Morgunblaðið - 14.07.1998, Blaðsíða 6

6 ÞRIÐJUDAGUR 14. JÚLÍ 1998
MORGUNBLAÐIÐ
FRÉTTIR
Sæbjörg verður
fljótandi
hótel á Húsavík
STJÓRN Slysavamafélags ís-
lands hefur tekið tilboði Arnars
Sigurðssonar á Húsavík í skóla-
skipið Sæbjörgu sem Akraborgin
mun leysa af hólmi sem slysa-
varnaskóli sjómanna.
Kaupverðið hefur ekki verið gef-
ið upp, en samningaviðræðum lauk
nú nýlega. Aðeins er eftir að ganga
frá tveimur atriðum af hálfu kaup-
anda, en skipið mun verða afhent í
lok september.
Að sögn Amars Sigurðssonar
hefúr hann lengi haft augastað á
skipinu og mun hann breyta því
þannig að það henti fyrir gisti- og
veitingaaðstöðu. „Þetta skip hefur
alltaf heillað mig og nú í vor þegar
spurðist út að það væri hugsanlega
falt þá gerði ég tilboð sem var tek-
ið. Eg mun breyta því fyrir gisti-
og veitingarekstur og þá mun ég
einnig verða þar með skrifstofuað-
stöðu mína. Ég ætla að reyna
halda því sögulega gOdi sem þetta
gamla varðskip býr yfir og er ætl-
un okkar sú að vera með muni
tengda Gæslunni og Slysavarnafé-
laginu um borð.“
Gistiaðstaða
fyrir 50
Að sögn Arnars verður gisti-
pláss Sæbjargar tvöfaldað þannig
að það taki 50 manns en litlar
breytingar verða gerðar á skipinu
að utan. Fyrir á Arnar og fýrir-
tæki hans skipin Moby Dick og
Keiko en þau stunda hvalaskoðun-
arferðir.
Gunnar Tómasson, forseti
Slysavamafélagins, segir að til-
boðið hafi verið hagstætt en þó séu
tveir fyrirvarar á kaupunum af
hálfu Arnars. „Stjórn félagsins
ákvað að taka tilboðinu sem var
mjög hagstætt að okkar mati. Það
er þó ekki að fullu frágengið þar
sem tveir fyrirvarar vora af hálfu
kaupanda en þeir snúa að haffæri-
skírteini og bryggjuplássi."
Gunnar telur að þó skipið fari í
einkaeign þá muni saga þess ekki
tapast. „Kaupandinn hefur tjáð
okkur að hann muni halda sögu
skipsins á lofti. Þó svo að þarna
verði veitingaaðstaða þá þarf það
ekki að rýra gildi þess. Við getum
tekið sem dæmi Lækjarbrekku í
'Reykjavík sem haldið hefur sinni
sögu þrátt fyrir breytta notkun."
Aðspurður segir Gunnar að ekki
hafi komið til tals að auglýsa skip-
ið. „Fljótlega eftir að spurðist út
að endumýja ætti Sæbjörgu sýndu
strax nokkrir aðilar áhuga á því.
Við fengum síðan þetta hagstæða
tilboð og það hefði hugsanlega
traflað þær samningaviðræður að
fara auglýsa skipið til sölu.“
Óttast að sagan glatist
Helgi Hallvarðsson, skipherra
hjá Landhelgisgæslunni, telur
hættu á að menningarverðmæti
muni tapast með sölu Sæbjargar.
„Mér finnst furðulegt ef að skipið
á að enda sem matsölu- og gisti-
staður og einkennilegt að enginn
vilji halda því til haga. Helst vildi
ég að það væri sem minjasafn um
þau þorskastríð sem við höfum
gengið í gegnum en það tók þátt í
þeim öllum, eitt íslenskra varð-
skipa. Ef þetta væri hús þá væri
löngu búið að friðlýsa það en þar
sem þetta er skip þá virðist mega
gera hvað sem er við það.“
Sæbjörgin hét áður Þór og var
smíðað sem varðskip í Danmörku
árið 1951 fyrir Landhelgisgæsl-
una. Það var selt til Slysavarnafé-
lags íslands í júní 1986 fyrir 1000
krónur og hefur verið notað sem
skólaskip fram til dagsins í dag.
SKÓLASKIPIÐ Sæbjörgin mun væntanlega fá nýtt hlutverk á Húsavík.
Morgunblaðið/Kristínn
\
1 * \

Sophia komin til
Istanbul eftir
erfítt ferðalag
SOPHIA Hansen er komin til Ist-
anbul og hvflist nú eftir erfitt ferða-
lag frá fjallaþorpinu Divrigi í Tyrk-
landi, en um 1000 kílómetrar skilja
Istanbul og Divrigi að.
Sophia dvaldi í alls fjóra daga í
síðustu viku með dætram sínum
Dagbjörtu og Rúnu í Divrigi, frá
miðvikudegi til laugardags, en þær
mæðgur hafa ekki verið samvistum
svo lengi í áraraðir.
A morgun verður fimmta saka-
málið, sem Sophia hefur höfðað á
hendur barnsföður sínum Halim A1
vegna umgengnisbrota hans, tekið
fyrir í undirrétti í Istanbul og átti
Sophia fund með lögfræðingi sínum
í gær vegna þess.
Að sögn Sigurðar Péturs Harð-
arsonar stuðningsmanns Sophiu
var hún mjög eftir sig eftir ferðlag-
ið enda um mikið „spennufall" að
ræða hjá henni, að hans sögn.
Sigurður sagði að nú væri óvíst
um framhaldið en Sophia á sam-
kvæmt úrskurði Hæstaréttar í
Tyrklandi, rétt á að vera með dætr-
um sínum í júlí og ágúst ár hvert.
Málið sem tekið verður fyrir á
morgun er hið síðasta af fimm sem
höfðað hefur verið á hendur Halim
AI vegna umgengnisbrota hans en
þegar hefur fjórum samskonar mál-
um verið áfrýjað til Hæstaréttar
þar sem þau bíða afgreiðslu.
Þeir sem vilja leggja baráttu
Sophiu lið og láta fé af hendi rakna
til samtakanna Börnin heim geta
snúið sér til Búnaðarbanka íslands
í Kringlunni og lagt fé inn á ávís-
anareikning samtakanna númer
9000.
Lögreglustjórinn í Reykjavík um ógildingu ökuleyfíssviptingar
Meta þarf hvert
og eitt mál
sérstaklega
Atta
konur í
áhöfn
VARÐSKIPIÐ Týr lagði úr
höfn í gær með átta konur í
áhöfn og mun það vera eins-
dæmi í sögu Landhelgisgæsl-
unnar, að sögn Helga Hall-
varðssonar, yfirmanns gæslu-
framkvæmda. Sex kvennanna
fara eina ferð með Tý sem nem-
ar en tvær eru í fastri áhöfn.
Sigurður Steinar Ketilsson
skipherra sagði þetta til marks
um breytta tíma og að öllu
jöfnu gæfu stúlkumar strákun-
um ekkert eftir. F.v.: Linda
Ólafsdóttir viðvaningur, nem-
amir Kristbjörg S. Birgisdóttir,
Edda María Salmarsdóttir,
Svanhvít Pétursdóttir, skip-
herrann Sigurður Steinar Ket-
ilsson, nemamir Kristín Þóra
Henrýsdóttir, Edda Björnsdótt-
ir, Ásdis Ámadóttir og Stein-
unn Einarsdóttir viðvaningur á
dekki.
GEORG Kr. Lárusson, lögreglu-
stjóri í Reykjavík, segir að lögreglan
muni nú meta hvert mál þar sem
ökumaður ekur á minna en 50 km
hraða yfir hámarkshraða vegna ný-
legs úrskurðar Héraðsdóms Reyka-
víkur. Féll hann sl. fóstudag, en þar
er bráðabirgðasvipting lögreglunnar
á ökuleyfi ökumanns, sem tekinn
var fyrir meintan hraðakstur, ógilt
þar sem ágreiningur sé um gildi um-
ræddrar reglugerðar nr. 280/1998
frá í maí sl. Segir jafnframt i niður-
stöðu dómsins um úrskurðinn að
reglugerðin breyti lagavenju sem
myndast hafi um sviptingu ökurétt-
ar.
Þórhallur Ólafsson, aðstoðarmað-
ur dómsmálaráðherra, segir reglu-
gerðina tilkomna vegna þess að lög-
reglan hafi óskað eftir skýrari línum
vegna þessara mála. „Við ákváðum
að setja skýrar reglur um sektir og
sviptingu og fleira því lögreglan
vildi vita hvar hún stæði en úrskurð-
urinn nú segir að ekki sé dómshefð
fyrir sviptingu á þennan hátt og að
ágreiningur sé um lagastoð reglu-
gerðarinnar,“ sagði Þórhallur í við-
tali við Morgunblaðið í gær.
Þórhallur segir að ríkissaksókn-
ari hafi áður gefið út leiðbeiningar
og á grandvelli þeirra hafi skapast
ákveðin hefð hjá dómurum við öku-
leyfissviptingar. Hann segir ekki
ljóst í framhaldi af úrskurðinum sl.
föstudag og áþekkum úrskurði í
Héraðsdómi Vestfjarða í síðasta
mánuði hvort hugað verður að laga-
breytingu eða látið reyna frekar á
málið fyrir dómstólum. Ekki þurfi
þó annað en bæta við einni setningu
í lögin þess efnis að ráðherra setji
nánari reglur um sviptingu. Kveðst
hann þó sannfærður um að reglu-
gerðin muni standast fyrir dómi.
Þórhallur segir fjölmargar breyt-
ingar hafa orðið á umferðarlögum á
þremur árum og þurfi að endur-
skoða ýmislegt í þeim nú þegar
reynsla sé komin á þau.
Georg Kr. Lárusson, lögreglu-
stjóri í Reykjavík, segir að reglu-
gerðin frá í maí sé mikil breyting á
réttarframkvæmdinni og sú spum-
ing hafi nú komið upp hvort reglu-
gerðin stangist á við lög. Lögreglan
hefur ákveðið í ljósi þessa úrskurðar
að taka framvegis til skoðunar hvert
það mál þar sem ökumaður er tek-
inn á innan við 50 km meiri hraða en
hámarkshraðinn er á viðkomandi
stað. Segir lögreglustjóri hvert mál
verða metið sjálfstætt meðan ekki
sé genginn efnisdómur um þessi at-
riði. Aðeins hafi verið úrskurðað í
málunum tveimur en ekki tekið á
lögfræðilegri hlið málsins.
„Við stöndum því frammi fyrir
bráðabirgðatíma meðan ekki liggur
fyrir efnislega hvemig dómarar
ætla að taka á þessum málum,“ seg-
ir Georg. Segir hann að hafni menn
bráðabirgðasviptingu verði aðstæð-
ur metnar, því ljóst sé af umferðar-
lögunum að svipta megi menn öku-
réttindum til bráðabirgða ef þeir
hafi sýnt af sér vítaverðan akstur.
Verði málin því metin út frá því. Sé
niðurstaðan sú að ekki verði svipt til
bráðabirgða segir hann viðkomandi
ökumenn verða ákærða samdægurs
og málin geti því gengið til efnis-
dóms.
Málið fer áfram
Varðandi mál ökumannsins, sem
sviptur var til bráðabirgða á föstu-
daginn var en sviptingin síðan ógilt
með úrskurðinum, sagði lögreglu-
stjóri að gefin yrði út ákæra í dag og
málið færi venjulega dómstólaleið.
Kvaðst hann vona að niðurstaða
fengist eftir stuttan tíma.
Þeir sem hafa verið sviptir öku-
leyfi að undanförnu vegna hlið-
stæðra mála verða hver og einn að
fara dómstólaleiðina til að fá úr-
skurð um hvort sviptingin verður
felld úr gildi.