Morgunblaðið - 15.10.1998, Blaðsíða 8

8 FIMMTUDAGUR 15. OKTÓBER 1998
MORGUNBLAÐIÐ
FRÉTTIR
Danskur gagnagrunnur unninn af Skýrr
NÆSTI hvutti takk.

Hundahreinsun
Davið mörgum gerði greiða
og góða reglu setti.
Að núna hundahreinsun verði
í Hæstarétti.
Sigfus Kristjánsson
Ekki sambærilegur við
íslenska grunninn
Kaupmannahöfn. Morgunblaðið.
„GAGNAGRUNNURINN, sem
Skýrr hefur tekið þátt í að vinna
með Kommunedata, er eingöngu
þjónustugrunnur fyrir dönsku
sjúkrahúsin,“ segir Hans Christian
Hojslet, aðstoðarframkvæmdastjóri
Kommunedata í Danmörku. Fyrir-
tækið er í eign Sambands sveitarfé-
laga í Danmörku og Sambands
dönsku amtanna og er þjónustufyr-
irtæki á sviði tölvuvinnslu. Hojslet
segir að Skýrr hafi tekið þátt í
þessu verkefni sem undirverktaki,
en verkefninu sé nú lokið. I Dan-
mörku er ekki til neinn gagna-
grunnur hliðstæður þeim, sem fyr-
irhugað er að setja upp á íslandi.
Meginmunur á þessum gagna-
grunni og fyrirhuguðum íslenskum
grunni er að hér er aðeins um upp-
lýsingar af sjúkrastofnunum að
ræða, en hvorki heilbrigðisupplýs-
ingar almennt, ættfræðiupplýsingar
né lífsýnaupplýsingar, sem eru
þrjár uppistöður í íslenska grunnin-
um og það sem gerir hann svo ein-
stakan.
Gagnagrunnurinn er miðlægur að
því leyti að í hann í safnað upplýs-
ingum frá sjúkrastofnunum í Dan-
mörku. Að sögn Hans Christian
Hojslets er efni grunnsins byggt á
upplýsingum um meðferð á sjúkra-
húsum. Sagt er frá aðdraganda inn-
lagnar, hvenær sjúklingur var lagð-
ur inn, meðferð og hvenær hann fór
heim, þannig að í raun er um að
ræða sjúkraskýrslu á rafvæddu
formi, því færsla í grunninn auð-
veldar sendingu upplýsinga milli
sjúkrastofnana. Upplýsingar um
hvern einstakan sjúkling eru aðeins
aðgengilegar þegar sjúklingur er
vistaður á sjúkrastofnun, annars
ekki. Þessu má líkja við að venju-
lega eru sjúkraskýrslur aðeins
teknar fram við slíkar aðstæður.
Þar sem Kommunedata hefur að-
eins séð um tæknilega hlið grunns-
ins hefur fyrirtækið engan aðgang
að sjálfum upplýsingunum, sem í
grunninum liggja. Að sögn Hpjslet
eru það hinar einstöku sjúkrastofn-
anir, sem hafa umsjón með aðgangi
hver á sínum stað. Venjulega er það
aðeins læknir sjúklingsins og hjúkr-
unarkona, sem hafa aðgang að upp-
lýsingunum, en oft einnig ritari
vegna færslna í grunninn. Aðgang-
urinn er mjög takmarkaður og
bundinn við upplýsingar um þá
sjúklinga, sem eru í meðferð hverju
sinni. Eins og aðrar heilbrigðisupp-
lýsingar í danska heilbrigðiskerfínu
eru upplýsingarnar geymdar undir
nafnnúmeri. Engir einstaklingar ut-
an viðkomandi stofnana hafa að-
gang að upplýsingunum og allar
reglur um aðgang eru unnar í sam-
vinnu við dönsku Tölvunefndina.
Spurningin um hvort hugsanlegt
væri að miðla eða selja upplýsingar
úr grunninum kom Hojslet á óvart.
Allt slíkt væri með öllu óhugsandi,
segir hann, enda grunnurinn hugs-
aður til að auðvelda starf á sjúkra-
húsum og meðferð sjúklinga. Upp-
lýsingunum væri ekki safnað í við-
skiptafræðilegum tilgangi.
Gagnagrunnurinn, sem
Kommunedata hefur gert tekur
ekki til allra danskra sjúkrahússað-
gerða, því nokkur dönsk ömt hafa
kosið að afhenda ekki upplýsingar
sjúkrastofnana sinna í gagnagrunn-
inn, heldur eingöngu í sjúklingaskrá
á vegum heilbrigðisráðuneytisins.
Grunnur Kommunedata er hluti af
grunni ráðuneytisins. Slóð
Kommunedata er www.kmd.dk og
þar er að finna upplýsingar um
verkefnið og aðra starfsemi
Kommunedata.
Félagsstofnun stúdenta 30 ára
Hátíðardagskrá
fyrir stúdenta
Rebekka Sigurðardóttir
Aþessu ári eru þrjátíu
ár liðin frá því Fé-
lagsstofnun stúdenta var
stofnuð. Af því tilefni hef-
ur ýmislegt verið gert á
árinu, búið að vígja nýjan
stúdentagarð og opna At-
vinnumiðstöðina. Þá eru
framundan nokkurra
vikna hátíðarhöld fyrir
stúdenta við Háskóla Is-
lands.
Rebekka Sigurðardótt-
ir er kynningarfulltrúi hjá
Félagsstofnun stúdenta.
„Hinn 1. júní árið 1968
var Félagsstofnun stúd-
enta formlega stofnuð
með lögum. Aðild að
henni eiga allir skrásettir
stúdentar við Háskóla Is-
lands, Háskólinn og
menntamálaráðuneytið.“
Rebekka segir að stofnunin sé
sjálfseignarstofnun með sjálf-
stæða fjárhagsábyrgð. „Starf-
semin skiptist í sex megindeild-
ir, Bóksölu stúdenta, Ferða-
skrifstofu stúdenta, Stúdenta-
garða, Kaffístofu stúdenta,
Leikskóla FS og Atvinnumið-
stöðina. Starfsmenn fyrirtækis-
ins eru 68 talsins.“
- Hvert er hlutverk Atvinnu-
miðstöðvarinnar?
„Hún hefur fyrst og fremst
með atvinnumál nemenda að
gera. Ýmsar námsmannahreyf-
ingar standa að henni og yfir
sumartímann er þar starfrækt
atvinnumiðlun. Þegar skólar
byrja á haustin mun starfsfólk
Atvinnumiðstöðvarinnar ein-
beita sér að miðlun hlutastarfa
og smærri verkefna. Þá er
einnig verið að stofna lokaverk-
efnabanka sem er mjög spenn-
andi nýjung hjá okkur.“
- Hvað er lokaverkefnabanki?
„Það er nýjung í íslensku at-
vinnulífi sem margir telja mjög
brýna. Hugusunin er sú að nem-
endur geti komið og skráð sig ef
þeir ætla að vinna lokaverkefni
á næstunni í tengslum við nám
sitt.
Atvinnurekendur sem hafa
óunnin verkefni og vilja fá fólk
með nýjar og ferskar hugmynd-
ir til að vinna fyrir sig geta látið
skrá sig í bankann og við reyn-
um síðan að stilla saman náms-
fólki og atvinnurekendum."
Rebekka segir að stuðst sé við
erlendar fyrirmyndir sem vel
hafi gefist og hún
segir að þessi loka-
verkefnabanki hljóti
að koma að góðum
notum.
„Það hlýtur að
vera hvetjandi fyrir
námsmenn að fá að
spreyta sig á raunverulegum
verkefnum og fyrir atvinnurek-
endur er þetta gott tækifæri til
að láta vinna fyrir sig óleyst
verkefni."
- Fleira sem búið er að gera á
afmælisárinu?
„Við vígðum nýjan stúdenta-
garð í ágúst síðastliðnum sem
heitir Skerjagarður. Hann er
tekinn í notkun í tveimur áfóng-
um og í ágúst var 41 einstak-
lingsíbúð tekin í notkun. Síðari
hlutinn verður síðan tekinn í
notkun eftir áramót en þá verða
alls á Skerjagarði 77 einstak-
lingsíbúðir.
- Eru þá engir biðlistar leng-
ur eftir húsnæði?
„Jú, við erum enn með marga
á biðlista og langt í land með að
búið sé að tæma biðlistana. Að-
sóknin hefur aukist ár frá ári og
►Rebekka Sigurðardóttir er
fædd í Reykjavík árið 1968.
Hún lauk BS-prófi í fjölmiðla-
fræði og almannatengslum frá
háskólanum í Virginíu í Banda-
ríkjunum árið 1993.
Rebekka starfaði tímabundið
sem upplýsingafulltrúi hjá
Kjarvalsstöðum en hóf störf
sem kynningarfulltrúi hjá Fé-
lagsstofnun stúdenta haustið
1993.
umsækjendur um húsnæði hafa
aldrei verið fleiri en í ár eða 666
talsins. A bakvið hverja umsókn
geta verið fleiri en einn náms-
maður þegar um fjölskyldu- eða
paraíbúð er að ræða.
Við höfum á hinn bóginn ein-
beitt okkur að því að reisa ein-
staklingsíbúðir því okkur hefur
tekist að stytta biðlista eftir fjöl-
skylduíbúðum töluvert. Ástand-
ið á leigumarkaðnum í Vestur-
bænum og Miðbænum er frekar
bágborið og leigan hefur hækk-
að mjög mikið á almennum
leigumarkaði."
-Framundan eru hátíðarhöld
fyrir nemendur Háskóla ís-
lands?
„Já, við ætlum að bjóða
skemmtidagskrá næstu fjögur
fimmtudagskvöld. Öll verða þau
á Sólon Islandus og við hefjum
dagskrána í kvöld, fimmtudag-
inn 15. október, með Megasukki.
Þar munu Megas og Súkkat
halda tónleika.
Eftir viku eða
fimmtudagskvöldið 22.
október verða Bítlam-
ir með spilaspuna og
29. október bjóðum við
upp á upplestur þar
sem hópur rithöfunda
les úr bókum sem
koma út fyrir jólin. Síðasta
kvöldið eða 5. nóvembr verður
svokallað leikhússport þar sem
leikarar spinna með aðstoð
áhorfenda."
Rebekka segir að lokaatburð-
urinn verði síðan 13. nóvember
en þá býður Félagsstofnun stúd-
enta nemendum á ball með Páli
Óskari og Casino.
-Endar afmælishátíðin með
þessu?
„Þetta er síðasti dagskrárlið-
urinn en við munum þó bjóða
ýmis afmælistilboð af og til út
árið. Fyrir skömmu bauð Ferða-
skrifstofa stúdenta handhöfum
ISIC skírteina upp á ferð til
Minneapolis á sérstöku tilboði,
við verðum með tilboð í kaffi-
stofunum í vetur og einnig verða
sérstök afmælistilboð í Bóksölu
stúdenta."
Lokaverkefna-
banki hjá
Atvinnumið-
stöðinni