Morgunblaðið - 25.06.1997, Page 6

MORGUNBLAÐIÐ
6 MÍÐVIKUDAGUR 25. JÚNÍ 1997
FRÉTTIR
Andvari VE með franskt
veiðileyfi á „Hattinum“
Veiðileyfíð ekki
fengist staðfest
ÍSLENSKUM stjórnvöldum hefur
ekki borist heimild þess efnis að
Andvari VE geti nýtt franska veiði-
heimild á Flæmska hattinum.
Norðmenn og Kanadamenn hafa
mótmælt veiðum íslenskra skipa
fyrir erlend ríki á Flæmingja-
grunni.
Guðbjörg ÍS er nú að veiðum á
Flæmska hattinum og nýtir þar
pólskt veiðiieyfi og heimilaði Norð-
vestur-Atlantshafsfiskveiðiráðið
(NAFO) tilfærslu leyfísins á sínum
tíma. Eftir afgreiðslu þess máls
lýstu norsk og kanadísk stjórnvöld
sig ósammála afstöðu NAFO í
þessum málum og vildu að íslensk
skip hættu að veiða fýrir erlend
ríki á svæðinu. íslensk stjórnvöld
svöruðu því til að ef slíkar leyfis-
veitingar væru heimilaðar af
NAFO yrði þeim heldur ekki mót-
mælt af þeirra hálfu. Samkvæmt
upplýsingum úr sjávarútvegsráðu-
neytinu er ekki ljóst hver afstaða
NAFO er varðandi hina frönsku
veiðiheimild Andvara VE.
Ekki byrjaðir að nýta leyfið
íslenska fyrirtækið NASCO ehf.
hefur síðustu vikur unnið að öflun
veiðileyfa fyrir innlend og erlend
skip á Flæmska hattinum og er
fyrirtækið sjálft með tvö rússnesk
skip í rekstri á svæðinu. Fyrirtæk-
ið hefur nýverið haft milligöngu
um að útvega Andvara VE franskt
veiðileyfi til veiða á Flæmingja-
grunni og hefur skipið þegar hald-
ið til veiða. Veiðileyfið hljóðar upp
á 100 daga en skipið hefur enn
ekki byijað að nýta dagana þar
sem NAFO hefur ekki staðfest
leyfisveitinguna. Atli Viðar Jóns-
son, framkvæmdastjóri NASCO
ehf., segir frönsk stjórnvöld hafa
sent NAFO beiðni um að Andvari
VE fái leyfið. Það sé síðan ís-
lenskra stjórnvalda að samþykkja
leyfið að fenginni umfjöllun NAFO
um erindið.
„Staðfesting NAFO hefur enn
ekki borist íslenskum stjórnvöld-
um, þannig að formlega séð getur
Andvari ekki byrjað að nýta heim-
ildina fyrr en leyfið er fengið. En
okkur sýnist að það sé komið for-
dæmi fyrir slíkum leyfisveitingum
og eigum ekki von á öðru en við
lútum sömu lögum og reglum og
aðrir. Við höfum ekki trú á að
mótmæli Norðmanna og Kanada-
manna breyti neinu í því sam-
bandi,“ segir Atli.
Fjögnr dauðaslys í
umferðinni á árinu
FJÖGUR dauðaslys hafa orðið í
umferðinni hér á landi það sem
af er árinu eða jafnmörg og fyrstu
fimm mánuði ársins 1996. Allt
árið í fyrra voru dauðaslys í um-
ferðinni 10.
Sigurður Helgason hjá Umferð-
arráði segir að dauðaslys í umferð-
inni séu mun færri nú og á síðasta
ári en verið hefur undanfarin ár.
Hann segir þó að ekki sé alveg að
marka tölfræðina því tölurnar séu
það lágar. Umferðarráð leggur
mikla áherslu á að brýna fyrir fólki
að nota öryggisbelti og draga úr
umferðarhraðanum til þess að
koma í veg fyrir slys.
Sigurður kveðst hafa tilfinn-
ingu fyrir því að slysum á börnum
á hjólum hafi fjölgað að undan-
förnu. „íslenskir foreldrar eru
mjög djarfir að senda lítil börn,
6-10 ára gömul, á reiðhjólum út
á götur. Með því eru þeir að taka
áhættu því börn hafa engar for-
sendur til þess að takast á við
umferð á þessum aldri,“ segir Sig-
urður.
Ný þota frá Boeing millilendir hér á landi
Fer hærra, hraðar og lengra
Morgunblaðið/Jim Smart
HAL Johnson, yfirumsjónarmaður tilraunaflugs Boeing, Ken
Higgins og Steve Ford, markaðsstjóri nýju þotunnar.
BOEING 737-700, ný þota frá
Boeing-verksmiðjunum, milli-
lenti á Keflavíkurflugvelli i gær-
morgun. Þotan var að koma af
flugsýningu í París og var á leið
til Bandarikjanna. Hún fær stað-
festingu frá flugmálayfirvöld-
um i september næstkomandi
og verður fyrsta vélin afhent í
október.
Þotan hefur nýja vængi, nýja
hreyfla, nýjan lendingarbúnað
og ný stjórntæki. Hún flýgur
hærra og hraðar en aðrar þotur
frá Boeing-verksmiðjunum, auk
þess að fara lengri vegalengdir.
Samanborið við eldri gerð
Boeing 737 er nýja vélin 10%
hraðskreiðari og 7% sparneytn-
ari. Auk þess er hún örlítið
stærri. Að sögn Bobs Monteiro,
vélamanns Boeing-verksmiðj-
anna, kostar hún um 30 til 35
milljónir dollara eða rúma tvo
milljarða ísl. króna.
622 þotur seldar fyrirfram
Hann segir að almenn ánægja
hafi verið með vélina í París.
Stöðugur straumur fólks hafi
skoðað vélina og ekki allir kom-
ist að sem vildu. „Það er gott
að geta flogið hærra. Þá kemst
maður upp fyrir veðrið,“ segir
Ken Higgins, varaforseti flug-
rekstrardeildar Boeing-verk-
smiðjanna.
Hann segir að nýja þotan hafi
enn ekki verið viðurkennd af
flugmálayfirvöldum, en eigi að
síður hafi 622 verið seldar fyrir-
fram. Það taki Boeing-verk-
smiðjurnar mánuð að smíða 22
þotur, þannig að nýja gerðin sé
uppseld næstu þijú árin.
NÝJA Boeing 737-700 þotan á Keflavíkurflugvelli.
Ósætti milli verkamannafélagsins Hlífar og verkakvennafélagsins Framtíðarinnar í Hafnarfirði
Fyrirhuguð sameiii-
ing dregst á langinn
VERKALÝÐSFÉLÖGIN í Hafnar-
firði, Verkamannfélagið Hlíf og
Verkakvennafélagið Framtíðin,
deila nú um framgang fyrirhugaðr-
ar sameiningar félaganna og hafa
bæði sent frá sér tilkynningar vegna
samskipta félaganna. í kjölfar sam-
eiginlegs fundar stjóma félaganna
í maí á síðasta ári voru skipaðar
sameiningamefndir í báðum félög-
um. Þær nefndir hafa enn ekki hist.
Konur eiga jafnan
rétt til inngöngu
Hlíf hefur, í tilkynningu frá 30.
maí sem hengd var upp á vinnu-
stöðum í Hafnarfírði, lýst þeirri
ákvörðun stjórnar félagsins að kon-
ur skuli eiga sama rétt til inngöngu
í það og karlar. í tilkynningunni
kemur einnig fram að Hlíf hafi
ítrekað óskað eftir viðræðum við
Framtíðina um sameiningu félag-
anna en hingað til hafí það lítinn
árangur borið. „Stjórn Framtíðar-
innar hefur jafnan dregið málið á
langinn þrátt fyrir þá staðreynd
að mikill fjöldi félagskvenna vilji
sameiningu og félagsfundir í báð-
um félögunum ályktað í þá veru.
Nú nýlega frestaði stjórn Framtíð-
arinnar einu sinni enn ákvarðana-
töku í málinu og því óvíst um fram-
haldið," segir orðrétt.
í tilkynningu Framtíðarinnar,
sem send var Fjarðarpóstinum og
birt þar sl. föstudag, segir að í til-
kynningu Hlífar sé meira og minna
gengið á svig við sannleikann um
vinnu að sameiningu félaganna. Þá
segir að í tilkynningu Hlífar frá 30.
maí sé fjallað um sameiningarmál
félaganna á mjög ábyrgðarlausan
hátt. „Hafðar eru í frammi staðhæf-
ingar sem vægast sagt eru hæpnar.
Að engu eru höfð eðlileg tilmæli
um framgang sameiningarmála og
haft í hótunum við félagið með ótrú-
lega ósmekklegum hætti. Þessu til
áherslu er birt leiðbeining til félags-
manna Framtíðarinnar um það
hvemig þeir geti yfirgefið félagið.“
Þetta túlka Framtíðarkonur sem
íhlutun forystu Vmf. Hlífar í mál-
efni annars stéttarfélags og tilraun
hennar til að eyðileggja eða veikja
félagið og sú íhlutun sé með þeim
hætti að hún hljóti að koma til
kasta heildarsamtaka félaganna,
Verkamannasambands Islands og
Alþýðusambands íslands.
Jafnrétti næst ekki með
kynj askipt ingu
Sigurður T. Sigurðsson, formað-
ur Hlífar, segir félagið hafa verið
opnað konum einfaldlega vegna
þess að því sé ekki lagalega stætt
á því að neita konum, sem vinna á
félagssvæðinu, t.d. fiskvinnslukon-
um, um inngöngu. Ef slíkur um-
sækjandi færi í mál við félagið
myndi það tapa því. Auk þess hafi
forystumenn Hlífar ekki trú á að
jafnrétti náist meðan kynjaskipt
verkalýðsfélög séu við lýði.
Sigurður segir að eftir að borist
hafi bréf frá nýrri stjórn Framtíðar-
innar um að hún vildi fresta sam-
einingarviðræðum í nokkur misseri
hafi stjórn Hlífar ákveðið að opna
félagið. Ekki sé litið svo á að verið
sé að troða Framtíðarkonum um
tær og stjómarmenn frábiðji sér
fullyrðingar um að þetta hafí verið
gert af einhveijum hroka.
Hann segir að þetta mál megi
alls ekki verða til að koma af stað
fjandskap milli félaganna og engan
veginn sé búið að útiloka samein-
ingu. Hlífarmenn séu alltaf tilbúnir
til viðræðna.
Ýmislegt tafði upphaf
viðræðna
Linda Baldursdóttir, formaður
Framtíðarinnar, segir sameiningar-
viðræður aldrei hafa hafist milli
félaganna og á því sé einföld skýr-
ing. Fljótlega eftir að sameiningar-
nefndirnar hafi verið myndaðar,
eða í júní, hafi þáverandi formaður
Framtíðarinnar slasast og hafi það
óneitanlega haft áhrif á starf fé-
lagsins. Formaðurinn hafi ekki
komið aftur til starfa fyrr en í októ-
ber og þá hafi stjórnarskipti staðið
fyrir dyrum. Þau hafi orðið um
miðjan desember. Strax eftir ára-
mót hafi tekið við vinna við kjara- '
samninga, sem þá voru lausir. 3. i
janúar hafi borist bréf frá Hlíf og |
óskað eftir viðræðum. í svari við
því hafi ný stjórn Framtíðarinnar
óskað eftir nokkurra missera fresti
meðan hún kæmist inn í mál. Linda
segir að þá hafí stjórn Hlífar brugð-
ist ókvæða við og sent það sem
hún kallar reiðibréf, sem ekki hafi
verið svara vert.
Viðræður gætu hafíst 1
með haustinu )
Linda segist ekki vita hvaðan j
þeir tugir kvenna komi, sem stjórn
Hlífar segi að sæki um inngöngu
í félagið á hveiju ári. A.m.k. hafi
engin Framtíðarkona á almennu
samningssviði félagsins sagt sig
úr því.
Varðandi framhaldið segir Linda
að ekki verði slegið á neinar hend-
ur, frekar að sáttahönd verði rétt )
út. Sumarið sé hins vegar tími lít- k
illa athafna en með haustinu megi ,
gera ráð fyrir að sameiningarvið- »
ræður geti hafist.