Morgunblaðið - 20.01.1999, Blaðsíða 21

MORGUNB LAÐIÐ
MIÐVIKUDAGUR 20. JANÚAR 1999 21
LISTIR
Sex gestir frá
meginlandinu
MYNDLIST
IV vl istasafnið,
Vatnsstíg 3b
BLÖNDUÐ TÆKNI
Til 81. janúar. Opið alla daga nema
mánudaga kl. 14-18.
Aðgangur ókeypis.
NORÐURLEIÐ - Suðurleið er
sýning 6 listamanna, sem koma frá
Stuttgart, Köln og Lille, nyrst í
Frakklandi. „Nord-Sud-Fahrt“ kom
fyrst saman 1995, í Hamborg, og ári
síðar í Oberhausen, en nafngiftina
„Norðurleið - Suðurleið“ fengu þau
Ulrich Durrenfeld, Joachim
Fleischer, Ulrike Geitel og Erwin
Herbst frá stræti nokkru í Köln.
Líkt og heiti hópsins er list fjór-
menninganna hógværðin uppmáluð.
Sjálfir skilgreina þeir hana sem lát-
lausar og lágværar tilraunir til að
þróa fram skynræn afbrigði - og efn-
istök - af þekktum aðferðum í sam-
tímalist.
Fjórmenningarnh- dvöldu í Lista-
miðstöðinni í Straumi frá 9. desem-
ber, og buðu með sér til Islandsfar-
arinnar tveim öðrum listamönnum;
hljóð- og tónlistarmanninum Ralf
Werner, frá Köln, og franska ljós-
myndaranum Dominique Evrard, en
hann hefur einnig lagt stund á kvik-
myndun og myndbandalist. Til farar-
innar og dvalarinnai’ var hópurinn
styrktur af ýmsum opinberum sjóð-
um og einkafyrirtækjum.
Eins og áður sagði er list sex-
menninganna á hógværu nótunum,
eins konar smáyfirlýsingar eins og
franski heimspekingurinn Lyotard
kallaði hugmyndir þær sem fylgt
höfðu í kjölfar risaþjóðsagnanna;
pólitísku hugmyndakerfanna frá
öndverðri öldinni. Þetta er undir-
strikað með tilvitnun í Guy Debord,
hugmyndafræðing frönsku sítúa-
sjónistanna svokölluðu, um nauðsyn
þess að menn hámarki gæði hinnar
hversdagslegu tilveru.
Svo hlédrægir eru sexmenning-
arnir að Ulrike Geitel, konan í hópn-
um, vill jafnvel ekki láta sín getið á
upplýsingamiðunum sem fylgja
verkunum. Verk hennar eru svo ein-
fóld og látlaus að hægt er að ímynda
sér að þau væi-u endurunnin úr
fundnu drasli. Þannig er, svo dæmi
sé tekið, syrpa hennar af íslensku
hrossi, sett fram í plastpokum með
netahringjum og öðru dóti. Eins
stillir hún upp prentmyndum og
smágerðum þrístæðum málverkum -
triptyque - hér og hvar um sali
safnsins.
Félagarnh' hennar eru snöggtum
meira áberandi. Joachim Fleischer
staðsetur til dæmis tvö „kon-
strúktívísk" hreyfiverk í forsalnum
og lætur ijósaperur á hreyfanlegum
öxulörmum varpa heillandi skugga-
myndum á vegginn aftan við verkin.
111
-—
FRÁ sýningunni „Norðurleið - Suðurleið" í sölum Nýlistasafnsins.
Þá er skipan Erwin Herbst í gryfj-
unni, þar sem hann hefur sett upp
skóg af hangandi, láréttum járntein-
um, einstaklega hugvitssamleg smíð,
því ganga gegnum þennan reglulega
skóg framkallar margi-adda
klukknaspil þegar stangirnar rekast
saman.
Félagi hans, Ulrich Durrenfeld, er
einnig sérþróað afsprengi módern-
ismans. Málverk hans á endavegg
bjartasalar er tilbrigði um
geometríska abstraksjón milli-
stríðsáranna, og kubbar hans í
SÚM-salnum taka mið af raðkenndri
naumhyggju 7. áratugarins. Reynd-
ar er hann einnig höfundur mynd-
bands í svartasalnum svonefnda,
hvai- þemað snýst um puttaferða-
langa og biðstöð þar sem hvorki
gengur né rekur; að öllum líkindum
daglega upplifun listamannanna
meðan á dvölinni stóð í Straumi.
Þannig má líta á myndband DuiTen-
feld sem raunsætt viðkvæði við heiti
sýningarinnar; „Norðurleið - Suður-
leið“.
Annað eftirtektarvert verk,
sprottið úr íslenskum veruleik, er
hvít efnisbitahrúga spm hylur litinn
hátalara í bjartasal. Úr honum kveð-
ur við messubrot með tilheyrandi
postullegri kveðju, tónandi presti og
sálmasöng. Þennan skondna
helgiskúlptúr má skoða sem skilget-
ið afkvæmi Við dulinn hávaða,
hristiperlu Frakkans Marcels
Duchamp frá 1916.
Fyrh' hinn almenna gest er þó trú-
lega einna mestur fengur í allsér-
stæðum ljósmyndum Dominique
Evrard af óvenjulegum, íslenskum
sjónarhomum. Það er stundum erfitt
að ímynda sér að þessar látlausu, lit-
lausu myndir séu teknar hér á landi,
svo sérstæðum stöðum og kringum-
stæðum veitir listamaðurinn athygli.
Sum yi'kisefnin eru beinlínis súrr-
ealísk í stundai-- og staðleysi sínu.
Þau gætu eins verið frá Spáni eða
Norður-Afríku. Ef til vill þarf glöggt
gestsauga til að finna mótífin sem
okkur yfirsjást. Þessi og margir aðr-
ir óvæntir vinklar sem leynast á sýn-
ingu sexmenninganna í Nýlistasafn-
inu eru heimsóknarinnar virði.
Haildór Björn Runólfsson
206 XR Staðalbúnaður ma.:
• iioo cc vél • 5 gíra • Vökva- og veltistýri • 4 höfuðpúðar
• Þvottasprautur á aðalljósum • Líknarbelgur fyrir bílstjóra
• Hiti í sætum • Frjókornasía • Upplýst farangursrými
• Litað gler • Þriðja bremsuljósið í afturhlera • Niðurfellanleg
aftursæti 40/60 • Hæðarstillanleg aðalljós o.fl.
Ljón með gullið stýri
Peugeot 206 er verðlaunabíll sem hlaut Gullna
stýrið í sínum flokki og sigraði alla keppinautana
í útliti, verði, notendavænleika, vélarafli,
aksturseiginleikum og öryggi.
Þessi boðberi nýrrar aldar í bílahönnun er á frábæru
verði og tilbúinn í reynsluakstur með þér.
206 XR Présence Staðalbúnaður umfram 206 XR:
• 1400 cc vél • Rafdrifnar rúður að framan • Fjarstýrðar
samlæsingar • Útvarp og segulband fjarstýrt úr stýri
• Barnalæsingar á afturhurðum • Samlitir stuðarar
PEUGEOT
Ljón 4 veginml