Morgunblaðið - 29.05.1998, Page 19
MORGUNBLAÐIÐ
VIÐSKIPTI
FÖSTUDAGUR 29. MAÍ 1998 19
GSM-sími
beggja
vegna Atl-
antsála
HEIMILISTÆKI hf., umboðs-
aðili Bosch Telecom á íslandi,
hefur hafið sölu á nýjum Multi-
band GSM-síma frá Bosch, seg-
ir í fréttatilkynningu frá Heim-
ilistækjum. Síminn World-Com
718 er fyrsti síminn sem hægt
er að nota bæði í Evrópu og
Bandaríkjunum. Fyrir fólk sem
ferðast mikið til útlanda og þarf
að vera í stöðugu símasambandi
er mikill kostur og öryggi að
geta notast við sama farsímann,
nánast hvar sem er í heiminum.
Síminn skiptir sjálfkrafa á
milli farsímakerfanna án þess
að notandinn verði var við það.
Þetta þýðir að einnig er hægt
að ná í fólk í sama símanúmerið
hvort sem það er statt í Evrópu
eða Bandaríkjunum.
Áskrifendur Tals geta fljót-
lega notað Talkortin sín víðs-
vegar um Bandaríkin og áskrif-
endur Landssíma Islands geta
nú þegar notfært sér þjónustu
þessa á Austurströnd Banda-
ríkjanna. Þeim, sem vilja afla
sér frekari upplýsinga um hvar
þessi þjónusta býðst, er bent á
að hafa samband við Tal eða
Landssíma Islands, segir í
fréttatilkynningu frá Heimilis-
tækjum.
Aðalfundur
ÍMARK 1998
AÐALFUNDUR ÍMARK - fé-
lags íslensks markaðsfólks
verður haldinn í dag kl. 17.15 á
Hótel Sögu, í Sal C.
ÍMARK félagar eru hvattir
til þess að mæta á fundinn, seg-
ir í fréttatilkynningu, en ein-
göngu þeir sem greitt hafa fé-
lagsgjöld fyrir starfsárið 1997-
98 eiga rétt á setu á fundinum.
Hægt er að greiða félagsgjöldin
við innganginn.
Olíuverð
lækkar enn
London. Reuters.
OLÍUVERÐ á heimsmarkaði
heldur áfram að lækka vegna
offramboðs, sem er framleið-
endum i Miðausturlöndum
áhyggjuefni.
Verð á olíu til afhendingar í
júlí lækkaði um 24 sent í 13,82
dollara tunnan á þriðjudag.
Reynt hefur verið að koma í veg
fyrir að verðið lækki niður fyrir
14 dollara á undanfórnum vik-
um.
Aukin
ónusta
Opið:
Mán.-fös. 8-21
Lau. 8-19
Sun. 10-19
Húsasmiðjan
Fossaleyni 2
Grafarvogi
S: 586 2000
HÚSASMIBJAN
Samkeppnisráð höfðar mál vegna samruna Myllunnar-Brauðs og Samsölubakarís
Krafíst ógildingar úrskurð-
ar og nýrrar afgreiðslu
STEFNA samkeppnisráðs á hendur Myllunni-
Brauði hf., Mjólkursamsölunni í Reykjavík og
áfrýjunarnefnd samkeppnismála vegna ógilding-
ar á samruna Myllunnar og Samsölubakarís var
þingfest í Héraðsdómi Reykjavíkur í gær. Kraf-
ist er ógildingar úrskurðar áfrýjunarnefndar og
þess að hún taki málið fyrir á ný á grundvelli
annarra málsástæðna en þeirrar að frestur sam-
keppnisráðs til afskipta af málinu hafi verið lið-
inn.
Mjókursamsalan seldi Myllunni-Brauði hf. öll
hlutabréfin í Samsölubakaríi hf. með kaupsamn-
ingi 19. desember síðastliðinn. Samkeppnisráði
var tilkynnt um kaupin 22. desember og að lok-
inni athugun Samkeppnisstofnunar ákvað sam-
keppnisráð, á grundvelh samkeppnislaga, að
ógilda samrunann. Þeirri ákvörðun var vísað til
áfrýjunarnefndar samkeppnismála sem úrskurð-
aði ákvörðun samkeppnisráðs ógilda vegna þess
að frestur ráðsins til ákvörðunarinnar hafi verið
liðinn. Munaði þar einum degi og skipti því öllu
máli túlkun á því hvenær sá tímafrestur sem lög-
in veita samkeppnisyfirvöldum byrjar.
Fram kemur í rökstuðningi lögmanns sam-
keppnisráðs, Karls Axelssonar hrl. á Lögmanns-
stofu Jóns Steinars Gunnlaugssonar, að máls-
sóknin miði að því einu að fá þá forsendu áfrýjun-
arnefndar fellda úr gildi, að tímafrestur ráðsins til
að ógilda úrskurðinn hafi verið fallinn niður. Tel-
ur samkeppnisráð að sú niðurstaða sé efnislega
röng og leiði þess utan til óviðunandi réttaróvissu
og erfiðleika við það eftirlitsstarf sem samkeppn-
isyfirvöldum er ætlað að inna af hendi. Er því
höfðað mál á hendur Myllunni-Brauði hf. og
Mjólkursmsölunni í Reykjavík til ógildingar úr-
skurði áfrýjunamefndarinnar. A hendur áfrýjun-
amefndar samkeppnismála er gerð sú dómkrafa
að lagt verði fyrir nefndina að taka málið upp á ný
til afgreiðslu á grundvelli annarra málsástæðna
stefndu en að frestur ráðsins hafi verið liðinn.
Frestur miðist við afhendingu gagna
Stefnandi byggir aðallega á því að skilja beri
umrætt frestsákvæði samkeppnislaga svo að
frestur byrji að líða þegar gögn, er gera sam-
keppnisyfirvöldum kleift að leggja mat á sam-
keppnisleg áhrif samruna, berast frá aðilum
málsins. Bent er á að ef ekki verði miðað við þann
tíma verði framkvæmd lagaákvæðisins miklum
erfiðleikum háð. Þannig gætu aðilar dregið að af-
henda gögn fram yfir frest með þeim afleiðingum
að samkeppnisyfirvöld hefðu ekki aðstöðu til að
meta samkeppnisleg áhrif samruna þegar sá tími
væri kominn.
Verði ekki fallist á þessa túlkun er á þvi byggt
að frestur byrji ekki að líða fyrr en samkeppnis-
yfirvöldum hefur borist formleg tilkynning frá
aðilum um samrunann. í því sambandi er þeirri
skoðun lýst að fráleitt sé að telja að fresturinn
byrji að líða við það að starfsmaður Samkeppnis-
stofnunar heyri mögulega fréttir í útvarpi. Með
þeim hætti væri uppi fullkomin óvissa um máls-
meðferð samkeppnisyfirvalda í samrunamálum
með tilheyrandi erfiðleikum fyrir fyrirtæki og at-
vinnulífið i heild.
í stefnunni er bent á fjóra aðra möguleika á
túlkun á því hvenær frestur hefur byrjað og telja
og hvenær honum væri lokið. í öllum tilvikum
hefði úrskurður samkeppnisráðs talist innan til-
skilins frests.
Héraðsdómur hefur samþykkt að málið sæti
flýtimeðferð.
Nvir ríkisvíxlar
Nú hefur flokkum ríkisvíxla verið fækkað og þeir flokkar sem eftir eru stækkaðir í
markflokka. Þetta er gert í kjölfarið á vel heppnaðri markflokkavæðingu spariskírteina
og ríkisbréfa. Markflokkafyrirkomulagið tryggir kaupendum og seljendum ríkisvíxla
bestu markaðskjör á hverjum táma, öllum aðilum á markaðnum til hagsbóta.
Útboð ríkisvíxla munu fara fiam eins og áður í upphafi hvers mánaðar og nálægt
miðjum mánuði.
í útboði 2. júní verða eftirfarandi flokkar ríkisvíxla í markflokkum boðnir út:
FlokkuT: Núverandi Gjalddagi Lánstími stada* Áætlad hámark tekinna tilboda*
RV98-0819 19. ágústI998 2 V2 mánviðir 1-775 1.500
'
* Milljónir króna.
Uppbygging markflokka ríkisvíxla
Staða ríidsvíxla 19. maí, 13.050 milljónir króna.
Aætluð hámarksstærð og sala í útboði 2. júní 1998.
Sölufyrirkomulag:
Ríkisvíxlamir verða seldir með tílboðsfyrirkomulagi.
Öllum er heimilt að bjóða í ríkisvíxla að því tilskyldu að
lágmarksfjárhæð tilboðsins sé ekki lægri en 20 miiljónir.
Öðrum aðilum en bönkum, sparisjóðum, fjárfestinga-
lánasjóðum, verðbréfafyrirtækjum, verðbréfasjóðum,
lífeyrissjóðum og tryggingafelögum er heimilt að gera
tilboð í meðalverð samþykktra tilboða, að lágmarki
500.000 krónur.
Öll tilboð í ríkisvíxla þurfa að hafa borist Lánasýslu ríkisins
fyrir kl. 11:00, þriðjudaginn 2. júni. Útboðsskilmálar,
önnur tilboðsgögn og allar nánari upplýsingar eru veittar
hjá Lánasýslu rikisins, Hverfisgötu 6, í síma S62 4070,
LÁNASÝSLA RÍKISINS
Hverfisgata 6, 2. hæð • sími: 562 4070 • fax: 562 6068
heimasíða: www.lanasysla.is • netfang: lanasysla@lanasysia,is