Morgunblaðið - 19.09.1996, Blaðsíða 20

20 FIMMTUDAGUR 19. SEPTEMBER 1996
MORGUNBLAÐIÐ
ERLEIMT
CTI ITT
STUTT
Leit í höf-
uöstöðv-
um Bossis
ÍTALSKA lögreglan réðst í
gær til inngöngu í höfuðstöðv-
ar Norðursambandsins, flokks
Umbertos Bossis, til að leita
að vísbendingum um að flokk-
urinn hefði gerst sekur um
brot á stjórnarskránni. Þrír
þingmenn Norðursambands-
ins, þeirra á meðal Roberto
Maroni, fyrrverandi innanrík-
isráðherra, reyndu að stöðva
lögreglumennina og vefengdu
húsleitarheimildina. Eftir
nokkurra klukkustunda bið
var þingmönnunum ýtt til hlið-
ar og leitin hafiri.
Leitin er liður í rannsókn
saksóknara á meintum stjórn-
arskrárbrotum Norðursam-
bandsins eftir að Umberto
Bossi lýsti yfir stofnun „lýð-
veldisins Padaníu" í Feneyjum
á sunnudag. Einnig var leitað
á öðrum skrifstofum flokksins
og heimilum nokkurra flokks-
manna.
Papon sóttur
til saka
FRANSKUR áfrýjunarréttur
úrskurðaði í gær að sækja
bæri Maurice Papon til saka
fyrir meinta glæpi gegn mann-
kyninu. Hann er sakaður um
að hafa fyrirskipað flutninga
á 1.690 gyðingum, m.a. 223
börnum, í útrýmingarbúðir
nasista á árunum 1942-44.
Papon er 86 ára, var lögreglu-
stjóri Parísar á sjöunda ára-
tugnum og fjárlagaráðherra á
áttunda áratugnum.
Lík erkibisk-
ups finnst
HERMENN fundu á þriðjudag
lík erkibiskups kaþólsku kirkj-
unnar í Búrúndí, Joachims
Ruhana, og nunnu, átta dög-
um eftir að þau voru drepin í
launsátri í miðhluta landsins.
Erkibiskupinn var Tútsi og her
landsins sakaði uppreisnar-
menn úr röðum Hútúa um til-
ræðið. Hútúar sögðu hins veg-
ar Tútsa í hernum hafa verið
að verki.
Simpson-mál-
ið tekið fyrir
UNDIR-
BÚNINGUR
annarra rétt-
arhalda yfir
bandarísku
ruðnings- og
sjónvarps-
stjörnunni
O.J. Simpson
er að ná há-
marki og í
gær var hafist handa við að
velja fólk í 12 manna kviðdóm.
Simpson var sýknaður af
ákæru um að hafa myrt eigin-
konu sína og vin hennar en
ættingjar þeirra hafa nú höfð-
að einkamál gegn honum.
Sjónvarpsstöðvar sýndu frá
fyrri réttarhöldunum í beinni
útsendingu og málið fékk
meiri umfjöllun í fjölmiðlum
en nokkurt annað sakamál .í
sögu Bandaríkjanna. Sérfræð-
ingar telja því að ómögulegt
verði að finna fólk í kviðdóm-
inn sem hefur ekki þegar gert
upp hug sinn varðandi sekt eða
sakleysi sakborningsins.
Simpson
,<v' , ' s'
75» » fm • > >
l-£»1::
SUÐUR-kóreskir hermenn leita að útsendurum Norður-Kóreu sem
fluttir voru til Suður-Kóreu með kafbát.
Reuter
Tuttugu útsendarar N-Kóreu settir á land í Suður-Kóreu
Ellefu látnir en
átta manna leitað
Seoul. Reuter.
LÍK ellefu útsendara Norður-
Kóreumanna, sem fluttir höfðu ver-
ið til Suður-Kóreu með kafbát,
fundust í gærmorgun. Tólfti maður-
inn fannst á lífi eftir umfangsmikla
leit á láði og legi og var hann hand-
tekinn af suður-kóresku lögregl-
unni. Átta manna eða níu er enn
leitað. Talsmenn suður-kóreska
varnarmálaráðuneytisins sögðu að
mennirnir hefðu verið skotnir og
líklegast væri að einn úr hópnum
hefði skotið hina og svo sjálfan sig.
Suður-kóresk yfirvöld hafa litlar
upplýsingar viljað gefa um við
hvaða aðstæður lík mannanna fund-
ust en tilkynning um það barst frá
borginni Kangnung, sem er á aust-
urströndinni. Þá sögðu talsmenn
varnarmálaráðuneytisins að kafbát-
urinn sem sigldi með þá frá Norður-
Kóreu, hefði fundist í gærmorgun,
en hann hefði rekist á klett og
strandað á leið heim. Um borð voru
vopn, skotfæri og matvæli. Var
kafbáturinn um 34 metrar á lengd
og um 330 tonn. Er talið að Norður-
Kóreumenn eigi tíu slíka kafbáta
og geti hver og einn flutt 21 mann.
Suður-kóresk yfirvöld höfðu af
því fréttir í gærmorgun að mennirn-
ir hefðu gengið á land og hófst
þegar umfangsmikil leit. Komið var
upp vegatálmum og leitað úr lofti.
Óstaðfestar fregnir hermdu að
komið hefði til skotbardaga.
Kim Dong-shin, yfirmaður suður-
kóreska herráðsins, sagði yfirvöld
líta málið afar alvarlegum augum,
þar sem um væri að ræða brot á
vopnahléssamningi Norður- og Suð-
ur-Kóreu frá 1953, sem lauk form-
lega Kóreustríðinu. Þá bárust af
því fréttir að tveir norður-kóresku
útsendaranna hefðu ráðist á
þorpsbúa skammt frá þeim stað þar
sem þeir gengu á land, áður en
þeir flýðu til fjalla. Fundust vél-
byssa, rifflar og skotfæri, auk miða,
þar sem hollustu við Kim Jong-il,
leiðtoga Norður-Kóreu, var heitið.
Allnokkur dæmi eru um að mál
sem þessi komi upp í samskiptum
ríkjanna en þetta er hið mannskæð-
asta frá árinu 1968 þegar 31 útsend-
ari Norður-Kóreu komst að forseta-
höllinni í Seoul í Suður-Kóreu. Voru
28 þeirra drepnir í skotbardaga, sem
kostaði einnig 34 suður-kóreska
hermenn og óbreytta borgara lífíð.
Dregur úr
glæpum í
Bandaríkj-
unum
Washington. Reuter.
MJÖG hefur dregið úr ofbeldisglæp-
um í Bandaríkjunum, samkvæmt
tölum frá yfírvöldum dómsmála þar
í landi. Á síðasta ári fækkaði ofbeld-
isglæpum um rúmlega 9%, úr 10,9
milljónum í 9,9 milljónir.
Mest dró úr líkamsárásum, um
19%, en 18% fækkun varð m.a. á
nauðgunum og kynferðislegu of-
beldi. Fagnaði Janet Reno dóms-
málaráðherra þessum fréttum mjög
og sagði nauðsynlegt að slaka ekki
á baráttunni gegn glæpum.
Ráðherrann þakkaði fækkun
glæpa baráttu stjórnvalda gegn eit-
urlyíjahringum og glæpahópum,
fjölgun lögreglumanna á götum úti
og meiri samvinnu löggæslumanna.
Þá hafa sérfræðingar nefnt hert
vopnaeftirlit, fjölgun fangelsa og
bættar starfsaðferðir lögreglu.
Þá hefur einnig dregið úr inn-
brotum og þjófnuðum um 5,5% og
morðum um 8%.
♦ ♦ ♦
Kerry kom-
inn á flakk
London. Reuter.
PETER Kerry, fimmtán ára gam-
all, breskur drengur, sem komst í
fréttirnar í fyrra þegar hann brá
sér til Malasíu með vegabréf föður
síns og krítarkort, er hlaupinn að
heiman enn einu sinni.
Lögreglan telur, að Kerry hafi
farið til meginlands Evrópu og seg-
ist hafa miklar áhyggjur af öryggi
hans. Er hann með sitt eigið vega-
bréf, einhverja peninga og föt til
skiptanna.
Kerry er ekki að hlaupast að
heiman í fyrsta sinn því að áður
hefur hann skotið upp kollinum í
París og Edinborg og í fyrra í Mal-
asíu en þangað fór hann eftir rifr-
ildi við foreldra sína. Fékk hann
skilyrðisbundinn dóm fyrir það
uppátæki en hann viðurkenndi að
hafa breytt mynd af föður sínum
og fæðingardegi hans í vegabréfínu
auk þess að hafa notað krítarkortið
hans til að borga fyrir flugferðina
og hótelgistingu.
Leifar af brennisteinssýru fundust í íbúð Lopez í Flórída
Fjölskyldan vill ræða við Björk
Kynþáttaf ordómar
taldir hafa verið helsta
orsök tilræðisins
SAMKVÆMT upplýsingum bandaríska dag-
blaðsins Miami Herald hafði Ricardo Lopez,
sem póstlagði Björk Guðmundsdóttur vítisvél
falda í bók áður en hann fyrirfór sér, ekki
ógnað öðrum kunnum einstaklingum en Björk
svo vitað sé.
Kunni til verka
Rannsóknarmenn lögreglunnar í Hollywood
í Flórída hafa uppgötvað leifar af brennisteins-
sýru í íbúðarkytrunni sem Lopez fannst í á
mánudag. Lögregian er búin að skoða hluta
allra myndbandanna ellefu sem Lopez skildi
eftir sig, alls um 22 klukkustundir, og segja
talsmenn hennar að þau leiði í ljós að hann
hafi kunnað til verka við gerð sprengjubúnaðar-
ins sem sprauta átti sýrunni á hvern þann sem
opnaði bókina.
Talsmenn lögreglunnar segjast vera nokkuð
öruggir um að hann hafi ekki hótað fleirum
en Björk, og samkvæmt bráðabirgðarannsókn
er ekkert sem bendir til að hann hafi verið á
sakaskrá eða á annan hátt komið við sögu
lögreglunnar á staðnum.
Ljósmynd/Miami Herald
Ricardo Lopez, tilræðismaður Bjarkar.
Aðeins eru til sannanir fyrir einni sendingu
frá Lopez til Bjarkar en verið er að rannsaka
möguleikann á að fleiri séu til, þótt slíkt sé
talið ólíklegt. Kynþáttafordómar eru taldir vera
ráðandi þáttur í tilræði Lopez, en auk þess sem
fram hefur komið um að hann sætti sig alls
ekki við að unnusti Bjarkar væri blökkumað-
ur, fann lögreglan ókvæðisorð beint gegn öðr-
um kynþáttum máluð á vegg íbúðar hans.
Fjölskyldan hélt Lopez meinlausan
Fjölskylda tilræðismannsins hefur forðast
fjölmiðla eftir megni en blaðakona Miami Her-
ald náði tali af bróður hans og vinnuveitenda
hjá fyrirtækinu Miami Mice sem annast eyð-
ingu meindýra. Bróðirinn, Jorge Lopez, kvað
fjölskylduna vera harmi lostna vegna þessara
atburða, en fagnaði því samtímis að enginn
nema Ricardo hefði beðið skaða af. Hann sagði
fjölskylduna syrgja Ricardo en að hún teldi
að auðveldara yrði að yfirstíga áfallið og sorg-
ina, næði hún tali af Björk. Líf Ricardos hefði
snúist nær alfarið um Björk.
Jorge Lopez kvaðst gera ráð fyrir að fjöl-
skyldan myndi senda frá sér yfirlýsingu næst-
komandi föstudag um geðsjúkrasögu Ricardos.
Samkvæmt upplýsingum frá Miami Herald gaf
hann í skyn að hann hefði vitað að bróðir sinn
ætti við andlega örðugleika að etja, en ekki
grunað að af honum gæti stafað hætta.
Verður grafinn með leynd
Á næstu dögum mun hefjast rannsókn á
leifum pakkans sem Lopez sendi, en grunur
leikur á að brennisteinssýran sem hann setti
í böggulinn sé frá fyrirtæki bróðurins. Lopez
verður grafinn með leynd.