Morgunblaðið - 14.12.1997, Page 48

48 SUNNUDAGUR 14. DESEMBER 1997
MORGUNBLAÐIÐ
Grettir
Smáfólk
Æ! ó! æ! ó!
//-20
iJJJJJiJlJJiJJJJ
•»
BREF
TIL BLADSLNS
Kringlan 1103 Reykjavík • Sími 5691100 • Símbréf 569 1329
V íkverj aveilur
Frá Steinþóri Jónssyni:
VÍKVERJI andmælir 9. desember
sl. bréfkorni mínu er birtist í Morg-
unblaðinu 6. desember um frétta-
mat þess sama blaðs. Víkveiji segir
m.a. að það sé hlutverk fjölmiðla
að gera forystumönnum í stjórn-
málum eða hveijum öðrum kleift
að koma skoðunum sínum á fram-
færi. Það hafi verið tilefni þeirrar
umfjöllunar Morgunblaðsins um
fjárhagsáætlun Reykjavíkur, sem
ég deildi á, að borgarstjórinn í
Reykjavík kallaði til blaðamanna-
fundar til kynningar á henni. Jafn-
framt segir Víkveiji: „Frásögn
Morgunblaðsins er frásögn af mál-
flutningi borgarstjóra á þessum
blaðamannafundi," sem er rétt og
óvefengjanlegt, en Víkveiji heldur
áfram: „Fyrirsögn og undirfyrir-
sögn lýsa mati borgarstjóra á stöðu
mála“, sem er rétt, svo fremi að
borgarstjóri setji upp fyrirsagnir
Morgunblaðsins. Og í því var gagn-
rýni mín fólgin. Er það virkilega
svo að ég eða hver annar ábyrgur
maður eða samtök gætu haldið
blaðamannafund og haldið fram
álíka staðleysu og borgarstjóri, að
því væri skellt upp með stríðsletri?
Væri þvi t.a.m. haldið fram á blaða-
mannafundi að jörðin væri flöt,
virðist á öllu að Víkveiji, fengi hann
að ráða, myndi hafa fundið frétt
aldarinnar og slægi henni upp á
forsíðu. Dálkur Víkveija er skrifað-
ur í skjóli nafnleyndar þannig að í
raun er verr fyrir honum komið í
siðferðisefnum en borgarstjóranum
sem ber vitleysur sínar á borð fyrir
alþjóð án grímu. Geri maður hins
vegar ráð fyrir að hann sé blaða-
maður, þó maður vilji ekki standa
of fast á þeirri fullyrðingu, þá ætti
honum að vera ljóst að máttur fýrir-
sagna er mikiil. Ræðst það af gerð
nútíma þjóðfélags, tímaþröng fólks
og jafnvel áhugaleysi. Fyrirsagnir
geta því verið skoðanamótandi. Það
er því ábyrgðarleysi af hálfu Morg-
unblaðsins að slá upp með stríðs-
letri slíkum fullyrðingum sem eru
svo umdeildar og í raun á skjön við
sannleikann. Með þannig vinnu-
brögðum eru hveijir þeir sem
áhyggjur hafa af fjárhag Reykja-
víkurborgar og mótmæla gerðir tor-
tryggilegir. Víkveiji segir ennfrem-
ur að minnihluti sjálfstæðismanna
í borgarstjóm gæti efnt til blaða-
mannafundar og: „... meira að
segja lagt fram súlurit á slíkum
fundi, sem sýndi veruleikann í fjár-
hagsmálum borgarinnar frá sjónar-
hóli minnihlutans ...“ Er það sem
sé svo að í borgarmálum er aðeins
til „veruleiki“ minni- eða meiri-
hluta? Er engin von til þess að
Morgunblaðið treysti sér til að gera
sjálft úttekt á fjárhagsmálum borg-
arinnar á grundvelli eigin góðu
blaðamennsku og gagnrýninnar
umfjöllunar? Veit Víkveiji ekki að
til er nokkuð sem heita staðreynd-
ir, er hann segir mig gera þá kröfu
til Morgunblaðsins að það blandi
saman fréttum og skoðunum? Eða
eru fréttir og skoðanir kannski
hafnar yfir staðreyndir á ritstjórn
Morgunblaðsins?
Víkveiji segir að ef Morgunblaðið
vilji lýsa skoðunum sínum á fjárhag
borgarinnar sé það gert í leiðara.
Það er rétt og það vita menn, en
þarf það að koma í veg fyrir gagn-
rýna blaðamennsku á öðrum síðum
blaðsins? Sama dag og Víkveiji
sendir mér skeyti sitt birtist í leið-
ara Morgunblaðsins umfjöllun um
þá bókhaldsblekkingu borgarstjóra
sem ég nefndi í bréfí mínu og er
það vissulega gleðiefni að úr þeirri
háu höll sé minnst á þetta mál.
Vonandi að það hafi ekki farið fram
hjá Víkveija.
Að lokum segir Víkveiji: „Ætla
mætti að slík undirstöðuatriði nú-
tíma blaðamennsku væru flestum
ljós, sem á annað borð fylgjast með
opinberum málum.“ Og jafnframt
að bréf mitt sýni að enn skorti tölu-
vert á að svo sé. Það hljómar væg-
ast sagt undarlega er Víkveiji telur
sig færan um að tala um undir-
stöðuatriði í nútíma blaðamennsku.
Víkveiji, sem hefur tíðkað það í
skjóli nafnleyndar að ausa skömm-
um yfir bensínafgreiðslufólk um
vítt land og kassadömur í Hag-
kaup, eða hvert annað það fólk er
fer í taugarnar á honum, er meira
en lítið ótrúverðugur í því máli. Ef
það er undirstöðu atriði nútíma
blaðamennsku að mati Morgun-
blaðsins þurfa sjálfsagt margir að
endurskoða hug sinn til blaðsins.
STEINÞÓR JÓNSSON,
Hléskógum 18, Reykjavík.
V ísitölutalnaspeki
Frá Tryggva Þór Herbertssyni:
FYRIR réttri viku birtist í Morgun-
blaðinu lesendabréf frá Leó M.
Jónssyni þar sem hann spyr hvort
undirritaður hafi vaðið reyk í um-
fjöllun sinni um verðbólgu á Is-
landi. Ég vil byija á að biðja Leó
afsökunar á að hafa ekki svarað
bréfinu fyrr, en ég hef ekki komist
til þess vegna anna. Bréf Leós er
um margt þarft og gott, þó að fínna
megi rangfærslur eins og að for-
stjóri Þjóðhagsstofnunar hafi komið
að málinu. Leó biður mig um svar
við tveimur spurningum: Hvort það
sé rétt að verðbólga sé ofreiknuð á
íslandi og ef að rétt sé, í hve mikl-
um mæli; hvernig það sé gert og í
hvaða tilgangi. Fyrri spurningunni
er einfalt að svara. Ef sömu lögmál
gilda á íslandi og í öðrum ríkjum
heims þá er verðbólgan ofreiknuð
og ástæðan er að hluta til svar við
seinni spumingunni: Vegna tækni-
legra örðugleika er ekki hægt að
reikna hana algjörlega rétt. Það er
ekki gert vísvitandi og ekki í neinum
sérstökum tilgangi. Ég veit að þessi
svör eru hvorki fugl né fiskur en
vegna þess vettvangs sem þau eru
birt á er ekki hægt að hafa þau
ítarlegri. Jafnframt hefur komið
fram opinberlega að Hagfræði-
stofnun og Hagstofa íslands hyggj-
ast í sameiningu halda málstofu þar
sem reynt verður að kryfja málið
inn að beini. Þangað til verður Leó
að sýna þolinmæði.
TRYGGVI ÞÓR HERBERTSSON,
Hagfræðistofnun HÍ.
MORGUNBLAÐIÐ, Kringlunni 1, 103 Heykjavík. SÍMAR: Skiptiborð: 569 1100. Auglýsingar:
569 1111. Áskriftir: 569 1122. SÍMBRÉF: Ritstjórn 569 1329, fréttir 569 1181, (þróttir 569 1156,
sérblöð 569 1222, auglýsingar 569 1110, skrifstofa 568 1811, gjaldkeri 569 1115. NETFANG:
RlTSTJ(a)MBL.IS, / Áskriftargjald 1.800 kr. á mánuði innanlands. í lausasölu 125 kr. eintakið.