Morgunblaðið - 10.07.1996, Blaðsíða 52

•HYUNDAI
HÁTÆKNI TIL FRAMFARA
Tæknival
SKEIFUNNI 17
SlMI 550-4000 • FAX 550-4001
Happaþrennu fyrír afganginn
MORGUNBLAÐID, KRINGLAN 1, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRl: HAFNARSTRÆTl 85
MIÐVIKUDAGUR 10. JÚLÍ 1996
VERÐ í LAUSASÖLU 125 KR. MEÐ VSK
Islendingar frysta
afrískan fisk
FISKVINNSLA í eign íslendinga
við Viktoríuvatn í Uganda hefur
hafið undirbúning fyrir frystingu
flaka og er áætlað að flakafram-
leiðsla í húsinu verði um 2-3 þúsund
tonn á ári.
Júlíus Sólnes, prófessor, er í for-
svari fyrir félagið sem nefnist
NAFCO, Nordic African Fisheries
Company Ltd., og segir hann að
undanfarna mánuði hafi staðið yfir
breytingar á fiskverkunarhúsi í
borginni Jinjsa við vatnið og hafa
m.a. verið keypt frystitæki fyrir
nokkur hundruð þúsund dollara.
Frysting á að hefjast fyrir alvöru
í haust á vegum félagsins og er
gert ráð fyrir 6-10 þúsund tonna
hrávinnslu í húsinu á ári. Ætlunin
er að frysta svokallaðan nílarkarfa
á vegum félagsins, en það er önnur
tveggja fisktegunda sem veiddar
eru í vatninu.
■ íslendingar frysta/lD
Auglýsing-
um á ensku
verði breytt
SAMKEPPNISSTOFNUN hefur
farið fram á að auglýsingum á
ensku, sem er að finna á hliðum
strætisvagna á höfuðborgar-
svæðinu, verði breytt. Sam-
kvæmt samkeppnislögum skulu
auglýsingar vera á íslensku.
Auglýsingar á vögnum SVR
eru fyrir ilmvatn frá Calvin
Klein og á vögnum Hagvagna
er auglýst kvikmynd sem Sam-
bíóin sýna á næstunni. Talsmenn
þessara fyrirtækja gefa þá skýr-
ingu að auglýsingaborðarnir .
hafi verið framleiddir erlendis.
Ólympíufarar
9 keppend-
ur og 13 í
fylgdarliði
TVÆR eiginkonur formanna sér-
sambanda, sem eiga keppendur á
Ólympíuleikunum í Atlanta, verða í
íslenska ólympíuhópnum. Níu ís-
lenskir íþróttamenn hafa náð til-
skildum lágmörkum fyrir leikana og
fer 13 manna fylgdarliðið með þeim.
Þar af eru eiginkona formanns
Sundsambandsins og formanns
Fij álsíþróttasambandsins.
Formaður Sundsambandsins segir
það sín mistök að hafa tilkynnt eigin-
konu sína sem fulltrúa, en að of
seint sé að breyta því.
■ AugIýsingar/6
■ Tvær eiginkonur/C2
Morgunblaðið/Sverrir
PILTUR réðst á stúlku og barði með hamri við ránstilraun í söluturni í Breiðholti í gær-
kvöldi. Lögreglan var kölluð út rúmlega hálfníu og var pilturinn handtekinn skömmu síðar.
Lamin með hamri í
höfuð í ránstilraun
UNG afgreiðslustúlka var barin
með hamri í ránstilraun í sölu-
turni í gærkvöldi. Stúlkan var ein
að afgreiða í sjoppu við Háberg 4
í Breiðholti þegar piltur með lamb-
húshettu á höfði réðst inn og seild-
ist í peningakassa. Var hún barin
í höfuðið, að minnsta kosti tvisv-
ar. Pilturinn var undir áhrifum
vímuefna, að sögn lögreglu.
Pilturinn, sem er um tvítugt,
var handtekinn skömmu síðar, og
stúlkan flutt á slysadeild. Við
skoðun kom í ljós sár á enni og
mar á höfði, úlnlið og baki. Auk
þess kom sprunga í höfuðkúpuna
að framanverðu.
Curtis Snook, sérfræðingur í
Lögregla hand-
tók árásarmann-
inn skömmu síðar
bráðalækningum á Sjúkrahúsi
Reykjavíkur, sagði í samtali við
Morgunblaðið í gærkvöldi að
stúlkan hafi verið mjög heppin og
að svo virtist sem hún hafi náð
að víkja sér undan höggunum.
Telur hann að hún hafi fengið
að minnsta kosti tvö högg á höf-
uðið. Hún missti ekki meðvitund
og fékk að fara heim í gær-
kvöldi, að sögn læknisins.
Lögreglu var tilkynnt um at-
burðinn tuttugu mínútur fyrir níu
og gat vegfarandi, sem veitti árás-
armanninum eftirför á bifreið
sinni, vísað lögreglunni heim til
hans. Þegar lögreglan kom á vett-
vang var pilturinn búinn að skipta
um föt og á leið út. Viðurkenndi
hann að hafa verið í sjoppunni en
kvaðst hafa verið í félagi við ann-
an. Lögreglan gerði leit á heimili
piltsins og var hamarinn ófundinn
seint í gærkvöldi. Pilturinn gisti
fangageymslur í nótt og verður
færður til yfirheyrslu hjá Rann-
sóknarlögreglu ríkisins í dag.
Ekki var talið að hann hefði náð
fjármunum úr kassanum.
Afkoman hjá Sölufélagi garðyrkjumanna hefur aldrei verið betri
Stórtapi
snúið í viðun-
andi hagnað
AFKOMA Sölufélags garðyrkju-
manna hefur aldrei verið betri en
síðustu misseri í 60 ára sögu þess,
en fyrir fimm árum blasti gjald-
þrot við fyrirtækinu og tapaði það
þá tugum milljóna. Að sögn
Georgs Ottóssonar, stjómarform-
anns Sölufélagsins, var viðunandi
hagnaður á rekstri fyrirtækisins á
síðasta ári og er allt útlit fyrir að
reksturinn verði ekki síðri á þessu
ári. Segir hann að þetta megi fyrst
og fremst þakka betri stjórnun
fyrirtæksins og hagræðingu í
rekstri, aukinni neyslu grænmetis
samfara aðlögun að neysluvenjum
fólks og meiri gæðum framleiðsl-
unnar.
Georg sagði í samtali við Morg-
unblaðið að hvað verðlagningu ís-
lensks grænmetis snerti væri það
ætíð spurning um samkomulag
milli neytenda og framleiðenda
hvert verðið ætti að vera.
„Stundum er verðið kannski í
hærri kantinum en síðan er það
lægra, og litið til nokkurra ára
aftur í tímann þá er grænmetið
að jafnaði ódýrara nú. Auðvitað
finnst sumum það dýrt og kannski
er það vegna þess að hægt hefur
verið að fá ódýrt grænmeti í Evr-
ópu og Bandaríkjunum, en nú er
það líka að breytast og síðastliðið
ár hefur verið hækkun þar á græn-
meti. Kannski er það vegna þess
að GATT-umhverfið er farið að
virka, en það á að gera það að
verkum að undirboð eiga síður að
eiga sér stað á alþjóðamarkaði.
Við sem stöndum að Sölufélaginu
getum hins vegar aðeins stjórnað
verðinu í heildsöludreifingunni, en
álagningu úti í versluninni höfum
við ekkert með að gera og þar eru
menn auðvitað misjafnir,“ sagði
Georg.
Áherslan á enn meiri gæði
Hann sagði að þeir bændur sem
stæðu að Sölufélagi garðyrkju-
manna legðu áherslu á það nú og
í framtíðinni að reyna að vera á
réttum stað með verðlagninguna
þannig að hægt væri að ná fram
aukinni neyslu grænmetis. Þetta
sagði hann að ætti að gera með
því að auka gæði framleiðslunnar
enn frekar og lengja þann tíma
sem íslenskt grænmeti væri á boð-
stólum.
„Við erum í samvinnu að vinna
að því að lengja tímann með lýs-
ingu á tómötum og gúrkum og
núna eru menn að hugleiða að
hefja ræktun jarðarberja og lengja
þann tíma með lýsingu. Orkan
hefur þannig farið í það undanfar-
ið að vinna að ýmsum nýjungum,
en fyrir 2-3 árum vorum við
kannski fyrst og fremst að reyna
að hysja upp um pkkur. Staðan
hjá okkur þá var ekki góð og tug-
ir milljóna fóru beinlínis út um
gluggan. Við höfum verið í
ákveðnum sárum eftir það, en
gert þetta allt á eigin spýtur og
ekki fengið neinar bætur. Fyrir-
tækið er einfaldlega vel rekið í
dag,“ sagði Georg.
Jarðboranir hf.
Síðustu
hlutabréf
ríkisins seld
TILBOÐ voru opnuð í síðustu hluta-
bréf ríkisins í Jarðborunum hf. í
gær. Um var að ræða bréf fyrir
10,4 milljónir að nafnvirði eða 4,41%
af hlutafé fyrirtækisins.
Alls bárust 54 tilboð í bréfin frá
32 aðilum fyrir um 40 milljónir króna
að nafnvirði. Ellefu hæstu tilboðun-
um var tekið og reyndust þau vera
frá fjórum aðilum. Gengi tekinna
tilboða var frá 3,02-3,31.
Markaðsvirði sölunnar í gær var
32 milljónir króna en síðastliðnar sex
vikur hefur ríkið selt 28,8% hlut sinn
í Jarðborunum hf. fyrir samtals 160
milljónir króna. Þá hefur Reykjavík-
urborg selt 10% af 30% heildareign
sinni í fyrirtækinu.
Hluthafar í fyrirtækinu eru nú á
tólfta hundrað.
■ Markaðsvirði/16