Morgunblaðið - 25.03.1997, Blaðsíða 6

6 ÞRIÐJUDAGUR 25. MARZ 1997
MORGUNBLAÐIÐ
FRETTIR
Atli Gíslason
settur yfir
rannsókn
DÓMSMÁLARÁÐHERRA setti í
gær Atla Gíslason hæstaréttarlög-
mann sem rannsóknarlögreglustjóra
ríkisins til að fara með opinbera
rannsókn á samskiptum lögreglunn-
ar í Reykjavík og Franklíns Kristins
Steiner, sem grunaður hefur verið
og dæmdur fyrir fíkniefnamisferli.
í samræmi við beiðni dómsmála-
ráðherra frá 19. mars síðastliðnum,
hefur ríkissaksóknari mælt fyrir um
opinbera rannsókn á samskiptum
lögreglunnar í Reykjavík og Frank-
líns Kristins Steiner.
Þau mál voru rædd fyrir skömmu
í utandagskrárumræðum á Alþingi,
í kjölfar tímaritsgreinar þar sem lög-
reglan var borin þungum sökum,
meðal annars að hafa haldið hlífi-
skildi yfir umræddum Franklín og
meintri eiturlyfjasölu hans, gegn því
að veittar væru upplýsingar um aðra
aðila í fíkniefnaheiminum.
RLR annist rannsókn
Ríkissaksóknari hefur falið Rann-
sóknarlögreglu ríkisins rannsókn
málsins. Ríkissaksóknari beindi jafn-
framt þeim tilmælum til dómsmála-
ráðherra að skipaður yrði sérstakur
rannsóknarlögreglustjóri til að ann-
ast stjóm þessarar rannsóknar og
að hann fái sér til fulltingis sérstak-
lega tilkvadda aðstoðarmenn, lög-
fræðing og tvo rannsóknarlögreglu-
menn.
♦ ♦ ♦
Óttiaf
völdum LSD
UPPVÍST varð um neyslu LSD í
húsi í Ásunum á laugardag, þegar
neytandi þessa hættulega fíkniefnis
hafði samband við lögregluna í
Reykjavík. Hann sagði farir sínar
ekki sléttar og óskaði aðstoðar lög-
reglu, á þeim forsendum að hann
hefði fundið til ótta þegar áhrifanna
fór að gæta.
Maðurinn heimilaði lögreglu hús-
leit en engin slík efni fundust við
leit á heimili mannsins í Ásunum.
Viðkomandi var fluttur á slysadeild
með sjúkrabifreið.
Sama kvöld var þremur stúlkum
á átjánda ári vísað frá borði flutn-
ingaskipsins Serenu, sem lá í
Sundahöfn á laugardagskvöld.
Um nóttina voru tveir menn
færðir á lögreglustöð eftir að fíkni-
efni og þýfi fundust í fórum þeirra
þar sem þeir voru í Tryggvagötu.
Þá voru ökumaður og farþegi
fluttir á lögreglustöð grunaðir um
fíkniefnamisferli eftir að hafa verið
stöðvaðir á Hringbraut á föstudag.
Fjórir franskir lögreglumenn í erfiðleikum á göngu á hálendinu
Björgunarþyrlan send
fyrir misskilning
MISSKILNINGUR varð til þess að
þyrla Landhelgisgæslunnar TF-LÍF
var send í Nýjadal við Tungnafells-
jökul sl. sunnudag til að sækja fjóra
franska lögreglumenn sem lent
höfðu í erfiðleikum á göngu sinni
yfir landið. Mennirnir voru tryggðir
og mun því Landhelgisgæslan ekki
bera neinn kostnað af björguninni.
Mennimir höfðu verið á göngu
síðan á föstudag í þarsíðustu viku.
Á miðvikudag tóku sig upp gömul
meiðsli í hné hjá einum mannanna.
Hann bar á sig smyrsl en það reynd-
ist valda ofnæmiseinkennum, bólgu
bæði á hnénu og í andliti. Það jók
á erfiðleika mannanna að festingar
á snjóþrúgum tveggja þeirra brotn-
uðu. Þrúgurnar voru af nýrri tegund
og höfðu þeir meðal annars fengið
styrk frá framleiðanda þeirra til far-
arinnar. Á sunnudag ákváðu menn-
imir að hætta ferðinni og leita að-
stoðar.
Sendu of margar tegundir
merkja
Frakkamir voru með svokallað
Argos-staðsetningartæki í leigu frá
Flugbjörgunarsveitinni sem sendir
skeyti til gervihnattar sem síðan
berst björgunarsveitinni. Hægt er
að senda nokkrar tegundir skilaboða
með tækinu, en Frakkarnir sendu
bæði merki um að þeir kæmust ekki
lengra og Mayday-neyðarmerki.
Vegna neyðarmerkisins var ákveðið
að senda þyrlu til að sækja þá.
Mennirnir voru fluttir til Reykja-
víkur og sá meiddi á sjúkrahús.
Hann reyndist vera kalinn í andliti,
en meiðslin voru ekki alvarleg.
Morgunblaðið/Hjálmar Jónsson
TVEIR Frakkanna ganga um borð í þyrlu Landhelgisgæslunnar í Nýjadal á sunnudag.
Frakkarnir eru sérsveitarmenn í
lögreglunni og starfa meðal annars
í frönsku Ölpunum. Þeir eru félagar
í alþjóðasamtökum lögreglumanna
og höfðu samband við starfsbræður
sína hér á landi og Flugbjörgunar-
sveitina til ráðgjafar áður en þeir
lögðu af stað í ferðina. Að sögn
Eiríks Beck lögregluþjóns, sem var-
mönnunum til aðstoðar, var þeim
meðal annars ráðlagt að hafa með
sér Argos-tækin og tryggja sig vel.
Eiríkur segir að hefði neyðar-
merkið ekki verið sent út hefði ver-
ið látið duga að senda bíl eða snjó-
sleða eftir mönnunum. Veður var
gott og mennirnir voru staddir í
skála. „Þetta var hlutur sem við
höfðum ekki gengið nógu vel frá
áður en þeir lögðu af stað. Það
varð ákveðinn misskilningur."
Eigum að gera kröfu um
Argos-tækin
Eiríkur segir að þrátt fyrir mis-
skilninginn hafi Argos-tækin sann-
að gildi sitt. „Við eigum að gera
kröfu um að fólk sem er að fara
um landið að vetrarlagi, hvort sem
það eru Islendingar eða einhveijir
aðrir, sé með þessi tæki. Þetta er
engin fyrirhöfn, því tækin senda
sjálfkrafa frá sér staðsetningar-
merki. Það fer lítið fyrir þeim og
leigan er svipuð og á farsíma. Þetta
getur sparað vinnu hundraða leitar-
manna og dýr tæki og búnað.“
Frakkarnir hafa ekki gefist upp
á fyrirætlunum sínum. Að sög Ei-
ríks stefna þeir að því að koma
aftur til landsins árið 1999 og ljúka
ferðinni.
Efast um öryggi hjá Rich-Ieiguflugfélaginu
Enginn vafi þegar Flug-
leiðir leigðu vél þaðan
Club Wagan 350 XLT, 4x4,
árgerð 1333
Bíllinn er 12 manna, breyttur af Bílabúð Benna og
kom fyrst á götuna í júlí 1993.
• Ekinn 39.000 km. Sami eigandi frá upphafi
•7,3 lítra díselvél með Banks Turbo
• Dana 60 framhásing
• ARB loftlæsingar að framan og aftan
• Rancho RS9000 loftdemparar
• 35" BFGoodrich dekk og A.R. álfelgur
•4 IPF kastarar
• Pioneer geislaspilari og margt fleira.
____________________Upplýsingar í síma 896 8770.^//
FLUGÖRYGGI var til umfjöllunar í bandaríska sjónvarpsþættinum „Sex-
tíu mínútur" á Stöð 2 á sunnudagskvöld og var m.a. fjallað um kæru
og dóm á leiguflugfélagið Rich International Airways vegna brota á
reglum um flugöryggi. Flugleiðir leigðu vél frá þessu félagi í ársbyijun
1991 vegna einnar eða tveggja ferða milli Bandaríkjanna og Evrópu.
Einar Sigurðsson, aðstoðarmað-
ur forstjóra Flugleiða, sagði að á
þeim tíma hefðu gögn frá banda-
rískum flugmálayfirvöldum sýnt
að öryggismálum félagsins hefði
verið vel borgið. Sagði hann Flug-
leiðir alltaf óska eftir slíkum gögn-
um ef leigja þyrfti vélar frá erlend-
um flugfélögum.
í sjónvarpsþættinum var rakið
hvernig Rich-flugfélagið, sem rek-
ur 21 þotu, flestar breiðþotur, og
flýgur með um eina milljón farþega
árlega, sinnti illa viðhaldi. Voru
flugvirkjar látnir gefa vélum vott-
orð um flughæfni þótt vitað væri
að ógert væri við bilanir og sýnt
var dæmi um hvernig einni vél
félagsins var flogið milli nokkurra
staða án þess að skipt væri um
aðra framrúðuna í stjórnklefa sem
sprunga var í. Samkvæmt reglum
ber að skipta um sprungna rúðu
þar sem ella getur loftþrýstingur
fallið, rúðan hugsanlega skaðað
flugmenn og vélin jafnvel farist.
Vildi ekki fljúga
I þættinum var rætt við flug-
mann sem var rekinn árið 1995
vegna þess að hann vildi ekki
fljúga vél með bilaða hurð, hafði
verið beðinn að binda hana aftur
með vír eða kaðli. Sagði hann þjálf-
un flugmanna félagsins ekki sem
skyldi. Sami flugmaður sagði einn-
ig frá því að það hefði ítrekað
komið fyrir að flogið hefði verið
yfir Atlantshafið með biluð flug-
leiðsögutæki. Þá hefðu þeir bara
reynt að koma auga á og ná sam-
bandi við aðrar vélar til að komast
heilu og höldnu á áfangastað.
Nefndi hann að þetta hefði verið
injög lærdómsríkt og bætti við í
gamni að hann treysti sér eftir
þetta til að fljúga tækjalaus yfir
Atlantshafið!
Einn af eigendum Rich, Linda
Rich Harrington, kærði félagið til
Flugmálastofnunar Bandaríkj-
anna, FAA, en það var móðir henn-
ar sem stofnaði félagið. Sagði hún
í þættinum að deild stofnunarinnar
í Miami hefði jafnan litið undan
þegar bent var á að öryggismálum
flugfélagsins væri áfátt. Sagði hún
yfirmenn félagsins ekki heldur
hafa hlustað á ábendingar hennar
og kvað hún öll öryggismál félags-
ins í ólestri eftir að stofnandi fé-
lagsins féll frá fyrir þremur árum
og stjúpi hennar tók við sem for-
stjóri. Sagðist hún ekki vilja sjá
vélar með Rich ættarnafninu fa-
rast og því kærði hún félagið í
fyrra. Var það dæmt til greiðslu
2,6 milljóna dollara sektar fyrir
að fara ekki að reglum um öryggis-
mál.
Verða að fá vottun
Einar Sigurðsson sagði að þegar
Flugleiðir þyrftu að leigja erlendar
flugvélar, sem væri örsjaldan, helst
þegar áætlun gengi úr skorðum,
t.d. vegna stórviðra, væri aðeins
skipt við félög sem hefðu viður-
kenningu flugmálayfirvalda, JAA
sem eru Evrópusamtök flugmála-
stjórna eða FAA, Flugmálastjórn
Bandaríkjanna. Þar fyrir utan
hefði félagið aðgang að víðtækari
upplýsingabanka varðandi örygg-
ismál flugfélaga sem FAA hefur
komið upp.
Vélin lenti í mikilli snjókomu
og hvassviðri
„Það voru engin spurningamerki
við Rich-flugfélagið þegar við
leigðum af því vél einu sinni eða
tvisvar,“ sagði Einar en það var
um mánaðamót janúar-febrúar
árið 1991 og var mikið hvassviðri
og snjókoma þegar vélin lenti í
Keflavík. „Ef einhver vafi er á ferð-
inni taka menn enga áhættu og
fara annað því það eru mörg félög
sem leigja út vélar. Við leigjum
ekki vélar af erlendum flugfélögum
nema búið sé að ganga úr skugga
um að fyrir liggi vottun um rekst-
ur og öryggismál frá þessum viður-
kenndu aðilum.“