Morgunblaðið - 06.09.1998, Síða 48

~*48 SUNNUDAGUR 6. SEPTEMBER 1998
MORGUNBLAÐIÐ
Dýraglens
l
i
Tommi og Jenni
Ljóska
Smáfólk
YOU DID IT A6AIN! YOl/
TOOK m COMIC 0OOK5
UUITWOUT ASKIN6 ME!
TC~
THE5EAKEMY
COMIC 30ÖK5,
ANDI DON'TWANT
Y0UT0UCHIN6THEM!
IF YOU DO IT A6AINJ M
60IN6 TO HIT YOU RI6HT
OVER THE HEAD'
I M 6LAD LUE
HAD THI5
DI5CU55ION..
^zr
mw,
Í'Um
Þú gerðir það aftur! Þú
tókst myndarsögubókina
mi'na án þess að spyrja mig!
Þetta eru mínar
myndasögubækur, og
ég vil ekki að þú
snertir þær!
Ef þú gerir það aftur þá slæ
ég þig á hausinn!
Ég er feginn að við
töluðum saman.
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Svar til
Eysteins
Jónassonar
Frá Grétari Einarssyni:
EYSTEINN Jónasson, formaður
sóknarnefndar Selfosskirkju, tók
áskorun minni frá 22. ágúst og
útskyrði afstöðu Selfosskirkju
varðandi tónlistarflutning í kirkj-
unni í Morgunblaðinu 28. ágúst.
Kann ég honum þakkir fyrir.
Það eru þó örfá atriði sem ég
vil koma hér á framfæri:
1. Eysteinn saknar þess að vita
ekki hver þáttur minn var í þessu
brúðkaupi. Ég var beðinn um að
gegna hlutverki organista og að
sjá um að flutningur tónlistar af
geisladiski gengi svo sem áætlað
var. Ég taldi við ritun greinar
minnar að hlutverk mitt í þessu
brúðkaupi kæmi málinu ekki við.
Leiðrétti ég það hér með.
2. Eysteinn segir í grein sinni:
„Þó gátu þau ekki látið það ógert
að hóta mér því að þetta færi sko í
fjölmiðlana ef það leystist ekki
samkvæmt þeirra (brúðhjónanna)
höfði. Og það tókst þeim svo sann-
arlega með aðstoð Stöðvar 2 og
Grétars." (innskot undirritaðs)
Ég hef engan áhuga á að gera
þetta mál að meira fjölmiðlaefni
en orðið er. Hins vegar var grein
Smára í Morgunblaðinu þess eðlis
að ég taldi að henni yrði að svara.
þar sem málið snyst um tónlistar-
flutning í Selfosskirkju og reglur
kirkjunnar þar um taldi ég eðli-
legt að óska eftir útskýringum á
þeim reglum frá forsvarsmönnum
hennar. Lít ég svo á að Smári Óla-
son hafi ekki síður og raunar mun
fremur átt þátt í því að gera þetta
mál að því sem það nú er orðið en
ég-
3. Það skal tekið fram að við
jarðarför þá er ég nefni í grein
minni að hafa verið viðstaddur í
Selfosskirkju var ekki verið að
jarða skyldmenni mitt heldur góð-
an vin og mann sem ég met mik-
ils. Lít ég á hann og hans fjöl-
skyldu sem eitt mitt nánasta og
besta vinafólk.
4. Ég trúi því að við jarðarfarir
sé hinn látni viðstaddur og því sé
tónlist sem við slíka athöfn er
flutt ekki síður fyrir hinn látna en
aðstandendur hans. Auk þess held
ég að tónlist við slíkar athafnir sé
oftar en ekki valin samkvæmt ósk
hins látna eða sem næst því sem
aðstandendur telja að hinn látni
hafi orðið sáttur við. Þarna erum
við Eysteinn ekki sammála.
5. Eysteinn vitnar í erlendan
söngteksta í grein sinni og vil ég
benda á að þessar ágætu línur
koma ekki fyrir í þeim lögum sem
flutt voru í brúðkaupinu. Get ég
verið honum sammála um að þær
tilfinningar sem þar koma fram
séu umdeilanlegar við giftingar-
athöfn. (Til frekari útskýringar
skal taka fram að lögin sem flutt
voru í umræddu brúðkaupi voru
útsett fyrir hljóðfæraleik án
söngs.)
6. Eysteinn vitnar í erlenda
handbók um helgisiði. Samkvæmt
upplýsingum mínum hefur þjóð-
kirkjan ekki sett neinar lögfastar
reglur um helgihald í kirkjunni
enda segir Eysteinn að hann hafi
bent brúðhjónunum á það það
væri algerlega í höndum þess
prests sem sæi um athöfnina hvað
honum fyndist tilhlýðilegt við sína
athöfn ...“ Hins vegar mun vera til
helgisiðabók frá því um 1980 sem
þjóðkirkjan notar. Hún mun frek-
ar vera leiðbeinandi en lögskip-
andi. I henni er ekki að finna
neinar ákveðnar reglur um tón-
listarflutning við brúðkaup. það
kann hins vegar að vera að Sel-
fosskirkja noti hina erlendu bók
sem sína helgisiðabók í stað rits
þjóðkirkjunnar og kannski er það
ástæðan fyrir því að Eysteinn
vitnar í hana en ekki bók þjóð-
kirkjunnar.
Að lokum þetta: Það var ekki
ætlun mín að valda neins konar
fjaðrafoki. Eftir stendur að Ey-
steini hefur ekki tekist að sann-
færa mig um að rétt sé að banna
flutning tónlistar af geisladiski í
Selfosskirkju og því stendur skoð-
un mín á því máli óbreytt. Ég sé
ekki nein rök sem styðja slíkt
bann í grein hans og tilvitnun í
hina erlendu helgisiðabók er ekki
nægur rökstuðningur þar sem sú
bók er ekki almennt notuð í kirkj-
um hér á landi svo sem áður
greinir.
Umræða um tónlistariðkun inn-
an kirkjunnar og því hvernig
helgihaldi hennar er háttað er
þörf og góð umræða og slík mál
hljóta alltaf að vera í endurskoðun
og fylgja breyttum tímum og
áherslum. Skoðanaskipti og um-
ræða um kirkjuna og hennar mál
er líka af hinu góða. Sú umræða
hefur of oft verið á neikvæðum
nótum og stundum að gefnu til-
efni, því miður. Um þetta held ég
að við Eysteinn séum sammála.
Ég þakka Eysteini fyrir skjót við-
brögð og ítarlega grein og óska
honum velfarnaðar í starfi sínu
sem formaður sóknarnefndar Sel-
fosskirkju sem og í öðrum störf-
um.
Læt ég þessa grein verða mín
síðustu orð um þetta mál.
Með vinsemd og virðingu.
GRÉTAR EINARSSON,
Heiðarbrún 20, Hveragerði.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.