Morgunblaðið - 20.01.1999, Blaðsíða 14

14 MIÐVIKUDAGUR 20. JANÚAR 1999
MORGUNBLAÐIÐ
Almenningssamgöngur í Eyjafírði
Nauðsynlegt
að prófa
LAGT er til í skýrslu um almenn-
ingssamgöngur í Eyjafírði sem út
kom í síðustu viku að eknar yi-ðu
þrjá leiðir, þ.e. frá Akureyri til
Ólafsfjarðar með viðkomu á þétt-
býlisstöðum, frá Akureyri að Krist-
nesi, Hrafnagili og Laugalandi og
loks frá Akureyri til Grenivíkur
með viðkomu á Svalbarðseyri og
Laufási. Áætlað er að kostnaður
verði á bilinu 34-37 miiljónir en
tekjur geti numið 20 til 35 milljón-
um eftir því hvaða forsendur menn
gefa sér varðandi fargjald og far-
þegafjölda.
Guðný Sverrisdóttir sveitarstjóri
í Grýtubakkahreppi sagði að hún
væri fylgjandi því að gera tilraun
með almenningssamgöngur í Eyja-
fírði. I sínum huga hefði stóra
spurningin snúist um kostnaðinn og
eftir því sem fram kæmi í skýrsl-
unni þyrfti hann ekki að vera svo
mikill. „Eg held að það væri tilraun-
arinnar virði að prófa þetta,“ sagði
Guðný en bætti við að tilraun af
þessu tagi þyrfti að standa í að
minnsta kosti fímm ár til að mark-
tækar niðurstöður kæmu fram.
Um 35 nemendur sem stunda
nám við framhaldsskóla á Akureyri
eiga lögheimili í hreppnum og sagði
Guðný að það gæti sparað þeim og
foreldrum þeirra verulegar upp-
hæðir gætu þeir áfram búið heima
en nýtt sér almenningsamgöngur í
ferðum sínum milli staða.
Bjarni Kristjánsson sveitarstjóri
í Eyjafjarðarsveit sagði að almenn-
ingssamgöngukerfi ættu erfítt upp-
dráttar og hefði hann efasemdir um
að slíkt kerfí nýttist íbúum sveitar-
félagsins. Margir íbúanna sækja at-
vinnu til Akureyrar en þeir væru á
ferð á afar misjöfnum tímum og
ekki víst að ferðir almenningsvagna
hentuðu öllum. Fyrir nokkrum ár-
um hefði sveitarfélagið gert tilraun
með akstur frá Akureyri að Hrafna-
gili, yfir að Laugalandi og til Akur-
eyi'ar að austanverðu, en henni
hætt þegar í ijós kom að hún skilaði
ekki því sem menn væntu. „Eg hef
því ekki mikla trú að að þetta muni
ganga nú frekar en þá,“ sagði
Bjarni.
Hálfdán Kristjánsson bæjarstjóri
í Ólafsfirði sagði að þjónusta af
þessu tagi yrði að vera til staðar í
töluverðan tíma svo fólk treysti því
að hægt yrði að ganga að henni
vísri. Að öðrum kosti myndi fólk
ekki nýta sér hana. „Eg get vel séð
fyrir mér að eldra fólk myndi nýta
sér slíkar almenningssamgöngur,
því þykir öruggt og þægilegt að
ferðast þannig fremur en að aka
sjálft milli staða hér í firðinum. En
það yrði að vera visst um að þjón-
ustan yrði til framtíðar, ella myndi
það ekki setja sig inn í áætlanir,“
sagði Hálfdán. Hann taldi að eftir
um tvö ár ætti að sjást hvort kerfið
myndi ganga. „Ég held að þetta sé
tilraunarinnar virði,“ sagði Hálfdán
og nefndi að ekki væri spurning að
ferðamenn myndu nýta sér það yfir
sumartímann.
Rögnvaldur Skíði Friðbjörnsson
bæjarstjóri á Dalvík sagði bæði
þarft og gott að prófa hvort gengi
að halda úti almenningssamgöngum
við Eyjafjörð, en vissulega yrði að
horfa í hver kostnaður yrði af slíku
kerfi. „Ég held að slíkar samgöngur
myndu styrkja svæðið,“ sagði
Rögnvaldur og bætti við að senni-
lega sæju foreldrar framhaldsskóla-
nema sér hag í þvi að þeir nýttu sér
slíkan kost. „Eg held að það sé
nauðsynlegt að prófa þetta og heilt
yfir finnst mér þetta spennandi."
Morgunblaðið/Kristján
Snjóþungi á Akureyri
Trjágróður sums
staðar að sligast
GÍFURLEGU snjómagni hefur
kyngt niður á Akureyri og
reyndar víðar á Norðurlandi síð-
ustu daga og er ekki séð fyrir
endann á þeim ósköpum. Oll til-
tæk snjómoksturstæki eru nýtt
við snjóhreinsun í bænum og
hafa þau vart undan.
Á Akureyri er mikill trjágróð-
ur sem ekki hefur farið varhluta
af snjókomunni. Mjög misjafnt er
hversu mikili snjór sest á trén,
sum þeirra eru nánast ber á
meðan önnur eru hreinlega að
sligast undan snjóþunganum. í
einhverjum tilfellum brotna
greinarnar á stórum trjám, á
meðan önnur tré skarta sínu feg-
ursta.
Árni Steinar Jóhannsson, um-
hverfísstjóri Akureyrarbæjar,
sagði ljóst að tré með einhverja
galla gætu farið illa. „En í flest-
um tilfellum ná trén að ryðja sig
og rétta sig af. Það eru margir
að beija snjó af tijánum en slíkt
þarf að gera af mikilli varkárni.“
Árni Steinar sagði þetta
ástand þó ekkert nýtt fyrir Akur-
eyringa og aðra Norðlendinga,
sem væru vanir snjóþungum
vetrum. Hins vegar yrði alltaf
nokkurt tjón á tijágróðri við slík-
ar aðstæður.
AKUREYRI
Snjóflóðið við Birkihlíð í Ljósavatnsskarði
Morgunblaðið/Kristján
SKEMMA sem stóð skammt frá íbúðarhúsinu í Birkihlíð splundraðist í snjóflóðinu en á myndinni sést
hluti af þaki hennar töluvert ueðan við bæinn.
Líklegt að Viðlaga-
sjóður bæti tjónið
FRIÐRIK Steingrímsson, bóndi í
Birkihlíð í Ljósavatnshreppi, sagði
enn alls óvíst hvort og þá hvenær
fjölskylda hans flytur í íbúðarhúsið
á bænum. Fjölskyldan flutti sig yf-
ir á næsta bæ eftir að snjóflóð féll
úr hlíðinni ofan við bæinn sl. laug-
ardag og hefur dvalið þar síðan.
Hann sagði líklegt að viðlagasjóður
bætti tjón af völdum flóðsins og þá
væri í athugun að ofanflóðasjóður
keypti íbúðarhúsið í Birkihlíð.
Jaðar snjóflóðsins hafnaði á
íbúðarhúsinu en olli litlum
skemmdum. Friðrik bóndi, kona
hans og tvö börn þeirra voru heima
er snjóflóðið féll en þau sluppu með
skrekkinn. Þrjár rúður brotnuðu í
húsinu og rigndi glerbrotum yfir
dóttur þeirra hjóna en hún slapp
með skrámur á höfði. Þá fór lítið af
snjó inn í húsið í látunum, að sögn
Friðriks.
Eins og komið hefur fram lentu
allar heyvinnuvélarnar á bænum
fyrir flóðinu, svo og tvær dráttar-
vélar og þá gjöreyðilagðist
skemma í flóðinu. Einnig urðu
skemmdh' á girðingum og þá telur
Friðrik líklegt að einhverjar
skemmdir hafi orðið á skógi vax-
inni hlíðinni þar sem flóðið fór yfir.
Framhaldið óljóst
Friðrik sagði flest benda til þess
að viðlagasjóður bætti tjónið sem
hann varð fyrir en það ætti þó eftir
að koma í ljós. Þá sagði Friðrik að í
skoðun væri sá möguleiki að ofan-
flóðasjóður keypti að minnsta kosti
íbúðarhúsið í Birkihlíð. „Við erum
að kynna okkur það mál en vitum
ekkert hvað verður og heldur ekki
hvert framhaldið verður hjá okkur.“
Friðrik sagði að aðrar bygging-
ar, sambyggð fjárhús og hlaða og
gamalt fjós sambyggt íbúðarhús-
inu, væru í sjálfu sér nýtanlegar
ótt ekki væri búið í íbúðarhúsinu.
gær var leiðindaveður í Ljósa-
vatnshreppnum, norðaustanátt og
snjókoma en Friðrik sagði að von
væri á manni frá tryggingarfélagi
sínu þegar birti upp aftur.
V instrihreyfingin
Grænt framboð
Kristín
kosin for-
maður
kjördæmis-
félagsins
KRISTÍN Sigfúsdóttir var
kjörin formaður kjördæmis-
félags Vinstrihreyfingarinn-
ar-grænt framboð á Norð-
urlandi eystra á stofnfundi fé-
lagsins sem haldinn var á
Akureyri á sunnudag. Þrátt
fyrir mikla ófærð í kjördæm-
inu mættu um 60 manns á
fundinn, en gestur var Kristín
Halldórsdóttir, þingmaður
Reyknesinga.
Auk Kristínar eru í stjórn
kjördæmisfélagsins þau Her-
mann Jóhannsson, Húsavík,
Dagbjört Hrönn Jónsdóttir,
Svarfaðardal, Steinar Harð-
arson, Þórshöfn, Þrúður Rós-
bergsdóttir, Olafsfirði, og
Stefán Leifur Rögnvaldsson,
Öxarfii’ði.
Vinna að hefjast við
uppstillingu á lista
Stjórn kjördæmisfélagsins
mun nú þegar hefja vinnu við
gerð tillagna um uppstillingu
lista Vinstrihreyfingarinn-
ar-græns framboðs á Norð-
urlandi eystra.
i
Morgunblaðið/Kristján
Nýir snjó-
blásarar
í notkun
UMDÆMI Flugmálastjómar á
Norðurlandi hefur fengið afhenta
tvo snjóblásara til notkunar á
Akureyrarflugvelli og á flugvellin-
um í Siglufirði. Snjóblásararnir
sem eru hinir öflugustu, eru keypt-
ir notaðir af fyrirtækinu Besta ehf.
Þeir eru hvor um sig um 20 tonn að
þyngd, með 550 hestafla aflvélum
og afkasta um 3.500 tonnum af snjó
á klukkustund.
Tækin eru knúin áfram af sjálf-
stæðu vélarafli og keyra eins og
bfll. Þau eru með stýri á öllum lijól-
um sem auðveldar mjög vinnslu á
þröngum svæðum, eins og í kring-
um brautarljós.
I lok þessa mánaðar verða af-
hentir 3 fullkomnustu sanddreifar-
ar sem fluttir hafa verið til lands-
ins.
Á myndinni er verið að nota ann-
an af nýju snjóblásurunum á flug-
brautinni á Akureyri.
Ijón á hafnargarð-
inum í Ólafsfirði
HðBttft R
að höfnin
lokist
TÖLUVERT tjón varð á_ ysta
hluta hafnargarðsins í Ólafs-
firði, Norðurgarðinum, í óveðr-
inu um síðustu helgi.
Hálfdán Kristjánsson bæjar-
stjóri í Ólafsfirði sagði að um 25
sentímetra rifa hefði komið á
Norðurgarðinn og keri var
sökkt þar niður og þekja steypt
ofan á það. Þekjan hefur nú
brotnað og sagði Hálfdán að lít-
ið þyrfti til að kerið losnaði frá
og gæti það þá lokað hafnar-
garðinum.
Á morgun, fimmtudag, er
von á mönnum frá Siglinga-
stofnun, en þeir munu skoða
aðstæður og meta hversu alvar-
leg hætta getur verið á ferðum.