Morgunblaðið - 24.11.1996, Blaðsíða 30

30 B SUNNUDAGUR 24. NÓVEMBER 1996
MORGUNBLAÐIÐ
-
Morgunblaðið/Jón Svavarsson
Þ AÐ var glatt á hjalla á Kaffi Reykjavík er fyrstu flöskurnar af Beaujolais
Nouveau bárust þangað aðfaranótt fimmtudagsins.
Nouveau-ið komið
KAPPHLAUPIÐ við að koma
Beaujolais Nouveau í hús í tæka
tíð er líklegasta mesta snilldar-
bragðið í markaðssögu vínsins.
Þessi árlegi viðburður, þriðja
fimmtudag nóvembermánaðar,
er búinn að festa kyrfilega ræt-
ur í flestum stórborgum heims-
ins og nú var fyrsta flaskan af
Nouveau einnig opnuð í Reykja-
vík nokkrum mínútum eftir mið-
nætti aðfaranótt fimmtudags-
ins.
Vinsældir Nouveau-vínsins
virðast engann endi ætla að taka.
Stærsti skellurinn sem framleið-
endur vínsins hafa fengið var
raunar á síðasta ári er margir
neytendur um allan heim snið-
gengu frönsk vín vegna kjam-
orkutilrauna Frakka í Kyrrahafi.
Nú eru þær grafnar og gleymdar
og framleiðendur Beaujolais geta
tekið gleði sína á ný. Sala síð-
MATUR
OG VÍN
asta árs dróst saman um átján
prósent og þá fyrst og fremst
vegna minni sölu í Japan og á
Norðurlöndunum. Nú virðast
flestir markaðir komnir í samt
horf og sumir bæta jafnvel við
sig, t.d. Bandaríkin.
Ollum á óvart virðist árgang-
urinn 1996 líka ætla að verða
feykigóður. Margir voru þegar
búnir að afskrifa hann í Búrg-
undarhéraði í lok ágústmánaðar
vegna mikilla rigninga. Sólskin
og blíða fyrri hluta september-
mánaðar sneri dæminu hins veg-
ar við. Unnendur Búrgundarvína
eiga því góðan árgang í vændum
en fyrsta tækifærið til að bragða
á honum er einmitt í gegnum
Nouveau-vínið, sem kemur frá
svæðinu Beaujolais syðst í Búrg-
und, þar sem notaðar eru
Gamay-þrúgur í rauðvínið en
ekki Pinot Noir.
Fyrstu flöskurnar af Beaujola-
is Nouveau voru fluttar hingað
til lands með flugi en um og upp
úr helginni ættu að fara að ber-
ast sendingar er komið hafa sjó-
leiðina og ætti því Nouveau, frá
að minnsta kosti fjórum fram-
leiðendum, að vera fáanlegt í
verslunum ÁTVR og flestum
veitingahúsum einhvern tímann
í næstu viku.
BEMiJOLAiS NOUVEAU ER KOMIÐ
■ Sala á BN hófst um allan heim fimmtu-
daginn 21. nóvember. Helmingur heildar-
framleiðslunnar er fluttur út til 190 ríkja.
■ Helstu
vínræktarhéruð
Frakklands
Beaujolais
Framleiðr.la 1995:31,8 milljón
litra (47 milljón flönkur)
■ Helstu inn-
flutningsríkin
1995
(þúsundir lítra)
Belgía/
Lúx.
Þýskaland
Kanada § í
Danmörk
Nýjungar í reynslu
REYNSLUVÍNIN, sem fjallað er um að
þessu sinni, eru Chardonnay frá Suður-
Frakklandi, þýskt Franken-vín, rauður
Rioja og tvö Beaujolais frá Georges
Duboeuf. Þau eru fáanleg í Kringlunni,
Heiðrúnu og á Eiðistorgi og Akureyri.
Hvítvínið „L“ frá Domaine Laroche
er einhver ánægjulegasta nýjungin
meðal hvítvína á reynslulistanum í þó
nokkurn tíma. Laroche-fjölskyldan er
með betri framleiðendum Chablis-hér-
aðsins í Búrgund en þetta Chardonnay-
vín kemur frá héraðinu Oc í Suður-
Frakklandi.
Suðurhéruðin voru til skamms tima
eitthvert staðnaðasta og leiðinlegasta
svæði Frakklands hvað vínframleiðslu
varðar. Takmarkið var magn en ekki
gæði og metnaðurinn ekki annar en sá
að framleiða sull á styrkjum í vínhaf
Evrópusambandsins. Þetta á sem betur
fer ekki lengur við (að öllu leyti) og
framleiðendur í suðurhlutanum hafa
verið leiðandi í því að bregðast við sam-
keppninni frá Nýja heiminum með
spennandi vínum á hagstæðu verði,
framleidd með nýjustu tækni. „L“ er
flottur, ferskur Chardonnay er minnir
um margt á frændur sína frá Ástralíu,
Chile og Kaliforníu. Kröftugt og
bragðgott nammivín þar sem suðrænir
ávextir, sítrus og smjör gegna lykilhlut-
verki. Þetta er lifandi vín, sem gott er
að smjatta á en ætti jafnframt að eiga
vel við flestan mat. Klassavín miðað við
verð, sem er 990 krónur.
Fyrir skömmu fjallaði ég um að Fran-
ken-vín frá Þýskalandi væru loks komin
á sérpöntunarlista. I október kom síðan
fyrsta Franken-vínið í reynslusölu,
Nordheimer Vögelein Miiller-Thurgau
Spátlese 1993 frá Winsergenossenschaft
Nordrhein. Ilmur vínsins er krydd-
kenndur (jafnvel út í túrmerík) og lyc-
hée-ávöxtum bregður fyrir. Bragðið er
samanrekið með sætum tón og snert
af beiskleika, sem verður þó aldrei
óþægilegur. Þetta er fyrst og fremst
matarvín, sem á vel við þéttan fisk á
borð við skötusel og steinbít en gæti
einnig verið forvitnilegt með austur-
lenskum mat og þá ekki síst indversk-
um.
Frá framleiðandanum Cellier de
TEncIave des Papes er Cote-de-Rhone-
vínið „Les Coudrieres 1995“. Vínið er
ungt, einfalt og nokkuð sýrumikið. Ilm-
ur léttur og einfaldur Grenache í fyrir-
rúmi, greni og kirsuber. Ekki stórkost-
legt vín en þokkalegt ostavín. Það kost-
ar 890 krónur.
Rioja-vín hafa notið sívaxandi vin-
sælda á íslandi og nýjasta reynslusölu-
vínið þaðan er frá Bodegas Franco-
Espanola og heitir því sérstaka nafni
„Royal Claret 1994“ (870 kr.). Þetta er
þokkalega snoturt vín, nokkuð ungt
fyrir Rioja, sem einkennist af mildri
áberandi eik í ágætu samspili við sam-
þjappaðan og soðinn ávöxt. Það líður
helst fyrir ungan aldur og skort á
þroska en batnar eftir því sem vínið fær
meiri snertingu við súrefni.
Frá Georges Duboeuf eru komin tvö
vín í reynslusölu, „Beaujolais 1995“ og
„Brouilly 1995“. Duboeuf er tvímæla-
laust þekktasti framleiðandi Beaujolais-
héraðsins og sá er hefur gert hvað
mest til að afla þessum léttu, þægilegu
vinum virðingu um allan heim. Bæði eru
þessu vín góð dæmi um stíl Duboeuf
og það hvað veldur vinsældum Beaujola-
is um allan heim.
Einfaldara vínið, Beaujolais 1995, er
vel gert og þægilegt ávaxtavín er ein-
kennist af rauðum berjum, léttu og
hreinu bragði. Vel gert og þægilegt
Beaujolais í klassískum stíl.
Brouilly (1.240 kr.) er eitt þeirra þorpa
héraðsins er fær að skarta eigin nafni.
Vínið er fremur stórt af Beaujolais að
vera, mikil beijaangan og djúpur kirsu-
beijailmur. Fylling er góð og bragð end-
ist lengi. Vín fyrir léttan mat, Ijóst kjöt,
sumarrétti og hefðbundin íslenskan jóla-
mat með dönsku meðlæti.