Morgunblaðið - 19.09.1996, Blaðsíða 18

18 FIMMTUDAGUR 19. SEPTEMBER 1996
MORGUNBLAÐIÐ
ÚRVERINU
Aukin sjálfvirkni
í pökkunarvélum
KASSAGERÐ Reykjavíkur hf. er
elsta og eitt stærsta umbúðafyrir-
tækið hér á landi og er jafnframt
leiðandi fyrirtæki í framleiðslu um-
búða fyrir sjávarútveg, bæði á sjó
og í iandi.
Á sjávarútvegssýningunni leggur
Kassagerð Reykjavíkur hvað mesta
áherslu á pökkunarvélar og kynnir
m.a. nýja útgáfu á pökkunarvél frá
Kliklok, sem hefur verið brautryðj-
andi í þróun og framleiðslu pökkun-
arvéla fyrir matvæli. Pökkunarvélin
er þróuð með frekari fullvinnslu
afurðanna í huga en vélin pakkar
sjálfkrafa í neytendaöskjur fyrir
neytendamarkað en sjálfvirkni í
pökkun umbúða er mikilvæg ef ná
á hagkvæmni í framleiðslu fyrir
stærri markaði.
Á sýningarbás Kassagerðarinn-
ar, C-38, verður breskur ráðgjafi
alla sýningardagana, sýningargest-
um til halds og trausts um allt er
snertir pökkunarvélar.
Allar gerðir umbúða
Auk þess verður kynnt hefðbund-
in framleiðsla Kassagerðarinnar;
ýmsar gerðir prentaðra og óáprent-
aðra bylgjupappakassa og askja,
með eða án vaxhúðunar, öskjur og
umbúðir fyrir land- og sjófrystingu
og harðkartonakassar fyrir saltfisk
og rækju, ásamt ýmsu fleiru.
Þá kynnir Kassagerðin ennfrem-
ur þjónustu sína á tölvuvæddum
formum sem og grafískri hönnun,
auk filmu- og prentundirbúnings. Á
sýningunni munu starfsmenn enn-
fremur veita ráðgjöf um pökkun og
vörumeðhöndlun.
Morgunblaðið/Árni Sæberg
MARGIR lögðu leið sína í sýningarbás SH í gær og þáðu kaffi
og bakkelsi.
SH kynnir sig nú bæði
á íslandi og í Moskvu
ÁRLEGA tekur Sölumiðstöð hrað-
frystihúsanna þátt í fjölmörgum
sýningum um heim allan til þess
að kynna þær afurðir, sem fyrir-
tækið annast sölu á.
Um þessar mundir tekur fyrir-
tækið þátt í tveimur sýningum,
þvf auk þess að sýna á íslensku
sjávarútvegsýningunni, sýnir SH
á World Food 96 í Moskvu. Á bás
SH í Laugardalshöll gefst erlend-
um og innlendum aðilum kostur á
að hitta fulltrúa úr markaðs- og
innkaupadeild SH og fá gestir að
fræðast um starfsemi fyrirtækis-
ins og þær vörur sem það selur.
Einnig er vonast til þess að fram-
leiðendur innan SH og samstarfs-
aðilar, sem margir eru í daglegum
samskiptum við fyrirtækið, komi
við á básnum, þiggi kaffi og hvíli
lúin bein.
Morgunblaðið/Árni Sæberg
ÞORSTEINN Pálsson, sjávarútvegsráðherra, opnar fimmtu íslensku sjávarútvegssýninguna.
Þorsteinn Pálsson við opnun sjávarútvegssýningarinnar
„Sýning-in leiðir til fram-
fara í sjávarútvegi“
FIMMTA ÍSLENSKA sjávarútvegs-
sýningin var sett í gær en hún er
sú stærsta og viðamesta sem haldin
hefur verið hér á landi. Um 700
fyrirtæki frá 28 löndum taka þátt í
sýningunni, þar af um 200 fyrirtæki
frá íslandi.
Þorsteinn Pálsson, sjávarútvegs-
ráðherra, opnaði sýninguna form-
lega í gærmorgun, að viðstöddum
forseta íslands, Ólafi Ragnari
Grímssyni, og Halldóri Ásgrímssyni,
utanríkisráðherra.
Miklar framfarir í sjávarútvegi
Þorsteinn sagði í opnunarræðu
sinni að íslenska sjávarútvegssýn-
ingin hefði dafnað og fest sig í sessi
frá því að henni var hleypt af stokk-
unum árið 1984. Þorsteinn sagði að
á þeim tíma sem liðinn væri frá
fyrstu sýningunni hefui orðið veru-
legar framfarir í íslenskum sjávarút-
vegi sem hefði lagað sig að breyttum
aðstæðum vegna minni botnfiskafla
en aukinnar rækju- og loðnuveiði.
Aðlögunin hafi átt sér stað með
verulegri endurskipulagningu innan
greinarinnar og vaxandi þátttöku í
sjávarútvegi á alþjóðavettvangi. „Á
sama tíma og sjávarútvegurinn hef-
ur verið að eflast hefur íslenskur
iðnaður og þjónusta tengd sjávarút-
vegi dafnað jafnt á heimamarkaði
sem og erlendum mörkuðum. Ég er
þess fullviss að íslenska sjávarút-
vegssýningin hefur haft verulega
jákvæð áhrif á þær framfarir og
breytingar sem orðið hafa í íslensk-
um sjávarútvegi og iðnaði honum
tengdum á liðnum árum. Sýning sem
þessi gefur góða innsýn í framtíðar-
þróun tæknibúnaðar á þessu sviði,“
sagði Þorsteinn.
Verður að tryggja stöðugleika
auðlindanna
Þorsteinn sagði umfang sýningar-
innar nú undirstrika að í sjávarút-
veginum felist meira en aðeins hefð-
bundnar fiskveiðar og framleiðsla
sjávarafurða. Þegar alþjóðleg sam-
keppni fari vaxandi sé ekki síður
mikilvægt að vinna að rannsóknum
á framleiðslu og þróun vélbúnaðar,
flutninga, þjónustu og upplýsinga-
tækni. „Þetta er mikilvægt þegar
kemur að nýtingu takmarkaðra auð-
linda hafsins og við verðum sífellt
að hafa það í huga að nýting þess-
ara auðlinda verður að vera innan
líffræðilegra marka. Það er eina leið-
in til að tryggja stöðugleika auðlind-
anna og nýtingu þeirra fyrir kom-
andi kynslóðir. Það er mikilvægt að
gera sér grein fyrir þessum takmörk-
unum, sérstaklega fyrir þær þjóðir
sem byggja afkomu sína að mestu
á fiskveiðum."
íslendingar í fremstu röð
Þorsteinn sagði íslenskan sjávar-
útveg löngum hafa verið í farar-
broddi þegar kæmi að tækninýjung-
um í fiskveiðum og framleiðslu sjáv-
arafurða og ný tækni hefði verið
notuð til að auka hagkvæmni og
gæði í framleiðslunni. „Islenskum
sjávarútvegi hefur tekist að halda
stöðu sinni í fremstu röð á sam-
keppnismarkaðnum, þátt fyrir að
hann standi enn frammi fyrir hindr-
unum í viðskiptum, þar sem megin-
reglur ftjálsrar verslunar eru enn
ekki komnar til framkæmda í alþjóð-
legum viðskiptum með sjávarafurð-
ir,“ sagði Þorsteinn.
Nýr fjölnota fiskibátur frá Trefjum ehf. kominn á markaðinn
Gengið frá fyrstu
sölunni
á sýningunni
, Morgunblaðið/Árni Sæberg
EIRIKUR Mikkaelson og Auðunn Óskarsson handsala nýgerðan
kaupsamning, en Jóhann Ólafur Ársælsson, framkvæmdastjóri
Merkúrs hf. fylgist með.
GENGIÐ var frá kaupum á fyrsta
Cleopatra Fisherman 38F bát
Trefja ehf. á íslensku sjávarút-
vegssýningunni í gær. Kaupand-
inn er Kuggi hf. í Hafnarfirði.
Fyrirtækið Trefjar ehf. hefur
fram að þessu einkum verið þekkt
fyrir smíði sína á svokölluðum
Skel bátum og hefur selt þá víða
um landið. Fyrirtækið keypti fyr-
ir skemmstu framleiðslurétt og
mót af breska fyrirtækinu Cleop-
atra Cruises og var ákveðið að
ráðast í hönnun á nýrri línu fjöl-
nota fiskibáta sem gætu mætt öll-
um kröfum atvinnusjómanna
varðandi afl, hraða, styrk og sjó-
hæfni. Auk þess eru möguleikar
á að smíða yfirbyggingu á bátinn
sé hann ætlaður til skemmtisigl-
inga.
Óþekktir möguleikar
Auðunn Óskarsson, fram-
kvæmdastjóri Trefja ehf., segir að
með Cleopatra 38F bátnum skapist
nýjir og áður óþekktir möguleikar
fyrir islenska sjómenn og útgerð-
ir. Bátinn er hægt að útbúa til
togveiða, netaveiða, línuveiða eða
handfæraveiða og er hann hann-
aður til veiða á djúpslóð. Báturinn
mælist 13.82 brúttótonn, lestin er
um 13.5 rúmmetrar og komast um
8 tonn af fiski í hana. Báturinn
er mjög öflugur, búinn tveim 350
hestafla Yanmar vélum og getur
náð allt að 24 hnúta hraða. 220 V
rafstöð gefur möguleika á ýmsum
rafbúnaði sem ekki er algengur i
bátum af þessari stærð, s.s. sjón-
varpi, örbylgjuofni, rafmagnseida-
vél og fleiru. Vel er búið að sjó-
mönnum um borð og eru þrjár
kojur í lúkar.
Gerður hagkvæmt út
Eiríkur Mikkaelsson, fram-
kvæmdastjóri Kugga hf., sem
kaupir fyrsta bátinn af þessari
gerð segir að væntanlega verði
hann að mestu gerður út á línu,
net og jafnvel handfæri. Fyrst um
sinn verði einkum stefnt að því
að veiða ódýrari tegundir, svo
sem steinbít og löngu. „Við mun-
um aðlaga okkur giidandi reglum
og haga veiðunum að reksturinn
standi undir sér. Það er stefnan
að gera þennan bát út á sem hag-
kvæmastan hátt og það munum
við gera,“ segir Eiríkur.
Ráðstefna
um málm-
iðnað
SAMTÖK iðnaðarins og
Málmur, samtök fyrirtækja í
málm- og skipaiðnaði, gang-
ast fyrir ráðstefnu um stöðu
og framtíð íslensks málmiðn-
aðar undir heitinu Sóknarfæri
í málmiðnaði í miðstöð ÍSÍ í
Laugardal í dag, fimmtudag,
frá kl. 13.00 til 17.00.
Framsögumenn verða þeir
Elías Gunnarsson, fram-
kvæmdastjóri Meka ehf.,
Svavar Svavarsson, fram-
leiðslustjóri Granda hf.,
Freysteinn Bjarnason, út-
gerðarstjóri Síldarvinnslunn-
ar hf., Ingi Björnsson, fram-
kvæmdastjóri Slippstöðvar-
innar hf. og Nicolai Jónas-
son, framkvæmdastjóri
Fræðsluráðs málmiðnaðar-
ins. Pallborðsumræður verða
í lokin sem Páll Benediktsson
fréttamaður á sjónvarpinu
stjórnar.