Morgunblaðið - 25.06.1997, Síða 25

MORGUNBLAÐIÐ
LISTIR
MIÐVIKUDAGUR 25. JÚNÍ1997 25
Hrein form
MYNPLIST
Nýlistasafnið
LISTKYNNING
ÁSGERÐURBÚADÓTTIR
Opið alla daga frá kl. 14-18. Lokað
mánudaga. Til 29. júní. Aðgangur
ókeypis.
VEFLISTAKONAN Ásgerður
Búadóttir er gestur Nýlistasafnsins
þessa dagana og í því tilefni hafa
verið hengdir upp fimm vefir á
veggi Pallsins svonefnda. Auk þess
gefst gestum kostur á að glugga
nánar í listferil og viðhorf hennar
á tveim myndböndum, loks liggur
frammi mjög ítarleg skrá faglegra
upplýsinga á fjórblöðungi ásamt
sýningarskrám innlendum og er-
lendum.
Öll er kynningin hin skilvirkasta
og myndböndin sem Halldór Björn
Runólfsson og Hrafnhildur Schram
eru ábyrg fyrir, frumflutt 1982 og
1994, dijúg og mikilsverð viðbót.
En þar sem þau eru í góðri lengd,
einkum hið síðarnefnda, væri æski-
legra að eitthvað annað og nota-
legra væri í boði undir sitjanda
gesta en þessir framúrstefnustólar,
þótt í sjálfu sér séu þeir athyglis-
verðir, en þurfa trauðla lengri
kynningartíma en listaverkin. En
vel að merkja þá standa þessar
kynningar full stutt eins og raunar
flestar sýningar á staðnum, telst
engan veginn í samræmi við safn-
heitið. Það er svo alveg rökrétt að
kynna sitthvað úr íslenzkri sjón-
listasögu með þessum hætti, eink-
um vegna þess að það er hlutverk
samtímalistasafns og ungir eru illu
heilli margir afar lítið inni í þróun-
inni frá stríðslokum fram að
„þeirra" tíma.
Það er þannig ekki að ófyrir-
synju, að verið er að kynna annars
landsþekkta listamenn með þess-
um hætti á staðnum, auk þess að
kynningin er sér á báti um góðan
umbúnað, mikilsverðast er að það
gerir starfsemi safnsins_ í senn
virkari og sveigjanlegri. Ásgerður
Búadóttir er einn af þekktustu og
traustustu listamönnum tíma-
skeiðs á sjötta áratugnum, er
nokkrir þeir komu fram sem einna
mest hefur kveðið að á listavett-
vangi fram til þessa, þótt misvirk-
ir hafi verið á sýningavettvangi.
Margir jafnframt um árabil í for-
ystusveit FÍM, er það starfaði af
hvað mestum krafti. Þá nýtur hún
heiðurslauna ríkisins. Námsferill-
inn lýsandi dæmi um iistamann
sem fer hægt af stað, en er sívirk-
ur og fijór í sinni listsköpun. Þann-
ig hóf Ásgerður nám við Handíða-
og myndlistarskólann 1942 og var
þar viðloðandi til 1946, er hún
hélt til Kaupmannahafnar, og nam
við listakademíuna til ársins 1950.
Naut handleiðslu prófessors Vil-
helms Lundströms, sem nú telst
einn merkasti málari Dana á öld-
inni. Fyrstu einkasýningu sína
heldur hún á vinnustofu sinni árið
1962.
Þótt ekki sjáist bein áhrif frá
lærimeistaranum í verkum Ásgerð-
ar, eru hin óbeinu þeim mun greini-
legri, því Lundström var afar heill
og traustur í sinni vinnu, formhugs-
unin skýr og meitluð, aðdáun hans
á sköpunarverki náttúrunnar og
yfirburðum hennar ótvíræð. Sagði,
að það skipti litlu hvernig maðurinn
bæri sig að í hugarheimi sínum,
því hann væri jafnaðarlega bundinn
fímm afmörkuðum skilningarvit-
um. Hugmyndaflug mannsins væri
því afar takmarkað í samanburði
við sjálfa náttúruna og þær mörgu
furður er hún byði upp á. Hann sæi
því enga ástæðu til að hunsa nátt-
úruna né vanrækja. Þetta sagt af
manni sem minnst gerði af því að
mála landslag, en hafði afar næmt
auga fyrir formrænu inntaki hluta
í næsta umhverfi, og meðal þess
sem hann leitaði iðulega til í sam-
stillingar sínar, kyrralíf, var kló-
settrúllan, þ.e. sívalt og klassískt
frumform hennar.
Auðvitað varð Ásgerður fyrir
áhrifum úr fleiri áttum, en mestu
varðar að hún hefur brotið þau
undir persónuleika sinn og þróað
með sér afar sterk sérkenni svo
myndir hennar eru auðþekkjanleg-
ar í langri fjarlægð. Og það er ein-
mitt hin djúpa virðing fyrir náttúru-
mögnunum sem er kennimark
þeirra. Um leið bera þau hinni
löngu akademísku skólun vitni,
með grunnmálin í fyrirrúmi, sem
veitt hefur henni dijúga yfirsýn og
frelsi til svipmikilla verklegra at-
hafna.
Afar gott dæmi um traust og
heil vinnubrögð er myndin Kyrrð,
sem fylgir þessum pistli og er gerð
1993.
Bragi Ásgeirsson
Útileikhús-
ið Hér fyr-
ir austan
FIMMTA sýningarsumar Útileik-
hússins Hér fyrir austan hófst á
laugardaginn með dagskrá um
samskipti Egilsstaðamanna og
Héraðsbúa og á miðvikudaginn
hefjast aðalsýningar Útileikhúss-
ins;
í þetta skipti er aðalsýningin
þríþætt: Kráarstemmningarverk
eftir Seyðfirðinginn Halldór Vil-
hjálmsson, huldufólkssaga sem að
sögn gerðist í Skriðdal og var end-
urskrifuð fýrir svið af Snæfríði
Ingadóttur, blaðamanni og tónlist-
ardagskrá, sem er flutt af tríói frá
Norðfirði. Tveir leikendanna koma
frá Seyðisfirði og leikstjórinn keyr-
ir frá Fáskrúðsfirði.
Snarl og glyrna
Dagskráin á laugardaginn hét
Snarl og glyrna - orðlist alþýðu á
Egilsstöðum og Héraði og segir í
kynningu að glyrna sé mjólkur-
dropinn sem menn bættu út á
snarlið sitt í gamla daga.
Flytjendur koma víða af Héraði.
M.a. verður aftur sunginn hinn
skemmtilegi bragur um hvalrek-
ann mikla (sem ekki var) eftir sr.
Siguijón í Kirkjubæ og rímur
kveðnar af Páli Pálssyni úr Hrafn-
kelsdal. Nútímavísur fá að njóta
sín og unglingadeild Leikfélags
Fljótsdalshéraðs leggur fram sinn
skerf. Ásmundur Þórarinsson, Víf-
ilsstöðum í Hróartungu, hefur
skipulagt þessa sérsýningu sem er
í tilefni 50 ára afmælis Egilsstaða-
bæjar.
Fangará
ferð og flugi
KVIKMYNPIR
Bíoborgin, BíóhöII-
i n , Kringlubíó, Borg-
arbíó á Akureyri
FANGAFLUG „CONAIR"
★ ★ ★
Leikstjóri: Simon West. Framleið-
andi: Jerry Bruckheimer. Aðalhlut-
verk: Nicholas Cage, John Cusack,
John Malkovich, Colm Meaney, Steve
Buschemi, Ving Rhames. Touchstone
Pictures. 1997.
EINVALALIÐ leikara kemur
fram í nýjustu hasarmynd framleið-
andans Jerry Bruckheimers, Fanga-
flugi. Myndin fjallar um hóp hættu-
legustu fanga Bandaríkjanna, sem
fluttir eru flugleiðis í nýtt öryggis-
fangelsi, en í 30.000 fetum taka
þeir völdin í farinu og stefna í frels-
ið. Bruckheimer, frægur fyrir að
gera hasaróperur eins og þessa í
samvinnu við félaga sinn Don Simp-
son, sem nú er látinn, hefur fengið
leikara á borð við Nichoias Cage,
John Malkovich og John Cusack til
þess að manna stöðurnar og þeir
gera óneitanlega heilmikið fyrir
skemmtigildi myndarinnar, sem er
þó talsvert fyrir. Eins og við mátti
búast er myndin einn gegnumgang-
andi hasar með úr hófi fram mærð-
arlegum inngangskafla og jafnvel
enn væmnara lokastefi. Allt þar á
milli er einhver hressilegasta flug-
ferð sem farin hefur verið.
Leikstjórinn er nýr, Simon West
að nafni, og honum auðnast að halda
nafni Bruckheimers á lofti enn um
hríð. Tekist hefur á undraverðan
hátt að gera fangamynd sem er sam-
bland af „The Dirty Dozen“ og
„Airport ’73“ með dúndrandi rokk-
tónlist, hávaðasömum skotbardög-
um, eldsprengingum ógurlegum og
hveiju spennu- og áhættuatriðinu á
fætur öðru samansaumuðum í ógn-
arhraðri frásögn. Aðferðafræði
Bruckheimers kemur kannski hvergi
betur fram en í Fangaflugi. Hann
sér áhorfandanum fyrir slíku magni
af áreiti að ekkert annað kemst að
í húga hans en ytri spenna og glæsi-
leiki vel hannaðra og fullkomlega
heppnaðra hasaratriða. Ef hann
reynir að kafa dýpra og ætlar að
skoða fínni tilfinningar persónanna,
verður hann bara hlægilegur. Per-
sónur hans þola enga smásjárskoð-
un. Þær eru pappafígúrur sem ýmist
eru skotnar í tætlur eða sprengdar
í loft upp og alls ekki skapaðar til
annars.
Cage stendur sig vel innan þess
ramma sem eini fijálsi fanginn um
borð í vélinni. Hann er með eilífan
sársaukasvip á andlitinu og er aðeins
að húkka sér far á leið í frelsið bú-
inn að sitja af sér átta ára fangelsis-
dóm fyrir að hafa drepið mann í
sjálfsvörn. Hann er fyrrum hermað-
ur og gerist bandamaður lögreglunn-
ar á jörðu niðri þar sem John Cusack
heldur um taumana með ágætum
árangri. John Malkovich er foringi
fanganna, margfaldur morðingi sem
kallaður er Vírusinn. Malkovich fer
einstaklega létt með að halda geggj-
un sinni undir stjórn með kaldhæðn-
islegum dauðahúmor. Ving Rhames
er hægri hönd hans illúðlegur mjög
og Steve Buschemi leikur einskonar
Hannibal Lecter og er fullkomlega
óskiljanleg persóna í myndinni.
Fangaflugið er sumarskemmtun
og býsna skemmtileg sem slík. Henni
er ekki ætlað annað en að skemmta
áhorfandanum í tvo tíma og tekst
það ætlunarverk sitt fullkomlega.
Arnaldur Indriðason
Greiðsluáskorun
Innheimtumenn ríkissjóðs skora hér með á gjaldendur að gera skil nú þegar eða í síðasta lagi
innan 15 daga frá dagsetningu áskorunar þessarar á eftirtöldum gjöldum: Staðgreiðslu og tryggingagjaldi
til og með 5. tímabili með eindaga 15. júní 1997 og virðisaukaskatti til og með 16. tímabili með eindaga
5. júní 1997 og öðrum gjaldföllnum álagningum og ógreiddum hækkunum er féllu í gjalddaga til og með
15. júnf sl. á staðgreiðslu, tryggingagjaldi og virðisaukaskatti, virðisaukaskatti í tolli, áfengisgjaldi, launaskatti,
bifreiðagjaldi, slysatryggingagjaldi ökumanna, föstu árgjaldi þungaskatts, þungaskatti skv. ökumælum,
viðbótar- og aukaálagningu söluskatts vegna fyrri tímabila, skemmtanaskatti og miðagjaldi, virðisaukaskatti
af skemmtunum, tryggingagjaldi af skipshöfnum ásamt skráningargjöldum, vinnueftirlitsgjaldi, vörugjaldi
af innlendri framleiðslu, vörugjaldi af ökutækjum, eftirlitsgjöldum, aðflutningsgjöldum og útflutningsgjöldum,
skilagjaldi á umbúðir, verðbótum á ógreiddan tekjuskatt og verðbótum á ógreitt útsvar, skipulagsgjaldi,
skipagjaldi, fisksjúkdómagjaldi, jarðarafgjaldi og álögðum opinberum gjöldum, sem eru:
tekjuskattur, útsvar, aðstöðugjald, sérstakur tekjuskattur manna, eignarskattur, sérstakur eignarskattur,
slysatryggingagjald vegna heimilisstarfa, tryggingagjald, iðnlánasjóðs- og iðnaðarmálagjald, þróunarsjóðsgjald,
atvinnuleysistryggingagjald, kirkjugarðsgjald, markaðsgjald, gjald í framkvæmdasjóð aldraðra, skattur af
verslutiar- og skrifstofuhúsnæði, ofgreiddar bamabætur, ofgreiddur bamabótaauki og ofgreiddar vaxtabætur.
Fjámáms verður krafist án frekari fyrirvara fyrir vangoldnum eftirstöðvum gjaldanna ásamt dráttarvöxtum
og öllum kostnaði, sem af innheimtu skuldarinnar kann að leiða, á kostnað gjaldenda að þeim tíma liðnum.
Athygli skal vakin á því að auk óþæginda hefur fjárnám í för með sér verulegan kostnað fyrir gjaldanda.
Fjámámsgjald í ríkissjóð er allt að 10.000 kr. fyrir hvert fjámám. Þinglýsingargjald er 1.000 kr. og stimpilgjald
1,5% af heildarskuldinni, auk útlagðs kostnaðar eftir atvikum. Eru gjaldendur hvattir til að gera full skil sem
fyrst til að forðast óþægindi og kostnað.
Þá mega þeir gjaldendur, sem skulda staðgreiðslu, tryggingagjald, vörugjald og virðisaukaskatt, búast
við því að starfsemi þeirra verði stöðvuð án frekari fyrirvara.
Reykjavík, 25. júnf 1997.
Gjaldheimtan í Reykjavík
Tollstjórinn í Reykjavík
Sýslumaðurinn í Kópavogi
Sýslumaðurinn í Hafnarfirði
Sýslumaðurinn í Keflavfk
Sýslumaðurinn á Keflavíkurflugvelli
Sýslumaðurinn á Akranesi
Sýslumaðurinn í Borgamesi
Sýslumaðurinn í Stykkishólmi
Sýslumaðurinn í Búðardal
Sýslumaðurinn á Isafirði
Sýslumaðurinn í Bolungarvík
Sýslumaðurinn á Patreksfirði
Sýslumaðurinn á Hólmavfk
Sýslumaðurinn á Siglufirði
Sýslumaðurinn á Sauðárkróki
Sýslumaðurinn á Blönduósi
Sýslumaðurinn á Akureyri
Sýslumaðurinn á Húsavík
Sýslumaðurinn á Ólafsfirði
Sýslumaðurinn á Seyðisftrði
Sýslumaðurinn á Neskaupstað
Sýslutnaðurinn á Eskifirði
Sýslumaðurinn á Höfn
Sýslumaðurinn í Vestmannaeyjum
Sýslumaðurinn á Selfossi
Sýslumaðurinn í Vík
Sýslumaðurinn á Hvolsvelli
Gjaldheimta Vestfjarða
Gjaldheimta Austurlands
Gjaldheimtan í Vestmannaeyjum