Morgunblaðið - 17.03.1998, Side 54

54 ÞRIÐJUDAGUR 17. MARZ 1998
MORGUNBLAÐIÐ
Dýraglens
10/2Ö © 1S97 PIB Coponhagen pítF Mik iuctir@aol.com n~ i Dist. by UFS, Inc.
!Hv/ ■dif X 1 T
964f '/'l \ .
Smáfólk
MY PITCHER'5 MOUNP MAY
BE COVEPEP U)ITH 5N0W, BUT
THE MEM0RIE5 ARE 5TILL HERE..
2-/0
FORTV TO N0THIN6, TWENTV
TO N0THIN6, FIFTY-THREE TO
N0THIN6, SlXTY TO NOTHINS..
ANPTHAT6REAT / I DON T
6AME lUHEN VOU/ REMEMBER
60THIT0N THE
HEAP BY A
FLV BALL..
THAT..
Það má vera að hóllinn minn sé
þakinn snjó, en minningarnar eru
hér ennþá ...
Fjörutíu á móti engu, tuttugu á Og þessi frábæri leikur þegar þú
móti engu, fimmtíu og þijú á móti fékkst flugbolta í hausinn. Ég man
engu .. . ekki eftir því...
BRÉF
TIL BLAÐSINS
Kringlan 1 103 Reykjavfk • Sími 569 1100 • Símbréf 569 1329
MFS - frábær þjónusta
Frá Önnu Jóhannsdóttur:
Á FIMMTUDAG birtist hér á síðun-
um bréf frá manni sem taldi Land-
spítalann mismuna konum eftir því
hvemig heilbrigði þeirra væri háttað
á meðgöngu og við fæðingu. Kom þar
meðal annars fram sú skoðun hans að
konur sem væra í MFS-þjónustunni,
sem fjallað var um í Morgunblaðinu
fyrir skömmu, ættu að greiða ríflegt
aukagjald fyrir þjónustuna. Var í
greininni talað um lúxus, íburð og
svítur, fin hótel og þar fram eftir
götum. Þar sem ég var sjálf í þessari
þjónustu á síðasta ári, vildi ég koma
á framfæri nokkrum athugasemdum
við þær rangfærslur sem þarna
komu fram. MFS-þjónustan byggir á
heimilislegu, persónulegu andrúms-
lofti og aðbúnaði. Það er enginn
íburður eða lúxus henni tengdur og
þjónustan er greinilega fjársvelt eins
og annað í heilbrigðiskerfmu, en það
munar miklu um það heimilislega út-
lit sem er á fæðingarstofum og skoð-
unarstofu, viðmót ljósmæðranna og
andrúmsloftið sem myndast. Aðeins
6 ljósmæður starfa í þessari þjón-
ustu þannig að sá fjöldi kvenna sem
þær geta sinnt er takmarkaður. Að-
staðan í fæðingarstofunum er heimil-
isleg, en tæknin til staðar ef á þarf
að halda. Foreldrarnir dvelja á fæð-
ingarstofunni frá því að þau koma á
deildina, þar til þau fara heim með
bamið, þannig að fæðingin fer fram
inni á stofunni. Barnið dvelur svo hjá
foreldrunum inni á stofunni þar til
farið er heim. Það er oftast farið
heim innan sólarhrings frá fæðingu
og því fer sængurlegan í raun fram
heima hjá manni sjálfum. Það má
segja að MFS-þjónustan komist
næst því að vera heimafæðing, en þó
með hátæknisjúkrahús handan við
’ dyrnar.
Það fylgir þessari þjónustu tölu-
verður sparnaður fyrir spítalann og
heilbrigðiskerfið í heild. Hver legu-
dagur á hátæknisjúkrahúsi er mjög
dýr og með því að lágmarka sængur-
leguna, en fá þjónustu Ijósmóður
heim efth- fæðingu fæst gríðarlegur
sparnaður. Sem betur fer virðist
stefnan vera í þá átt að hætt verði að
líta á það sem sjúkdóm í sjálfu sér að
vera barnshafandi. Ég get hins veg-
ar tekið undir eitt af því sem fram
kemur í fyrrnefndri grein, að aðbún-
aður á kvennadeildinni er til skamm-
ar, svo og þjónusta við fæðandi kon-
ur á höfuðborgarsvæðinu almennt.
Auðvitað ættu allir nýbakaðir for-
eldrar að geta verið saman með
bamið sitt, á heimilislegri einkastofu
í ró og næði. Jafnframt þyrfti að
vera boðið upp á fjölbreytilegri þjón-
ustu við fæðingar, t.d. afslöppun í
vatni á meðan hríðir era, eða fæð-
ingu í vatni ef konan óskar. Engin
slík þjónusta er á höfuðborgarsvæð-
inu, þar sem um helmingur lands-
manna býr en hins vegar er boðið
upp á ýmsa þjónustu af þessu tagi
t.d. á Selfossi og í Keflavík. Það er
varla Landspítalanum um að kenna
sem slíkum, hann er í fjársvelti með
sífellt fleiri sjúklinga og dýrari að-
gerðir. Ég vil hins vegar skora á
heilbrigðisyfirvöld, ráðherra og aðra
sem peningavaldið hafa, að bregðast
við og sjá til þess að meðganga, fæð-
ing og sængurlega geti orðið betri,
notalegri og heimilislegri fyrir móð-
ur, fóður og böm.
Að lokum vil ég nota tækifærið og
þakka ljósmæðrum MFS-þjónust-
unnar fyrir að gera þessa einstöku
upplifun svona sérstaka og yndislega
með aðstoð sinni og aðbúnaði.
ANNA JÓHANNSDÓTTIR,
Arnarhrauni 18, Hafnarfirði.
Handbókin hennar
Jónínu minnar
Frá Christian Þorkelssyni:
SJALDAN eða aldrei hef ég orðið
jafn gáttaður og þegar grein Krist-
jáns Ottóssonar, framkvæmdastjóra
Hita- og loft-
ræstiþjónustunn-
ar og Lagnafé-
lags Islands,
birtist í DV.
Þessi grein
hefur eflaust átt
að vera skemmti-
lestur út í gegn,
enda skrifaður
gamanleikþáttur
sem fjallar um
hjónin í Fúlavogi 28 og samskipti
þeima við píparann, hönnuðinn og
loks Lagnafélagið, þar sem þeirra
mál fengu auðvitað góðan endi og ör-
væntingarfullri leit þeii-ra að hand-
bókinni endaði að sjálfsögðu þar.
En mér var ekki skemmt við
þennan lestur frekar en öðrum
starfsbræðrum mínum. Ég ætla ekki
að elta ólar við þessa grein enda
vona ég að hún dæmi sig sjálf. Samt
verð ég að segja að mér finnst ómak-
lega vegið að pípulagningamönnum,
sérstaklega af því að fyrir
skemmstu, á sameiginlegum fundi
lagnamanna og Byggingafulltrúa um
gerð handbóka lagnakerfa, voram
við Kristján Ottósson sammála eins
og flestir fundarmanna um að hand-
bók í einbýlishúsum og öðrum litlum
kerfum, væri lítið annað en skýring-
artafla uppi á vegg í kyndiklefa, sem
ég veit að fer vaxandi meðal pípu-
lagningamanna að skilja eftir, og að
gerð handbóka (þar sem hennar er
þörf í stærri kerfum) ætti að vera í
höndum hönnuða og á ábyrgð þeirra.
Kristján Ottósson verður að vera
sjálfum sér samkvæmur stöðu sinn-
ar vegna, því annars er hætta á að
tiltrú manna á Lagnafélagi íslands
hverfi fyrir fullt og allt.
Niðurlagið í greininni má skilja
þannig að Lagnafélagið vilji helst af
öllu vera athvarf fyrir fólk sem hefur
orðið fyrir þeirri óheppni að þurfa að
versla við þessa menn sem hvort sem
er „ekkert upplýsandi kemur frá“,
hönnuðum og iðnaðarmönnum. Ég
er með tillögu í framhaldi áf þessu
um nýtt nafn á Lagnafélaginu,
hvernig líst ykkur á Lagnaathvarfið.
Annars vil ég nota tækifærið og
benda fólki á skrifstofu Félags pípu-
lagningameistara, Hallveigarstíg 1 í
síma 552 9744. Þar situr pípulagn-
ingameistari við símann, og er ör-
ugglega betur í stakk búinn til þess
að leiðbeina fólki þegar hvaðeina
sem snertir okkar fag kemur upp.
CHRISTIAN ÞORKELSSON,
formaður Félags pípulagningameistara.
Allt efni sem birtist t Morgunblaðinu og Lesbðk er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.