Morgunblaðið - 15.05.1996, Blaðsíða 13
MORGUNBLAÐIÐ
MIÐVIKUDAGUR 15. MAÍ 1996 13
LANDIÐ
íþróttabúð-
ir í Varma-
hlíðí
Skagafirði
Sauðárkróki - í byijun júní verða
starfræktar íþróttabúðir í Varma-
hlíð í Skagafirði fyrir 11-13 ára
krakka, en þar er nú mjög ákjósan-
leg og góð aðstaða fyrir slíka starf-
semi. Nýtt og glæsilegt íþróttahús
var tekið þar í notkun á síðasta
ári, þá er þar 25 m sundlaug, bolta-
vellir og góð aðstaða til útiveru.
Að sögn Páls Dagbjartssonar,
eins af leiðbeinendum í búðunum,
verður boðið upp á reiðkennslu og
hestaferðir, allar boltaíþróttir,
frjálsar íþróttir, en einnig verða
farnar skoðunarferðir í Kotárgljúf-
ur, skógarferðir með ratleikjum,
grillveislu og kvöldvöku.
Páll sagði að skráningarfrestur
væri til 20. maí nk. og þátttakend-
ur yrðu sjálfir að sjá sér fyrir fari
til og frá Varmahlíð.
„Hér er aðstaðan eins og hún
gerist best, þetta hefur verið
draumur minn allt frá því ég hóf
störf hér í Varmahlíð að framlengja
skólastarfið frá vetrinum svolítið
fram á sumarið og þetta er góður
valkostur fyrir hressa krakka sem
vilja taka þátt í skemmtilegri
íþróttaviku,“ sagði Páll.
Leiðbeinendur í íþróttabúðunum
verða Kári Marísson, íþróttakenn-
ari, Jón Eiríksson, íþróttakennari,
Elvar Einarsson og Páll Dagbjarts-
son.
-----» ♦ ♦----
Kór í heimsókn
Árneshreppi - Kirkjukór Hólmavík-
ur kom hingað í hreppinn 4. maí sl.
og hélt tónleika í Ámeskirkju, hinni
nýju. Stjórnandi var Mariola Kow-
alczyk og undirieikari var systir
hennar, Elzbieta Kowalczyk, en þær
eru pólskar og kenndu við Tónlistar-
skólann á Hólmavík í vetur.
Fólki þótti þetta mikil tilbreyting
hér í fámenninu að fá svona söng-
fugla svo snemma vors og kórnum
var vel fagnað. Kunna hreppsbúar
þessu fólki bestu þakkir fyrir fram-
takið.
Morgunblaðið/Amór Ragnarsson
SEXTÁN einstaklingar fengu gullmerki knattspyrnufélagsins Víð-
is í tilefni tímamótanna. Agúst Matthíasson mætti með fyrstu
mönnum til hátíðarhaldanna en hann slasaðist við íþróttaæfingar
fyrir mörgum árum. Með honum eru hjónin Örlygur Þorkelsson
og Þórdís Óskarsdóttir.
Um 1100 manns
tóku þátt í hátíð-
arhöldum Víðis
Garði - Um 1100 manns tóku þátt
í hátíðarhöldum Knattspyrnufélags-
ins Víðis um helgina. Hæst bar af-
mælisfagnað, sem fram fór í íþrótta-
húsinu á laugardagskvöld, en þar var
borðhald með 550-560 manns. Voru
gestir komnir víða að af landinu og
munu 30, 40 og 50 ára fermingar-
börn úr Garðinum hafa skipað veg-
legan sess meðal gestanna.
Húsið var opnað kl. 19 og tók
kvintett tónlistarskólans á móti fólk-
inu með lúðrablæstri í anddyrinu.
Borðhaldið hófst upp úr kl. 20. Tvær
metnaðarfullar ungar stúlkur í bæn-
um spiluðu á hljóðfæri. Edda Rut
Björnsdóttir spilaði á trompet og
Elín Björk Jónasdóttir á fiðlu.
Þá flutti formaður félagsins, Finn-
bogi Bjömsson, stutt ávarp og Bjarni
Thor Kristinsson söng nokkur íslensk
og erlend lög. Bjarni er mikill bassi
og á eflaust eftir að láta að sér kveða
í framtíðinni. Ragnheiður Skúladóttir
lék undir á píanóið hjá unga listafólk-
inu. Karlakórinn okkar sem nefnist
Söngsveitin Víkingar söng einnig
nokkur lög undir stjórn Lilju Haf-
steinsdóttur.
Stjórn félagsins verðlaunaði
marga núverandi og fyrrverandi fé-
laga sem unnið hafa gott starf fyrir
félagið. Allir formenn félagsins frá
upphafi voru sæmdir gullmerki fé-
lagsins. Þeir eru: Jónas Guðmunds-
son, Þorvaldur Sveinbjörnsson, Omar
Jóhannsson, Hafsteinn Ingvarsson,
Sigurður Gústafsson, Eyjólfur Magn-
ússon, Ingimundur Guðnason, Þórir
Guðmundsson, Júlíus Baldvinsson,
Sigtryggur Hafsteinsson, Finnbogi
Björnsson, Einvarður Albertsson og
Sigurður Ingvarsson. Auk þess voru
Magnús Gíslaso'n, Heiðar Þorsteins-
son og Ásgeir Kjartansson sæmdir
gullmerki fyrir gott starf í þágu fé-
lagsins á undanförnum árum.
Einnig vom 10 aðilar sæmdir silf-
urmerki félagsins. Þeir eru: Guð-
mundur Knútsson, Guðjón Guð-
mundsson, Halldór Einarsson, Jónat-
an Ingimundarson, Matthildur Ing-
varsdóttir, Karvel Ögmundsson,
Gunnar Hasler, Hrönn Edwinsdóttir,
Magnús Þór Magnússon og Tryggvi
Einarsson.
Margir kvöddu sér hljóðs og
glöddu afmælisbarnið með hlýjum
kveðjum og gjöfum. Þeirra á meðal
var Magnús Oddsson, varaforseti ÍSÍ
en hann sæmdi 4 aðila gull- og silfur-
merki ÍSÍ en þess er getið annars
staðar í blaðinu.
Rúsínurnar í pylsuendanum vom
Ómar Ragnarsson og hljómsveit
Geirmundar Valtýssonar sem hélt
uppi stuðinu fram á fjórða tímann.
Mjög rúmt var um viðstadda í
íþróttahúsinu og til marks um það
þá var dansgólfið um 230 fermetrar.
Unglingamir voru með sína hátíð
á föstudagskvöldið í samkomuhúsinu
en yngstu borgaranir komu í íþrótta-
húsið á sunnudag.en þar voru saman
komin á fimmta hundrað manns.
Tókust báðar þessar skemmtanir
mjög vel. Ibúar í Garðinum eru um
1150.
Morgunblaðið/Frímann Ólafsson
JÓNA Kristín Þorvaldsdóttir sóknarprestur í Grindavík
ásamt fermingarbörnum.
Biblíumaraþonlestur
fermingarbarna
Grindavík - Það voru þreytt en
ánægð fermingarbörn sem luku
Biblíumaraþonlestri í Grindavík-
urkirkju um hádegisbil á laugar-
daginn. Allur árgangurinn sem
fermdist i vor lauk við Bibliulestur
sem hófst klukkan 4 á föstudegi
og lauk síðan um hádegisbil á
laugardegi eða eftir 19 klukku-
stunda lestur.
Tilgangur lestursins var að
safna peningum í árlegt ferðalag
fermingarbarna úr sókninni en
það er fyrirhugað seinnihluta
maímánaðar. Gengið var í fyrir-
tæki og til einstaklinga í Grinda-
vík sem hétu á börnin og safnað-
ist nokkur upphæð sem gengur til
ferðalagsins.
Jóna Kristín Þorvaldsdóttir
sóknarprestur í Grindavik skipu-
lagði lesturinn og skipaði í lestr-
arhópa sem lásu til skiptis um
nóttina meðan aðrir hópar lögðu
sig. Hún sagði við Morgunblaðið
að hún væri hæstánægð með ár-
angurinn og það að börnin hefðu
haft áhuga á að lesa úr Biblíunni
á þennan hátt. Hún sagðist ekki
vita til þess að það hefði verið
gert hér á landi áður af þessum
aldurshópi. „Ég kveið nóttinni eig-
inlega mest því maður vissi ekki
hverju maður mátti eiga von á en
þrátt fyrir að fjörugt hefði verið
fyrir utan kirkjuna truflaði það
ekki lesturinn á neinn hátt,“ sagði
hún.
Gekk alveg „glimrandi"
Ólöf og Margrét Pétursdætur,
Bára Hlín Vignisdóttir og Brynjar
Örn Gunnarsson voru komin á
fætur þegar tíðindamaður
Morgunblaðsins leit inn í kirkjuna
á laugardagsmorgun. Þau voru
nijög ánægð með lesturinn og
sögðu að þetta hefði verið
„glimrandi". Lestur úr Nýja
testamentinu hefði vakið áhuga
þeirra á frekari lestri úr Bibliunni
„Við vissum ekki að þetta væri
svona skemmtileg bók,“ sögðu
þau. Þau voru sammála um að
þetta hefði verið mjög
skemmtilegur tími með
fermingarsystkinum sínum og að
sofa í kirkjunni. Svefninn reyndar
hafi ekki verið mikill hjá þeim
mörgum en þau voru eiginlega
ekkert þreytt. Jóna Kristín bætti
því við að þegar hugmyndin
kviknaði hafi hún ekki hugsað sig
um tvisvar. „Þau lásu mest úr
Nýja testamentinu og síðan valda
sálma og gerðu það vel,“ sagði
hún.
Foreldrar fermingarbarnanna
tóku virkan þátt í viðverunni í
kirkjunni og á föstudagskvöld var
opið hús þar sem sungið var og
selt kaffi og meðlæti.
Lionskonur gefa
reiðhjólahjálma
Stykkishólmi - Lionsklúbburinn
Harpa í Stykkishólmi afhenti öll-
um nemendum í 1. bekk grunn-
skólans reiðhjólahjálma að gjöf í
sumarbyijun.
Er þetta annað árið sem Lions-
konur gefa nemendum 1. bekkjar
hjálma. Með þessu vilja þær
stuðla að því að notkun reiðhjóla-
hjálma verði almenn og þær telja
að best sé að byija hjá þeim ungu.
Það er ósk þeirra að eftir nokkur
ár verði það sjálfsagður hlutur
að sjá börn, unglinga og líka full-
orðið fólk á reiðhjólum með
hjálma. Það er mikið öryggi fyrir
hjólandi fólk að nota hjálma og
það er staðreynd að þeir hafa
forðað mörgum frá slæmum höf-
uðáverkum.
Krakkarnir voru mjög ánægðir
með gjafirnar og lofuðu því að
nota alltaf hjálmana þegar þeir
færu út að hjóla. Að þessu tilefni
notaði lögreglan tækifærið og
ræddi við börnin um nauðsyn
þess að fara varlega í umferðinni
og sýna gát.
Morgunblaðið/Ámi Helgason
NEMENDURNIR með gjafirnar ásamt Lionskonum, kennurum
og lögregluþjóni sem fór yfir umferðarreglurnar.