Morgunblaðið - 26.09.1996, Síða 16

16 FIMMTUDAGUR 26. SEPTEMBER 1996
MORGUNBLAÐIÐ
LANDIÐ
Morgunblaðið/Valdimar Kristinsson
KVENPENINGURINN hefur tekið völdin á Hólum. Af ellefu útlendingum sem stunduðu nám við
skólann í fyrra og sjást hér á myndinni var aðeins einn piltur.
Þrjár stúlkur á hvem pilt
í Bændaskólanum á Hólum
SÚ VAR tíðin að piltar einokuðu
bændaskóla landsins en nú er með
sanni hægt að segja að enn eitt
karlavígið sé fallið. Á Bændaskól-
anum á Hólum ber svo við að
stúlkur eru í miklum meirihluta
nemenda. Af 29 nemendum eru
22 stúikur en aðeins sjö piltar.
Skýringanna er að leita í auk-
inni áherslu á hestamennsku og
sagði Víkingur Gunnarsson,
kennari á Hólum, þessa þróun
mjög í samræmi við það sem ger-
ist erlendis. Þar séu stúlkur í
miklum meirihluta þeirra sem
stunda hestamennsku. Sagði hann
þetta mjög svipað kynjahlutfall
og verið hefði í hópi umsækjenda.
Sem kunnugt er sóttu mun fleiri
um en fengu vist í skólanum.
Alls stunda tíu erlendir nem-
endur nám við skólann í vetur sem
er einum færra en var í fyrra.
Þá voru tíu stúlkur í þeim hópi
en aðeins einn piltur en nú koma
eingöngu stúlkur að utan. Full-
yrti Víkingur að karlpeningur
staðarins hefði alls enga hönd í
bagga með þessari þróun enda
taldi hann víst að konur staðarins
myndu grípa í taumana ef eitt-
hvað slíkt væri í gangi. Þetta
væri bara svona.
Fegursti garðurinn á
Flateyri verðlaunaður
Flateyri - Nýverið veitti um-
hverfisnefnd ísafjarðarbæjar verð-
laun fyrir smekklegustu garðana..
Tilnefndir voru garðar á Þingeyri,
Suðureyri, Flateyri og ísafirði. Á
Flateyri var valinn garður Unu
Friðriksdóttur, en hennar garður
stejidur við Brimnesveg.
í samtali við Morgunblaðið
sagði Una að erfitt hefði verið að
halda þessum garði við vegna
öldurótsins sem gengi yfir götuna
þegar stórviðri geisuðu. Undirlag
garðsins væri eingöngu sjávar-
grýti, lítið væri um gróðurmold.
Samt hefði það tekist vonum
framar að viðhalda garðinum í
sprettu. Henni þætti þó tíðarfarið
þessa dagana hið undarlegasta því
að hún hefði ekki undan við að
slá garðinn vegna góðrar gras-
sprettu. Við Brimnesveg hefði
Una búið í 53 ár og hún kysi
hvergi annars staðar að búa vegna
útsýnisins út Önundarfjörðinn
jafnt sólardaga sem aðra daga.
Morgunblaðið/Egill Egilsson
VERÐLAUNAGARÐURINN á Flateyri.
Morgunblaðið/Jón Gunnlaugsson
HELGI Daníelsson við myndir sínar á sýningu sinni á Akranesi.
Tilraunaboranir Hitaveitu Blönduóss lofa góðu
7 5 gráða heitt vatn
fundið á Reykjum
VIÐ borun á tilraunaholu hjá Hita-
veitu Blönduóss á Reykjum í
Torfalækjarhreppi komu menn
nýlega niður á öfluga vatnsæð sem
getur gefið um 50 sekúndulítra
af 75 gráða heitu vatni miðað við
50 metra niðurdrátt, að sögn Gests
Þórarinssonar hitaveitustjóra.
Tilraunaholan var boruð um 300
metra suðvestur af því svæði þar
sem hitaveitan hefur verið með
vatnsöflun síðustu tvo áratugi.
Orkustofnun hefur unnið að rann-
sóknum á svæðinu undanfarið og
sáu Jarðboranir um að bora hol-
una. „Við teljum okkur vera búna
að finna hvar á að bora í næstu
borun til þess að ná í 90 stiga
heitt vatn en það kostar að við
þurfum að bora 100-150 metrum
sunnar,“ segir Gestur.
Varavatnsafl loks fundið
Hann segir þennan fund mikinn
feng fyrir hitaveituna. „Við höfum
lengi verið að reyna að finna vara-
vatnsafl fyrir Blönduós og nú er
það loks fundið. Við þurfum ekki
að hugsa út í frekari boranir að
svo komnu, nema því aðeins að
við förum að stækka markaðs-
svæði veitunnar,“ segir hann.
Enn hefur ekki verið tekin
ákvörðun um hvort holan verður
virkjuð í haust en hún stendur til-
búin til dælingar og er þegar búið
að fóðra hana niður á 130 metra
dýpi. Að sögn hitaveitustjórans
mun aflið sem fæst úr henni verða
svipað og fengist hefur af svæðinu
öllu til þessa. Hann gerir ráð fyrir
að virkjuð muni holan kosta um
tíu milljónir króna. Hann segist
búast við að málið verði tekið fyr-
ir á fundi veitustjórnar í næstu
viku og þaðan fari það fyrir bæjar-
stjórn.
Helgi Dan.
sýnir ljós-
myndir
Rannsóknarstofnun Jónasar
Kristjánssonar formlega opnuð
Akranesi - Helgi Daníelsson
hefur opnað sýningu í listahorn-
inu á skrifstofu ferðamálafull-
trúa Akranesbæjar við Akra-
torg á Ijósmyndum sem hann
hefur tekið á undanförnum
árum á knattspyrnuleikjum
Akurnesinga. Sýningin er opin
á skrifstofutíma til 15. október.
Myndirnar eru flestar af
stuðningsfólki liðsins og hann
tileinkar hinum geysifjölmenna
stuðningsmannahóp sem fylgir
liði Skagamanna í leikina þessa
sýningu.
Helgi hefur um áratugaskeið
verið áhugaljósmyndari og hef-
ur víða komið við í efnisvali sínu.
Hann hélt einkasýningu á mynd-
um sínum í tilefni af 50 ára af-
mæli Akranesbæjar sumarið
1992 o g sýndi þar einkum mynd-
ir úr bæjarlífinu á Akranesi.
Hveragerði - Rannsóknarstofnun
Jónasar Kristjánssonar, læknis,
var formlega opnuð á Heilsustofn-
un NLFÍ í Hveragerði, föstudaginn
20. september. Þann dag voru lið-
in 126 ár frá fæðingu Jónasar sem
var frumkvöðull á sviði náttúru-
lækninga, en hann hafði mikinn
áhuga á því að koma upp aðstöðu
fyrir lærða og leika sem vildu
kynna sér náttúrulækningastefn-
una.
Gamall draumur
í tilefni af 40 ára afmæli Heilsu-
stofnunarinnar síðastliðið ár kom
síðan fram hugmynd um fræði-
mannsíbúð í Hveragerði og með
henni yrði þessi gamli draumur
Jónasar látinn rætast.
Markmiðið með stofnuninni er
'að efla alla rannsóknarstarfsemi
innan HNLFÍ og þá einkum þeirri
Morgunblaðið/Aldís Hafsteinsdóttir
DÆTUR Jónasar Kristjánssonar læknis, Guðbjörg Jónasdóttir
Birkis og Ásta Jónasdóttir, voru við opnunina ásamt Jónasi
Kristjánssyni, ritstjóra, Gunnlaugi Jónssyni, forseta NLFÍ, og
Árni Gunnarsson, framkvæmdastjóri Heilsustofnunar NLFI.
sem tengist hugmyndafræði
Jónasar Kristjánssonar.
Tveggja til þriggja mánaða
dvöl í fræðimannsíbúð
Styrkþegum stendur til boða
dvöl í sérstaklega útbúinni íbúð í
2 til 3 mánuði í senn. Auk þess
fær styrkþegi frítt fæði á meðan
á dvöl stendur og styrk til útgáfu,
þess efnis sem hann vinnur í
Heilsustofnun.
Stjórn Rannsóknarstofnunar
Jónasar Kristjánssonar skipa; dr.
med Þórður Harðarson, prófessor,
dr. Jónas Bjarnason, efnaverk-
fræðingur, dr. Sigríður Halldórs-
dóttir, forstöðumaður heilbrigðis-
nefndar Háskólans á Akureyri,
Gísli Páll Pálsson, framkvæmda-
stjóri Dvalarheimilisins Áss og dr.
med Sigurður Thorlacius, trygg-’
ingayfirlæknir.