Morgunblaðið - 19.09.1996, Blaðsíða 28

28 FIMMTUDAGUR 19. SEPTEMBER 1996
MORGUNBLAÐIÐ
MORGUNBLAÐIÐ
FIMMTUDAGUR 19. SEPTEMBER 1996 29
flKrgiiwlíInltil*
STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.
ARÐUR AF
ÞJÓÐAREIGN
VAXANDI úthafsveiðar hafa leitt til stóraukinna leigu-
kvótaviðskipta. Dæmi eru um að stórar útgerðir, sem
úthafsveiðar stunda, hafi leigt frá sér verulegan hluta, jafn-
vel stærstan hluta eigin þorskkvóta og misstóra hluta af
kvóta annarra botnfisktegunda. Leiguliðar hafa greitt
„lénsherrum kvótans" allt að 90 til 95 krónur fyrir hvert
þorskkíló. Þessi þróun hefur leitt til vaxandi umræðu í þjóð-
félaginu um fiskveiðikvótann, sem lögum samkvæmt er
sameign þjóðarinnar, en útgerðarmenn einir hafa rétt til
að verzla með.
Formaður LÍÚ segir í viðtali við Morgunblaðið að það
sé jákvætt fyrir þjóðarbúskapinn „að útgerðarmönnum sé
gert kleift að stunda úthafsveiðar og minnka sína áhættu,
ef aðrir vilji Ieigja af þeim heimildir." En hann bætir við:
„Reyndar teljum við leigukvótaverzlun orðna alltof um-
fangsmikla, þó segja megi að markaðurinn einn ráði ferð-
inni.“
Eðlilegt er að fólkið í landinu, sem lögum samkvæmt á
sjávarauðlindina, sem og þjóðkjörnir fulltrúar þess á lög-
gjafarsamkomunni, velti fyrir sér réttmæti svo stórfelldrar
verzlunar útgerðaraðila með leigukvóta. Meðal annars í ljósi
þess að réttlætisforsendur standa ótvírætt til þess að eig-
endur auðlindarinnar, þjóðin sjálf, fái arð af henni. Form
og framkvæmd slíkrar arðgreiðslu þarf helzt að haga með
þeim hætti að hún stuðli að sveiflujöfnun í sjávarútvegi
og samlagist meginreglum markaðsbúskapar.
ÍSLENZKA SJÁVARÚT-
VEGSSÝNINGIN
ISLENZKA sjávarútvegssýningin var opnuð i gær og er
þetta fimmta sinn, sem hún er haldin á þriggja ára fresti.
Sýningarsvæðið nú er um 20% stærra en árið 1984 þegar
hún var fyrst haldin. Svæðið telur nú um tíu þúsund fer-
metra með öllu á inni- og útisvæði.
Sú staðreynd, að íslendingar skuli vera í fararbroddi
sjávarútvegsþjóða í því að hafa framleitt og tileinkað sér
hátækni í veiðum og vinnslu sjávarfangs, gerir það að verk-
um að íslenzka sýningin vekur athygli og dregur til sín
gesti og sýnendur hvaðanæva að.
Fjölmörg íslenzk fyrirtæki kynna vörur sínar og þjón-
ustu á sýningunni, en auk þess eru fyrirtæki frá Austur-
ríki, Belgíu, Kanada, Chile, Tékklandi, Danmörku, Færeyj-
um, Finnlandi, Frakklandi, Þýzkalandi, Grikklandi, Græn-
landi, írlandi, Ítalíu, Japan, Hollandi, Noregi, Póllandi,
Portúgal, Suður-Afríku, Spáni, Sri Lanka, Svíþjóð, Sviss,
Taiwan, Bretlandi og Bandaríkjunum.
Sýningin er fjölbreytt, en meðal þess sem gestir geta
kynnt sér eru nýjungar í vélbúnaði fyrir báta og skip,
veiðarfæri, umbúðir, frystitæki, vinnslukerfi á sjó og í landi,
flökunarvélar, pökkunar- og geymsluaðferðir og flutninga-
leiðir til og frá landinu.
Fagna ber, að íslenzka sjávarútvegssýningin skuli hafa
tryggt sér verðugan sess meðal aðila í sjávarútvegi og telst
til viðburða, sem enginn í þessari atvinnugrein getur verið
án.
BREYTT VIÐHORF
TIL HVALANNA?
STÓRHVELI synti í fyrradag inn í höfnina í Sandgerði
og varð þar innlyksa. Einhvern tímann hefði þetta
þótt hvalreki í bókstaflegri merkingu; menn hefðu aflífað
dýrið og nýtt afurðir þess. Í stað þess að fólk drifi að með
eggjárn varð hvalsagan hins vegar að þessu sinni til þess
að bæjarbúar flykktust að höfninni til þess ýmist að hjálpa
hvalnum að komast aftur á haf út eða fylgjast með björgun-
arstarfinu.
í frásögn Morgunblaðsins af atburðinum segir að bæj-
arbúar hafi fagnað, þegar tókst að stjaka hvalnum út úr
höfninni og hann synti sína leið. Þetta minnir frekar á við-
brögð almennings í ríkjum, þar sem hvalirnir eru taldir
friðhelgar skepnur og eins konar tákn viðkvæmrar náttúru
og umhverfis, en á viðhorf gamallar hvalveiðiþjóðar. Getur
verið að afstaða almennings á íslandi til þessara tignarlegu
dýra sé að breytast til samræmis við það, sem gerist í
mörgum nágrannalöndum?
Rekstrarkostnaður Dagvistar barna rúmlega 1,8 milljarðar
Morgunblaðið/Ásdís
ÞÆR voru skondnar á svip hnáturnar tvær, sem gægðust út um gluggann á Ieikskólanum Tjarnar-
borg, þegar ljósmyndari Morgunblaðsins átti leið hjá.
Stofnkostnaður við
hvert heilsdagspláss
1-1,2 milljónir
EITT af kosningaloforðum Reykiavíkurlistans
við síðustu borgarstjómarkosningar fyrír rúm-
um tveimur árum var að dagvistarmálum í
Reykjavík yrði komið í viðunandi horf.
Kristín Gunnarsdóttir hefur kynnt sér
framkvæmdir síðustu ára off kannað hvort
og hvaða breytingar hafa átt sér stað.
INGIBJÖRG Sólrún Gísladóttir
borgarstjóri sagði í viðtali í
Morgunblaðið fyrr í sumar að
hún væri ánægð með þann
ávinning sem náðst hefði í dagvist-
armálum frá því Reykjavíkurlistinn
tók við stjórn borgarinn-
ar. Útlit væri fyrir að í
lok ársins 1996 hefði
heilsdagsplássum ijölgað
um 6—700 á kjörtímabii-
inu og að öll börn á aldrin-
um 2ja til 5 ára ættu kost á leik-
skólavist en í upphafi kjörtímabils-
ins eða í desember árið 1994 voru
60 leikskólar starfandi í borginni
með pláss fyrir 5.110 börn. Fyrir
kosningar lofaði Sjálfstæðisflokkur-
inn að öll börn frá tveggja ára aldri
fengju inni á leikskóla á yfirstand-
andi kjörtímabili en Reykjavíkurlist-
inn hét því að öll börn frá eins árs
aldri kæmust á leikskóla.
Eftir að Reykjavíkurlistinn tók
við hefur fyrir þeirra tilstuðlan ver-
ið byggt við eldri leikskóla og þeir
stækkaðir og auk þess hafnar fram-
kvæmdir við þijá nýja leikskóla sem
teknir hafa verið í notkun á þessu
ári. Samkvæmt ársskýrslu Dagvist-
ar barna árið 1995 voru 5.202 pláss
á leikskólum um áramót
en um næstu áramót þeg-
ar nýju skólarnir verða
fullskipaðir verða plássin
um 5.600. Rétt er að taka
fram að á árinu var nokk-
uð um að hálfsdagsplássum væri
breytt í heilsdagspláss en við það
dró úr heildarfjölgun plássa.
Tíu leikskólar
Á síðasta kjörtímabili Sjálfstæð-
isflokksins, sem hófst um mitt ár
1990, voru í desember 53 leikskólar
og 14 skóladagheimili starfandi í
borginni með pláss fyrir 3.936 börn
á leikskólum og um 304 á skóladag-
heimilum. Gefið var kosningaloforð
um að byggðir yrðu tíu leikskólar
Framlög til stofnkostnaðar
leikskóla 1989 -1996
í milljónum kr. u.þ.b.
á verðlagi í júní 1996 ^ 400
'89 '90 '91 '92 '93 '94 '95 '96
á kjörtímabilinu og var staðið við
það. Af þessum tíu leikskólum voru
þrír í byggingu vorið 1994 þegar
Reykjavíkurlistinn tók við. Á kjör-
tímabili sjálfstæðismannna var auk
þess byggt við fjóra leikskóla og
fjölgaði plássum vegna ný- og við-
bygginga samtals um 984 en ákveð-
ið var að leggja niður rekstur
tveggja leikskóla.
Um mitt ár 1992 var samið við
leikskólakennara um ábataskipta-
kerfi, sem byggist á aukinni hag-
ræðingu í rekstri leikskólanna.
Ábataskiptakerfið hefur verið tekið
upp í tveimur áföngum og fjölgaði
plássum við það um 350 á leikskól-
um og um 50 á skóladagheimilum.
Leikskólaplássum fjölgaði því sam-
Ábataskipta-
kerfið fjölgar
plássum
Rekstrarkostnaður dagvistar barna 1991-95
. ~ Upphæðir í m. kr. GJOLD: 1991 1992 1993 1994 1995
Leikskólar og skóladagheimili 981 1.071 1.204 1.797 1.876
Lóðaviðhald 43 65
Sameiginlegur kostnaður 35 40 43 47 51
Börn með sérþarfit 50 55 65 78 85
Alls v. leikskóla og skóladagh. 1.109 1.231 1.313 1.471 1.547
Niðurgreidd daggæsla á einkah. 99 114 99 98 99
Umsjón með daggæslu á einkah. 12 13 16 17 18
Rekstrarst. til annarra dagvistarh. 25 27 31 101 97
Styrkir 6
Gæsluleikvellir 96 104 100 110 109
Samtals 1.341 1.490 1.559 1.797 1,876
Samtals á verðlagi 1995 1.494 1.601 1.609 1.828 1.876
Rekstrarstyrkir til einkaleikskóla
Hvert barn á mánuði Börn 6 mán. til 2ja ára Börn 3ja til 5 ára Lægra gjald: Einstæðir forgangshópar
4 stundir á dag Kr. 6.000 8.000 8.000
6stundirádag 9.000 12.000 22.500
8 stundir á dag 12.000 16.000 30.000
Breyting á leikskólagjöldum á leik-
skólum Reykjavíkurborgar 1989-1996
Vísi-
tala
150-
140-
130-
120-
110-
100-
Gjaldskrá: 4 stundir
Lnóv. 1989 = 100
Almennt gjald
Vísitala neysluverðs

Gjaldskrá:
8 stundir/heilsdagsgjald
l.nóv. 1989 = 100
Almennt gjald
Vísitala neysluverðs

4
Einstæðir, forgangur
M----1---1---1---1---1

Vísi-
tala
150
140
130
120
I— 110
Einstæðir, forgangur
H-------1-----1-----1-----1-
'89 '90 '91 '92 '93 '94 '95 '96 '89 '90 '91 '92 '93 '94 '95 '96
100
tals um 1.384 pláss á kjörtímabil-
inu, sem lauk í maí árið 1994, og
voru 60 leikskólar með pláss fyrir
5.110 börn starfandi í árslok 1994
samkvæmt ársskýrslu Dagvistar
barna.
Biðlistar
Erfitt er að bera saman biðlista
frá upphafi kjörtímabils sjálfstæðis-
manna árið 1990 við biðlista eftir
að Reykjavíkurlistinn tók við. Sam-
kvæmt ársskýrslu fyrir árið 1993
var boðið upp á vistun ýmist í 9
stundir á dag eða 4-6 stundir auk
þess sem skóladagheimili voru enn
þá starfandi og voru sérs-
takir biðlistar fyrir hverja
vistun. Samkvæmt ár-
skýrslu voru 2.309 börn á
biðlistum eftir leikskóla
og skóladagheimilum árið
1991. Tekið var við umsóknum þeg-
ar börn náðu 18 mánaða aldri. í
janúar 1993 var reglum um umsókn-
ir í leikskóla breytt og var eftir það
heimilt að sækja um þegar barnið
var 6 mánaða. Um áramót 1993 til
1994 eða rétt fyrir kosningar voru
samtals 1.283 börn yngri en tveggja
ára á biðlista og 1.009 börn eldri
en tveggja ára eða samtals 2.292
börn. Þessum tölum ber að taka
með varúð þar sem í sumum tilfell-
um voru börnin á tveimur biðlistum,
ýmist eftir heils- eða hálfsdagsvist-
un.
Umsóknir óháðar
hjúskaparstöðu
í ársskýrslu DagVistar barna fyr-
ir árið 1994 kemur fram að ný stjórn
Reykjavíkurlistans ákvað í upphafi
að heimila öllum foreldrum, óháð
hjúskaparstöðu, að sækja um leik-
skóladvöl fyrir börn sín. Áður var
giftum foreldrum og fólki í sambúð
einungis gefinn kostur á að sækja
um dvöl hálfan daginn en forgangs-
hópar, einstæðir foreldrar og náms-
menn, gátu sótt um vist allan dag-
inn. Var þessi ákvörðun
tekin í framhaldi af könn-
un sem gerð var meðal
allra foreldra í Reykjavík
með börn á aldrinum 6
mánaða til 5 ára um þörf
fyrir leikskóla. Náði könnunin til
8.913 barna og svöruðu 3.193 for-
eldrar eða um 30% þeirra sem voru
í leikskóla og 45% þeirra sem voru
utan leikskóla. Ákveðið var að
leggja áherslu á að mæta fyrst þörf-
um elsta aldurshópsins eða börnum
frá 3ja-5 ára. Sent var út um-
sóknareyðublað fyrir leikskóla með
könnunarblaðinu og öllum gefinn
kostur á að sækja um heilsdags-
dvöl. Niðurstaðan benti til þess að
um 65 leikskóladeildir vantaði í
Staðið við lof-
orð um tíu
leikskóla
Andris Skele forsætisráðherra
Lettlands í opinberri heimsókn
Morgunblaðið/Ásdís
FORSÆTISRÁÐHERRAR íslands og Lettlands, Davíð Oddsson
og Andris Skele ræðast við.
Ábatasamir
fjárfestinga-
niögiileikar
borginni til að uppfylla óskir for-
eldra barna á aldrinum eins til 5
ára. Að meðaltali er gert ráð fyrir
að 20 börn dvelji samtímis á hverri
deild. Ef eingöngu yrði valin sú leið
að byggja nýja leikskóla gæti stofn-
kostnaður numið 1,7 milljörðum
króna á verðlagi um áramót 1994.
Um áramót 1995-96 voru 1.696
börn á biðlista eftir leikskóla. Þar
af biðu 848 börn eftir heilsdagsvist-
un og voru börn einstæðra foreldra
27%, börn giftra foreldra eða for-
eldra í sambúð 56%, börn náms-
manna við Háskóla íslands 10% og
börn annarra námsmanna 7%. Með-
al biðtími á biðlista árið 1995 var
17 mánuðir almennt, en 15 mánuð-
ir hjá einstæðum foreldrum, há-
skólastúdentum og öðrum náms-
mönnum og 9 mánuðir hjá starfs-
fólki.
Skóladagheimilum breytt í
leikskóla
Samkvæmt ársskýrslu Dagvistar
barna fyrir árið 1995 voru 59 leik-
skólar starfandi í borginni um ára-
mót en tveir leikskólar voru samein-
aðir í einn á árinu. Byggt var við
leikskóla og skóladagheimilum
breytt í leikskóla í samræmi við
samþykkt stjórnar Dagvistar frá
1994 um að færa rekstur heimil-
anna frá skólaskrifstofunni í frani-
haldi af stofnun heiisdagsskóla. Á
árinu 1995 fjölgaði plássum sem
svarar til 240 heilsdagsplássa og
voru 5.202 pláss á leikskólunum í
árslok, þar af 1.918 heilsdags og
3.284 hálfan daginn. Þá var á árinu
hafist handa við byggingu fjögurra
nýrra leikskóla og undirbúningur
hafinn fyrir þann fimmta.
400 milljónir í framkvæmdir
Árið 1995 var varið rúmum 400
millj. króna til byggingafram-
kvæmda og er gert ráð fyrir svip-
aðri upphæð á þessu ári og að lok-
ið verði við byggingu þriggja leik-
skóla, skóladagheimili verði breytt
í leikskóla auk viðbygginga við eldri
skóla. Að meðaltali er stofnkostnað-
ur fyrir hvert heilsdagspláss 1-1,2
milljónir króna. Rekstrarkostnaður
árið 1995 var rúmlega 1,8 milljarð-
ar en meðaltalskostnaður á barn í
leikskóla var rúmar 200 þúsund
krónur fýrir 5 stundir, um 300 þús-
und krónur fyrir 6 stundir og rúmar
400 þúsund krónur fyrir 8,5 stundir.
Önnur úrræði
Á vegum Dagvistar barna voru
sem fyrr reknir 27 gæsluvellir víða
um borgina á árinu 1995 og 16
foreldra- og einkareknir leikskólar
fengu að venju styrk úr borgarsjóði
en þar dvöldu 365 börn. Á leikskól-
um sem reknir eru af sjúkrahúsum
dvöldu 285 börn en Reykjavíkur-
borg styrkir leikskólana samkvæmt
sérstökum samningi. Á árinu hækk-
uðu rekstrarstyrkir um 4.000 krón-
ur á mánuði fyrir hvert barn 3ja—5
ára á foreldra- og einkareknum leik-
skólum en borgin greiðir 8-16.000
krónur með hvetju barni á mánuði
allt eftir lengd dvalar.
Hjá Dagvist barna voru á sama
tíma 235 dagmæður á skrá með
heimild til daggæslu á einkaheimil-
um og er það svipaður fjöldi og
undanfarin ár. Þann 1. september
voru teknar upp niðurgreiðslur fyrir
alla foreldra sem áttu börn hjá dag-
mæðrum. Greiddar eru 9 þús. krón-
ur fyrir heilsdagsdvöi barna þriggja
til fimm ára og 6 þús. krónur fyrir
börn á aldrinum eins árs til þriggja
ára.
Starfsmenn rúmlega 1.400
í desember árið 1993 við lok kjör-
tímabils Sjálfstæðisflokksins störf-
uðu 1.300 starfsmenn hjá Dagvist
barna, og voru heil stöðugildi 960
að meðtöldum afleysingastörfum en
að frátöldum ræstingastörfum.
Samkvæmt ársskýrslu störfuðu
1.427 manns hjá Dagvist barna
árið 1995 í samtals 1.058,72 stöðu-
gildum. Er það að meðtöldum
afleysingum og stuðningsstöðum
sem greiddar eru af ríkissjóði.
ANDRIS Skele, forsætisráð-
herra Lettlands, kom í
gær í þriggja daga opin-
bera heimsókn til íslands
og er hann æðsti gestur frá því landi,
sem hingað hefur komið. Á morgun,
föstudag, afhjúpar hann minnis-
merki á horni Túngötu og Garða-
strætis, granítskúlptúr frá lettnesku
þjóðinni. Með gjöfinni vilja Lettar
koma á framfæri þakklæti við íslend-
inga fyrir liðsinni við endurheimt '
frelsis Lettlands.
Strax eftir komuna átti Skele við-
ræður við Davíð Oddsson forsætis-
ráðherra um gagnkvæm hagsmuna-
mál ríkjanna, m.a. mál er varða
Eystrasaltssvæðið, áform um stækk-
un Atlantshafsbandalags (NATO) í
austurátt og hugsanlega aðild
Eystrasaltsríkjanna að Evrópusam-
bandinu (ESB).
Á blaðamannafundi varð Skele,
sem tók við starfi forsætisráðherra
21. desember sl. aðeins 37 ára gam-
all, tíðrætt um bankakreppuna í
Lettlandi í fyrra og sagði að 40%
peningaforða landsins hefði í raun
glatast. Efnahagsástandið væri nú
á réttri leið. Verðbólga væri 16%
en hefði verið 23% í fyrra og vonast
væri til að hún lækkaði enn frekar
á næsta ári. Atvinnuleysi væri
minna en í löndunum umhverfis eða
6% en með aukinni einkavæðingu
óhagkvæmra ríkisfyrirtækja væri
hugsaniegt, að sú tala hækkaði lítil-
lega.
Frá því Skele tók við embætti
sagði hann ríkisstjórnina hafa ein-
beitt sér að því að stöðva sóun í
ríkisgeiranum og gera skattheimtu
skilvirkari. í fyrradag hefði stjórnin
gengið frá fjárlagafrumvarpi sínu
sem kvæði á um hallalaus fjárlög.
„Fari það þannig gegnum þingið tel
ég að hagvöxtur aukist verulega,"
sagði forsætisráðherrann.
Hann bætti því við, að einkavæð-
ing í atvinnulífi hefði reynst árang-
ursrík. Um síðustu áramót hefðu
einkafyrirtæki staðið á bak við 65%
vergrar þjóðarframleiðslu en sú
hlutdeild yrði væntanlega 85-90% á
næsta ári. „Það er markmið okkar
að hraða einkavæðingunni sem
mest, finna réttu aðilana til að taka
við duglausum ríkisfyrirtækjum og
gera þau hagkvæm," sagði Skele.
Varðandi samstarf íslendinga og
Letta sagði Skele einkum telja að
það gæti aukist á næstu misserum
á tveimur sviðum. Annars vegar á
sviði sjávarútvegs og úrvinnslu af-
urða. Löng og góð reynsla væri af
niðursuðu sjávarafurða og Lettar
væru stærstu útflytjendur niðursoð-
inna sjávarafurða í austanverðri
Evrópu. Framleiðslan væri einkum
seld til Rússlands, Úkraínu, Tékk-
lands, Slóvakíu og Moldovu. „Með
einkavæðingu sjávarútvegsfyrir-
tækjanna og niðursuðuverksmiðj-
anna skapast ugglaust áhugaverðir
möguleikar fyrir íslensk fyrirtæki,
vegna þekkingar þeirra, reynslu og
góðra markaða. Horfurnar í þessum
iðnaði virðast góðar og við teljuih,
að þar geti skapast ábatasöm tæki-
færi bæði fyrir okkur og íslend-
inga,“ sagði hann.
í öðru lægi væru talsverðir gagn-
kvæmir möguleikar í ferðaiðnaði.
Lettar hefðu lagst í ferðalög á síð-
ustu árum og ísland væri áhugavert
land heim að sækja, svo gjörólík sem
náttúran væri hér. Að sama skapi
myndu íslendingar ugglaust hrífast
af Lettlandi sem væri afar grænt
land og tæplega helmingur landsins
þakið skógum með fjölbreyttu dýra-
lífi. Sagðist Skele hafa rætt mögu-
leika á því við Davíð Oddsson, að
ríkin semji um afnám vegabréfsárit-
ana vegna ferðalaga milli landanna.
Að sögn lettneska forsætisráð-
herrans hafa miklar breytingar orðið
á utanríkisverslun Letta frá því þeir
sögðu sig úr sambandi við Sovétríkin
1991. Þá hefði 90% útflutnings farið
til Rússlands en minnkað í 33-35%
á þessu ári. Rúmlega 40%
útflutningsviðskipta væru við Evr-
ópusambandsríki.
Að sögn Davíðs Oddssonar hafa
viðskipti Islendinga og Letta þrefald-
ast á tveimur árum, úr 50 milljónum
króna í 150 milljónir, og ákveðin og
aukin viðskiptatengsl væru að skap-
ast milli landanna. Ætti Eimskip t.d.
í lettnesku fyrirtæki og að auki stór-
an hlut í bresku fyrirtæki sem ræki
starfsemi í landinu. BYKO hefur
fjárfest fyrir hálfa milljón dollara í
sögunarmyllu og ráðgerði að fjár-
festa frekar á næstu árum. Skele
sagði í þessu sambandi, að fjárfest-
ing erlendra aðila í Lettlandi væri
mjög vel þegin og af hálfu yfirvalda
hefði allt verið gert til þess að laða
hana að. Það væri liins vegar alltaf
háð stöðugleika bankakerfisins
hversu mikill þrótturinn í slíkum fjár-
festingum væri. Kreppan í banka-
kerfinu í fyrra hefði haft sitt að segja
en eftir að Lettar hefðu ráðið fram
úr henni hefðu erlendar fjárfestingar
aukist mjög á þessu ári.
Skele sagði að Lettar, ásamt Eist-
lendingum og Litháum, hefðu tals-
verðar áhyggjur enn af þróun mála
í Rússlandi. Liggjandi á mörkum
austurs og vesturs teldu þeir öryggi
sínu betur borgið með aðild að ESB
og NATO og vonuðust eftir skjótri
niðurstöðu í þeim efnum.