Morgunblaðið - 01.07.1997, Blaðsíða 50

50 ÞRIÐJUDAGUR 1. JÚLÍ 1997
MORGUNBLAÐIÐ
Grettir
Ljóska

& ' 1 | **»».
]
t*. ' © KFS/Oistf. BULLS í J
(fhóbi þí/w x-tl&ái.
vas&,ykJbur við
o lugguruury^
F~'^\
Ferdinand
Smáfólk
IT 5 PROBABLY
N0B0DY IMPORTANT
Ég held að ég hafi heyrt í Það er líklega enginn Þú hefur rétt fyrir þér ...
einhveijum við dyrnar ... mikilvægur. Við erum varla mjög mikilvægir...
BREF
TIL BLAÐSINS
Kringlan 1103 Reykjavík • Sími 569 1100 • Símbréf 569 1329
Hundar og menn
Frá Andreu Oddsteinsdðttur:
VIÐ hjónin erum lengi búin að vera
hundeigendur. Maðurinn minn þýddi
t.d. á sínum tíma bók eftir ísland-
svininn mikla og ljúfa, Mark, sál-
uga, Watson og hét hún „Hundurinn
minn“ í þýðingu hans. Við höfum
fyrir sið að fara með gömlu tíkina
okkar, Tátu, út að ganga minnst
þrisvar sinnum á
dag og höfum
alltaf með okkur
poka til að þrífa
upp eftir hana
eins og lög gera
ráð fyrir. Oftast
lá leiðin að gras-
flötinni þar sem
gróðurstöðin var
einu sinni, rétt
fyrir neðan
gamla Kennara-
skólann við Laufásveg, en við erum
nýflutt úr Þingholtunum og búum
nú á Rauðalæk.
Rétt fyrir hvítasunnu ókum við
með Tátu okkar og lögðum bílnum
okkar sunnarlega við Laufásveginn
vegna þess að við vorum eitthvað
tímabundinn þann daginn. Halldór
fór út með hundinn okkar, en ég sat
eftir í bílnum og meðan ég beið sá
ég eldra fólk vera að bera dót út í
Cherokeejeppa og hugsaði sem svo
að það væri á leið í sveitina og átti
mér einskis ills von, en fyrr en varði
kemur maðurinn askvaðandi að bíln-
um okkar, heldur yggldur á brun
og brá og rífur upp dýrnar með
miklum látum og vandar mér ekki
beinlínis kveðjurnar og spurði: „Get-
ið þið, helvítis pakkið ykkar, ekki
látið hundskömmina ykkar skíta
heima í Miðstræti hjá ykkur?“ Og
svo bætti hann því við að hann væri
búinn að taka margar myndir af
okkur! Mér er spurn til hvers? Því
næst gekk hann yfir götuna og leit
yfir grasflötina þar sem Halldór var
með Tátu, en hann lét þau alveg
afskiptalaus, enda vissu þau ekkert
af honum. Að svo búnu sneri kapp-
inn aftur til mín og var svo kurteis
að „skreyta" bílrúðuna mína með
hráka sínum. Mér var illa brugðið,
en setti samt í mig kjark og sagði
við hann „þér ættuð að skammast
yðar, ef þér kunnið það“. Rétt er
að geta þess að ofangreind grasflöt
er ekki einkalóð. Hún er með öðrum
orðum í eigu Reykjavíkurborgar,
enda opin almenningi.
Vonandi hefur eigandi Cherokee-
jeppans átt yndislega hvítasunnu-
helgi í faðmi íslenskrar náttúru, al-
veg ótruflaður af samviskubiti og
iðrun.
ANDREA ODDSTEINSDÓTTIR,
Rauðalæk 7, Reykjavík.
Andrea
Oddsteinsdóttir.
Sífellt öryggisleysi sjúkl
inga, sumar eftir sumar
Frá Guðrúnu Maríu Óskarsdóttur:
SAMTÖKIN Lífsvog taka heilshugar
undir greinaskrif Félags ungra
lækna til heilbrigðisráðherra, er birt-
ust í Mbl. þann 25. 6., þar sem þeir
benda á óraunsæjan sparnað, og
hugsanlegar afleiðingar af slíku fyr-
ir sjúklingana. í grein þeirra er á
skýran hátt varpað ljósi á þá þætti
er geta leitt til mistaka í greiningu,
meðferð og eftirliti sjúklinganna,
undir álagi því er vinnuaðstæður
sumarlokana geta skapað. Mistök á
þessum vettvangi verða ekki aftur
tekin, það er staðreynd er menn
hljóta að þurfa að horfast í augu
við fyrr en síðar.
Sjúklingar þeir er í slíku lenda
munu nefnilega sækja ábyrgð á
hendur rekstraraðila þjónustunnar á
hverjum tíma eftir þeim leiðum er
til þess eru færar. Þótt enn þurfi
að ryðja braut réttlætisins í þeim
efnum, hafa Lög um réttindi sjúkl-
inga nú litið dagsins ljós í framsetn-
ingu og flutningi heilbrigðisnefndar
Alþingis, en þar er að finna spor í
rétta átt, til dæmis hvað varðar eign
sjúklinga á upplýsingum þeim er um
þá eru færðar í sjúkraskýrslur.
Áherslur á upplýsingaskyldu heil-
brigðisstarfsmanna til handa sjúkl-
ingum sem og almenna mannvirð-
ingu er einnig að finna í lögum þess-
um. Lífsvog vill hvetja almenning
til þess að kynna sér lög þessi er
taka gildi 1. júlí, en vilja um leið
þakka ungum læknum fyrir að reyna
að opna augu stjórnvalda í hinni
mjög svo afstæðu sparnaðarhyggju
er viðgengst enn á þessum vettvangi.
f.h. Samtakanna Lífsvog.
GUÐRÚN MARÍA ÓSKARSDÓTTIR,
ÁSDtS FRÍM ANN SDÓTTIR.
„Hórdómur mikill“
Frá Margréti Hansen:
ÞAÐ ER alltaf gaman að lesa grein-
arnar hans Halldórs Þorsteinssonar,
nú síðast í Morgunblaðinu þann 24.
júní, en ég hnaut nú um nokkur orð
í greininni. Hann býst við aukningu
á hjónaskilnuðum í kjölfar ranglátra
skattabreytinga.
Orðrétt: „Eftir skilnað gæti t.d.
fráskilinn maður hugsanlega leigt
fyrrverandi eiginkonu sinni her-
bergi eða gert hana að ráðskonu
hjá sér svona á pappírnum og þá
færu þau að búa saman í opinberum
hórdómi...“
En nú er mér spurn, væri ekki
eins hægt að snúa þessu alveg við
og konan leigði þá fyrrverandi
manni sínum herbergi og gerði
hann að ráðsmanni hjá sér svona á
pappírnum?
Nei og aftur nei, svona einfalt
er það bara ekki, því í langflestum
hjónaböndum ennþá er aðeins mað-
urinn skrifaður fyrir íbúð og eignum
og ég vísa til aðvarana Svölu
Thorlacíus hdl. þar sem hún segir
að alltof oft gerist það við skilnað
eða fráfall maka að konan sitji eft-
ir eignalaus þar sem á pappírunum
eigi hún í rauninni ekkert.
Eg vil þess vegna vara konur við
þessu, ef svona fer í skattamálum,
hafið vaðið fyrir neðan ykkur og
gangið frá eignaskiptapappírum á
undan skilnaðarpappírum, því eng-
inn veit sína ævina fyrr en öll er.
MARGRÉT HANSEN,
Ásholti 2,105 Rvík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt ti! að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.