Morgunblaðið - 27.02.1999, Síða 6

6 LAUGARDAGUR 27. FEBRÚAR 1999
MORGUNBLAÐIÐ
FRÉTTIR
Sundabraut telur nauðsynlegt að skoða svokallaða Landmótunarleið
Heimild/V egagerðin
í HUGMYNDUM um svokallaða „Landmótunarleið" yrði Sundabrautarbrúin yfir Kleppsvíkina og Leiruvoginn stytt með því að auka landfyílingu
og jarðgöng yrðu gerð í gegnum Gufuneshöfða. Svokölluð Ósbraut myndi liggja frá Höfðabakka um Artúnshöfða yfir Elliðaárvoginn um Geirsnef
og að Sundabrautinni í Vogahverfinu. Á þessari tölvumynd er búið að gera ráð yfir landfyllingunni, íbúðabyggðin í Bryggjuhverfi hefur verið
stækkuð, smábátahöfnin færð að henni og afgreiðsla Sementsverksmiðjunnar, Björgun hf. og Malbikunarstöðin Höfði lif. flutt út á Gufunes, sunn-
an Áburðarverksmiðjunnar, en þessi fyrirtæki þurfa á hafnaraðstöðu að halda.
Vinnuhópur um
íbúða-
byggð við
Leiruvog
myndi
stækka
KOMIÐ hefur fram ný hugmynd hjá
vinnuhópnum um Sundabraut sem
byggist á róttækum breytingum á
landnotkun á svæðinu innan við leið
III og hefur hún fengið vinnuheitið
„Landmótunarleið". Vinnuhópurinn
telur nauðsynlegt að skoða þá spam-
aðarmöguleika sem felast í því að
stytta Sundabrautarbrúna yfir
líleppsvíkina og Leiruvoginn, auka
landfyllingu og leggja nýjan veg og
byggja brú úr Ártúnshöfða yfir í Vog-
ana. Verði þessi leið valin er unnt að
fjölga íbúðarbyggingum í Bryggju-
hverfi sunnan Leiruvogs talsvert.
Þetta kemur fram í blaðinu Fram-
kvæmdafréttir Vegagerðarinnar.
í skýrslu vinnuhópsins kemur
fram að Landmótunarleiðin sé mjög
ódýr í samanburði við aðrar lausnir
og kosti fullgerð með fjórum akrein-
um og öllum gatnamótum við Sæ-
braut og Hallsveg um 5 milljarða
króna án kostnaðar eða tekna við
landmótun og landvinninga. Aðeins
þær lausnir á leið III sem geri ekki
ráð fyrir jarðgöngum í gegnum
Gufuneshöfðann séu ódýrari en þær
gera ráð fyrir að vegurinn fari utan
við höfðann eða í skeringum utan í
honum.
Ef Landmótunarleiðin verður far-
in verður fyllt mun meira upp en áð-
ur var ætlað, þannig að fyllingarnar í
Elliðaárvoginum teygi sig í átt að
Gufunesinu. Svokölluð Ósbraut
myndi liggja frá Höfðabakka um Ár-
túnshöfða, yfir Elliðaárvoginn um
Geirsnef og að Sundabrautinni í
Vogahverfinu. Elliðaárnar yrðu
leiddar út úr fyllingunum undir sér-
stakri brú á Sundabraut, þannig að
ós þeirra breyttist ekki að ráði.
Hafnarstarfseminni innan þverunar-
innai- yrði breytt verulega þannig að
ekki yrði þörf á miklum siglingum
með iðnvaming inn fyrir Sunda-
braut. Með því móti mætti lækka
brúna í 12 metra. Siglingarrennan
yrði færð nær Gufuneshöfða en þar
færi Sundabraut í gegn í göngum.
Þijú fyrirtæki þyrftu
að flytja starfsemi sína
Ef Landmótunarleiðin verður valin
verður smábátahöfnin flutt og kæmi
sem framlenging af svokölluðu
„Bryggjuhverfi," sem um leið gæti
stækkað talsvert. Byggingafram-
kvæmdir eru einmitt að hefjast í því
hverfi um þessar mundir. Á þessu
svæði eru nú meðal annars afgreiðsla
Sementsverksmiðjunar, Björgun hf.
og Malbikunarstöðin Höfði hf., sem
ÖU þurfa hafnaraðstöðu. Þau yrðu að
flytja starfsemi sína eitthvað annað
t.d. út í Gufunes, sunnan við Áburð-
arverksmiðjuna. Sementstankamir
tveir, sem eru mikil mannvirki, yrðu
m.a. fjarlægðir. Þess ber að geta að
þessi hugmynd er á framstigi og hef-
ur því ekki verið rædd formlega við
þessi fyrirtæki, að sögn Jónasar
Snæbjömssonar, sem á sæti í vinnu-
hópnum. Ef Landmótunarleiðin yrði
valin gæti útivistarsvæði í Elliðaár-
vogi stækkað og skapast gæti rými
fyrir töluverða íbúðarbyggð.
í Framkvæmdafréttum kemur
fram að þótt Sundabraut með fjórum
akreinum verði mikil samgöngubót
sé líklegt að umferð aukist svo á
þessari leið að aðliggjandi gatnakerfi
anni ekki viðbótinni. Þá hefur verið
bént á þann framtíðarmöguleika að
gera 4 km jarðgöng frá gatnamótum
Sundabrautar og Hallsvegar í Graf-
arvogshverfi að gatnamótum Sunda-
brautar og Ki-inglumýrarbrautar
vestan við Laugamesið.
Samgönguráðherra á borgarafundi á Siglufírði
Gangagerð til Olafsfjarðar
hefjist innan þriggja ára
Hagkvæmasti kost-
urinn miðað við til-
kostnað og ávinning
Siglufírði. Morgunblaðið.
HALLDÓR Blöndal, samgönguráð-
hema, sagði á fjölmennum borgara-
fundi á Siglufirði á fimmtudag að sín
persónulega skoðun væri sú að miða
ætti við að hefja framkvæmdir við
göng milli Siglufjarðar og Ólafsfjarð-
ar innan þriggja ára. Gangagerð
væri forsenda þess að Siglufjörður
tilheyrði Norðurlandskjördæmi
eystra eftir kjördæmabreytingu eins
og áformað er.
Ráðherrann sagðist taka undir
það með Halldóri Ásgrímssyni, for-
manni Framsóknarflokksins, að eftir
kosningar væri tímabært að gera
sérstaka áætlun um stórfram-
kvæmdir í vegamálum enda rúmuð-
ust þær ekki innan vegaáætlunar.
Halldór Blöndal sagði að hann
teldi að næstu þrjú ár ætti að nota í
umhverfismat og undirbúningsvinnu
vegna gangagerðarinnar. Vegagerð-
in þyrfti a.m.k. tvö og hálft til þrjú ár
til undirbúnings áður en fram-
kvæmdir gætu hafist.
Halldór tíndi tii kosti þess að
tengja Siglufjörð og Ólafsfjörð. Auk
þeirrar samgöngubótar sem um yrði
að ræða, fylgdu auknir möguleikar í
ferðaþjónustu, betri aðgangur Sigl-
firðinga að heilbrigðisþjónustu, bætt
skilyrði til ýmiskonar smáiðnaðar,
auk þess sem Siglufjörður yrði
ásamt Akureyri önnur tveggja vöra-
hafna á Eyjafjarðarsvæðinu.
Fullt var út úr dyrum á borgara-
fundinum, sem Halldór og Hjálmai-
Jónsson, alþingismaður héldu á
Hótel Læk. Margir fundarmenn
lýstu því yfir að bættar samgöngur
væra lífsspursmál fyrir Siglufjörð.
Aðrir töldu þessar umræður vott um
að kosningar væra í nánd en Halldór
sagði að gangagerðin hefði lengi ver-
ið sitt hjartans mál. Þótt svo hittist á
að kosningar væru í nánd hefði það
ekkert með málið að gera enda yrðu
engar ákvarðanir teknar fyrr en eftir
kosningar.
Óbundnir af samningum
í hliðarherbergjum
Hann sagði að á sínum tíma hefðu
verið gerðir munnlegir samningar í
hliðarherbergjum á Alþingi um að
næstu göng á eftir Vestfjarðagöng-
um yrðu gerð á Austfjörðum. Hann
sagði að ráðamenn litu svo á í dag að
hendur þeirra væra ekki bundnar af
slíku samkomulagi.
Halldór sagði að ef gert væri ráð
fyrir að þær 700 milljónir, sem lagð-
ar hafa verið til hliðar og eyma-
merktar framkvæmdum á Lágheiði,
yrðu settar í jarðgangagerðina vant-
aði enn um 3 milljarða til að fjár-
magna framkvæmdirnar en sagðist
vOja forðast að gefa dýrar yfirlýsing-
ar um málið fyrir kosningar.
Helgi Hallgrímsson, vegamála-
stjóri, sem einnig var gestur á fund-
inum, og mætti ásamt ráðherra á
bæjarstjómarfund á Siglufirði á
fimmtudag, sagði að þrjár leiðir
kæmu til greina fyrii- jarðgöng, tvær
leiðir í Héðinsfirði, sem kosta 3-4
milljarða, og sú þriðja um Fljót, en
hún kostar 5,5 milljarða. Vænlegast
er talið að gera um það bil 10 km
löng göng, svokallaða innri leið, í
Héðinsfirði. Sú leið er snjóléttust og
öraggust hvað varðar snjóflóða-
hættu. Þar yrðu göngin í um 100
metra hæð og væri þá um 20 km veg
að fara landleið milli Ólafsfjarðar og
Siglufjarðar og lægju göng úr
Skeggjabrekkudal Ólafsfjarðarmeg-
in inn að Hatni í Héðinsfírði og í
Skútudal. Nú er um 240 km akstur
milli Ólafsfjarðar og Siglufjarðar 9
mánuði ársins en að sumarlagi er
fært yfir fjallveginn um Lágheiði og
er þá um 70 km akstur á milli þess-
ara nágrannabyggðarlaga, sem orðin
eru sameiginlegt atvinnusvæði eftir
sameiningu fyrirtækja í bæjunum
tveimur.
Margir fundarmenn vildu að haf-
ist yrði þegar handa við undirbún-
ingsvinnu vegna gangagerðar en
vegamálastjóri sagði að það gæti
ekki orðið fyrr en ákvörðun lægi
fyrir enda mætti gera ráð fyrir 100-
150 milljóna króna undirbúnings-
kostnaði.
HALLDÓR Blöndal samgöngu-
ráðherra segist telja að göng
milli Siglufjarðar og Ólafsfjarðar
séu þau göng úti á landi sem
mest hagkvæmni sé að ráðast í
miðað við tilkostnað og þann
ávinning sem þeim fylgdi, að-
spurður hvort hagkvæmni eigi
að ráða forgangsröðun í jarð-
gangagerð. Hann sagðist jafn-
framt telja nauðsyniegt að Vega-
gerðin gengi nú í að gera áætlun
yfir þau jarðgöng sem skynsam-
legt væri að ráðast í.
í Morgunblaðinu í gær kemur
fram að nokkuð breið samstaða
virðist vera að myndast á Aust-
urlandi um að jarðgöng milli
Reyðai’fjarðar og Fáskrúðsfjarð-
ar verði fyrsti kostur í ganga-
gerð í íjórðungnum, en göngin
séu með allra hagkvæmustu
framkvæmdum á þessu sviði hér
á landi.
„Það hefur lengi verið rætt
um hvar skynsamlegt sé að gera
jarðgöng á Austurlandi og hafa
skoðanir verið að breytast. Nú
virðist mest fylgi við að jarð-
göngin séu annaðhvort milli
Neskaupstaðar og Eskifjarðar
eða Reyðarljarðar og Frá-
skrúðsfjarðar. Ef síðari kostur-
inn yrði fyrir valinu er eðlilegt
að hætta vegaframkvæmdum við
Reyðarfjörð og Eskifjörð og yfir
Breiðdalsheiði, en meiri þrýst-
ingur kæmi á fullkominn veg yf-
ir Öxl til að stytta leiðina á milli
Djúpavogs og Egilsstaða,“ sagði
Halldór í samtali við Morgun-
blaðið.
Engin formúla til
fyrir arðsemi
„Það hefur ekki verið reynt að
meta hvar mest arðsemi yrði af
gangagerð, enda engin formúla
til,“ sagði liann ennfremur að-
spurður. „Með göngunum eystra
er auðvitað verið að þétta
byggðina og treysta búsetu á
Stöðvarfirði og jafnvel Breið-
dalsvík. Ef horft er norður til
Ólafsfjarðar og Siglufjarðar
verður að hafa það í huga að
mjög náin samvinna er milli
þessara staða þó að 240 kíló-
metra vegur sé á milli þeirra
meirihluta ársins. Með göngum
dytti sú vegalengd niður í 15
kílómetra. Slík göng hafa því al-
gjöra sérstöðu og er auðvelt að
sýna frain á margvíslegt hag-
ræði sem byggðirnar hefðu af
þeim og þjóðhagslegan sparnað
sem þeim fylgdi,“ sagði Halldór
einnig.