag. í
lögum um framboð og kjör for-
seta íslands, sem séu miklu
eldri, sé gert ráð fyrir að for-
setaframbjóðendur leiti eftir
undirskriftum manna sem séu
á kjörskrá. Þar sem kjörskrá
liggi ekki fyrir þurfi að breyta
þessu ákvæði þannig að um
kosningabæra menn sé að
ræða, þ.e.a.s. menn sem hafi
kosningarétt samkvæmt lögum
um kosningarétt.
Breskur hús-
dýraáburður
Innflutning-
ur bannaður
INNFLUTNINGUR á húsdýra-
áburði frá Bretlandi, sem notað-
ur hefur verið á nokkrum golf-
völlum, hefur verið bannaður
eftir að ljóst varð að hann inni-
hélt kúahland. Áburðurinn
hafði ekki fengið hitameðferð
eða verið sótthreinsaður.
Samkvæmt lögum er bannað
að flytja inn landbúnaðarafurð
sem ekki hefur fengið einhvetja
meðferð er tryggir að hingað
berist ekki smit. Að sögn Brynj-
ólfs Sandholt yfirdýralæknis,
var áburðurinn fluttur inn til
reynslu á síðasta ári og í vor
höfðu verið fluttir inn nokkrir
brúsar.
„Þetta er kúahland sem er
meðhöndlað á sérstakan hátt
en samkvæmt þeim upplýsing-
um sem ég hef fengið er það
ekki sótthreinsað eða hitameð-
höndlað og þá fer ekki meira
inn í landið,“ sagði hann.
Sendibílastöðvar
Vilja aka
leigubílum
NÝJA SENDIBÍLASTÖÐIN og
Sendibílastöðin hf. hafa óskað
eftir starfsleyfi til reksturs
leigubílastöðva með fólksbif-
reiðar í Reykjavík.
í erindi stöðvanna til borg-
arráðs kemur fram að með
umsóknunum vilji fyrirtækin
hafa möguleika á að bjóða við-
skiptavinum sínum fjölbreytt-
ari þjónustu en áður hefur ver-
ið.
Borgarráð vísaði erindinu til
umsagnar borgarlögmanns.