Morgunblaðið - 23.05.1997, Blaðsíða 49

MORGUNBLAÐIÐ
FÖSTUDAGUR 23. MAÍ 1997 49
FRÉTTIR
Morgrm-
ganga og
staðarskoð-
un í Viðey
ÁKVEÐIÐ hefur verið að breyta
til með laugardagsgöngurnar í Við-
ey. Þær hafa verið á síðdegis en
nú verður gerð tilraun með að hafa
þær að morgninum. Verður þá far-
ið frá bryggju kl. 10 og komið aft-
ur um kl. 12. Flestir gönguhópar
í Reykjavík og nágrenni eru að
ferð að morgni til og þarna hafa
þeir tækifæri til að slást í hópinn
ef þeir vilja. Kvöldgöngur eru svo
á þriðjudögum eins og verið hefur.
Á morgun verður því farið kl.
10. Gengið verður austur í Við-
eyjarskóla, hin athyglisverða ljós-
myndasýning þar skoðuð, einnig
rústirnar á Sundbakkanum, en síð-
an gengið með súðurströndinni aft-
ur heim að Stofu með viðkomu í
Kvennagönguhólunum. Þarna ber
margt skemmtilegt og fróðlegt fyr-
ir augu sem leiðsögumaður mun
útskýra.
Á sunnudag verður svo staðar-
skoðun heima við og hefst í kirkj-
unni kl. 14.15. Hún er auðveldari
þeim sem erfitt eiga um gang og
ekki síður áhugaverð. Kostnaður
er enginn við þetta annar en feiju-
tollurinn sem er 400 kr. fyrir full-
orðna og 200 kr. fyrir börn, þannig
að þetta kostar minna en bíóferð.
Áætlunarferðir um helgar eru á
klst. fresti frá kl. 13. Hægt er að
fá veitingar í Viðeyjarstofu.
Námsdagar
norrænna
slökkviliðs-
manna
NÁMSDAGAR norrænna slökkvi-
liðsmanna hefjast í Reykjavík í dag
og standa fram á mánudag. Megin-
þema námsdaganna er „Hlutverk
slökkviliða í almannavarnaástandi."
Námsdagarnir norrænna
slökkviliðsmanna verða í Vinabæ
(áður Tónabíó). Brunavarðafélag
Reykjavíkur á aðild að samtökun-
um. Um 85 erlendir slökkviliðsmenn
sækja námsdagana en tilgangur
þeirra er að skiptast á þekkingu
og reynslu úr starfinu.
Hafþór Jónsson fulltrúi hjá Al-
mannavörnum ríkisins, Olafur
Helgi Kjartansson sýslumaður á
ísafirði og Ágúst Oddsson læknir í
Bolungarvík munu flytja fýrirlestra
um hlutverk slökkviliða í almanna-
varnaástandi og auk þess munu
slökkviliðsmenn úr Reykjavík miðla
af reynslu sinni frá hörmungunum
í Súðavík og á Flateyri. •
Að venju munu þátttekndur bera
saman laun og kaupmátt á Norður-
löndunum. Kynnt verður tilraun
slökkviliðsins í Stokkhólmi með
þátttöku kvenna í útkallsliðum
slökkviliðsins og haldnir verða fyrir-
lestrar um fleiri mál.
Fimmta hverfis-
þing húmanista
FIMMTA hverfisþing húmanista
fyrir Hlíðar, Holt og Norðurmýri
verður haldið að Kjarvalsstöðum
laugardaginn 24. maí kl. 14. Á
þessu hverfísþingi verður einkum
fjallað um umferðarmál og búast
má við að Miklubrautarmálið verði
í brennidepli. Einnig er opið fyrir
önnur mál sem íbúar hverfanna vilja
ræða.
Borgarfulltrúum er boðið til mál-
þingsins til að hlýða á mál íbúanna
og svara fyrirspurnum þeirra eftir
því sem við á. Állir íbúar í hverfun-
um í kringum Miklatún eru hvattir
til að mæta til að sýna samstöðu
um málefni hverfisins, segir í frétta-
tilkynningu.
Kynnisferð á
slóðir árbókar
FERÐAFÉLAG íslands efnir nú á
laugardaginn 24. maí til dagsferðar
í tilefni útkomu nýrrar árbókar
sinnar er nefnist: I Fjallahögum
milli Mýra og Dala.
Farið verður um hluta árbókar-
svæðisins þ.e. Hítardal, Hraundal
og um Mýrar undir leiðsögn Árna
Guðmundssonar frá Beigalda sem
er þaulkunnugur þessum slóðum.
Brottför í ferðina er kl. 8 á laug-
ardagsmorguninn frá BSÍ, austan-
megin og Mörkinni 6 og er hún
öllum opin.
JÓN Gíslason frá Hollustu-
vernd ríkisins afhendir Guð-
ríði Einarsdóttur í apótekinu
Skipholti fyrstu bæklingana
til dreifingar.
Apótekin dreifa
bæklingi um
fæðuofnæmi og
fæðuóþol
HOLLUSTUVERND ríkisins gaf
út árið 1995 fræðslurit um fæðuof-
næmi og fæðuóþol með hagnýtum
upplýsingum og leiðbeiningum fyrir
almening. Þessi bæklingur hefur
hingað til hlotið litla dreifingu en
nú hefur verið bætt úr því með því
að nær öll apótekin í landinu hafa
tekið bæklinginn til sölu, segir í
fréttatilkynningu.
Bæklingurinn hefur að geyma
leiðbeiningar um hvernig greina
megi fæðuofnæmi, skilgreiningu á
fæðuofnæmi og fæðuóþoli, algeng-
ustu ofnæmisviðbrögð, helstu ein-
kenni fæðuofnæmis og algengustu
ofnæmisvalda. Einnig er fjallað um
meðhöndlun fæðuofnæmis, rann-
sóknir, fæðuóþol og önnur óþæg-
indi, aukaefni, innihaldslýsingar og
merkingar matvæla.
Bæklingurinn er 20 síður í brot-
inu A5 og prentaður á 100% endur-
unninn pappír. Hann fæst í nær
öllum apótekum landsins og kostar
150 krónur eintakið.
Rannsóknar-
dagur í hjúkr-
unarfræði
RANNSÓKNARDAGUR náms-
brautar í hjúkrunarfræði verður
haldinn í Eirbergi við Eiríksgötu
34, föstudaginn 23. maí kl. 13-16.
Kandídatar til B.S.-gráðu í hjúkr-
unarfræði munu kynna lokaverk-
efni sín sem þeir hafa unnið ýmist
sem rannsóknir eða fræðileg verk-
efni. Verkefnin eru á mörgum svið-
um hjúkrunar s.s. tengd heilsu
kvenna, meðgöngu og fæðingu,
geðhjúkrun og heilsugæslu.
Aðalfundur
félags um rann-
sóknir á lyija-
notkun
FÉLAG um rannsóknir á lyfjanotk-
un var stofnað 30. janúar sl. og
verður fyrsti aðalfundur þess hald-
inn í Lyfjafræðisafninu við Neströð,
Seltjarnarnesi, mánudaginn 26. maí
nk. og hefst kl. 16.30.
Fjallað verður um starfsáætlun
félagsins og kjörin fyrsta stjórn
þess. Félaginu er ætlað að efla sam-
starf vísindamanna.og stofnana í
þessari fræðigrein og vinna að sam-
hæfðri aðferðafræði um slíkar rann-
sóknir bæði hérlendis og erlendis.
Félagið hyggst vinna með heilbrigð-
isyfirvöldum og alþjóðasamtökum
að því að efla rannsóknir á lyfja-
notkun og að kynna niðurstöður
slíkra rannsókna, til að stuðla að
sem skynsamlegastri notkun lyfja.
Þá hefur félagið það á stefnuskrá
sinni að stuðla að auknu vægi rann-
sókna á lyfjanotkun og faraldsfræði
lyfja í námsskrám heilbirgðisstétta.
Til að gerast aðili að félaginu
þarf viðkomandi að stunda rann-
sóknir eða eiga aðild að rannsókn-
um á lyljanotkun og faraldsfræði.
Ýmsar starfsgreinar og stéttir
koma við sögu við slíkar rannsókn-
ir svo sem lyijafræðingar, læknar,
hjúkrunarfræðingar, lyfjatæknar,
félagsfræðingar, mannfræðingar
o.s.frv. Stofnfélagar teljast þeir sem
tilkynna aðild sína fyrir aðalfundinn
eða á honum og eru þeir þegar
orðnir 37 talsins.
Tilkynna má aðild að félaginu í
síma 555 2098 (Almar) fram að
aðalfundinum 26. maí nk.
Tónleikar,
hátíðarmessa
og poppmessa
í Hjallakirkju
HJALLASÖFNUÐUR í Kópavogi
heldur upp á tíu ára afmæli sitt um
helgina. Áf því tilefni verða halndir
tónleikar í kirkjunni á morgun,
laugardaginn 24. maí. Tónleikarnir
eru einnig stofnhátíð orgelsjóðs við
kirkjuna. Um er að ræða þrenna
tónleika u.þ.b. klukkustund í senn
með hálftíma hlé á milli. Verð á
tónleikana er 500 kr., eitt gjald
hvort sem mætt er á eina tónleika
eða alla. Boðið er upp á fjölbreytta
dagskrá kóra, einsöngvara, einleik-
ara, dúetta og annarra, segir í
fréttatilkynningu.
Á sunnudeginum er sjálf afmæl-
ishátíðin en hún hefst með hátíðar-
messu kl. 11. Að henni lokinni er
boðið til afmælisveislu í safnaðar-
heimili kirkjunnar. Síðar þennan
saman dag kl. 16 hefst poppmessa
og ef veður leyfir verður reynt að
halda hana utan dyra. Poppmessur
hafa verið fastur liður í helgihaldi
safnaðarins síðastliðinn vetur og
fengið góðan hljómgrunn hjá safn-
aðarfólki. Eftir poppmessuna verð-
ur pylsuveisla við kirkjuna fýrir
poppmessugesti.
Dagur leik-
skólabarna i
Hafnarfirði
DAGUR leikskólabarna í Hafnar-
firði er í dag, föstudaginn 23. maí
og opið hús verður laugardaginn
24. maí.
Fyrri dagurinn er sérstaklega
ætlaður börnum og starfsfólki leik-
skólanna og seinni daginn verður
opið hús fyrir almening þar sem
starfsemi leikskólanna verður
kynnt. Hver leikskóli um sig skipu-
leggur og sér um eigin kynningu.
I dag, föstudag, er mæting á
Víðivöllum kl. 9.30. Skrúðganga
leggur af stað um kl. 9.45 og er
gengið niður á Víðistaðatún. Um
kl. 11 er samverunni slitið. Dag-
skráin er endurtekin eftir hádegi
kl. 14 á Víðivöllum.
Á laugardeginum verður svo opið
hús í öllum leikskólum Hafnarljarðar
frá kl. 10-14. Léttar veitingar í boði.
Landsbanka-
hlaupið í
tólfta sinn
HIÐ árlega Landsbankahlaup fer'
fram í tólfta sinn laugardaginn 24.
maí nk. Landsbanki íslands stendur
fyrir hlaupinu í samvinnu við Fijáls-
íþróttasambandið. Hlaupið er fyrir
10-13 ára krakka (fæddir 1984-
1987).
í ár er hlaupið á 34 stöðum þar
sem Landsbankinn hefur útibú og
hefst það á flestum stöðum kl. 13.
Á Stór-Reykjavíkursvæðinu sam-
einast útibúin um eitt hláup í Laug-
ardalnum.
Eftir hlaupið verður póstaleikur
sem öll fjölskyldan getur tekið þátt
í. Leikurinn hefst á Gervigrasvellin-
um og endar í Fjölskyldu- og hús-
dýragarðinum sem verður opinn
gestum í boði Landsbankans á
hlaupadaginn.
Skráning í hlaupið fer fram í öll-
um útibúum Landsbanka íslands.
Vorhátíð
Kársnesskóla
í TILEFNI 40 ára afmælis Kársnes-
skóla verður haldin vorhátíð laugar:
daginn 24. maí frá kl. 12-18. í
stofum skólans verða verkefni nem-
enda til sýnis til kl. 16.
Á skólalóðinni verður mikið um
að vera, m.a. verður börnum boðið
á bak á hestum frá Gusti, grillað
verður kl. 12.30, söngvarakeppni,
skólahljómsveit Kópavogs leikur kl.
12, andlistmálum, leiksýning kl.
12.30 í sal og hljómsveitin Upplyft-
ing sér um að leika fyrir dansi.
Boðið verður upp á kaffi og kleinur
á 50 kr., grillaða pylsu á 100 kr.
og safi verður seldur á 30 kr.
Kvennakirkjan
á Vesturlandi
KVENNAKIRKJAN fer í messu-
ferðalag um Vesturland helgina 24.
og 25. maí. Prestur Kvennakirkjunn-
ar, séra Auður Eir Vilhjálmsdóttir,
prédikar, Anna Sigríður Helgadóttir
syngur einsöng, hljóðfæraleik ann-
ast Aðalheiður Þorsteinsdóttur og
Nanna Þórðardóttir organisti í Ólafs-
vík.
Messurnar verða á Akranesi laug-
ardaginn 24. maí kl. 17.00, á Hvan-
neyri sama dag kl. 20.30 og í Ólafs-
vík sunnudaginn 25. maí kl. 14.00.
Fólk á Vesturlandi er hvatt til að
nota þetta tækifæri til að hlusta á
fyrstu konuna sem gefur kost á sér
til biskups á Islandi og kynnast öðru
vísi messuformi sem iðkað er í
Kvennakirkjunni, segir í fréttatil-
kynningu frá Kvennakirkjunni.
Stofnun
hverfafélags
í Setbergi og
Mosahlíð
ÍBÚAR í Setbergi og Mosahlíð
hafa tekið saman höndum og
hyggjast stofna hverfafélag. Mark-
mið félagsins yrði að bæta mannlíf-
ið í hverfunum ásamt því að gæta
hagsmuna þeirra. Það má segja
að Reykjanesbrautin hafi komið
íbúunum af stað og menn hafi
skilið að samtakamátturinn skilar
betri árangri en skraf yfir girðing-
ar og símtöl við embættismenn
bæjarins, segir í fréttatilkynningu.
Þriðjudaginn 22. apríl var hald-
inn undirbúningsfundur að stofnun
hverfafélags. Fundurinn var hald-
inn í Setbergsskóla og sóttu hann
um 40 manns. Þar var kosin stjórn
til að undirbúa stofnun hverfafé-
lags. í stjórninni sitja: Pétur Már
Sigurðsson, Fagraberg 16, Dröfn
Hreiðarsdóttir, Háabergi 11, Ólöf
Kristín Einarsdóttir, Grenibergi 5,
Ragnar Guðlaugsson, Grenibergi 3
og Sigurður Egill Ragnarsson,
Ljósabergi 40. Þessi hópur hefur
unnið að stofnun félagsins frá því
í apríl og er ætlunin að halda stofn-
fundinn mánudaginn 28. apríl kl.
20.30 í Setbergsskóla.
I fréttatilkynningu segir:
„Undirbúningsstjórnin hefur unnið
að því að kynna sér starfsemi sam-
bærilegra samtaka í Reykjavík og
aflað sér upplýsinga um rekstur
þeirra. Við þessa könnun kemur í
ljós að sum félögin eru eingöngu
hagsmunasamtök en önnur vinna
jafnframt að því að bæta mannlíf-
ið í hverfunum. Er það von undir-
búningsstjórnarinnar að mannlífs-
þátturinn verði stór hluti af starf-
semi félagsins. Sem dæmi mætti
taka sumarhátíð, listauppákomur
og margt fleira. Einnig er það von
undirbúningsstjómar að gott sam-
starf og samvinna takist við bæjar-
stjórn og embættismenn bæjar-
ins.“
Hraðskákmót
íslands
HRAÐSKÁKMÓT íslands 1997
verður haldið sunnudaginn 25. maí
í húsnæði Taflfélags Reykjavíkur
að Faxafeni 12, Reykjavík. Mótið
hefst kl. 14.
Þátttökugjald fyrir 16 ára og
eldri er 700 kr. en 400 kr. fyrir
15 ára og yngri. Verðlaun verða
með þeim hætti að 60% af þátt-
tökugjöldum fara í verðlaun og
skipast þau þannig: 1. verðlaun
50%, 2. verðlaun 30% og 3. verð-
laun 20%. Öllum er heimil þátt-
taka.
LEIÐRÉTT
Fósturforeldrar
í MINNINGARGREIN Ingunnar
Hauksdóttur um Sigurð Halldór
Gíslason frá Hóli í Ólafsfirði á
blaðsíðu 51 í Morgunblaðinu í
gær, fimmtudaginn 22. maí, mis-
ritaðist orðið fósturforeldrar í
fjórðu efnisgreininni, varð föður-
foreldrar. Hlutaðeigendur eru
innilega beðnir afsökunar á þess-
um mistökum.
Rangt farið með nafn
í MYNDATEXTA á Akureyrarsíðu
í blaðinu í gær um fima reiðhjóla-
menn var rangt farið með nafn
þess er var í þriðja sæti í reiðhjóla-
keppninni en hann heitir Kristján
Baldur Valdimarsson. Beðist er
velvirðingar á þessu.
Röng mynd
MYNDIN sem birtist með grein
Hrefnu Hannesdóttur, „Vandinn
við Miklubraut", í blaðinu í gær
reyndist vera af annarri konu.
Morgunblaðið biðst velvirðingar
á mistökunum.