Morgunblaðið - 12.07.1998, Síða 8

8 SUNNUDAGUR 12. JÚLÍ 1998
FRETTIR
MORGUNBLAÐIÐ
ERNIR OG EITUR

. 1
(<5-rtu !\/Q
SVONA, slepptu raér, ófétið þitt, þetta er nú pólitísk ákvörðun.
Gatnamót Hringbrautar og Öldugötu í Hafnarfírði
Ibúar kvarta yfir
hárri árekstratíðni
FIMMTÁN íbúar sem búa í
grennd við gatnamót Hringbrautur
og Öldugötu í Hafnarfirði hafa sent
frá sér erindi til bæjaryfirvalda þar
sem bent er á að þar hafi orðið tíu
umferðarslys á tæpum tveimur ár-
um. Þeir spyrja hvort ekki sé kom-
inn tími til aðgerða til að bæta úr
ástandinu.
Samkvæmt því sem fram kemur
í erindi íbúanna varð síðast um-
ferðarslys á gatnamótunum síð-
astliðinn miðvikudag. Þá var kona
flutt á slysadeild með höfuðá-
verka, tveir bílar skemmdust
verulega og tjón varð á umferðar-
skilti og garði húss sem stendur
við gatnamótin.
Kristinn Óskar Magnússon,
bæjarverkfræðingur í Hafnarfirði,
segir að fyrir nokkrum árum hafi
Öldugötu verið breytt í einstefnu-
götu vegna harðra árekstra sem
þar höfðu orðið. „Við lásum út úr
skýrslum að árekstramir hefðu
oftast orðið þannig að menn komu
upp Öldugötuna og inn á Hring-
brautina. Nú hljóta menn að vera
að koma niður Öldugötuna úr
hinni áttinni þegar árekstramir
verða. Það kemur mér á óvart að
vandamálið sé enn til staðar og ég
hef ekki fengið upplýsingar um
það áður. Við fylgdumst sérstak-
lega með gatnamótunum um skeið
eftir breytinguna og okkur sýndist
þá að mjög hefði dregið úr
árekstrum."
Erfítt að gera
breytingar
Kristinn segir að samkvæmt of-
angreindum upplýsingum frá íbú-
unum sé árekstratíðnin mjög há
miðað við þá umferð sem sé um
þessi gatnamót. „Þetta era mjög
þröng gatnamót og útsýni slæmt
og það er erfitt að breyta nokkra.
Morgunblaðið/Björgvin Ibsen Helgason
TÍUNDI áreksturinn á tæpum tveimur árum varð við gatnamót Oldu-
götu og Hringbrautar í Hafnarfirði sfðastliðinn miðvikudag.
Fyrir tæpum tíu áram var reynt að Kristinn segist ætla að kynna
setja eyjar þarna en það hafði eng- sér aðstæður og athuga hvað hægt
in áhrif.“ verði að gera til úrbóta.
Lýkur verklegu lögfræðinámi á íslandi
Hjartahlýja er
meira virði en
hlýtt loftslag
Jochen Kattoll
UNGUR Þjóðverji,
Jochen Kattoll, er
að ljúka verklegri
þjálfun fyrir embættispróf í
lögfræði á íslandi með sex
vikna starfi hjá A&P lög-
mönnum í Borgartúni.
Jochen kom fyrst til Is-
lands árið 1995, á vængjum
ástarinnar að eigin sögn.
Að starfinu loknu mun
hann fara í sumarbústað og
ferðast um landið með
tengdafólki sínu.
- Hvers vegna komstu
hingað í verklegt nám ?
„Ástæðurnar era tvær.
Eg lauk laganámi árið 1996
og að því búnu er krafist
tveggja ára starfsnáms hjá
þýska ríkinu til þess að
ljúka embættisprófi. Ríkið
borgar mér laun og því þarf
ég að stunda vinnu hjá ýmsum
stofnunum dómskerfisins. Hægt
er að stunda hluta verknámsins
erlendis og því er ég hér í tíma-
bundnu starfi hjá lögfræðifyrir-
tæki. Mig langaði til þess að ferð-
ast eftir að hafa verið í Þýska-
landi í rúmt eitt og hálft ár, auk
þess er unnusta mín íslensk og
ég hef komið hingað nokkram
sinnum áður í fríum.“
- Hvemig hefur þér líkað
starfið? Eru Islendingar ólíkir
Þjóðverjum í vinnu?
„Það er munur á þjóðunum, en
jákvæður munur að mínu mati.
Ég hef starfað á Italíu, þar sem
mér líkar afar vel við bæði land
og þjóð, en það sem ég saknaði
þar var skipuleg og árangursrík
vinnubrögð sem ég þekki að
heiman. Ég myndi segja að Is-
lendingar væra mitt á milli. Af-
staða Islendinga er að sumu leyti
mannlegri en Þjóðverja, sem
verða brjálaðir ef maður kemur
einni mínútu of seint. Þeir leggja
meiri áherslu á góð samskipti við
vinnufélagana og þess háttar
hluti en stundvísi. Aginn er
minni, sem mér líkar mjög vel, og
árangurinn af starfinu er sá sami
þegar upp er staðið. Þá er til-
ganginum náð.“
- Hvemig hefur þér líkað
dvölin?
„Ég hef fengið tækifæri til
þess að heimsækja ýmsar stofn-
anir hérlendis, þar sem mér hef-
ur verið sýnd mikil gestrisni. Ég
hef skoðað Hæstarétt, þar sem
ég naut leiðsagnar Hjartar
Torfasonar sem leiddi mig í allan
sannleik um starfsemina. Einnig
hef ég farið í dómsmálaráðuneyt-
ið og utanríldsráðuneytið þar
sem Helgi Ágústsson sendiherra
fræddi mig um samskipti Þýska-
lands og Islands. Þá hef ég skoð-
að Verslunarráð íslands, sem var
mjög áhugavert, þýska sendiráð-
ið, Háskólann og fleiri staði. Mér
hefur alls staðar verið mjög vel
tekið og heimsóknin
því verið mjög
ánægjuleg. Evrópu-
samtök ungra laga-
nema, The European
Law Students’ Associ-
ation, hafa líka tekið
vel á móti mér, boðið mér á fundi
og í skoðunarferðir um landið.
Sem er mjög fallega gert. Ég hef
komist að því að hjartahlýja er
meira virði en hlýtt loftslag!"
- Hvaða málefni brenna helst
á Þjóðverjum um þessar mundir?
„Það er einkum tvennt, í fýrsta
lagi mildð atvinnuleysi. Éjöldi
Þjóðverja kvíðir framtíðinni af
þeim sökum. Starfsumhverfið er
að breytast og fyrirséð að ekki
► Jochen Kattoll fæddist í
Weingarten í grennd við Stutt-
gart í Þýskalandi hinn 8. maí
árið 1969. Faðir hans, sem er
verkfræðingur, fæddist í austur-
hluta Prússlands, þar sem nú er
Pólland, árið 1941, en flúði til
suðurhluta Þýskalands árið
1944 með móður sinni. Móðir
Jochens, sem er grunnskóla-
kennari, fæddist í Stuttgart árið
1941. Hann lauk prófi frá Eber-
hard-Ludwigs-Gymnasium árið
1989 og hafði þá lagt stund á
nám í latínu í níu ár og ensku
og frönsku í fimm ár. Frá 1986-
1988 starfaði hann á hrossabúi í
grennd við Bordeaux í Frakk-
landi og frá 1989-1991 á spítala
fyrir fötluð börn í stað þess að
gegna herþjónustu. Jochen nam
síðan lögfræði við Heidelberg-
háskóla og útskrifaðist árið
1996. Hann lagði ennfremur
stund á ftölsku og starfaði af og
til í Mílanó, Napólí og Róm á
ftalíu frá 1991-1994, meðal ann-
ars í tengslum við tfskuiðnað-
inn. Einnig nam hann lögfræði
við Kaþólska háskólann í
Milanó. Frá 1996-1998 hefur
hann hlotið verklega þjálfun í
Þýskalandi fyrir embættispróf,
meðal annars A&P lögmönnum
í Reykjavík. Sambýliskona
Jochens er Guðrún Rós Jóns-
dóttir sem starfar hjá Hewlett-
Packard í Þýskalandi. Þau eru
búsett í Stuttgart.
verði þörf á jafn mörgum starfs-
kröftum og áður. Þjóðverjar virð-
ast vera dálítið seinir til þess að
bregðast við þessum nýja vera-
leika, til dæmis í samanburði við
Dani eða Hollendinga. Þjóðfé-
lagsleg vandamál era mikil um
þessar mundir og við því að búast
að breytingar verði á stjóm
landsins í september vegna
óánægju almennings. Annað sem
Þjóðverjar ræða mikið er Evr-
ópusamstarf og samrani. Þýska-
land hefur verið í far-
arbroddi hvað þá þró-
un varðar hingað til en
í framtíðinni má búast
við mildlli óvissu sök-
um efhahagslegra örð-
ugleika. Fólk óttast
afleiðingar þess að evran taki við
hinu sterka þýska marki.“
- Varstu miður þín þegar Þjóð-
verjar töpuðu fyrir Króötum?
„Ég tók það nærri mér en
fannst úrslitin sanngjörn um leið.
Þýska liðið spilaði ekki vel í
heimsmeistarakeppninni og átti
því ekki skilið að komast í úrslit.
Nú er mikið um það rætt að fá
yngri leikmenn í liðið og gera á
því breytingar."
íslendingar
mannlegri
en Þjóðverjar
í vinnu