Morgunblaðið - 01.07.1997, Blaðsíða 64
MORGUNBLAÐIÐ, KRINGLAN 1,103 REYKJAVIK, SÍMI6691100, SÍMBRÉV5691181
PÓSTHÓLF3040, NETFANG: RITSTJ@MBL.IS, AKUREYRI: KAUPVANGSSTRÆTI1
ÞÉIÐJUDAGUR 1. JÚLÍ 1997
VERÐ í LAUSASÖLU 125 KR. MEÐ VSK
■\'i>
Morgunblaðið/Guðni Einarsson
Þverun Gilsfjarðar miðar vel
ÞVERUN Gilsfjarðar miðar vel og
er stefnt að því að henni ljúki um
miðjan júlí, viku á undan áætlun, að
sögn Einars Erlingssonar, verk-
fræðings hjá Vegagerðinni, sem hef-
ur umsjún með framkvæmdinni. Bú-
ist er við að almennri umferð verði
hleypt á veginn 1. desember nk.
Fyrstu framkvæmdir hófust í
fyrrasumar. Unnið er allan sólar-
hringinn á tvískiptum vöktum, að
sögn Einars. „Fyrstu vikurnar fór-
um við 20 metra á dag og seinustu
daga höfum við farið 30 metra,
þannig að þetta gengur hratt og ör-
ugglega," segir Einar.
Kostnaðaráætlun gerir ráð fyrir
að vegagerðin yfir fjörðinn ásamt
einni brú sem búið er að smíða,
kosti 500 milljónir króna, og er þá
miðað við fúllfrágenginn veg með
bundnu slitlagi. Þverunin styttir
leiðina um fjörðinn um 17 kíló-
metra, auk þess sem búist er við að
nýi vegurinn verði opinn mestallt
árið.
Hlutabréfaveltan
orðin 9,5 milljarðar
VELTA hlutabréfa á Verðbréfa-
þingi Islands jókst verulega á
fyrstu sex mánuðum ársins eða um
rúmlega 5 milljarða króna saman-
borið við fyrri árshelming í fyrra.
Nema skráð viðskipti með hlutabréf
á Verðbréfaþingi frá áramótum til
loka júnímánaðar 7.211 milljónum
kr. en velta hlutabréfa á fyrstu sex
mánuðum seinasta árs var 2.117
milljónir kr.
Síðast liðinn föstudag námu
heildarviðskipti með hlutabréf á
Opna tilboðsmarkaðinum frá ára-
mótum 2.340 milljónum kr. Saman-
lögð heildarvelta hlutabréfa á
Verðbréfaþingi íslands og á Opna
tilboðsmarkaðinum frá áramótum
er því orðin rúmlega 9,5 milljarðar
kr.
Hlutabréfaviðskipti
633 millj. kr. í júní
Hlutabréfaviðskipti á Verðbréfa-
þingi drógust verulega saman í júní
miðað við mánuðina á undan en
hlutabréfaviðskipti voru þrátt fyrir
það nærfellt tvöfalt meiri í nýliðn-
um mánuði en í júnímánuði í fyrra
eða rúmlega 663 milljónir saman-
borið við 384 millj. í fyrra.
Mest urðu viðskipti með hlutabréf
frá febrúar og út maímánuð eða fyr-
ir um 1,2 milljarða kr. í febrúar,
rúmlega einn milljarð kr. í mars og
hámarki náðu viðskiptin í apríl en
þá voru alls skráð viðskipti með
hlutabréf fyrir 2.171 milljónir króna
samanborið við 242 milljóna kr. við-
skipti á Verðbréfaþingi í aprílmán-
uði í íyrra. Fjöldi viðskipta með
hlutabréf á Verðbréfaþingi íslands
var 5.837 á fyrra helmingi ársins
samanborið við 1.680 skráð viðskipti
á sama tímabih í fyrra.
Heildarvelta á Verðbréfaþingi
um 70 milljarðar frá áramótum
Mikil veltuaukning varð með
verðbréf á Verðbréfaþingi á fyrstu
sex mánuðum ársins miðað við
sama tíma í fyrra. Heildarviðskipti
námu samtals rúmum 70 milljörð-
um króna frá áramótum til loka
júnímánaðar og er veltan um 25
milljörðum kr. meiri en á sama tíma
í fyrra en þá var heildarveltan á
þinginu 54.496 milljónir kr.
■ HIutabréfavelta/12
Yfírbyggður
knattspyrnu-
völlur til at-
hugunar
TILLAGA um skipun þriggja
manna vinnuhóps til að fjalla um
byggingu yfir íþrótta- og sýningar-
svæði sem á að rúma knattspymu-
völl í fullri stærð og frjálsíþróttaað-
stöðu þar í kring var samþykkt í
Iþrótta- og tómstundaráði í gær.
Tillagan var lögð fram á fundi
ráðsins fyrir tveimur vikum en af-
greiðslu hennar var þá frestað að
beiðni minnihlutans í nefndinni.
Fulltrúar í vinnuhópnum verða frá
Iþróttabandalagi Reykjavíkur,
Knattspyrnusambandi íslands og
Iþrótta- og tómstundaráði. Vinnu-
hópurinn á að skoða fjármögnun,
framkvæmdir og rekstur á íþrótta-,
knattspyrnu- og sýningarhúsi í
Laugardal.
Steinunn V. Óskarsdóttir, for-
maður Iþrótta- og tómstundaráðs,
segir að til greina komi að nýta við-
byggingu Laugardalshallarinnar,
sem byggð var í tengslum við
heimsmeistaramótið í handknatt-
leik, sem fram fór árið 1995. Við-
byggingin yrði þá nýtt sem tengi-
bygging við nýtt hús austan Laug-
ardalshallar. Steinunn segir að þeg-
ar viðbyggingin var byggð á sínum
tíma hefðu slík áform um framtíð-
arnýtingu einmitt verið uppi. Með
því væri hægt að samnýta Laugar-
dalshöllina, tengibygginguna og
nýtt hús til sýninga, íþróttaiðkana
og fleiri nota.
Annar staður en Laugar-
dalur inögulegur
í greinargerð sem fylgir tillög-
unni er vinnuhópnum gefin heimild
til þess að kanna aðra staðsetningu
en í Laugardal. Húsið á að rúma
knattspyrnuvöll í fullri stærð og
frjálsíþróttaaðstöðu þar í kring.
„Gert er ráð fyrir að vinnuhópur-
inn starfi í nánu samstarfi við
Frjálsíþróttasamband Islands
enda verður að huga að hagsmun-
um frjálsíþróttafólks í þessu sam-
bandi sem og knattspyrnumanna,“
segir Steinunn.
Ekki er ákveðið hvenær vinnu-
hópurinn skilar tillögum en ráðgert
er að það verði með haustinu. Hóp-
urinn verður skipaður á næstu dög-
um.
Loðnuvertíðin hafin
Horfur á
mörkuðum
sjaldan betri
HORFUR á mörkuðum fyrir
loðnuafurðir hafa sjaldan eða
aldrei verið betri að sögn Sólveigar
Samúelsdóttur, markaðsstjóra SR-
mjöls. Hefur verð á lýsi hækkað
um 100 dollara og fást nú um
38.500 krónur fyrir tonnið. Verð á
mjöli er svipað og í fyrra, um
47.400 krónur fyrir tonnið, en Sól-
veig segir að á móti komi mikil
gengishækkun á pundinu.
Loðnuvertíðin hófst á miðnætti
og voru 34 íslensk loðnuskip komin
á miðin í gærkvöldi. Flest þeirra
leituðu að loðnunni á stóru svæði
langt norðvestur af Kolbeinsey.
Lítið hafði sést af loðnu þegar síð-
ast fréttist. Segja skipstjómar-
menn sjó vera mjög kaldan á því
svæði þar sem veiði hófst í fyrra.
Um 25 norsk loðnuskip voru í
gær saman komin á athugunar-
punkti A, sem er um 180 sjómílur
norður af landinu, og biðu þess að
taka þátt í loðnuleitinni. Fiskistofa
gaf í gærmorgun út veiðileyfi fyrir
30 norsk loðnuskip í íslensku land-
helginni.
■ Lítið fundist/20
Lánsfjárþörf ríkissjóðs fer minnkandi vegna bættrar stöðu
Erlendar skammtímaskuldir
lækka um 2,8 milljarða
ALLT útlit er fyrir að hrein innlend
lánsfjárþörf ríkisins verði um 5,2
milljarðar kr. á öðrum ársþriðjungi
þessa árs sem er veruleg lækkun
miðað við fyrstu fjóra mánuði ársins
eða sem nemur 3,1 milljarði kr. A
tímabilinu maí-ágúst í fyrra var hrein
lánsfjárþörf ríkissjóðs tæpir sjö millj-
arðar kr. Þá hafa skammtímaskuldir
ríkissjóðs lækkað erlendis um 2,8
milljarða króna frá áramótum.
Meginskýringin á þessari minnk-
andi lánsfjárþörf ríkissjóðs er sú að
í stað hallareksturs gera fjárlög ráð
fyrir að ríkissjóður verði rekinn
með afgangi á yfirstandandi ári. Á
tímabilinu maí-ágúst er gert ráð
fyrir að verg innlend lánsfjárþörf
verði um 6,9 milljarðar og henni
verði mætt með sölu ríkisverðbréfa
til lengri tíma, að fjárhæð 2,8 millj-
arðar. Mismunurinn, 4 milljarðar,
er aðallega til kominn vegna hárra
endurgreiðslna vaxta og barnabóta.
Ríkissjóður umsvifa-
minni á markaði
Ríkissjóður hefur orðið umsvifa-
minni á innlendum lánamarkaði að
undanfórnu og hefur bætt staða rík-
issjóðs m.a. gefið tilefni til að lækka
erlendar skuldir. Gert er ráð fyrir
að erlendar lántökur á öðrum árs-
þriðjungi verði 2,2 milljarðar en til
samanburðar voru erlendar lántök-
ur ríkissjóðs á sama tímabili í fyrra
12,2 milljarðar.
Að sögn Magnúsar Péturssonar,
ráðuneytisstjóra í fjármálaráðu-
neytinu, hefur ríkissjóður á þessu
ári m.a. greitt upp japanskt lán að
fjárhæð rúmir tveir milljarðar kr.
Unnið hefur verið að því að greiða
niður skammtímalán ríkissjóðs er-
lendis. Frá áramótum hafa skamm-
tímaskuldir ríkissjóðs erlendis
lækkað um 40 milljónir dollara eða
sem svarar um 2,8 milljörðum kr.
Morgunblaðið/Arnaldur
Leifur
heppni
fluttur
TIL stendur að flytja styttuna
af Leifi heppna Eiríkssyni á
Skólavörðuholti meðan undir-
lagið er lagað. Jón A. Jónsson,
framkvæmdastjóri Víkurverks,
sem annast framkvæmdir á
Skólavörðuholtinu, segir að ver-
ið sé að skipta um jarðveg á
svæðinu og sfðan eigi að hellu-
leggja þar. Styttan verði flutt á
meðan. Jón segir að hún verði
færð til um hálfan metra miðað
við núverandi staðsetningu.
Settur verði nýr og lægri stallur
undir styttuna.