Morgunblaðið - 26.07.1996, Blaðsíða 23
MORGUNBLAÐIÐ
FÖSTUDAGUR 26. JÚLÍ 1996 23
k skyndilega í Arnarfirði
Morgunblaðið/Halldór Sveinbjömsson
eiðum í mynni Dýrafjarðar héldu tafarlaust á slysstað til
leitar þegar þeim bárust tíðindin.
Morgunblaðið/RAX
TORFI Vestmann í stjórnstöð björgunarsveitarinnar Kóps á Bíldu-
dal. Aftan við hann er gúmbjörgunarbáturinn úr Æsu.
i og þyrlu
rslaus
Vigdís BA bjargaði fjórum skipveijum
Blautir og hraktir
„ÞEIR gerðu sér ekki grein fyrir
því hvað hefði gerst, en þeir sögðu
að þetta hefði allt gerst svo rosa-
lega snöggt. Einn af þeim var niðri
í lúkar og ég held að hann skilji
það ekki ennþá hvernig hann komst
upp,“ segir Símon Viggósson, skip-
stjóri á Vigdísi BA frá Patreks-
firði, i samtali við Morgunblaðið,
en áhöfnin á Vigdísi bjargaði fjór-
um af sex skipveijum Æsu eftir að
skipið sökk um hádegisbilið i gær.
Vigdís var 0,5-1 sjómilu frá Æsu
og segist Símon hafa séð skipið að
veiðum fyrr um morguninn.
„Svo hvarf hann og síðan sá ég
bara þúst í sjónum og hélt ég fyrst
að þetta væri hvalur. Eg keyrði
samt að þessu og eftir tíu mínútur
eða kortér sá ég neyðarblysið frá
þeim. Stuttu seinna hvarf svo bát-
urinn af yfirborðinu en hann var á
hvolfi þegar ég sá hann fyrst. Menn-
irnir voru komnir í gúmmíbátinn
þegar ég kom að, en þeir höfðu
verið á kjölnum. Það hafði flotið
upp björgunarbátur í hylki hjá
þeim, en hann var samt á kafi og
þurfti einn þeirra að kafa eftir
honum. Hann stakk sér af kili eftir
þátnum og náði að sprengja hann
upp. Síðan fóru hinir í hann,“ sagði
Símon. Hann sagði að skipbrots-
mennirnir hefðu talið sig hafa ver-
ið 15-20 mínútur í björgunarbátn-
um þegar Vigdís kom að þeim, en
þá hefðu sennilega verið liðnar
30-40 mínútur frá því Æsu hvolfdi.
Símon sagði mennina alla hafa ver-
ið blauta og hrakta, en óslasaða
og ekki illa haldna.
„Þeir voru hálf fatalitlir og
sennilega búnir að fara úr göllun-
um og því þyngsta því að þeir
þurftu að synda út í björgunarbát-
inn af kjölnum. Ég var þarna í
hálftíma í viðbót á svæðinu áður
en hinir bátarnir komu. Sæborg
kom strax en hún var eiginlega í
samfloti við mig eða nokkrum báts-
lengdum fyrir aftan mig. Svo voru
komnir þarna 4-5 bátar þegar ég
lagði af stað til Bíldudals en þang-
að vorum við komnir um hálfþrjú-
leytið,“ sagði Símon.
Vigdís gerði stuttan stans á
Bíldudal meðan mennirnir fóru í
land og lögreglan tók björgunar-
bátinn í sína vörslu og smáhluti sem
rekið hafði frá Æsu, en hélt að því
loknu til leitar að mönnunum
tveimur sem saknað er.
Morgunblaðið/Halldór Sveinbjörnsson
32 BÁTAR og tveir togarar, tóku þátt í leit að tveimur mönnum sem saknað er af skelfiskbátnum Æsu IS.
Drýgði mikla hetjudáð
JÓN Gunnar Kristinsson, einn skip-
brotsmannanna fjögurra á Æsu ÍS,
drýgði mikla hetjudáð þegar hann
kafaði undir Æsu þar sem hún mar-
aði í kafi á hvolfi og leysti gúmbjörg-
unarbátinn frá með handafli. Sjálf-
virkur sleppibúnaður er í bátnum en
svo virðist sem hann hafi ekki skotið
gúmbátnum frá. Á meðan héldu þrír
félagar hans sér á floti á kili Æsu.
„Það er með öllu óskiljanlegt hvað
hefur gerst þarna,“ sagði Einar Odd-
ur Kristjánsson, útgerðarmaður Æsu
ÍS 87 þegar rætt var við hann í
gær. Hann sagði að búið hefði verið
að draga veiðarfæri inn í bátinn og
verið var að ganga frá á dekki og
undirbúa heimsiglingu þegar hann
lagðist skyndilega á hliðina og sökk.
Fjórir úr áhöfn Æsu björguðust
og var farið með þá til Flateyrar eft-
ir að hlúð hafði verið að þeim á heiisu-
gæslustöðinni á Bíldudal. Á Flateyri
komu þeir saman á heimili Einars
Odds ásamt ættingjum og aðstand-
endum, presti og lækni og þágu þar
áfallahjálp. Skipbrotsmenn eru allir
við ungan aldur og gekk áfallið afar
nærri þeim.
Þegar Morgunblaðsmenn flugu yfir
leitarsvæðið í utanverðum Amarflrði
um kl. 17 í gær voru 26 bátar, þar
af tveir togarar, við leit, auk þess sem
TF SIF, þyrla Landhelgisgæslunnar,
flaug yfir svæðinu fram til kl. 18 i
gær. Ólíubrák sást greinilega í firðin-
um.
í stuttan tíma á kili Æsu
Jónas Sigurðsson lögregluvarð-
stjóri á Patreksfirði sagði að brak
hefði fundist úr bátnum. Mest voru
32 bátar við leit í gær. Jónas hafði
verið við leitarstjórn allt frá því
spurðist um afdrif bátsins um eitt-
leytið. Hann sagði að sjálfvirkur
neyðarsendir hefði flotið upp úr Æsu
og farið í gang og auk þess kveiktu
skipbrotsmenn á neyðarblysi eftir að
þeir komust í gúmbjörgunarbátinn.
Jónas sagði að mennirnir hefðu hafst
við í stuttan tíma á kili Æsu. Skip-
brotsmenn voru komnir í björgunar-
bátinn þegar Vigdís BA kom að og
tók þá um borð.
„Leitin hefur verið skipulögð héðan
og er stjómað úr Höfrungi BA sem er
á leitarsvæðinu. Það kemur alltaf eitt-
hvað brak upp úr bátnum og talsverð
olíubrák er á sjónum,“ sagði Jónas.
Torfi Vestmann, í stjórnstöð
björgunarsveitarinnar Kóps á
Bíldudal, sagði að mennirnir hefðu
ekki verið lengi í sjónum. „Ég kom
hingað niður á bryggju þegar ég sá
að báturinn sem ég er á, Höfrungur,
var farinn frá landi upp úr kl. 13.
Þá frétti ég fyrst að Æsa hefði sokk-
ið fyrir u.þ.b. hálftíma. í stjórnstöð-
inni voru fimm menn klárir til þess
að fara út eftir. Hálftíma síðar
hringdi Jón Halldórsson á bátnum
Maríu BA, sem var á skaki hérna
úti, og sagði mér að Vigdís BA væri
á leiðinni í land með fjóra skipbrots-
menn. Ég lét heilsugæslulækninn
vita og hann hringdi áfram í lög-
reglu og kallaði á sjúkrabíl. Við vor-
um því tilbúnir til þess að taka á
móti þeim á bryggjunni en sem betur
fer amaði ekkert að þeim þegar þeir
komu í land,“ sagði Torfi.
Torfi hafði það eftir skipbrots-
mönnum að þeir hefðu verið að ganga
frá og á leiðinni í land þegar báturinn
fór skyndilega á hliðina. Torfi sagði
að mennirnir hefðu verið í sjóstökk-
um.
Tíu manna hópur úr björgunar-
sveitinni Kóp á Bíldudal gengu fjörur
Bíldudalsmegin í Arnarfirðinum í
gærkvöldi. Torfi sagði að í ráði væri
að fleiri björgunarsveitarmenn
kæmu víðar af Vestfjörðum til að
taka þátt í leitinni ef þörf krefði. Þá
yrði leitarsvæðið stækkað og gengn-
ar fjörur beggja vegna fjarðarins.
Mjög gott veður var á leitarsvæðinu
í gærkvöldi.