Morgunblaðið - 05.07.1996, Page 11

MORGUNBLAÐIÐ
FÖSTUDAGUR 5. JÚLÍ 1996 11
FRÉTTIR
Skipulagsnefnd Reykjavíkur fjallar um athugasemdir vegna fyrirhugaðra bygginga við Kirkjusand
Búið er að grafa fyrir
einu fjölbýlishúsanna
þriggja sem reisa á við
Kirkjusand, en heimild
fyrir breyttri landnotk-
un á svæðinu liggur
ekki fyrir. Á sama tíma
stendur til að reisa reyk-
háf á iðnaðarhúsi á lóð-
inni. Helga Kr. Einars-
dóttir kynnti sér málið.
INNLENDUM
VETTVANGI
Morgunblaðið/RAX
FJÖLBÝLISHÚSIN við Kirkjusand 1-5 eiga að vera 6, 7 og 9 hæða. Þau munu standa milli Laugarnesvegar og Sæbrautar og afmarkast
af húsi íslandsbanka, húsi Kjötumboðsins og Listaháskólanum. Framkvæmdasljóri Kjötumboðsins segir að húsin muni hamla starfsemi
fyrirtækisins og íbúar nærliggjandi húsa segja þau takmarka útsýni.
KJÖTUMBOÐIÐ hf. hefur gert at-
hugasemdir við borgaryfirvöld
vegna fyrirhugaðra framkvæmda á
lóð númer 89 við Laugarnesveg,
svokallaðri Goðalóð, þar sem Ár-
mannsfell hf. hefur fengið graftar-
leyfi vegna byggingar þriggja fjöl-
býlishúsa með 75 íbúðum. Húsin
munu standa norðar á lóðinni við
Kirkjusand 1-5 og segir Helgi Óskar
Óskarsson, framkvæmdastjóri Kjöt-
umboðsins hf. og eignarhaldsfélags
þess, Islenskra búvara hf., að bygg-
ingarnar verði of nálægt húsnæði
fyrirtækisins og að þær séu of háar.
Muni þær hamla starfsemi Kjötum-
boðsins. Gert er ráð fyrir að húsin
verði sex, sjö og níu hæða.
Þá er mótmælt bréflegri yfirlýs-
ingu arkitekts húsanna, Helga
Hjálmarssonar, þess efnis, að starf-
semi Kjötumboðsins verði farin af
lóðinni áður en fyrstu íbúar flytja
inn, en miðað er við að íbúðir verði
tilbúnar síðla sumars á næsta ári.
Segist Helgi Óskar fyrst hafa frétt
af flutningnum í samtali við starfs-
menn Borgarskipulags, þegar hann
leitaði upplýsinga um auglýstar
framkvæmdir. Kjötumboðið sótti um
leyfi til byggingarnefndar í vor fyrir
því að byggja á lóð sinni 12 metra
skorstein fyrir kaldreykingu.
Frestur til að skila athugasemdum
til Borgarskipulags vegna breyting-
ar á deiliskipulagi og kynningar á
breyttri landnotkun á lóðinni var
auglýstur 11. maí og rann út í gær.
Mun skipulagsnefnd taka þær til
umsagnar á fundi fyrir hádegi í dag
og senda til Skipulagsstjóra ríkisins.
Ákvarðanir teknar á röngum
forsendum
Gunnar Jóhann Birgisson fulltrúi
Sjálfstæðisflokksins i skipulags-
nefnd segir að nefndin hafi tekið
ákvarðanir á sínum tíma, við af-
greiðslu erinda vegna framkvæmd-
arinnar, á grundvelli þess að Kjöt-
umboðið flytti. Helgi Hjálmarsson
arkitekt hafi sent nefndinni bréf þar
sem gert hafi verið ráð fyrir því að
starfsemin yrði annars staðar.
„Ef skipulagsnefnd hefði vitað
að iðnaðarhúsnæði yrði í bakgarði
íbúðarhússins hefði sam- ---------
þykki ekki fengist jafn-
auðveldlega. Auk þess
voru ekki öll kurl komin
til grafar varðandi ráð-
stafanir gegn hljóðmeng-
un, sem fela meðal annars í sér að
gluggar verði með þreföldu gleri, á
þeim verði engin fög, og að komið
verði fyrir loftræstikerfi með hljóð-
einangrun," segir Gunnar Jóhann.
Verður loftræsting hljóðdeyfð til
þess að hindra að hávaði berist
gegnum loftinntak utan af götu,
að hans sögn.
Gunnar Jóhann segir að skipu-
lagsnefnd hafi óskað eftir áliti Stein-
dórs Guðmundssonar sérfræðings
hjá Rannsóknastofnun byggingar-
Kjötumboðið
vill byggja skor-
stein á sömu lóð
Óskað eftir
skipulags-
breytingu
iðnaðarins 18. mars. I bráðabirgða-
niðurstöðu hans komi fram að háv-
aði utandyra á lóðinni mælist 70
hljóðstig og 40 hljóðstig inni. í nýrri
reglugerð um mengunarvarnir sem
færð var til samræmis við evrópskar
reglur segi að mesta hljóðstig utan
glugga við íbúðarhús í nýskipulögðu
hverfi megi vera 55 dB og 30 dB
innan dyra og telji Steindór hana
alls ekki stranga.
í viðauka við reglugerðina kemur
fram að verði verulegar breytingar
á umferðaræð í grennd við íbúðar-
húsnæði, eða að byggð sem fyrir er
verði endurnýjuð leyfist 10 dB frá-
vik inni og 15 dB úti. Gunnar Jó-
hann segir ekki hægt að beita þessu
ákvæði við framkvæmdirnar, eins
og nefnt hafi verið, og telur það
ekki eiga við þegar um breytingar
á landnotkun er að ræða. Hann telur
einnig skjóta skökku við að byggja
í trássi við nýja mengunarvarna-
reglugerð. Miklum þrýstingi sé þeg-
ar beitt á borgaryfirvöld um að gera
ráðstafanir í eldri hverfum vegna
umferðarhávaða, sem kosta muni
gífurlegar fjárhæðir.
Forsaga málsins er sú að Tryggvi
Gunnarsson hæstaréttarlögmaður
sendi skipulagsnefnd bréf hinn 12.
desember fyrir hönd Landsbankans,
sem síðar seldi Ármannsfelli land
undir fjölbýlishúsin, ubi skiptingu
18.866 fermetra lóðar númer 89 við
Laugarnesveg. Mun kaupverðið hafa
_________ verið rúmar 70 milljónir,
samkvæmt upplýsingum
Morgunblaðsins.
Segir Gunnar Jóhann
að nefndin hafi þegar veitt
samþykki fyrir skipting-
unni, þar sem skráðir eigendur hafi
verið tveir, Landsbankinn og ís-
lenskar búvörur hf. Skiptingin var
gerð með þeim hætti að norðurlóð,
þar sem húsin eiga að rísa, yrði
10.400 fermetrar og suðurlóð, þar
sem Kjötumboðið er, 8.466 fermetr-
ar. Húsnæði fyrirtækisins, þar sem
Goði hf. var áður til húsa, er 5.709
fermetrar.
Hinn 5. febrúar var lagt fram í
nefndinni erindi frá Landsbankanum
um breytingu á deili- og aðalskipu-
lagi á norðurhluta lóðarinnar þannig
að landnotkun breytist úr iðnaðár-
og athafnasvæði í íbúðarhverfi en
bankinn hafði eignast lóðarhlutann
fyrir rúmu ári.
Þess má geta að Kjötumboðið tók
yfir rekstur kjötdreifingar og vinnslu
Goða hf. í október 1993 og leigir
húsnæði og vélar af eignarhaldsfé-
laginu íslenskar búvörur hf. sem var
áður Goði hf. Landsbankinn er
stærsti hluthafi í Kjötumboðinu, með
44% hlut, og á tvo fulltrúa í stjórn
þess.
Gunnar Jóhann segir að skipu-
lagsnefnd hafi í framhaldi af ósk
bankans samþykkt að leggja til við
borgarráð að óska eftir heimild til
þess að auglýsa breytta landnotkun,
í samræmi við skipulagslög. „Við
sáum ekki ástæðu til þess að vera
á móti þessu á sínum tíma enda
ekki farið að fjalla um hvernig bygg-
ingar ættu að vera á lóðinni," segir
Gunnar Jóhann.
Hinn 11. mars var síðan lögð
fram til kynningar i skipulagsnefnd
tillaga Helga Hjálmarssonar arki-
tekts að uppbyggingu á lóðinni.
„Þar er lagt fram bréf þar sem fram
kemur að gert sé ráð fyrir að starf-
semi Kjötumboðsins flytji. Málinu
var frestað og tekið aftur fyrir 25.
mars. Þá samþykktum við erindið
á grundvelli bréfs Helga Hjálmars-
sonar enda yrðu við byggingu hús-
anna viðhafðar sérstakar aðgerðir
vegna hljóðvistar," segir Gunnar
Jóhann.
Borgarráð samþykkti síðan að
sækja um breytingu á landnotkun
og að hún skyldi kynnt, sem gert
var 11. maí. Umsókn Ármannsfells
um leyfi til þess að byggja fjölbýlis-
húsin þijú var lögð fram á fundi
byggingarnefndar 9. maí og frestaði
hún erindinu. Byggingarnefnd tekur
málið til endanlegrar afgreiðslu þeg-
ar grenndarkynningu er lokið og
Skipulagsstjóri ríkisins hefur veitt
heimild fyrir landnotkunarbreyt-
ingu.
Víkur Helgi Hjálmarsson arkitekt,
sem sæti á í byggingarnefnd, af
fundi þegar fjallað verður um um-
sóknina.
Byggingarfulltrúinn í Reykjavík,
Magnús Sædal Svavarsson, hefur
heimild til þess að veita graftarleyfi
á lóðinni og var það gert 4. júní þar
sem sumarið er hagkvæmur tími til
jarðvinnu, að því er fram kemur í
bréfi frá byggingarfulltrúa. Leyfið
felur ekki í sér skuldbindingu um
að byggingarleyfi fáist veitt, segir
Bjarni Þór Jónsson skrifstofustjóri á
Skrifstofu byggingarfulltrúa. Segir
hann ekki óalgengt að graftarleyfi
sé veitt með þessum hætti. í þessu
tilfelli hafí verið um eignarlóð að
ræða og erfitt að banna éiganda að
grafa á eigin lóð, á eigin kostnað.
Ekki sé hins vegar heimilt að byrja
framkvæmdir á húsi.
Samkvæmt upplýsingum Morgun-
blaðsins hafa engin fordæmi fundist
fyrir því i Reykjavík að graftarleyfi
sé veitt áður en samþykki fyrir
breyttri landnotkun liggur fyrir. Það
sé hins vegar oft gert áður en bygg-
ingarleyfi er veitt.
Borgarskipulag óskar svara
Aðstoðarforstöðumaður Borgar-
skipulags, Bjarni Reynarsson, sendi
Helga Hjálmarssyni símbréf hinn 20.
maí og krafðist skýringa á því hvers
vegna hann hefði gert ráð fyrir að
starfsemi Kjötumboðsins yrði hætt
á lóðinni áður en flutt yrði í íbúðirn-
ar. Ekki hefur borist formlegt svar
frá Helga, að sögn Bjarna, en Helgi
segist alltaf hafa litið svo á að lóðin
yrði nýtt undir íbúðarhús- ------
næði. Segist hann hafa
skoðað nýtingu lóðarinnar
frá 1993-1995 og meðal
annars unnið greinargerð
fyrir Landsbankann þegar
til stóð að selja landið öðrum verk-
taka en Ármannsfelli. Rætt hafi
verið um þann möguleika að skipta
lóðinni í tvo hluta og finna Goðahús-
inu nýtt hlutverk. Til dæmis hafi
verið stungið upp á verslun, félags-
miðstöð, heilsugæslu og bókasafni í
húsinu.
„Ég get fallist á að kannski hafi
verið ógætilegt að gera ráð fyrir
þessu í bréfinu en það var ekki gert
í þeim tilgangi að blekkja skipulags-
nefnd,“ segir Helgi. Ármannsfell réð
teiknistofu Helga til þess að hanna
fjölbýlishúsin og er útfærsla lóðar-
innar nú byggð á eldri hugmyndum
hans um nýtingu.
Helgi segist jafnframt hafa rætt
við fólk í nágrenninu á sínum tíma,
meðal annars starfsmenn íslands-
banka. í þeim samtölum hafi enginn
kvartað undan hávaða en athuga-
semdir hafi verið gerðar vegna reyk-
mengunar frá starfsemi Kjötum-
boðsins. Loks segir Helgi að sín
vinna hafi löngum miðast við að
nýting yrði í skipulagslegu samhengi
og að hann hafi talið að hægt yrði
að ná sátt um flutning starfsemi
Kjötumboðsins á byggingartíma
íbúðanna. Síðar hafi komið í ljós að
þeim skyldi skilað næsta sumar en
hann hefði miðað við tveggja til
þriggja ára framkvæmd.
Helgi Óskar Óskarsson fram-
kvæmdastjóri segir að ekki hafi stað-
ið til að flytja rekstur Kjötumboðsins
og að það sé ekki fyrirhugað nú.
„Við vissum ekki af því fyrr en í vor
að framkvæmdir við íbúðarhús á
lóðinni væru yfirvofandi, þótt okkur
hafi verið kunnugt um slíkar hug-
myndir,“ segir hann.
Kjötumboðið hefur sótt um leyfi
til byggingarnefndar til þess að
breyta innréttingum í kjallara húss-
ins við Laugarnesveg 89 og reisa
12 metra háan skorstein vegna reyk-
ingar á kjötvörum. Nefndin synjaði
fyrirtækinu leyfis 13. júni og var
lögð fram bókun á fundinum þar sem
vísað er í mengunarvarnareglugerð
og tekið fram að tryggt verði að
lykt frá starfsemi fyrirtækisins valdi
hvorki skaða né óþægindum. Segir
Helgi Óskar að fengist hafi bráða-
birgðaleyfi frá heilbrigðisnefnd fyrir
framkvæmdunum og að verið sé að
undirbúa ný gögn til þess að leggja
fyrir byggingarnefnd í framhaldi af
því.
Búið að festa þriðjung íbúða
Hvað framkvæmdir á Goðalóðinni
áhrærir er búið að skipta um jarðveg
þar sem íjölbýlishús númer þtjú á
að rísa, að sögn Hauks Magnússonar
tæknifræðings og verkefnisstjóra hjá
Ármannsfelli, vegna framkvæmda
---------- við Kirkjusand. Einnig
segir hann unnið við að
koma upp aðstöðu á lóð-
inni. Haukur segist ekki
telja að fyrirtækinu verði
synjað um byggingarleyfi.
íbúðir verði
tilbúnar síðla
sumars 1997
Engir kaupsamningar hafa verið
gerðir og segir Sverrir Krístinsson
löggiltur fasteignasali og sölustjóri
hjá Eignamiðlun, sem selur væntan-
legar íbúðir, að búið sé að festa um
þriðjung þeirra. Staðfestingargjald
er 2% af kaupverði og verður endur-
greitt ef byggingarleyfi fæst ekki
eða ef teikningar verða ekki sam-
þykktar.
Haukur Magnússon segir að Ár-
mannsfell hafi ekki fengið neina af
þeim peningum greidda.