Morgunblaðið - 26.07.1996, Blaðsíða 14
14 FÖSTUDAGUR 26. JÚLÍ 1996
MORGUNBLAÐIÐ
VIÐSKIPTI
ÚRVERINU
Störfum hjá
Philips fækkað
Eindhoven. Reuter.
vegna taps
PHILIPS, stærsta rafeindafyrir-
tæki Evrópu, hefur skýrt frá hreinu
tapi á öðrum ársfjórðungi, tilkynnt
að störfum verði fækkað um 6.000
og varað við að nettóhagnaður af
venjulegri starfsemi verði minni en
gert hafi verið ráð fyrir.
Verðlækkanir hafa komið illa við
fyrirtækið og að þess sögn nam
hreint tap á öðrum ársfjórðungi 456
milljónum gyllina eða 273 milljón-
um dollara. Nettóhagnaður af
venjulegri starfsemi minnkaði í 304
gyilina úr 583 milljónum og sérstök
útgjöld vegna kostnaðar af endur-
skipulagningu hljóð- og sjóndeildar
námu 760 milljónum gyllina.
Hreint tap á hlutabréf á öðrum
ársfjórðungi nam því 1,33 gyllinum
miðað við 1,72 gyllina hagnað áður.
Vegna endurskipulagningarinnar
verður störfum í hljóð- og sjóndeild
fækkað um 6.000 á næstu 18 mán-
uðum og mun kostnaður nema 800
milljónum gyllina að sögn Dudley
Eustace fjármálastjóra. Starfsmenn
neyzluvörudeildar, sem hljöð- og
sjóndeild tilheyrir, eru um 70.000
um allan heim.
Verðlækkanir hafa veikt stöðu
hljóð- og sjóndeildar og hollenzkir
fjölmiðlar hafa velt fyrir ser fjölda-
uppsögnum hjá Philips. Á síðustu
12 mánuðum hefur Philips lagt nið-
ur um 40.000 störf um allan heim
í hagræðingarskyni. í júnílok voru
starfsmenn fyrirtækisins í heimin-
um um 275.000.
Philips staðfesti jafnframt að
söluaukning 1996 yrði ekki eins
mikil og 1995.
Verð hlutabréfa í Philips lækk-
uðu í 45,50 gyllini, eða rúmlega 3%,
en hækkuðu síðan aftur í 48 gyllini.
Risar reyna að
binda endi á
stafrænt stríð
Bonn. Reuter.
RISARNIR í evrópska sjónvarps-
geiranum eiga í nýjum viðræðum,
sem kunna að binda enda á harða
samkeppni þeirra um starfrænt
sjónvarp og leiða til samkomulags
um samhæfða afruglara.
Aðeins einni viku áður en hinar
nýju viðræður hófust virtust þær
sigldar í strand, þótt nýtt tímabil
sé framundan í sjónvarpsmálum
Evrópu og 5 milljarða dollara mark-
Ráðinn forstjóri
íjapönsku fyrir-
tæki
Eyþór
Eyjólfsson
• DR. Eyþór
Eyjólfsson hefur
verið ráðinn for-
stjóri fyrirtækisins
Stolt Cocoon
K.K. í Japan sem
er í eigu Stolt Sea
Farm R/S í Nor-
egi. Stolt Sea
Farm rekur eldis-
stÖðvar fyrir m.a.
lax, silung og grálúðu í Noregi,
Bandaríkjunum, Kanada, Spáni,
Portúgal og Frakklandi. Stolt
Cocoon K.K. annast sölu fískafurða
fyrir móðurfélagið og fleiri aðila.
Eyþór fæddist í Reykjavík árið
1963. Hann iauk stúdentsprófi frá
Menntaskólanum í Reykjavík
1983 og hóf nám við Ríkisháskól-
ann í Moskvu sama ár. Sumarið
1984 hóf hann nám í japönskum
fræðum og málvísindum við Ludw-
ig-MaximiIians-háskólann í
Miinchen. Sumarið 1989 lauk hann
magister-prófi við sama háskóla og
innritaðist í doktorsnám við háskól-
ann í Hiroshima. Eyþór hlaut dokt-
orsgráðu árið 1993 í japönskum
fræðum og málvísindum við Ludwig-
Maximilians-háskólann. Fyrir dokt-
orsritgerð sína hlaut Eyþór fyrstu
ágætiseinkunn (magna cum laude).
I maímánuði sama ár hóf hann störf
sem framkvæmdastjóri við norska
sjávarafurðafyrirtækið Cocoon Ltd.
í Tókýó.
aður kunni að vera í húfi.
En í sama mund og bæverski
fjölmiðlajöfurinn Leo Kirch og ástr-
alski fjölmiðlajöfurinn Rupert
Murdoch voru þess albúnir að
magna átökin með því að taka í
notkun hina nýju DFl rás sína
skýrðu Kirch og aðalkeppinautur
hans, Bertelsmann AG, frá þeim
ásetningi sínum að reyna að semja
um vopnahlé.
Tímamótaárangur?
Eftir þessi óvæntu tíðindi til-
kynnti franska áskriftarsjónvarpið
Canal Plus að það og BSkyB gervi-
hnattasjónvarp Murdochs ættu
einnig hlut að máli. Ef samkomulag
næst kann það að vera sá tímamóta-
árangur, sem beðið hefur verið eftir
í greininni.
„Við höfum ekki náð endanlegu
samkomulagi, en við erum á réttri
leið að því marki,“ sagði talsmaður
Bertelsmanns.
Kirch og Bertelsmann hafa verið
í miðpunkti deilu í greininni um ólíka
afruglaratækni, sem hefur valdið
hættu á stríði í iíkingu við deiluna
um VHS og Betamax myndbands-
tæki fyrir 1980.
Bertelsmann og franska áskrift-
arsjónvarpið Canal Plus hafa þróað
eigin afruglara, „Media Box,“ en
Kirch hefur komið fram með eigið
„D-Box“. Ekki er hægt að samræma
notkun þessara tækja og notendur
verða að velja um þau.
{viðræðunum er reynt að ná sam-
komulagi um að afruglararnir verði
samhæfðir. Báðum aðilum er alvara
með því að reyna að koma í veg
fyrir kostnaðarsamt tæknistríð.
Þrír helztu aðilarnir sem koma
við sögu - Bertelsmann, Canal Plus
og Kirch - eru hluthafar í Premi-
ere, eina áskriftarsjónvarpi Þýzka-
lands.
Premiere er ekki enn rekið með
hagnaði og áskrifendur eru aðeins
1.2 miiljónir.
En hver sá aðili sem fær aðgang
að áskrifendum Premiere fær for-
skot á öll önnur fyrirtæki, sem reyna
að byrja frá byijun í Þýzkalandi.
Þess vegna reyna Bertelsmann og
Kirch loksins að leysa ágreining
sinn.
HUMRI landað á Höfn í Hornafirði.
Morgunblaðið/Halldór
Líkur á að humarkvótinn
náist fyrir vertíðarlokin
FLESTIR humarbátar á landinu eru
nú hættir veiðum og fáar humar-
vinnslur munu halda uppi fram-
leiðslu til vertíðarloka. Humarveiðin
hefur gengið misvel eftir landshlut-
um, allir humarbátar á austursvæð-
inu eru hættir veiðum en ennþá eru
nokkrir bátar að á vestursvæðinu.
Allar líkur eru á að humarkvótinn
náist fyrir 15. september.
Veiðiheimildir fyrir þetta fisk-
veiðiár voru 1500 tonn af heilum
humri og er allt útlit fyrir að þær
verði fullnýttar. Nú þegar hafa
veiðst um 1415 tonn og eru ennþá
nokkrir bátar að veiðum á vestur-
svæðinu en veiði hefur verið skapleg
þar á vertíðinni. Mest af humri
hefur komið á land í Þorlákshöfn,
um 570 tonn. Þá eru komin á land
um 247 tonn í Grindavík og um 142
tonn í Sandgerði. Humarvertíðinni
er lokið í Vestmannaeyjum og komu
þar á land um 200 tonn af heilum
humri. Veiðum hefur eins og fyrr
segir einnig verið hætt á Höfn í
Hornafirði og komu um 250 tonn
á land þar á vertíðinni.
Heildar-humarframleiðsla Sölu-
miðstöðvar hraðfrystihúsanna er nú
orðin um 451 tonn en þrír framleið-
enda SH eru enn að framleiða og
tveir þeirra halda áfram til vertíðar-
Ioka þann 15. ágúst. Af heildar-
framleiðslunni eru um 375 tonn
heill humar og 76 tonn halar. Ef
halaframleiðslan er reiknuð yfir í
heilan humar nemur því heildarhrá-
efnisnotkun SH um 622 tonnum
það sem af er þessu ári. Það er
rúmlega 200 tonnum meira hráefni
en á vertíðinni í fyrra en árið 1994
voru unnin um 873 tonn af hráefni
hjá framleiðendum SH.
Framleiða meira en áætlað var
Hjá Árnesi hf. í Þorlákshöfn hef-
Grásleppu-
veiðin á Strönd-
um brást
Árneshreppur - Enn eitt árið
brást grásleppuveiðin í Árnes-
hreppi. Fiskverkun Gunnsteins
Gíslasonar í Norðurfirði verk-
aði 31 tunnu af hrognum af sjö
bátum, þar af einum aðkomu-
báti. Á Gjögri verkuðu tveir
aðilar af sinum bátum sjálfir í
13 tunnur samtals. Margir byrj-
uðu að taka net upp fyrir miðj-
an júní, en nú eru allir búnir
að taka upp net sín fyrir löngu
og byijaðir á færum.
Flestir bátanna
eru hættir
veiðum
ur ekki verið tekin endanleg ákvörð-
un um hvort tekið verður á móti
humri til vertíðarloka 15. ágúst en
Pétur Reimarsson, framkvæmda-
stjóri, átti frekar von á því að svo
yrði. „Það hefur gengið mjög vel
hjá okkur í sumar. Við erum búnir
að framleiða um 90% af því sem
við settum að markmiði fyrir vertíð-
ina og stefnum á að það verði enn
meira. Við erum því mjög ánægðir
með stöðu rnála." Pétur segir að
11 bátar hafi lagt upp hjá fyrirtæk-
inu í sumar en nú séu nokkrir þeirra
hættir veiðum.
Hörmuleg vertíð
Hjá Borgey hf. á Hornafirði var
landað um 30 tonnum af humarhöl-
um á vertíðinni og segir Hermann
Stefánsson, útgerðarstjóri, það
vera langt undir kvóta. Ekkert var
framleitt af heilum humri hjá Borg-
ey í ár, bæði vegna þess að humar-
inn var smár á seinni hluta vertíð-
arinnar og vegna slæmra mark-
aðsaðstæðna, sérstaklega fyrir
smáan humar. „Vertíðin var væg-
ast sagt hörmuleg. Þó að við höfum
fengið meira inn í hús en á vertíð-
inni í fyrra er ekki þar með sagt
að aflinn hafi verið meiri. Það er
varla hægt að bera þessi tvö ár
saman því að í fyrra var vertíðinni
seinkað um viku og svo kom verk-
fallið í kjölfarið. Það eru margir
mjög svartsýnir á framhald veið-
anna hérna og halda því fram að
ekki verði hægt að veiða hér hum-
ar eftir nokkur ár,“ segir Her-
mann.
Hafa sjaldan framleitt meira
Hjá Skinney hf. á Hornafirði
hættu síðustu bátar veiðum í lok
júlí en þegar mest var sáu ijórir
bátar um humarveiðar fyrir fyrir-
tækið í sumar. Þar voru framleidd
um 50 tonn á vertíðinni, langmest
af hölum en sáralítið af heilum
humri og eru menn sáttir þar á bæ
enda hefur framleiðslan sjaldan
verið jafnmikil. Það er þakkað
öflugum bátum en þrír af bátunum
toguðu með tvö troll sem gefur mun
betri árangur.
Stofninn nær sér á strik
Hrafnkell Eiríksson, fiskifræð-
ingur Hafrannsóknastofnunar, seg-
ir að árið hafi vissulega verið undir
meðallagi en hinsvegar hafi veiði
verið þokkaleg lengst af á vestur-
svæðinu. „Það hafa alltaf komið
léleg ár með nokkuð reglulegu milli-
bili og síðast var mjög lélegt ár
1989. Þá voru aflabrögð einnig
mjög léleg árið 1979 og enn verri
1969. Bátar hafa verið kroppa
þokkalega bæði á Meðallandsbugt
og í Skeiðarárdjúpi á seinni hluta
vertíðarinnar en svo virðist sem það
sé engin veiði austan við Ingólfs-
höfða.
Veiði hefur gersamlega brugðist
í Breiðamerkur-, Hornafjarðar-, og
Lónsdýpi en það hefur verið mikill
fiskur á þessum slóðum og það
hefur aldrei farið vel saman við
humarveiði. Því er heldur ekki að
neita að það eru nokkrir mjög léleg-
ir árgangar í stofninum, auk þess
sem skark með öðrum veiðarfærum
hefur aukist á þessum slóðum.
Stofninn er í lægð en við höfum
engar áhyggjur af því að hann nái
sér ekki á strik. Það á örugglega
eftir að gerast,“ segir Hrafnkell.
Morgunblaðið/Jón G.G.
SMÁBÁTAHÖFNIN í Norðurfirði.