Morgunblaðið - 09.10.1996, Blaðsíða 15
MORGUNBLAÐIÐ
LAIMDIÐ
MIÐVIKUDAGUR 9. OKTÓBER 1996 15
Þriðjungur Húsvík-
inga á skólabekk
Húsavík - Skólarnir á Húsavík hafa
allir tekið til starfa og sækir um
þriðjungur bæjarbúa þar einhveija
kennslu í vetur. Grunnskóli Húsavík-
ur, Borgarhólsskóli, er með um 425
nemendur í 20 bekkjardeildum, fram-
haldsskólinn með 180 nemendur og
Tónlistarskólinn með um 220 nem-
endur. Alls sækja nám um 825 nem-
endur eða um þriðjungur bæjarbúa.
í haust var tekin til afnota ný-
bygging við Borgarhólsskóla með sex
nýjum kennslustofum sem sköpuðu
þann möguleika að einsetja skólann
og verður hann því í fyrsta skipti
einsetinn á komandi vetri.
Nemendum framhaldsskólans
fjölgar ár hvert og á komandi vetri
sækja skólann um 180 nemendur og
hefur hann mjög létt undir fyrir nem-
endur að sækja framhaldsnám með
því að geta búið heima hjá foreldr-
um. Einnig hafa nemendur úr nær-
liggjandi sveitum sótt skólann í vax-
andi mæli þó tilfinnanlega vanti við
hann heimavist. Umtöluð skerðing á
fjárframlögum hins opinbera til skól-
ans hefur því komið illa við heima-
menn og þeir mótmælt þeim rökum
sem talin eru fyrir þeirri skerðingu.
Tónlistarskólinn er til húsa í Borg-
arhólsskóla og hefur verið gott sam-
starf með þeim skólum, m.a. með
því að nemendur í 10. bekk grunn-
skólans og á framhaldsskólastigi
geta fengið fullt nám við Tónlistar-
skólann metið sem valgrein en tilskil-
ið er að nemendur taki próf í hveijum
áfanga og standist þau.
Morgunblaðið/Silli
VIÐVERUSTAÐIR æskunnar á komandi vetri, f.v. íþróttahöllin,
framhaldsskólinn og Borgarhólsskóli.
Morgunblaðið/Ásdís
LÝÐUR Pálsson safnstjóri
fyrir framan Húsið á
Eyrarbakka.
Vaxandi aðsókn að
Byggðasafni Arnes-
inga í Húsinu
Ekki sama
hvað sett er
hingað inn
SAFNSTJÓRI Byggða- og náttúru-
safns Árnesinga telur að flutningur
Byggðasafnsins frá Selfossi í Húsið
á Eyrarbakka hafi tekist vel. Safnið
njóti meiri athygli í þessu sögufræga
húsi, sem er eitt elsta hús landsins.
Flutningi safnsins í Húsið lauk
fyrir rúmu ári, en áður höfðu farið
fram umfangsmiklar viðgerðir á Hús-
inu. Sjálft Húsið er byggt árið 1765
og sambyggt Assistentahús er frá
1881. „Það er ekki sama hvað maður
setur hingað inn,“ segir Lýður Páls-
son safnstjóri. Við uppsetningu sýn-
inganna hefur verið haft að leiðar-
ljósi að láta húsakynnin njóta sín.
Saga Hússins og faktoranna sem í
því bjuggu þegar Eyrarbakki var
höfuðstaður Suðurlands er í fýrir-
rúmi. í Assistentahúsinu eru hins
vegar sex ólíkar sýningardeildir.
Um fjögur þúsund gestir skoðuðu
safnið þá fimm mánuði sem það var
opið á síðasta ári. Mesta aðsóknin
var fyrsta mánuðinn. Lýður segir að
hún hafí síðan dalað en færi aftur
hægt vaxandi. Nú eru liðlega tíu
þúsund gestir búnir að skoða safnið
frá því það var opnað. Bindur Lýður
sérstakar vonir við erlenda ferðahópa
sem hafa verið að heimsækja safnið
í vaxandi mæli.
Útihúsin tekin í notkun
Aðeins lítill hluti safngripa
Byggðasafnsins kemst fyrir í þessum
húsakynnum og segir Lýður að það
hafi mönnum verið ljóst frá upphafi.
Ekki hefur verið ákveðið hvemig úr
því verður bætt. Lýður segir að fyrir-
hugað sé að nota útihúsin fyrir norð-
an Húsið og þau muni leysa vandann
að hluta. Fleira þurfí að gera, en frek-
ari framkvæmdir séu óráðnar. Segir
hann að til tals hafi komið að byggja
við sjóminjasafnið handan götunnar,
byggja nýtt hús norðan við Húsið eða
gera upp gamalt hús sem stendur
nálægt því. Þá bendir hann á að upp-
bygging Náttúrusafns á Stokkseyri
sé einnig á dagskrá.
LÁNSTBAUST
25 rfWa
Fylgstu meb a fímmtudögum!
Vibskipti/atvinnulíf kemur út á fimmtudögum. Þar birtast nýjustu fréttir úr
viöskiptalífinu hér á landi og erlendis. Fylgst er meðal annars með verðbréfamörkuðum,
bílaviðskiptum, verslun, afkomu fyrirtækja og mannaráðningum.
Viðtöl eru tekin við athafnasama einstaklinga og framkvæmdafólk.
Einnig skrifa sérfróðir aðilar um málefni sem tengjast tölvum og viðskiptum.
- kjarni málsins!
ÖÍWLT' -v, ^ /
,• s .v. ■?'/
i 7
• ■• *ÍM