Morgunblaðið - 24.11.1996, Blaðsíða 17
MORGUNBLAÐIÐ
SUNNUDAGUR 24. NÓVEMBER 1996 B 17
Morgunblaðið/Kristinn
hersund er kennt við. Síðan á ég
bréf til Elísabetar Sveinsdóttur, móð-
ur Sveins Björnssonar, fprseta. Eitt
bréfið í safninu er frá Ásgeiri Ey-
þórssyni í Kóranesi á_ Mýrum, en
hann var faðir Ásgeirs Ásgeirssonar,
forseta. Svo á ég bréf sem voru skrif-
uð til Einars Jónssonar myndhöggv-
ara, bæði þegar hann var við nám á
Ítalíu og í Danmörku. Einnig bréf
sem voru skrifuð til Helga Pjeturs,
þegar hann var í Danmörku og bréf
til Einars Benediktssonar, skálds.
Það kennir ýmissa grasa, en safnið
nær ekki lengra en fram yfir aldamót-
in.“
íslensk póstþjónusta
fram til 1902
Indriði byggir safn sitt á tímabil-
inu 1836 til 1902, en það tímabil
skiptist síðan í önnur tímabil.
„Við getum byijað á því tímabili
sem kallað hefur verið „fyrir frí-
merkjatímabilið, það er að segja, þá
voru bréf ekki frímerkt, heldur send
eftir ákveðnum reglum,“ segir Indr-
iði. „Það tímabil stóð frá 1776 til
1870. Það eru nokkur bréf í safni
mínu frá 1836 til 1870. Næsta tíma-
bil er „danska frímerkið," frá 1870
til 1872. Dönsk yfirvöld stofnuðu hér
tvö pósthús, annað í Reykjavík, hitt
á Seyðisfirði. Þá voru notuð dönsk
frímerki hér á landi. I mínu safni
eru tvö umslög frá þessu danska
tímabili.
Síðan tekur við það sem kallað
er „skildingatímabilið“ 1873 til 1876,
en fyrstu íslensku frímerkin eru
skildingafrímerki. Þau voru prentuð
í Danmörku en myntin sem notuð
var á Islandi var á þeim.
Árið 1873 var pósthús hér í
Reykjavík og þá voru líka stofnuð
sextán önnur pósthús á landinu. I
mínu safni eru póststimplar frá öllum
þessum pósthúsum.
Svo var það 1876, að hér var far-
ið að nota svokölluð „aurafrímerki."
Þau voru notuð hér fram til 1902.
Eftir þann tíma komu hér frímerki
með myndum af dönskum konung-
um, en þeim hef ég ekki safnað.
Grundvallaratriðið hjá mér var að
sýna þróun póstþjónustu hér á landi
á síðustu öld og safnið er byggt upp
með það í huga að vísa til þekktra
atburða eða merkra manna. Ég hef
haft það í huga frá upphafi, þótt
þetta hafi ekki verið kerfisbundin
söfnun frá upphafí. Ég á miklu meira
af frímerkjum, umslögum og kortum
en eru í þessu safni, sem minna
mann á söguna á þessum tíma.“
Verðlaunasafn Indriða ber heitið
„Iceland Postal Service," eða „ís-
lensk póstþjónusta 1836-1902.“
En hvert er markmiðið með því?
„Markmiðið með því að setja sam-
an svona safn, er að vekja áhuga á
mannlífi og sögu þessa tímabils. En
það er ekki auðvelt að koma svona
safni saman nú orðið.“
Safna ekki peningum
— Hefurðu látið meta verðmæti
safnsins?
„Nei. Safnið er ekki til sölu og ég
veit ekki hvers virði það er. Ég lít
ekki á þetta sem peningaleg verð-
mæti, heldur hefur það menningar-
og minjagildi. Safnið hefur orðið til
á löngum tíma. Það veitir mér
ánægju ennþá, en ef það breytist,
þá læt ég það frá mér; sel það - eða
gef það. Peningurinn sem liggur í
safninu skiptir mig litlu máli. Þess
vegna hef ég ekki gert neinn reka í
því að afla mér upplýsinga um þvers
virði það er.“
Eins og Indriði sagði, var það
ekki fyrr en árið 1990, þegar hann
lét af aðalstarfi sínu sem forstjóri
Skeljungs, að hann hafði tíma til að
setja verðlaunasafnið sitt saman. Það
er þó síður en svo að hann sé verk-
efnalaus - og reyndar stórundarlegt
að hann skuli yfirleitt hafa tíma til
að vinna í frímerkjum sínum, með
öllu því nostri sem til þarf. Hann er
formaður stjórnar Eimskipafélags
íslands, formaður stjórnar Skeljungs,
stjórnarmaður í Flugleiðum og mörg-
um öðrum smærri fyrirtækjum.
„Já, já, ég hef í mörg horn að líta,“
segir Indriði, „en frímerkjasöfnunin
er bara tómstundagaman." Hann er
greinilega mjög skipulagður maður,
því hann hefur verið í ótal stjórnum
og félögum í gegnum tíðina, meðal
annars í stjórn Vinnuveitendasam-
bandsins og Verslunarráðsins, auk
þess sem hann er æðsti maður Frí-
múrarareglunnar á íslandi."
Og allt byijaði þetta á Siglufirði,
þar sem Indriði bjó til 15-16 ára ald-
urs. Þá fór hann í skóla á Akureyri.
„En ég var svo heppinn að eiga góða
að, svo ég gat fengið vinnu í síldinni
á Siglufirði á sumrin. Þannig gat ég
unnið fyrir mér á meðan ég var í
skóla.“ Hann lagði lögfræðina fyrir
sig og eftir útskrift frá Háskóla ís-
lands, byijaði hann að vinna á Kefla-
víkurflugvelli. Fyrst hjá amerísku
verktakafyrirtæki, síðan hjá Samein-
uðum verktökum. Eftir það rak hann
lögfræðiskrifstofu í Reykjavík, ásamt
mörgu öðru og varð héraðsdómslög-
maður árið 1957. „Það fannst mér
ekki spennandi," segir hann, „því
eins og margir ungir lögfræðingar,
fékk ég aðallega innheimtu- og
barnsfaðernismál. En auðvitað var
ýmislegt skemmtilegt og á meðan
ég var með lögfræðiskrifstofuna átti
ég m.a. þátt í að stofna Meistarasam-
band byggingarmanna - enda vann
ég mikið fyrir iðnaðarmenn á þeim
tím_a.“
Árið 1959 réðst Indriði til Skelj-
ungs, sem fulltrúi forstjóra. Hann tók
síðan við sem forstjóri árið 1971 og
hætti því í júlí 1990. Þá varð hann
formaður stjórnar félagsins. Hann
hefur setið í stjórn Eimskips í 20 ár
og verið formaður frá 1992, en var
varaformaður í átta ár þar á undan.
— Indriði, áttirðu þér þennan
draum þegar þú varst gutti á Siglu-
firði?
Hann hlær góðlátlega. „Það held
ég ekki. Þetta hefur bara runnið fram
eins og svo margt í lífinu.
Við strákarnir á Siglufirði þekkt-
um fyrst og fremst síldina. Hún var
okkar ær og kýr. Við fylgdumst með
bátunum þegar þeir komu á vorin,
hvað þeir véiddu á sumrin og þegar
þeir fóru á haustin. Þennan heim
þekktum við og lífið snerist um sild.
Sigluljöt'ður varð stórborg á sumr-
in. Við kynntumst fólki frá mörgum
þjóðlöndum. Siglfirðingar voru opnir
og fljótir að kynnast fólki. Það hefur
hjálpað mér í gegnum tíðina. Ég á
auðvelt með að ræða við fólk.“
— Þú hefur verið í tímafrekri
vinnu og haft tímafrekt áhugamál.
Tekurðu einhvern tímann frí?
„Já, já, ég fer reglulega í frí. Ég
er nýkominn úr fríi í Flórída. Mér
finnst ágætt að geta gengið um í
góðu veðri og þurfa ekki að gera
neitt annað en að láta mér líða vel.
Vissulega hefur vinna mín verið
krefjandi, en ég vil ítreka það að
frímerkin hafa verið mér tómstunda-
áhugamál. Það má kannski segja
að ég hafi ekki lesið eins mikið og
ég vildi hafa gert af bókmenntum -
en hins vegar hefur frímerkjasöfn-
unin orðið til þess að ég hef lesið
mér mikið til um okkar sögu. Það
er nefnilega þannig með mig, að ef
ég tek eitthvað að mér, vil ég gera
það vel.“
Jólakort og merkispjöld
ABC hjálparstarfs
ABC hjálparstarf hefur til sölu jóla-
kort og merkispjöld. Þau eru prentuð
með þremur mismunandi myndum.
Hægt er að fá tvær stærðir af jóla-
kortunum.
Myndirnar á kortunum eru málað-
ar af Rannveigu Björgu Jónsdóttur.
Söfnun stendur yfir til að fjár-
magna lóðarkaup, heimili og skóla
fyrir munaðarlaus börn á Indlandi.
Viö skiptum við
SPARISJOÐ VELSTJORA
Jón Júlíusson
er framkvæmdastjóri Nóatúnsverslananna.
Hann er
mmm
Starf hans felst í daglegum rekstri einnar stærstu
verslanakeðju landsins. Jón telur að
vélfræðingsnámið hafi kennt honum þau
sjálfstæðu, skipulögðu vinnubrögð sem þurfi
til að standa í umsvifamiklum atvinnurekstri.
ttnmitMnl
Vanti ykkur traustan starfsmann
med víðtæka sérmenntun á tæknisviði,
bædi bóklega og verklega,
þá eru þið að leita að vélfræðingi.
Nánari upplýsingar veitir:
/gdfei. Vélstjórafélag
iSyp íslands
Borgartúni 18,105 Reykjavík j
Sími: 562-9062